2 ᑯᕆᓐᑎᔭᓇ 3:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓇᒪ ᐅᒋ ᐎ ᓂᔅᑐᑎᒧᒡ ᐊᓐᒡ ᐃᔪᒡ᙮ ᐊᔅᒄ ᒪᒃ ᐊᓄᒡ ᐅᔭ ᐊ ᒋᓯᑲᔨᒡ ᐊᔅᒄ ᐊᐅᑯᓐ ᐊ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐃᓯᓇᑯᓱᐅᒡ ᐊ ᐃᔨᒥᑐᐛᑭᓄᐅᒡ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᓇᒪ ᒋ ᓂᔅᑐᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐸᑐᔅ ᐊᐛᓐ ᐊ ᐱᒪᒋᐃᑯᑦ ᙭ᑕ ᐊᑯᑕ ᐊ ᐃᒐᓂᑭᓄᐎᒡ ᐊᓂᔭ ᐊᑯᒂᐅᓂᔪᐤ᙮

2 ᑯᕆᓐᑎᔭᓇ 3:14 Iomraidhean Croise

ᑎᐱᑦ ᐅᓂᑭᒧᐅᓇ 69:23

ᐊᑯᔅ ᒋᑭ ᑎᐱᔅᑲᐳᐅᒡ, ᒐ ᐊᑲ ᒋ ᐛᐸᑕᒡ: ᑭᔭ ᐅᔅᐱᔎᓄᐛᐛ ᒧᔅ ᒋᑭ ᓯᑯᐛᐸᔨᔪᐛ᙮

ᒪᑎᔪᐤ 13:11

ᐊᑯ ᒋᓴᔅ ᐊᑕᑦ, “ᔅᒋ ᒥᔨᑯᓇᐛᐤ ᒋᔨᐛᐤ ᒐᒋ ᒋᔅᒐᔨᑎᒪᒄ ᐊᓐ ᒐᒂᓐ ᑯᑎᑭᒡ ᐊᐛᓐᒋ ᐊᑲ ᒪᔭᑭᓄᐎᒡ ᒐᒋ ᒋᔅᒐᔨᑕᒡ, ᐊᐅᒄ ᒐᒋ ᒋᔅᒐᔨᑎᒪᒄ ᒋᒋᒋᓯᒄ ᐅᒋᒪᐅᓐ᙮ ᐎᔨᐛᐤ ᒪᒃ ᓇᒪ ᐅᒋ ᐱᔅᑎᓇᑭᓄᐎᒡ ᐊᓂᔭ ᒐᒋ ᐃᓯ ᒋᔅᒐᔨᑕᒡ᙮

ᒪᑎᔪᐤ 16:17

ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮

ᒪᑎᔪᐤ 6:23

ᐊᑯ ᒪᒃ ᒥᔭᔭᑎᓄᒂᓂ ᒋᔅᒋᓯᒂ, ᒥᓯᐛ ᒋᔪᐤ ᓇᔅᒡ ᒋᑭ ᓴᑭᔅᒋᓇᐤ ᐅᑲᔅᑕᔭᐅᓐ᙮ ᒧᔭᒻ ᒪᒃ ᐊᓐ ᐛᔅᑕᐅᓐ ᑲ ᐱᒋᔅᑲᑯᔨᓐ ᐊ ᐅᑲᔅᑕᔭᐅᓂᒂ, ᑕᑈ ᑭᑈ ᓄᐛᒡ ᐅᑲᔅᑕᔭᐤ᙮”

ᒠᓐ 12:40

ᒋᓴᒪᓂᑐᐛ ᒋ ᐃᑐᑕᑯᐅᒡ ᒐ ᐊᑲ ᒋ ᐛᐸᑕᒡ ᑭᔭ ᒐ ᐊᑲ ᒋ ᓂᔅᑐᑕᒡ, ᑭᔭ ᓇᒪ ᐛᐸᑎᒧᒡ ᑭᔭ ᓇᒪ ᓂᔅᑐᑎᒧᒡ᙮ ᓇᒪ ᒪᒃ ᓂ ᐎ ᐸᒋ ᓂᑐᐛᐱᒥᑯᒡ ᒐᒋ ᒥᓏᒋᐃᒂᐤ, ᐃᑕᐤ ᒋᓴᒪᓂᑐᐤ᙮

ᒠᓐ 12:46

ᓂᒋ ᑎᑯᓯᓐ ᐅᑕ ᐊᔅᒋᒡ ᒐᒋ ᒥᔨᐛᔭᓐ ᐛᔅᑕᐅᓐ᙮ ᐊᑯ ᒪᒃ ᐊᓐ ᐊᐛᓐ ᒐ ᐸᒋ ᑕᑈᔭᔨᒥᒂ ᓇᒪ ᒋᑭ ᐅᒋ ᑕᐤ ᐊᓐᑕ ᐅᓂᑎᐱᔅᑲᐅᓂᒡ᙮”

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᐊᑈᔅᑕᓇᒡ 13:15

ᒋ ᑕᐤ ᐊᓐᑕ ᐊᐛᓐ ᐊᔭᒥᐊᐅᒋᐛᐱᒡ ᐊ ᐃᔨᒥᑐᐛᑦ ᐊᓂᔭ ᐃᔪᐛ ᐊᔭᒥᐊᐅᐎᓱᐛᐅᓇ, ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᓯ ᒥᓯᓇᐊᒥᔨᒂᓂ᙮ ᐊᑯ ᒪᒃ ᐊᓐᒡ ᑲ ᓂᑲᓂᔅᑲᒡ ᐊᓂᔭ ᐊᔭᒥᐊᐅᒋᐛᐱᔪᐤ ᒂ ᑯᒂᒋᒪᒡ ᑈᓇ ᑭᔭ ᐊᓂᔭ ᐎᐧᑲᓂᓯᒪᐛ ᒐᒋ ᐃᔨᒪᐊᔨᒋ ᐊᓂᔭᔪᐛ ᐃᔪᐛ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 15:21

ᐛᔅ ᐊᐅᒄ ᐅ ᓴᔅ ᐛᔅᑭᒡ ᑲ ᐃᓯ ᐸᒋ ᑭᒐᔅᒋᒧᓇᓄᐅᒡ ᐊᓐᑕ ᒥᓯᐛ ᒍᐤ ᐊᔭᒥᐊᐅᒋᐛᐱᒡ ᐊᓯᑯᒻ ᐊᔭᒥᐊᐅᒋᓯᑲᐛ ᐃᔅᐱ ᑲ ᒥᔨᑯᐅᔭᐧᒄ ᒧᓱᔅ ᐅᐎᓱᐛᐅᓐ᙮”

ᐊᑈᔅᑕᓇᒡ 16:14

ᐊᑯ ᐸᐃᒄ ᐃᔎᐤ ᐊᓐᑕ ᑲ ᑕᑦ ᐊ ᓂᑐᑕᑯᔭᒡ ᓕᑎᔭ ᒋ ᐃᓯᓂᐧᑲᓱᐤ, ᑕᔭᑕᐃᕋ ᐊ ᐃᓯᓂᐧᑲᑕᔨᒡ ᐅᑕᓇᔪᐤ ᒋ ᐅᒋᔪᐤ᙮ ᐊᐅᑯᓐ ᑲ ᐃᑕᐱᑎᓯᑦ ᐊᒋ ᐊᑕᐛᑦ ᒪᓐ ᐊ ᓱᓇᔭᐎᔨᒋ ᐊᐱᒋᑕᐅᓇ᙮ ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒋ ᑕᑈᔭᔨᒪᐤ ᒋᓴᒪᓂᑐᐛ ᒧᔭᒻ ᒍᐤ ᐃᔪᒡ ᑲ ᐃᑎᒡ᙮ ᓇᔅᒡ ᒋ ᓂᑐᑎᒻ ᑕᓐ ᑲ ᐃᔅᒋᔄᔨᒋ ᑈᓚ, ᐊᑯ ᒂ ᒥᔨᑯᑦ ᐅᑎᐸᔨᒋᒐᐛ ᒐᒋ ᓂᔅᑐᑕᐧᒃ ᑭᔭ ᒐᒋ ᑕᑈᑕᐧᒃ᙮

ᐊᑈᔅᑕᓇᒡ 26:18

ᒋᑦ ᐃᑎᓴᐅᑎᓐ ᐊᓐᑕ ᐊ ᑕᒡ ᒐᒋ ᓂᔅᑐᑎᒥᐃᑥᐤ ᑕᓐ ᐊ ᐃᓯᓇᑯᓂᔨᒋ ᐅᐱᒪᑎᓯᐅᓄᐛᐛ᙮ ᒋᔅᒐᔨᑕᒂᐛ ᒪᒃ ᐊᑯ ᒐ ᓂᑭᑕᒡ ᐅᓂᑎᐱᔅᒋᓯᐅᓂᔪᐤ ᐊᑯ ᐛᔅᑕᐅᓂᔪᐤ ᒐ ᓇᑕᒡ᙮ ᑭᔭ ᒐ ᓂᑭᑕᒺᒡ ᒥᒋᒥᓂᑐᐛ ᐅᓱᐧᑲᑎᓯᐅᓂᔪᐤ ᐃᔭᐱᒡ ᒋᓴᒪᓂᑐᐛ ᐅᓱᐧᑲᑎᓯᐅᓂᔪᐤ ᒐᒋ ᓇᑎᒺᒡ᙮ ᐊᑯ ᒪᒃ ᑕᑈᔭᔨᒥᑥᐛ ᒐ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ᙮ ᐊᑯ ᒪᒃ ᒐ ᒥᓯᓇᓱᒡ ᑭᔭ ᐎᔨᐛᐤ ᐊᓐᑕ ᒪᓯᓇᓱᐎᒋ ᒋᓴᒪᓂᑐᐛ ᐅᑦ ᐃᔨᒥᔪᐛ ᐊᓂᔭᔪᐛ ᑲ ᐅᑎᓇᔨᒋ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:25

ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ ᐅᔭ ᑲ ᐃᓯ ᒋᔅᒐᔨᑕᑯᑕᑦ ᒋᓴᒪᓂᑐᐤ ᑭᔭ ᓇᒪ ᒋᑭ ᐅᒋ ᐃᑕᔨᑕᓇᐛᐤ ᓇᔅᒡ ᐊ ᐃᑈᐧᑲᔭᒄ᙮ ᐊᓄᒡ ᒪᒂᒡ ᒥᒐᑦ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐎ ᓯᐱᑎᒧᒡ᙮ ᓇᒪ ᐎ ᑕᑈᐅᒐᔨᒪᐅᒡ ᒋᓴᒪᓂᑐᐛ᙮ ᒥᒄ ᒪᒃ ᒋᑭ ᐅᑎᒋᐱᔪᐤ ᒐ ᑕᑈᑕᒡ᙮ ᐊᔅᒄ ᒪᒃ ᐊᑲ ᐅᑎᒋᐱᔨᒡ ᐅ ᒥᓯᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑕᑐᐤ ᒥᒄ ᒐ ᐅᑎᓂᑯᐛᒂ ᒋᓴᒪᓂᑐᐛ ᒐᒋ ᐱᒪᒋᐅᒡ, ᒋᑭ ᐱᒪᒋᐅᒡ᙮

2 ᑯᕆᓐᑎᔭᓇ 3:15

ᐊᔅᒄ ᐊᓄᒡ ᐅᔭ ᐊ ᒋᓯᑲᔨᒡ ᐊᐅᑯᓐ ᐊ ᐃᑎᔅᑲᒡ ᐊᓂᔭ ᐊᑯᒂᐅᓂᔪᐤ ᐅᒥᑐᓇᔨᒋᑭᓂᐛᒡ ᐃᓯᓇᑯᓱᐅᒡ ᐃᔅᐱ ᐊ ᐃᔨᒥᑕᒡ ᒧᓱᓴ ᐅᐎᓱᐛᐅᓂᔪᐤ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

2 ᑯᕆᓐᑎᔭᓇ 4:6

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᔅᒋᔄᑦ ᒋᓴᒪᓂᑐᐤ, “ᒋᑭ ᐛᔅᑕᐤ ᐊᓐᑕ ᐅᒋ ᐅᓂᑎᐱᔅᒋᓯᐅᓂᒡ᙮” ᐊᔪᐅᒄ ᐅᔭ ᐃᔭᐱᒡ ᒋᓴᒪᓂᑐᐤ ᑲ ᐃᑐᑕᐧᒃ ᒐᒋ ᐛᔅᑕᔨᒡ ᒋᑕᐃᓇᒡ᙮ ᐊᑯᑕ ᒪᒃ ᐛᒋ ᑭᔅᒋᐅᐱᔨᒡ ᒐᒋ ᐎᒋᐃᑯᒡ ᑯᑎᑭᒡ ᐊᐛᓐᒋ ᒐᒋ ᐛᐸᑕᒡ ᐅᔭ ᐛᔅᑕᐅᓂᔪᐤ᙮ ᐅ ᒪᒃ ᐛᔅᑕᐅᓐ ᐊᔪᐅᒄ ᐊᓂᔭ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮ ᒋᓴᔅ ᙭ ᒪᒃ ᐊ ᑕᑦ ᐊᑯᑕ ᐛᒋ ᓄᑯᓂᔨᒡ ᐊᓂᔭ ᐅᒋᔅᑕᔨᑕᑯᓱᐅᓐ᙮

ᐃᐱᓯᔭᓇ 4:18

ᓇᒪ ᑭᔭ ᒋ ᓂᔅᑐᑎᒧᒡ ᒐᒂᔪᐤ᙮ ᓇᒪ ᒋ ᐃᓯ ᐱᒪᑎᓯᐅᒡ ᐊᓂᔭ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒋᐸ ᐃᓯ ᐱᒪᑎᓯᐅᒡ, ᐛᓴ ᐊ ᒥᔅᑯᑕᐊᒡ ᐊᑲ ᓇᔅᒡ ᐎ ᓂᔅᑐᑕᒡ᙮