2 ᑯᕆᓐᑎᔭᓇ 3:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

2 ᑯᕆᓐᑎᔭᓇ 3:6 Iomraidhean Croise

ᒪᑎᔪᐤ 13:52

ᐊᑯ ᐊᑕᑦ, “ᒥᓯᐛ ᐊᓐᒡ ᑲ ᒋᔅᒐᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᑲ ᒋᔅᑯᑎᒧᐛᑭᓄᐎᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ ᑕᓐ ᐊ ᐃᑕᔨᑕᑯᓂᔨᒡ ᒧᔭᒻ ᐊᐛᓐ ᑲ ᑎᐱᔨᐛᐅᓯᑦ ᐊᔅᑕᓱᐅᒋᐛᐱᔪᐤ ᐊ ᑭᓄᐛᔨᑕᐧᒃ ᒐᒂᔪᐤ ᑕᐱᔅᑯᓐ ᐊ ᒥᔽᔨᒋ ᑭᔭ ᐊ ᒋᓴᔭᓯᓇᑯᓂᔨᒋ ᑭᔭ ᐊ ᐅᔅᑲᔨᒋ᙮ ᑕᐱᔅᑯᓐ ᒪᒃ ᐊ ᒥᔪ ᐊᐱᒋᑕᑦ᙮”

ᒪᑎᔪᐤ 26:28

ᐛᔅ ᐊᐅᑯᓐ ᐅ ᓂᒥᐧᒄ ᒐ ᐅᒋ ᐅᔅᒋᑕᑭᓄᐅᒡ ᓂᔅᑯᒧᐅᓐ, ᐊᐅᒄ ᓂᒥᐧᒄ ᒐ ᓯᒋᓂᑲᑕᒡ ᒐᒋ ᐅᒋ ᐛᐸᔨᑎᒧᐛᑭᓄᐎᒡ ᒥᒐᑦ ᐊᐛᓐᒋ ᐅᒥᒋᑥᐅᓄᐛᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:24

ᒋ ᐃᑕᐤ ᒪᒃ, “ᐊᐅᒄ ᐅ ᓂᒥᐧᒄ, ᐊᓐᑕ ᐛᒋᐱᔨᒡ ᐅᔅᒋ ᓂᔅᑯᒥᑐᐅᓐ, ᒥᒐᑦ ᑲ ᐅᒋ ᐅᒋᑯᐎᑕᑭᓄᐎᒡ᙮

ᓗᒃ 22:20

ᐊᐅᑯᓐ ᐃᔭᐱᒡ ᑲ ᐃᑐᑕᐧᒃ ᐊ ᐅᑎᓇᐧᒃ ᐊᓂᔭ ᒥᓂᒂᑭᓂᔪᐤ, ᐃᔅᐱ ᑲᒋ ᐃᓯ ᒥᒋᓱᒡ᙮ ᒋ ᐃᑕᐤ, “ᐅ ᓱᒥᓇᐳᔾ ᐊᐅᒄ ᓂᒥᐧᒄ, ᒋᔨᐛᐤ ᐅᒋ ᒐ ᐃᓯ ᓯᒋᓂᑲᑕᒡ ᒐᒋ ᐅᒋ ᒥᔨᑯᔭᒄ ᐊ ᐅᔅᑲᒡ ᓂᔅᑯᒧᐅᓐ᙮”

ᒠᓐ 5:21

ᐅᑕᐎᒪᐤ ᐅᓂᔅᑲᓇᐤ ᐊᐛᔪᐛ ᓂᐳᐅᓂᒡ ᐅᒡ ᑭᔭ ᒪᔭᑦ ᐱᒪᑎᓯᐅᓂᔪᐤ, ᐊᐅᑯᓐ ᑭᔭ ᐊᓐ ᐊ ᐃᑎᑦ ᐅᑯᓯᓯᒪᐤ, ᒥᔭᐤ ᐊᐛᔪᐛ ᐱᒪᑎᓯᐅᓂᔪᐤ ᐊᓂᔭ ᐛ ᒥᔭᑦ᙮

ᒠᓐ 6:63

ᒥᒄ ᑲ ᐸᔭᒋᓯᑦ ᐊᒐᐧᒄ ᒥᔨᐛᐤ ᑲᒋᒡ ᐱᒪᑎᓯᐅᓂᔪᐤ, ᓇᒪ ᐎ ᓇᐸᐤ ᒋᑭ ᒋ ᐃᑐᑎᒻ ᐅᔭ᙮ ᔅᒋ ᐎᑎᒪᑎᓇᐛᐤ ᒪᒃ ᑕᓐᑕ ᒐᒋ ᐅᒋ ᐊᔭᔭᒄ ᐅ ᐊᒐᐧᒄ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:20

ᐛᔅ ᑕᐸ ᐊᐛᓐ ᒋ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᒄ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓇ᙮ ᒋ ᒋᔅᒐᔨᑕᓐ ᐊ ᑕᓐ ᐊ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ᒥᒋᑐᑕᐧᒃ ᐊᐅᑯᓐ ᐊ ᐃᑕᐱᑎᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:15

ᐛᔅ ᐊᑲ ᓂᓇᐃᑕᑭᓄᐅᒡ ᐎᓱᐛᐅᓐ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒐᒋ ᐊᐧᑯᔪᐛᓯᑦ᙮ ᐊᑯ ᒪᒃ ᐊᓐᑕ ᐊᑲ ᑎᒂᒋ ᐎᓱᐛᐅᓇ ᓇᒪ ᑭᑈ ᑎᑯᓐ ᐊᓐᑕ ᐊᑲ ᓂᓇᐃᑕᑭᓄᐅᒋ ᐎᓱᐛᐅᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:17

ᒧᔭᒻ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑉᕋᐊᒻ ᐊᒋ ᐃᑎᑯᒂ ᒋᓴᒪᓂᑐᐛ, ᔅᒋ ᐃᓯᐃᑎᓐ ᒐᒋ ᐅᑕᐎᒪᐅᑕᔅᒡ ᒥᒐᑦ ᐊ ᐃᑎᔅᑲᓇᓯᒡ ᐊᐛᓐᒋ᙮ ᐊᑉᕋᐊᒻ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐊᐅᒄ ᐅᔭ ᐊ ᐅᑕᐎᒪᐅᑐᐛᐧᒄ ᐛᒋ ᐃᓯ ᑭᓄᐛᐱᒥᑯᑦ᙮ ᐊᐅᑯᓐ ᒪᒃ ᐅᔭ ᐊᑉᕋᐊᒻ ᑲ ᑕᑈᔭᔨᒪᑦ, ᐊᓂᔭᔪᐛ ᑲ ᐃᑐᑐᐛᔨᒋ ᐊᓂᔭᔪᐛ ᐊᑲ ᐱᒪᑎᓯᔨᒋ ᑲᐤ ᒐᒋ ᐱᒪᑎᓯᔨᒋ ᑭᔭ ᒥᒄ ᐊ ᐃᔅᒋᔄᔨᒋ ᒐᒋ ᑎᑯᓂᔨᒡ ᒐᒂᔪᐤ ᐊᑲ ᓂᑕ ᐅᒋ ᑎᑯᓂᔨᒡ ᑎᐛᒡ ᑎᑯᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:6

ᐊᓄᒡ ᒪᒃ ᓴᔅ ᔅᒋ ᐎᐧᑯᒋᐃᑯᓇᓄᐤ ᑕᓐ ᑲ ᐃᓯ ᒪᒋᒂᐱᐧᑲᑎᑯᔭᐧᒄ ᐎᓱᐛᐅᓐ, ᐛᔅ ᒋᒋᐛ ᔅᒋ ᓂᑭᑕᓇᓄᐤ ᐊᓐ ᐃᑕᑎᓯᐅᓐ ᓇᔅᒡ ᑲᒋ ᑎᐸᔨᒥᑯᔭᐧᒄ᙮ ᓇᒪ ᐊᑯ ᐊᓐ ᐛᔅᑭᒡ ᐎᓱᐛᐅᓐ ᒋ ᓂᓇᐃᑕᓇᓄᐤ᙮ ᒋᓴᒪᓂᑐᐤ ᐊᐅᒄ ᓂᓇᐃᑐᐛᐧᒄ ᐊᑯ, ᑲ ᐸᔭᒋᓯᑦ ᐊᒐᐧᒄ ᐊ ᐎᒋᐃᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 11:25

ᐃᔅᐱ ᒪᒃ ᑲᒋ ᒥᒋᓱᒡ, ᒋ ᐅᑎᓂᒻ ᐊᓂᔭ ᒥᓂᒂᑭᓂᔪᐤ, ᐊᑯ ᒂ ᐃᔅᒋᔄᑦ, “ᐅ ᒥᓂᒂᑭᓐ ᐊᐅᒄ ᐅ ᐅᔅᒋ ᓂᔅᑯᒧᐅᓐ ᓂᒥᐧᑯᒡ ᒐ ᐅᒋ ᔭᐃᑎᔅᑕᒡ᙮ ᑕᑥᐤ ᒥᓂᔭᒂ ᒐ ᒋᔅᒋᓯᑐᐅᔭᒄ᙮”

1 ᑯᕆᓐᑎᔭᓇ 12:28

ᑕᔪᐛ ᒪᒃ ᐅᒪᒧᐊᔭᒥᐊᐛ ᒋᓴᒪᓂᑐᐤ ᐊᒋ ᐅᑎᓇᑦ ᑕᓐ ᒐ ᐃᑕᐱᑎᓯᔨᒋ᙮ ᐊᓂᔭᔪᐛ ᓂᔅᑎᒻ ᑲ ᐅᑎᓇᑦ ᐊᐅᒄ ᐅᔭ ᐊᑈᔅᑕᓇ ᐊᑯ ᒥᓐ ᐅᒋᔅᒋᐛᐃᒐᓱᐛ, ᐊᑯ ᒥᓐ ᒋᔅᑯᑎᒪᒐᓱᐛ, ᑭᔭ ᐊᐛᔪᐛ ᒪᒥᔅᑲᒡ ᒐᒂᔪᐤ ᒐ ᐃᑐᑎᒥᔨᒋ᙮ ᒋ ᐅᑎᓇᐤ ᑭᔭ ᐊᐛᔪᐛ ᒐ ᒥᓏᒋᐃᐛᔨᒋ, ᑭᔭ ᐊᓂᔭᔪᐛ ᓂᓇᐧᑯᐤ ᒐ ᐃᓯ ᐎᒋᐊᔨᒋ ᐊᐛᔪᐛ᙮ ᒋ ᐅᑎᓇᐤ ᑭᔭ ᐊᐛᔪᐛ ᐊ ᐛᐎᐱᔨᑕᔨᒋ ᒐᒂᔪᐤ ᒐ ᐃᑕᐱᑎᓯᔨᒋ, ᑭᔭ ᐊᐛᔪᐛ ᒐ ᒂᔅᒋᐃᔨᒥᔨᒋ᙮

1 ᑯᕆᓐᑎᔭᓇ 15:45

ᒥᓯᓇᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᑎᔅᑕᒡ, “ᐊᓐ ᓂᔅᑎᒻ ᓇᐸᐤ, ᐊᑕᒻ, ᒋ ᐅᓯᐊᑭᓄᐤ ᒐᒋ ᐱᒪᑎᓯᑦ᙮” ᐊᓐ ᒪᒃ ᒪᔅᑕᔾ ᐊᑕᒻ ᐊᐅᒄ ᙭, ᐊᒐᐧᑯᐤ ᐎᔾ, ᐎᔾ ᒥᔨᐛᐤ ᐱᒪᑎᓯᐅᓂᔪᐤ᙮

1 ᑯᕆᓐᑎᔭᓇ 3:10

ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 3:5

ᐊᐛᓐ ᒪᒃ ᐅ ᐊᐳᓚᔅ ᑭᔭ ᐊᐛᓐ ᓂᔾ ᑈᓪ ? ᐊᐱᒋᐊᑭᓐᒡ ᓂᔭᓐ᙮ ᐊᐅᑯᓐᒡ ᐅᒡ ᐊᐱᒋᐊᑭᓐᒡ ᑲ ᐎᑎᒪᑕᑯᒡ ᒥᔽᒋᒧᐅᓂᔪᐤ ᑭᔭ ᑎᔭᑈᑎᒪᒄ᙮ ᑕᐱᔅᑯᓐ ᓂᒋ ᓂᓇᐃᑕᓇᓐ ᑕᓐ ᑲ ᐃᑎᓱᒥᔨᒥᑦ ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 3:14

ᓇᒪ ᐅᒋ ᐎ ᓂᔅᑐᑎᒧᒡ ᐊᓐᒡ ᐃᔪᒡ᙮ ᐊᔅᒄ ᒪᒃ ᐊᓄᒡ ᐅᔭ ᐊ ᒋᓯᑲᔨᒡ ᐊᔅᒄ ᐊᐅᑯᓐ ᐊ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐃᓯᓇᑯᓱᐅᒡ ᐊ ᐃᔨᒥᑐᐛᑭᓄᐅᒡ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᓇᒪ ᒋ ᓂᔅᑐᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐸᑐᔅ ᐊᐛᓐ ᐊ ᐱᒪᒋᐃᑯᑦ ᙭ᑕ ᐊᑯᑕ ᐊ ᐃᒐᓂᑭᓄᐎᒡ ᐊᓂᔭ ᐊᑯᒂᐅᓂᔪᐤ᙮

2 ᑯᕆᓐᑎᔭᓇ 3:3

ᑕᓐ ᐊ ᐃᓯ ᐱᒪᑎᓯᔭᒄ ᐊᑯᑕ ᐛᒋ ᓂᔅᑐᓇᒂᒡ ᑕᓐ ᑲ ᐃᓯ ᐃᑐᑎᒪᑕᒄ ᙭᙮ ᐊᐅᑯᓐ ᒪᒃ ᒧᔭᒻ ᑕᑈ ᑎᐸᒋᒧᓯᓇᐃᑭᓐ ᐛᒋ ᐃᓯᓇᑯᓯᔭᒄ᙮ ᐅ ᒪᒃ ᑎᐸᒋᒧᓯᓇᐃᑭᓐ ᓇᒪ ᐎ ᒥᓯᓇᐃᑭᓇᔅᒄ ᐊᐱᑎᓐ ᐊ ᒥᓯᓇᐃᑭᓄᐅᒡ᙮ ᓇᒪ ᑭᔭ ᐊᓯᓂᒡ ᐅᒡ ᒥᓯᓇᐃᑭᓄᐤ᙮ ᒋᓴᒪᓂᑐᐤ ᐅ ᐸᔭᒋ ᐊᒐᒂ ᐊᐅᒄ ᐊ ᐃᓯᓇᑯᓯᑦ ᒧᔭᒻ ᐊ ᒥᓯᓇᐃᒐᑦ ᒋᑕᐃᐛᒡ᙮ ᐊᐅᒄ ᐅ ᑲ ᐊᐱᒋᐃᔨᒥᑦ ᒐᒋ ᐸᑥᑕᒡ ᐅ ᑎᐸᒋᒧᐅᓐ᙮

2 ᑯᕆᓐᑎᔭᓇ 3:7

ᐊᓐ ᐛᔅᑭᒡ ᐎᓱᐛᐅᓐ ᐊᓯᓂᒡ ᒋ ᒥᓯᓇᐃᑭᓄᐤ᙮ ᓇᒪ ᐅᒋ ᐎᒋᐃᑯᐅᒡ ᐊᐛᓐᒋ ᒐᒋ ᐱᒪᒋᐅᒡ᙮ ᐃᔭᐱᒡ ᒪᒃ ᓇᔅᒡ ᑕᑈ ᒋ ᓄᑯᓂᔪᐤ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐃᔅᐱ ᒧᓱᔅ ᑲ ᒥᔭᑦ ᐊᓂᔭᔪᐛ ᐃᔪᐛ ᐊᓂᔭ ᐎᓱᐛᐅᓂᔪᐤ᙮ ᓇᔅᒡ ᑕᑈ ᒋ ᓱᒐᔨᑕᑯᓂᔪᐤ ᑕᓐ ᑲ ᐃᓯ ᒋᐧᑲᔭᔅᑕᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᒧᓱᔅ ᐅᑕᔅᑎᒥᐧᑯᒡ᙮ ᓇᒪ ᐊᑐᐎᔅ ᐅᒋ ᐎ ᑭᓄᐛᐸᑎᒧᐅᒡ ᐊᓐᒡ ᐃᔪᒡ ᒧᓱᓴ ᐅᑕᔅᑎᒥᐧᑯᔪᐤ᙮ ᓇᒪ ᒪᒃ ᓇᐅᔅ ᐅᒋ ᒋᐧᑲᔭᔅᑕᐤ ᐊᓐ ᒋᔅᑕᔨᑕᑯᓱᐅᓐ ᐊᓐᑕ ᒧᓱᔅ ᐅᑕᔅᑎᒥᐧᑯᒡ᙮ ᒋ ᐊᑎ ᐸᓯᑯᓇᑯᓐ᙮ ᐃᔭᐱᒡ ᒪᒃ ᒋ ᓄᑯᓂᔪᐤ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓐ ᐎᓱᐛᐅᓐ ᑲ ᒥᔨᐛᓄᒡ ᐊᑎ ᐊᑲ ᐅᒋ ᐱᒪᒋᐃᐛᒥᑲᒡ᙮

2 ᑯᕆᓐᑎᔭᓇ 3:9

ᒋ ᑎᑯᓂᔪᐤ ᑕᓐ ᑲ ᐃᓯ ᓂᓱᐅᓇᒋᒥᑯᒡ ᐊᐛᓐᒋ ᐎᓱᐛᐅᓂᔪᐤ᙮ ᒧᔭᒻ ᒪᒃ ᐃᔭᐱᒡ ᐊᔪᐛᒃ ᑲ ᓄᑯᓂᒂ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᑲ ᒥᔨᐛᓄᐅᒡ ᐊᓐ ᐎᓱᐛᐅᓐ ᑕᓐ ᐊᑐᐎᔅ ᒐ ᐃᔅᐱᔅ ᓄᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ ᐊᓐ ᓂᔅᑯᒧᐅᓐ ᐊᓐᑕ ᐛᒋ ᑯᐃᔅᑯᓇᑯᐊᑭᓄᐎᒡ ᐊᐛᓐᒋ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᑲᓚᓯᔭᓇ 3:21

ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐ ᐃᑎᑦ ᐃᔅᐱ ᑲ ᐎᑕᐧᒃ ᒐ ᐃᓯ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮

ᐃᐱᓯᔭᓇ 2:1

ᒋᔨᐛᐤ ᒪᒃ ᐊ ᓂᐱᔭᒄ ᔅᒋ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ᙮

ᐃᐱᓯᔭᓇ 2:5

ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐃᐱᓯᔭᓇ 3:7

ᒋᓴᒪᓂᑐᐤ ᓂᒋ ᓱᐛᔨᒥᒄ, ᓂᔾ ᓂᒋ ᐅᑎᓂᒄ ᒐᒋ ᐱᐸᒧᑕᐅᒡ ᐅᒥᔽᒋᒧᐅᓐ, ᓂᒋ ᒥᔨᒄ ᐅᒥᔅᑯᓯᐅᓐ ᑭᔭ ᓂᒋ ᒥᔨᒄ ᑭᔅᒋᐅᓂᔪᐤ ᑯᐃᔅᒄ ᒐᒋ ᐃᑐᑎᒧᒡ ᐅᔭ ᐊᑐᔅᒐᐅᓂᔪᐤ᙮

1 ᑎᒧᑎ 4:6

ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮

2 ᑎᒧᑎ 1:11

ᒋᓴᒪᓂᑐᐤ ᓂᒋ ᐅᑎᓂᒄ ᒐᒋ ᐛᐎᑎᒪᓐ ᐅ ᒥᔽᒋᒧᐅᓐ, ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒪᒐᔭᓐ ᐅ ᒥᔽᒋᒧᐅᓐ᙮

ᐃᑉᕈᐛ 12:24

ᑭᔭ ᒋᓴᔅ ᑕᐤ ᐊᓐᑕ, ᐊᓐ ᑲ ᐅᔅᒋᑕᐛᑦ ᒋᓴᒪᓂᑐᐛ ᐅᓂᔅᑯᒧᐅᓂᔪᐤ᙮ ᐊᓂᔭ ᙭ ᐊᒋ ᐅᓂᑕᑦ ᐅᒥᐧᒄ ᒋᔭᓄᐤ ᐅᒋ, ᐊᑯᑕ ᐛᒋ ᑎᒂᒡ ᐛᐸᔨᑎᒪᒐᐅᓐ᙮ ᐊᓂᔭ ᒪᒃ ᐎᔾ ᐊᐳᓪ ᐊᒋ ᐅᓂᑕᑦ ᐅᒥᐧᒄ ᑲ ᓂᐸᐊᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑎᒪᐧᒄ ᒐᒋ ᑎᐸᐊᒧᐛᑭᓄᐅᑦ ᒐᒂᔪᐤ ᐊ ᐃᑐᑐᐛᑭᓄᐅᑦ ᐊᐛᓐ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

ᐃᑉᕈᐛ 7:22

ᒋ ᒋᔅᒐᔨᑕᓇᓄᐤ ᐅ ᐛᔅ ᐎᔾ ᒋᓴᒪᓂᑐᐤ ᒋ ᓇᔅᐱᒡ ᑕᑈᐤ ᐅᔭ ᑲ ᐃᑕᑦ ᒋᓴᓴ᙮ ᐅᔅᑕ ᒪᒃ ᐅᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ᒥᔨᑕᐧᒄ ᒋᓴᒪᓂᑐᐤ ᒥᔽᔪᐤ ᐃᔅᐱᔅ ᐊᓐ ᐛᔅᑭᒡ ᓂᔅᑯᒧᐅᓐ᙮ ᒋ ᒐᔅᑎᓇᐅᓇᓄᐤ ᒪᒃ ᒐ ᓂᓇᑭᑐᐛᔨᑕᐧᒃ ᒋᓴᔅ ᒐᔅᑎᓇᔅ ᒐᒋ ᒥᔅᑭᒪᐧᒄ ᐊᓂᔭᔪᐛ ᒐᒂᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᒥᔨᑎᑕᐧᑯ᙮

ᐃᑉᕈᐛ 8:13

ᐃᔅᐱ ᒋᓴᒪᓂᑐᐤ ᑲ ᐃᔅᒋᔄᑦ ᒥᓐ ᑯᑎᒋᔪᐤ ᓂᔅᑯᒧᐅᓂᔪᐤ ᒐ ᐅᓯᑎᒧᐛᑦ ᐅᑦ ᐃᔨᒪ, ᐊᑯᑕ ᐛᒋ ᒋᔅᒐᔨᑕᒂᒡ ᐊᓐ ᓂᔅᑎᒻ ᑲ ᐅᓯᑕᑭᓄᐅᒡ ᐊᑲ ᓴᔅ ᐊᐱᑎᒡ ᑭᔭ ᓴᔅ ᐊ ᐸᓱᓇᒂᒡ ᒐᒋ ᐃᓯ ᐊᐱᑎᒡ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

1 ᒠᓐ 1:1

ᒋ ᒥᓯᓇᐊᒪᑎᓇᓐ ᐊ ᐊᔨᒧᒥᒋᒡ ᐊᓐ ᓴᔅ ᑲ ᑕᑦ ᐊᔅᒄ ᐊᑲ ᓇᔅᒡ ᐅᒋ ᑎᑯᓂᔨᒡ ᒐᒂᔪᐤ᙮ ᑲᒋ ᐸᑐᐅᒋᒡ, ᑲᒋ ᐛᐱᒥᒋᒡ, ᑭᔭ ᑲᒋ ᑕᒋᓂᒋᒡ᙮ ᒋᑦ ᐊᔨᒧᑎᒪᑎᓇᓐ ᐊᓐ ᑲ ᒥᔨᐛᑦ ᐱᒪᑎᓯᐅᓂᔪᐤ ᐊᓂᔭ ᐅᒋ ᑕᓐ ᑲ ᐃᓯ ᐛᐎᑕᐧᒃ᙮