2 ᑯᕆᓐᑎᔭᓇ 3:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᓇᒪ ᐎ ᓂᔭᓐ ᐊ ᑕᔭᒡ ᒋᑭ ᒋ ᐅᒋᐱᔪᐤ ᒐᒋ ᐃᔅᒋᔄᔭᒡ ᓂᔭᓐ ᑎᐱᔨᐛ ᒐᒋ ᐃᑐᑎᒪᒡ ᐅ᙮ ᒋᓴᒪᓂᑐᐤ ᐊᐅᒄ ᒪᔨᒥᑦ ᒐᒋ ᐃᑐᑎᒪᒡ ᒥᓯᐛ ᐅ ᑕᓐ ᐊ ᐃᑐᑎᒪᒡ᙮

2 ᑯᕆᓐᑎᔭᓇ 3:5 Iomraidhean Croise

ᒐᓂᓯᔅ 41:16

ᐊᑯ ᒍᓯᑉ ᐊᑕᑦ, “ᓇᒪᔭᐤ ᓂᔾ ᐊ ᐃᑐᑎᒪᓐ, ᒥᒄ ᒋᓴᒪᓂᑐᐤ ᒋᑭ ᒥᔭᐤ ᒋᓴᐅᒋᒪᐛ ᐊ ᒥᔽᔨᒡ ᐎᑎᒪᒐᐅᓂᔪᐤ᙮”

ᓗᒃ 21:15

ᐛᔅ ᒋᑭ ᐎᑎᒪᑎᓇᐛᐤ ᑕᓐ ᒐ ᐃᔅᒋᔄᔭᒄ ᑭᔭ ᑭᒐᑕᐛᔨᑎᒧᐅᓐ ᒋᑭ ᒥᔨᑎᓇᐛᐤ ᒐᒋ ᑭᒐᑕᐛᔨᑎᒧᑕᑯᓯᔭᒄ ᐃᔨᒥᔭᒂ, ᑭᔭ ᐊᓐᒡ ᑲ ᐛᐧᑲᑎᑕᑯᒡ ᓇᒪ ᒋᑭ ᒋ ᐊᓏᑎᒧᒡ ᒐ ᐃᔅᒋᔄᐛᒄ᙮

ᓗᒃ 24:49

ᐊᑯ ᒪᒃ ᒐ ᐸᒋ ᐃᑎᓴᐊᒪᑎᑯᒡ ᐊᓐ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᓄᑕᐎᔾ ᑲ ᐃᔅᒋᔄᑦ ᒐᔅᑎᓇᔅ ᒐ ᐸᒋ ᐃᑎᓴᐛᑦ᙮ ᐊᓱᐛᐱᒄ ᒪᒃ ᐊᓐᑕ ᒋᕈᓯᓕᒥᒡ ᐸᑐᔅ ᒋ ᐅᑎᑕᐅᑯᔭᒂ ᓱᒐᔨᑕᑯᓱᐅᓐ ᒋᒋᒋᓯᑯᒡ ᑲ ᐅᒋᐱᔨᒡ᙮”

ᒠᓐ 15:5

“ᓂᔾ ᐊᐅᒄ ᓱᒥᓇᑎᒄ ᐊᑯ ᒋᔨᐛᐤ ᐅᑎᐧᑯᓇ᙮ ᐊᓐ ᐊᐛᓐ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒐ ᐊᐅᑯᓐ ᐊᓐ ᒐ ᐱᒋᔅᑯᐅᒃ ᑭᔭ ᐊᐅᑯᓐ ᐊᓐ ᒐ ᒥᔪ ᒥᓂᓱᐅᑦ ᐛᔅ ᑕᐸ ᓇᔅᒡ ᒐᒂᓐ ᒋᑭ ᒋ ᐃᑐᑕᓇᐛᐤ ᐊᑲ ᐱᒋᔅᑯᐅᔭᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:18

ᓇᒪ ᑯᑎᒡ ᒐᒂᓐ ᓂᑭ ᐅᒋ ᐊᔨᒧᑕᓐ, ᒥᒄ ᑕᓐ ᑲ ᐃᓯ ᐊᐱᒋᐃᑦ ᒋᓴᔅ ᒐᒋ ᐎᒋᐃᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᓂᓇᐃᑐᐛᔨᒋ ᒋᓴᒪᓂᑐᐛ, ᐊᐅᑯᓐ ᒥᒄ ᒐ ᐊᔨᒧᑎᒪᓐ᙮ ᑕᓐ ᑲ ᐃᓯ ᐛᐎᑎᒧᐅᒂᐤ ᑭᔭ ᑕᓐ ᑲ ᐃᑐᐅᒡ,

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

1 ᑯᕆᓐᑎᔭᓇ 3:10

ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 3:6

ᒧᔭᒻ ᑲᓂᑕᐅᒋᒋᑭᓂᒐᑦ ᐊ ᒋᒋᐱᔨᑕᑦ ᐊ ᓂᑕᐅᒋᑕᑦ, ᐊᐅᑯᓐ ᐊ ᐃᓯᓇᑯᓯᔭᓐ ᓂᔾ, ᐛᔅ ᓂᔾ ᓂᔅᑎᒻ ᔅᒋ ᐎᑎᒪᑎᓇᐛᐤ ᒥᔽᒋᒧᐅᓐ᙮ ᐊᑯ ᒪᒃ ᐊᐳᓚᔅ ᒧᔭᒻ ᐊᓐ ᑲ ᓂᑕᐅᒋᑕᑦ ᒧᔅ ᑲ ᓱᒋᔅᑕᑦ ᐊᓂᔭᔪᐛ ᑲ ᓂᑕᐅᒋᑕᐅᒡ ᐃᓯᓇᑯᓱᐤ᙮ ᐊᑐᐎᔅ ᔅᒋ ᐎᑎᒪᑯᐛᐤ ᑕᓐ ᒋᐸ ᐃᓯ ᐱᒪᑎᓯᐛᓇᐛᐤ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒥᒄ ᒪᒃ ᒋᓴᒪᓂᑐᐤ ᐊᐅᒄ ᒋᒋᐛ ᐊ ᐃᑐᑕᑕᒄ ᒐᒋ ᒥᔪ ᓂᑕᐅᒍᐛᒄ ᒋᑕᑈᑎᒧᐅᓄᐛᒡ᙮

2 ᑯᕆᓐᑎᔭᓇ 12:9

ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

2 ᑯᕆᓐᑎᔭᓇ 2:16

ᐊᓐᒡ ᒪᒃ ᒐ ᐅᓂᓯᓂᒡ ᐊᐛᓐᒋ ᒧᔭᒻ ᒐᒂᓐ ᑲ ᓂᐸᐃᐛᒡ ᐊᐅᑯᓐ ᐊ ᐃᓯᒪᑕᒡ ᐅᔭ ᑲᐎᒋᒪᑯᓯᔨᒡ, ᐊᑯ ᐊᓐᒡ ᒐ ᐱᒪᒋᐅᒡ ᐊᐛᓐᒋ ᒧᔭᒻ ᐊᓐ ᒐᒂᓐ ᒐ ᐱᒪᒋᐃᐛᒡ ᐊᐅᑯᓐ ᐊ ᐃᓯᒪᑕᒡ ᐅᔭ᙮ ᐊᐛᓐ ᒪᒃ ᑎᔭᐱᒐᔨᑕᑯᓯᑦ ᐅᔭ ᒐᒋ ᐃᑕᐱᑎᓯᑦ ᒥᔽᒋᒧᐅᓂᔪᐤ ᐊ ᐛᐎᑕᐧᒃ᙮

2 ᑯᕆᓐᑎᔭᓇ 4:7

ᒧᔭᒻ ᐊᓯᔅᒍᐤ ᐊᑐᒋᐸᓇ ᒋᓴᒪᓂᑐᐤ ᒐᒋ ᐊᐱᒋᑕᑦ ᐊᐅᑯᓐ ᐊ ᐃᓯᓇᑯᓯᔭᒡ᙮ ᐊᑯᑕ ᐊᓐᑕ ᐊ ᑎᑯᓂᔨᒡ ᐅᒋᔅᑕᔨᑕᑯᓱᐅᓐ ᒐᒋ ᒋᔅᒐᔨᑕᑭᓄᐎᒡ ᐎᔾ ᐊ ᑕᑦ ᐊ ᐅᒋᒥᑲᒡ ᐅ ᒪᐅᒡ ᑲ ᓱᒐᔨᑕᒂᒡ ᓱᐧᑲᑎᓯᐅᓐ ᑲ ᐊᔭᔭᒡ, ᓇᒪ ᐎ ᓂᔭᓐ ᐊ ᑕᔭᒡ ᐅᒋᒥᑭᓐ᙮

ᐱᓕᐱᔭᓇ 2:13

ᐛᔅ ᒋᓴᒪᓂᑐᐤ ᒧᔅ ᐊᑐᔅᒐᔅᑎᒻ ᒋᐱᒪᑎᓯᐅᓄᐛᐛ᙮ ᒋ ᐃᑐᑕᑯᐛᐤ ᒐᒋ ᓂᓇᐊᔨᑎᒺᒄ ᑭᔭ ᒋ ᐎᒋᐃᑯᐛᐤ ᒐᒋ ᐃᑐᑎᒺᒄ ᐊᓂᔭᔪᐤ ᐊ ᐃᓯ ᓇᐊᔨᑕᐧᒃ᙮

ᐱᓕᐱᔭᓇ 4:13

ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮

2 ᑎᒧᑎ 2:2

ᔅᒋ ᐸᑐᐅᓐ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᒪᒂᒡ ᐊ ᒥᒐᑎᓇᓄᐅᒡ᙮ ᐅ ᒪᒃ ᑲ ᐃᓯ ᒋᔅᑯᑎᒪᒐᔭᓐ ᒐ ᐱᔅᑎᓇᑯᒡ ᐊᓐᒡ ᑲ ᑕᑈᐅᒐᔨᑕᑯᓯᒡ ᒐᒋ ᐊᓱ ᒋᔅᑯᑎᒧᐛᒡ ᑯᑎᑲ ᐊᐛᔪᐛ᙮

ᒋᒥᔅ ᐅᒥᓯᓇᐊᒪᒐᐅᓐ 1:17

ᒥᓯᐛ ᒥᔨᐛᐅᓐ ᑲ ᒥᔽᓯᒡ ᑭᔭ ᑲ ᒋᔭᒪᐅᓯᒥᑲᒡ ᐊᓐᑕ ᐃᔅᐱᒥᒡ ᐅᒋᐱᔪᐤ, ᐊᓐᑕ ᒋᓴᒪᓂᑐᐤ ᐊ ᑕᑦ᙮ ᐊᐅᒄ ᒋᓴᒪᓂᑐᐤ ᑲ ᐅᓯᑕᑦ ᒥᓯᐛ ᐛᔅᑕᐅᓂᔪᐤ ᐊᓐᑕ ᒋᓯᑯᒡ᙮ ᒧᔅ ᐸᐃᑯᓄᒡ ᐃᑕᔨᑕᑯᓱᐤ, ᓇᒪ ᐃᓯᓇᑯᓱᐤ ᒧᔭᒻ ᐊ ᑎᑲᔅᑕᑎᒡ ᒐᒂᓐ ᐛᐃᐱᔅᒋᔅ ᒥᒄ ᒐᒋ ᓄᒂᒡ᙮