2 ᑯᕆᓐᑎᔭᓇ 3:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓱᐅᓇᒋᒥᑯᒡ ᐊᐛᓐᒋ ᐎᓱᐛᐅᓂᔪᐤ᙮ ᒧᔭᒻ ᒪᒃ ᐃᔭᐱᒡ ᐊᔪᐛᒃ ᑲ ᓄᑯᓂᒂ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᑲ ᒥᔨᐛᓄᐅᒡ ᐊᓐ ᐎᓱᐛᐅᓐ ᑕᓐ ᐊᑐᐎᔅ ᒐ ᐃᔅᐱᔅ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓐ ᓂᔅᑯᒧᐅᓐ ᐊᓐᑕ ᐛᒋ ᑯᐃᔅᑯᓇᑯᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐃᔅ ᐊ ᑕᔨᒋ᙮

2 ᑯᕆᓐᑎᔭᓇ 3:9 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:11

ᐸᑎᒪ ᒋ ᒋᔅᒋᓄᐛᒋᔄᑭᓄᐤ᙮ ᐊᓂᔭ ᒪᒃ ᐊᒋ ᒋᔅᒋᓄᐛᒋᔄᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑕᑯᑕᑭᓄᐎᒡ ᐊ ᑕᑈᔭᔨᒪᑦ ᒋᓴᒪᓂᑐᐛ, ᓴᔅ ᑯᐃᔅᑯᑕᑎᓯᐅᓂᒡ ᐊᒋ ᐃᓯ ᑭᓄᐛᐱᒥᑯᑯᐱᓇ ᒋᓴᒪᓂᑐᐛ᙮ ᓴᔅ ᑯᐃᔅᑯᑕᑎᓯᐅᓂᒡ ᒋ ᐃᓯ ᑭᓄᐛᐱᒥᑯᑯᐱᓇ ᐊᔅᒄ ᐊᑲ ᐛᐛᒡ ᐅᒋ ᒋᔅᒋᓄᐛᒋᔄᑭᓄᐅᑦ᙮ ᐊᑯ ᒪᒃ ᐊ ᐊᑎ ᐃᓯᓇᑯᓯᑦ ᐊ ᐅᑕᐎᒪᐅᑐᑕᑯᑦ ᒥᓯᐛ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᒪᓂᑐᐛ, ᐊᓂᔭᔪᐛ ᑯᐃᔅᑯᑕᑎᓯᐅᓂᒡ ᑲ ᐃᓯ ᑭᓄᐛᐱᒥᑯᔨᒋ ᒋᓴᒪᓂᑐᐛ, ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᔨᒋ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

1 ᑯᕆᓐᑎᔭᓇ 15:41

ᑎᑯᓂᔪᐤ ᐊ ᐃᓯ ᒥᔽᔅᑐᐛᑦ ᐱᓯᒻ᙮ ᑎᐱᔅᑲᐤ ᐱᓯᒻ ᑭᔭ ᑎᑯᓂᔪᐤ ᐊ ᐃᓯ ᒥᔽᔅᑐᐛᑦ᙮ ᑭᔭ ᐅᒐᑭᑕᐧᑯᒡ ᑎᑯᓂᔪᐤ ᐊ ᐃᓯ ᒥᔽᔅᑐᐛᒡ᙮ ᐊᓐᒡ ᐅᒐᑭᑕᐧᑯᒡ ᓂᓇᐧᑯᐤ ᐃᓯᓇᑯᓂᔪᐤ ᐊ ᐃᓯ ᒥᔽᔅᑐᐛᒡ᙮

2 ᑯᕆᓐᑎᔭᓇ 3:8

ᓇᒪᐎᔾ ᐊ ᐊᑐᐎᔅ ᒋᔅᑕᔨᑕᑯᓐ ᐊᓐ ᐊᔭᒥᐊᐤ ᐊᑐᔅᒐᐅᓐ ᑲ ᐸᔭᒋᓯᑦ ᐊᒐᐧᒄ ᐊ ᑕᑦ ᑲ ᐅᒋᐱᔨᒡ ?

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑲᓚᓯᔭᓇ 3:10

ᐊᔪᐛᒡ ᒪᒃ ᐃᔭᒡ ᐃᔅᐱᔪᒡ ᐊᓐᒡ ᑲ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᐊ ᐃᑕᔨᑕᒡ ᐊᑯᑕ ᐅᑯᐃᔅᑯᑕᑎᓯᐅᒡ ᒐᒋ ᐅᒋ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ᙮ ᒋᑭ ᓂᓱᐅᓇᒋᒪᑭᓄᐎᒡ ᐅᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᓂᓱᐅᓇᒋᒪᑭᓄᐤ ᐊᓐ ᐊᐛᓐ ᐊᑲ ᒧᔅ ᑲ ᓂᓇᐃᑕᐧᒃ ᒥᓯᐛ ᑕᓐ ᐊ ᐃᓯ ᐎᔅᑕᔨᒡ ᒍᐤ ᐊᔭᒥᐊᐅ ᐎᓱᐛᐅᓂᒡ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

2 ᐱᑕᕐ 1:1

ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ᐃᑕᔨᑕᒂᒡ ᓂᔭᓐ ᑲ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ᒥᔨᑕᐧᒄ᙮ ᐎᔾ ᒋ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮