2 ᑯᕆᓐᑎᔭᓇ 4:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒥᒐᑥᐤ ᓂᓇᐧᑯᐤ ᓂᑦ ᐃᓯ ᒥᔅᑎ ᐊᔨᒥᐅᓇᓐ᙮ ᒥᒄ ᒪᒃ ᓇᒪ ᓇᔅᒡ ᓂ ᒥᑯᔅᑲᑎᔅᑲᑯᓇᓐ ᑕᓐ ᐊ ᐃᓯ ᓂᒋᔅᑭᒪᒡ᙮ ᓇᓂᑯᑎᓂᔾ ᓂ ᐛᐛᓇᔨᑕᓇᓐ ᒥᒄ ᒪᒃ ᓇᒪ ᐎ ᓂᑕ ᓇᔅᒡ ᒐᒋ ᐛᐛᓇᔨᑎᒪᒡ᙮

2 ᑯᕆᓐᑎᔭᓇ 4:8 Iomraidhean Croise

ᑎᐱᑦ ᐅᓂᑭᒧᐅᓇ 129:2

ᒥᒐᑥᐤ ᓂᒋ ᐊᔨᒥᐃᑯᒡ ᑲ ᐸᒋ ᐅᔅᒋᓂᒋᐅᔭᓐ; ᐃᔭᐱᒡ ᒪᒃ ᓇᒪᐎᔾ ᓂᒋ ᓴᐧᑯᒋᐃᑯᐅᒡ᙮

ᑎᐱᑦ ᐅᓂᑭᒧᐅᓇ 37:33

ᑎᐸᔨᒋᒐᓱᐤ ᓇᒪᐎᔾ ᒋᑭ ᓇᑭᑕᐤ ᐅᑎᒋᒡ, ᓇᒪ ᑭᔭ ᒋᑭ ᓂᓱᐅᓇᒋᒪᐤ ᐊ ᑎᐸᔅᑯᓇᑭᓄᔨᒋ᙮

ᒠᓐ 14:18

“ᓇᒪ ᓇᐅᔅ ᒋᑭ ᐅᒋ ᓂᑭᑎᑎᓇᐛᐤ ᐅᑕ ᐊᔅᒋᒡ᙮ ᒥᓐ ᒋᑭ ᐸᒋ ᓂᑐᐛᐱᒥᑎᓇᐛᐤ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

2 ᑯᕆᓐᑎᔭᓇ 12:10

ᐊᐅᑯᓐ ᑭᔭ ᐛᒋ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ᓯᒋᔭᓯᓐ ᐅ ᐊ ᐃᓯ ᐊᔨᒥᐅᔭᓐ ᐛᔅ ᐊᑯᑕ ᐛᒋ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ᓱᒐᔨᑕᑯᓯᔭᓐ᙮

2 ᑯᕆᓐᑎᔭᓇ 6:12

ᓇᒪ ᓇᔅᒡ ᑎᑯᓐ ᐊ ᐃᓯ ᓇᑲᐎᔭᒡ ᒐᒋ ᐛᐸᑎᔨᑕᒡ ᑭᔭ ᒐᒋ ᐎᑎᒪᑕᒡ ᑕᓐ ᐊᔅᐱᔅ ᓴᒋᐃᑕᒡ᙮ ᒋᔨᐛᐤ ᒪᒃ ᐎ, ᒧᔭᒻ ᐊ ᑎᒂᒡ ᑕᓐ ᐊ ᐃᓯ ᓂᑲᐎᔭᒄ ᒋᑦ ᐃᑕᔨᑕᑯᓯᓇᐛᐤ᙮

2 ᑯᕆᓐᑎᔭᓇ 6:4

ᒥᒄ ᑕᓐ ᐊ ᐃᑐᐛᒐ ᓱᒃ ᓂ ᐎ ᓂᔅᑐᓇᑯᐃᓱᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ᙮ ᓱᒃ ᓂᓯᐱᔪᐛᓯᔅᑕᓇᓐ ᑕᓐ ᐊ ᐃᓯ ᐊᔨᒥᐅᔭᒡ᙮ ᓂ ᓂᓇᐧᑲᑕᔨᒧᐃᑯᐅᓇᓐ᙮ ᓂ ᓂᓇᐧᑲᒋᐃᑯᐅᓇᓐ᙮

2 ᑯᕆᓐᑎᔭᓇ 7:5

ᐛᔅ ᐃᔅᐱ ᑲ ᑎᑯᓯᓂᔭᒡ, ᐊᓐᑕ ᐊᓐ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᓂᔅᑎᒻ ᑲ ᑕᔭᒡ ᓇᒪ ᐛᐛᒡ ᓂ ᐅᒋ ᐊᔅᑕᔭᔅᑯᓯᓇᓐ᙮ ᓇᔅᒡ ᑕᑈ ᓂᓇᐧᑯᐤ ᒋ ᐃᓯ ᐛᐅᔅᑕᐱᔪᐤ᙮ ᒋ ᑕᐅᒡ ᐊᓐᒡ ᐊ ᒥᒋᐱᔨᒥᒡ᙮ ᓂᒋ ᐎ ᓴᒋᓯᓇᓐ ᒪᒃ᙮

ᑲᓚᓯᔭᓇ 4:20

ᑕᑈ ᓂᐸ ᒥᔽᔨᑕᓐ ᓂᑐᐛᐱᒥᑎᑯᒡ ᐃᔭᒡ ᒐᒋ ᐃᑎᑕᑯᓯᔭᓐ ᐊ ᐃᔨᒥᐃᑎᑯᒡ᙮ ᐛᔅ ᓂ ᒥᑯᔅᑲᑕᔨᑕᓐ ᐊ ᒪᒥᑐᓇᔨᒥᑎᑯᒡ᙮