2 ᑯᕆᓐᑎᔭᓇ 12:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᐅᑯᓐ ᒪᒃ ᐊ ᐃᓯᓇᒂᒡ᙮ ᑕᐸ ᒋ ᐅᒋ ᓂᑐᑎᒪᑎᓇᐛᐤ ᓱᓇᔭᐤ ᒐᒋ ᐛᐎᒋᐃᔭᒄ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒂᓐ᙮ ᐱᔅᒐ ᒪᒃ ᐊᐛᓐᒋ ᐃᔅᒋᔄᐅᒡ ᐊᑲ ᑯᐃᔅᒄ ᐅᒋ ᐃᔨᒥᐃᑎᑯᒡ᙮ ᐃᔅᒋᔄᐅᒡ ᐊᒋ ᐎᔭᓯᒥᑎᑯᒡ᙮

2 ᑯᕆᓐᑎᔭᓇ 12:16 Iomraidhean Croise

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

2 ᑯᕆᓐᑎᔭᓇ 12:13

ᑕᓐ ᑲ ᐃᓯ ᐊᑲ ᒧᔭᒻ ᐃᑐᑕᑎᑯᒡ ᒋᔨᐛᐤ ᑕᓐ ᐊ ᐃᑐᑐᐅᒂᐤ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᐊᓐ ᐊ ᐊᑲ ᐅᒋ ᐊᔨᒧᑎᒪᑎᑯᒡ ᒐᒋ ᐛᐎᒋᐃᔭᒄ᙮ ᐛᐸᔨᑎᒧᒄ ᑲ ᐅᓂᑐᑕᑎᑯᒐ ᐊᑲ ᐅᒋ ᓂᑐᑎᒪᑎᑯᒡ ᒐᒋ ᐛᐎᒋᐃᔭᒄ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑯᕆᓐᑎᔭᓇ 6:8

ᑎᑯᓐ ᐊ ᐃᓯ ᒥᔪ ᐊᔨᒧᒥᑯᐅᔭᒡ᙮ ᑎᑯᓐ ᐊ ᐃᓯ ᐊᑐᐛᔨᒥᑯᐅᔭᒡ᙮ ᑯᑎᑭᒡ ᓂ ᒥᔽᒋᒥᑯᓇᓂᒡ᙮ ᑯᑎᑭᒡ ᓂ ᒪᔭᔨᒥᑯᓇᓂᒡ᙮ ᑯᑎᑭᒡ ᑲ ᑭᑭᒋᔭᒡ ᓂᑦ ᐃᑕᔨᒥᑯᓇᓂᒡ ᒥᒄ ᒪᒃ ᒧᔅ ᑕᑈᐅᓐ ᓂ ᐎᑕᓇᓐ᙮

2 ᑯᕆᓐᑎᔭᓇ 7:2

ᐊᑲᐎᔾ ᐃᒐᓂᓇᓐ᙮ ᑕᐸ ᓂ ᐅᒋ ᐅᓂᑐᑐᐛᓇᓐ ᐊᐛᓐ᙮ ᓇᒪ ᓂ ᐅᒋ ᓂᓱᐅᓇᒋᐊᓇᓐ ᐊᐛᓐ ᑭᔭ ᓇᒪ ᓂ ᐅᒋ ᐎᔭᓯᐊᓇᓐ ᐊᐛᓐ᙮

1 ᑕᓴᓗᓂᔭᓇ 2:3

ᐃᔅᐱ ᑲ ᐎ ᒐᔅᑎᓇᒋᒥᑕᒡ ᑕᓐ ᐊ ᐃᓯ ᑕᑈᒥᑲᒡ ᒥᔽᒋᒧᐅᓐ ᓇᒪ ᒋ ᐅᒋ ᑭᑭᒋᔭᒥᑎᓇᓐ᙮ ᓇᒪ ᓂᑎᒥᒄ ᓂ ᐅᒋ ᐃᑎᓇᓐ ᑭᔭ ᓇᒪ ᒋ ᐅᒋ ᐎ ᐎᔭᓯᐃᑎᓇᓐ ᐊᓐᑕ ᒐᒋ ᐅᒋ ᑕᑈᑎᒪᒄ ᒥᔽᒋᒧᐅᓐ᙮

1 ᑕᓴᓗᓂᔭᓇ 2:5

ᓴᒐᔾ ᔅᒋ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᔭᒡ ᐅ ᑲ ᐃᔅᒋᔄᔭᒡ᙮

1 ᐱᑕᕐ 2:3

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓴᔅ ᒋ ᒋᔅᒐᔨᑎᒥᐃᑯᓇᐛᐤ ᑕᓐ ᐊᔅᐱᔅ ᒥᔪᑐᑎᒪᑕᒄ ᐅᑎᐸᔨᒋᒐᐤ᙮”