2 ᑯᕆᓐᑎᔭᓇ 13:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒪᔅᑕᔾ ᑲ ᑎᑯᓯᓄᒡ ᓴᔅ ᓂᒋ ᐃᔭᒂᒥᒪᐅᒡ ᐊᓐᒡ ᑲ ᒥᒋᑐᑕᒡ᙮ ᒥᓐ ᒪᒃ ᐊᓄᒡ ᓂᑦ ᐃᔭᒂᒥᒪᐅᒡ᙮ ᑭᔭ ᐊᓐᒡ ᑯᑎᑭᒡ ᓂᑦ ᐃᔭᒂᒥᒪᐅᒡ᙮ ᐅ ᐊᓄᒡ ᒐ ᑎᑯᓯᓂᔭᓐ ᒋᒋᐛ ᓂᑦ ᐃᔅᒋᔄᓐ ᓇᒪ ᓂᑭ ᐅᒋ ᒥᓇᒋᒪᐅᒡ ᐅᒡ ᑲ ᒥᒋᑐᑕᒡ᙮

2 ᑯᕆᓐᑎᔭᓇ 13:2 Iomraidhean Croise

1 ᑯᕆᓐᑎᔭᓇ 5:5

ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ᐱᒪᒋᐊᑭᓄᔨᒋ ᐊᓂᔭ ᐊ ᒋᓯᑲᔨᒡ ᐸᒋ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮

2 ᑯᕆᓐᑎᔭᓇ 1:23

ᓂ ᑕᑈᓐ ᑕᓐ ᐊ ᐃᔅᒋᔄᔭᓐ ᒋᓴᒪᓂᑐᐤ ᐊ ᐸᑐᐅᑦ ᐊ ᑕᑈᐅᒡ᙮ ᐊ ᒥᓇᒋᐃᑎᑯᒡ ᐊᐅᑯᓐ ᐛᒋ ᐃᑕᔨᑎᒪᓐ ᐊᑲ ᐸᑎᒪ ᒐᒋ ᑎᑯᓯᓂᔭᓐ ᐊᓐᑕ ᑯᕆᓐᑦ ᒐᒋ ᓂᑐᐛᐱᒥᑎᑯᒡ᙮

2 ᑯᕆᓐᑎᔭᓇ 12:14

ᓂᑦ ᐊᔭᔅᑯᐎᔨᓐ ᒥᓐ ᒐᒋ ᒧᐱᔅᑕᑎᑯᒡ᙮ ᐊᐅᒄ ᐅ ᓂᔍᐤ ᒐ ᒧᐱᔅᑕᑎᑯᒡ᙮ ᓇᒪ ᒪᒃ ᐎ ᓱᓇᔭᐤ ᒋ ᐎ ᐊᔨᒧᑎᒪᑎᓇᐛᐤ᙮ ᒋᔨᐛᐤ ᐊᐅᒄ ᐅᔅᑕ ᐊ ᐃᑕᔨᒥᑎᑯᒡ᙮ ᑕᐸ ᐎᔨᐛᐤ ᐊᐛᓯᒡ ᒋᐸ ᐅᒋ ᒪᐅᒋᑎᒧᐛᐅᒡ ᒐᒂᔪᐤ ᐅᓂᒋᐃᑯᐛᐛ᙮ ᐅᓂᒋᐃᑯᒪᐅᒡ ᒋᐸ ᒪᐅᒋᑎᒧᐛᐅᒡ ᐅᑦ ᐊᐛᓯᒧᐛᐛ ᒐᒂᔪᐤ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮