2 ᑯᕆᓐᑎᔭᓇ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᐅᑯᓐ ᐛᒋ ᒥᓯᓇᐊᒪᑎᑯᒡ ᐊᓐ ᑲ ᒥᓯᓇᐊᒪᑎᑯᒡ᙮ ᓇᒪ ᓂ ᐅᒋ ᓂᑐᐛᔨᑕᓐ ᒐᒋ ᒥᓯᒪᔨᑎᒥᐃᔭᒄ ᓂᑐᐛᐱᒥᑎᑯᒐ, ᐛᔅ ᒋᔨᐛᐤ ᒋᐸ ᒥᔽᔨᑎᒥᐃᓇᐛᐤ᙮ ᓇᔅᒡ ᓂᒋ ᒋᔅᒐᔨᑕᓐ ᒥᔽᔨᑎᒪᓇ ᑭᔭ ᒋᔨᐛᐤ ᒐ ᒥᔽᔨᑎᒪᒄ᙮

2 ᑯᕆᓐᑎᔭᓇ 2:3 Iomraidhean Croise

1 ᑯᕆᓐᑎᔭᓇ 4:21

ᐃᔅᐱ ᐸᒋ ᓂᑐᐛᐱᒥᑎᑯᒐ ᑕᓐ ᐊᐅᒄ ᐊ ᐃᓯ ᓂᑐᐛᔨᑎᒪᒄ᙮ ᒋ ᓂᑐᐛᔨᒥᓇᐛᐤ ᐊ ᒐᒋ ᐸᒋ ᑕᐧᑯᓂᒪᓐ ᐱᓯᔅᑕᐃᑭᓐ ᑭᔭ ᒪᒃ ᓴᒋᐃᐛᐅᓐ ᒐᒋ ᐸᑕᔭᓐ ᐸᐧᑲᒡ ᒐᒋ ᐃᑐᑕᑎᑯᒡ ?

2 ᑯᕆᓐᑎᔭᓇ 1:15

ᑲ ᐃᔅᐱᔅ ᒋ ᒐᔅᑎᓇᑕᔨᑎᒥᐃᑯᔭᓐ ᒥᓯᐛ ᐅ, ᓂᒋ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᒧᐱᔅᑕᑎᑯᒡ᙮ ᐊᑯ ᒪᒃ ᒋᐸ ᓇᐃᐱᔪᐤ ᓂᔄᐤ ᒐᒋ ᐎᒋᐃᑎᑯᒡ᙮

2 ᑯᕆᓐᑎᔭᓇ 1:23

ᓂ ᑕᑈᓐ ᑕᓐ ᐊ ᐃᔅᒋᔄᔭᓐ ᒋᓴᒪᓂᑐᐤ ᐊ ᐸᑐᐅᑦ ᐊ ᑕᑈᐅᒡ᙮ ᐊ ᒥᓇᒋᐃᑎᑯᒡ ᐊᐅᑯᓐ ᐛᒋ ᐃᑕᔨᑎᒪᓐ ᐊᑲ ᐸᑎᒪ ᒐᒋ ᑎᑯᓯᓂᔭᓐ ᐊᓐᑕ ᑯᕆᓐᑦ ᒐᒋ ᓂᑐᐛᐱᒥᑎᑯᒡ᙮

2 ᑯᕆᓐᑎᔭᓇ 12:11

ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮

2 ᑯᕆᓐᑎᔭᓇ 12:21

ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

2 ᑯᕆᓐᑎᔭᓇ 2:9

ᔅᒋ ᐎ ᓂᑐ ᒋᔅᒐᔨᒥᑎᓇᐛᐤ ᐊᓐ ᑲ ᒥᓯᓇᐊᒪᑎᑯᒡ᙮ ᒐ ᓂᓇᐃᑎᒧᐛᒂ ᐊᓐ ᒥᓯᐛ ᑕᓐ ᐊ ᐃᑎᓱᒥᒂᐤ ᓂᒋ ᐃᑕᔨᑕᓐ᙮

2 ᑯᕆᓐᑎᔭᓇ 7:12

ᓇᒪᐎᔾ ᐊᓐ ᐊᐛᓐ ᑲ ᒥᒋᑐᑕᐧᒃ ᒪᒃ ᐊᓂᔭᔪᐛ ᐊᐛᔪᐛ ᑲ ᐅᓂᑐᑕᑯᑦ ᐛᒋ ᒥᓯᓇᐊᒪᑎᑯᒡ᙮ ᔅᒋ ᒥᓯᓇᐊᒪᑎᓇᐛᐤ ᒐᒋ ᐛᐸᑎᔨᑕᒄ ᒋᓴᒪᓂᑐᐤ ᑕᓐ ᐊᔅᐱᔅ ᐊᐱᑕᔨᒥᔭᒡ᙮

2 ᑯᕆᓐᑎᔭᓇ 7:16

ᓂ ᒥᔽᔨᑕᓐ ᒪᒃ ᑕᑈ ᒐᒋ ᑕᑈᐅᒐᔨᒥᑎᑯᒡ ᒐᒋ ᐃᑐᑎᒪᒄ ᒥᓯᐛ ᑕᓐ ᐊ ᐃᑎᓱᒥᑎᑯᒡ᙮

2 ᑯᕆᓐᑎᔭᓇ 7:6

ᒋᓴᒪᓂᑐᐤ ᑲ ᐛᐎᒋᐊᑦ ᐊᐛᔪᐛ ᐊ ᓂᑕᔨᑎᒥᔨᒋ ᓂᒋ ᒥᔽᔨᒧᐃᑯᐅᓇᓐ ᑲ ᐸᒋ ᐃᑎᓴᐛᑦ ᓂᐎᒐᐛᑭᓇᓇ ᑕᐃᑕᓴ᙮

2 ᑯᕆᓐᑎᔭᓇ 7:8

ᓇᔅᒡ ᑕᑈ ᔅᒋ ᒥᓯᒪᔨᑎᒥᐃᑯᓇᐛᒐ ᐊᓐ ᑲ ᒥᓯᓇᐊᒪᑎᑯᒡ᙮ ᓇᒪ ᒪᒃ ᓇᔅᒡ ᓂ ᒥᑕᒋᔨᐛᓯᓐ ᐊᓐ ᑕᓐ ᑲ ᐃᑎᓯᓇᐊᒪᑎᑯᒡ᙮ ᓂᔅᑎᒻ ᑭᑈ ᒋ ᑎᑯᓐ ᐊ ᒥᒐᔨᑎᒪᓐ᙮ ᐊᑐᐎᔅ ᒪᒃ ᒥᒄ ᐛᐃᐱᔅᒋᔅ ᔅᒋ ᒥᓯᒪᔨᑕᓇᐛᐤ᙮

2 ᑯᕆᓐᑎᔭᓇ 8:22

ᐊᐅᒄ ᒪᒃ ᐛᒋ ᐃᑎᓴᐅᒋᒡ ᐅ ᒋᐧᑲᓂᓯᓄᐤ ᒐᒋ ᐎᒐᐛᑦ ᐊᓂᔭ ᑕᐃᑕᓴ᙮ ᒥᒐᑥᐤ ᓂᒋ ᐛᐸᑎᔨᑯᓇᓐ ᑕᑈ ᑭᔭ ᐎᔾ ᐊ ᐎ ᐎᒋᐃᐛᑦ᙮ ᐊᓂᔭ ᒪᒃ ᑕᓐ ᐊ ᐃᓯ ᑕᑈᐅᒐᔨᒥᑕᒄ ᐊᑯ ᐊᑐᐎᔅ ᐛ ᐎᒋᐃᑕᒄ᙮

ᑲᓚᓯᔭᓇ 5:10

ᐃᔭᐱᒡ ᒪᒃ ᒋ ᒐᔅᑎᓇᑕᔨᒥᑎᓇᐛᐤ ᐅᑎᐸᔨᒋᒐᐤ ᐅᒋ ᒧᔭᒻ ᓂᔾ ᐊ ᐃᓯ ᑭᓄᐛᐸᑎᒪᓐ ᒐᒋ ᐃᓯ ᑭᓄᐛᐸᑎᒪᒄ ᑭᔭ ᒋᔨᐛᐤ᙮ ᐊᓐ ᒪᒃ ᐊᐛᓐ ᑲ ᒥᑯᔅᑲᑕᔨᑎᒥᐃᑕᒄ ᓇᔅᒡ ᑲ ᑯᒋᑕᑦ ᐎᔾ ᒐᒋ ᓂᑐᑐᐛᒄ, ᒋᑭ ᐛᐛᓯᐊᑭᓄᐤ᙮

2 ᑕᓴᓗᓂᔭᓇ 3:4

ᐅᑎᐸᔨᒋᒐᐤ ᒪᒃ ᓂ ᐃᑐᑕᑯᓇᓐ ᒐᒋ ᑕᑈᐅᒐᔨᒥᑕᒡ᙮ ᓂ ᒐᔅᑎᓇᐅᓇᓐ ᐊ ᐃᑐᑎᒪᒄ ᐊᓐ ᑲ ᐃᓯ ᐎᑎᒪᑕᒡ ᑭᔭ ᒧᔅ ᒐ ᐃᑐᑎᒪᒄ᙮

ᐸᐃᓕᒪᓐ 1:21

ᓂ ᒐᔅᑎᓇᐅᓐ ᒪᒃ ᑕᑈ ᒐ ᐃᑐᑎᒥᓐ ᒥᓯᐛ ᐅ ᑲ ᐃᓯ ᐊᔨᒧᑎᒪᑕᓐ ᒐᒋ ᐃᑎᔨᓐ᙮ ᓂ ᒐᔅᑎᓇᐅᓐ ᑭᔭ ᐊᔪᐛᒃ ᐃᔭᐱᒡ ᒐ ᐃᑐᑎᒥᓐ᙮