2 ᑯᕆᓐᑎᔭᓇ 12:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓂᑦ ᐊᔭᔅᑯᐎᔨᓐ ᒥᓐ ᒐᒋ ᒧᐱᔅᑕᑎᑯᒡ᙮ ᐊᐅᒄ ᐅ ᓂᔍᐤ ᒐ ᒧᐱᔅᑕᑎᑯᒡ᙮ ᓇᒪ ᒪᒃ ᐎ ᓱᓇᔭᐤ ᒋ ᐎ ᐊᔨᒧᑎᒪᑎᓇᐛᐤ᙮ ᒋᔨᐛᐤ ᐊᐅᒄ ᐅᔅᑕ ᐊ ᐃᑕᔨᒥᑎᑯᒡ᙮ ᑕᐸ ᐎᔨᐛᐤ ᐊᐛᓯᒡ ᒋᐸ ᐅᒋ ᒪᐅᒋᑎᒧᐛᐅᒡ ᒐᒂᔪᐤ ᐅᓂᒋᐃᑯᐛᐛ᙮ ᐅᓂᒋᐃᑯᒪᐅᒡ ᒋᐸ ᒪᐅᒋᑎᒧᐛᐅᒡ ᐅᑦ ᐊᐛᓯᒧᐛᐛ ᒐᒂᔪᐤ᙮

2 ᑯᕆᓐᑎᔭᓇ 12:14 Iomraidhean Croise

ᐊᑈᔅᑕᓇᒡ 20:33

ᒋ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮

1 ᑯᕆᓐᑎᔭᓇ 10:24

ᓇᒪ ᒥᒄ ᐊᓂᔭ ᐎ ᐊ ᒥᔪ ᐎᒋᐃᑯᑦ ᒐᒂᔪᐤ ᒋᐸ ᐅᒋ ᐃᑐᑎᒻ ᐊᐛᓐ᙮ ᐃᔭᐱᒡ ᐃᑐᑎᒧᒄ ᒐᒂᓐ ᒐ ᒥᔪ ᐎᒋᐃᑯᒡ ᑯᑎᑭᒡ ᐊᐛᓐᒋ᙮

1 ᑯᕆᓐᑎᔭᓇ 10:33

ᐊᐅᑯᓐ ᐊ ᐃᑎᔭᓐ ᓂᔾ, ᒧᔅ ᓂ ᐎ ᓂᓇᐃᑎᒪᐤ ᒥᓯᐛ ᐊᐛᓐ ᒥᓯᐛ ᑕᓐ ᐊ ᐃᑎᔭᓐ᙮ ᓂ ᑯᒋᑕᓐ ᐊᑲ ᒥᒄ ᓂᔾ ᒐᒋ ᒪᒥᑐᓇᔨᒥᓱᔭᓐ ᒐᒂᓐ ᐊᓐ ᒐ ᒥᔪ ᐎᒋᐃᑯᐛᓇ᙮ ᐊᔪᐤ ᐊᓂᔭᔪᐛ ᒐᒂᔪᐛ ᑯᑎᑭᒡ ᐊᐛᓐᒋ ᒐ ᒥᔪ ᐎᒋᐃᑯᐛᒂ ᓂ ᒪᒥᑐᓇᔨᑎᒥᐃᑯᓐ, ᑭᔭ ᒐᒋ ᐃᓯᓇᑯᓂᔨᒡ ᒐᒋ ᐱᒪᒋᐅᒡ᙮

1 ᑯᕆᓐᑎᔭᓇ 11:34

ᐊ ᓯᐛᔨᒂ ᐊᐛᓐ, ᒋᓴᒡ ᒋᐸ ᒥᒋᓱᐤ ᓇᑕ ᐊ ᑕᑦ ᐊᔅᒄ ᐊᑲ ᐸᒋ ᑎᑯᓯᐧᒃ᙮ ᐅ ᒪᒃ ᐊ ᐃᓯ ᒪᒧᐎᔭᒄ ᓇᒪ ᒋᑭ ᐅᒋ ᐃᑐᑕᓇᐛᐤ ᒐᒂᓐ ᐊᓐᑕ ᒐᒋ ᐅᒋ ᓂᓱᐅᓇᒋᒥᑕᒄ ᒋᓴᒪᓂᑐᐤ᙮ ᑎᑯᓯᓂᔭᓇ ᓇᑕ ᐊᑐᐎᔅ ᒥᓐ ᒋᑭ ᒋᔅᑯᑎᒪᑎᓇᐛᐤ᙮

1 ᑯᕆᓐᑎᔭᓇ 16:5

ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᓂᑭ ᓴᐳᑐᐛᑕᓐ᙮ ᐊᑯ ᒪᒃ ᒐ ᓂᑐᐛᐱᒥᑎᑯᒡ ᐃᔅᐱ ᒋ ᐃᑐᑕᔭᓇ ᐊᓐᑕ᙮

1 ᑯᕆᓐᑎᔭᓇ 4:19

ᒥᒄ ᒪᒃ ᐎᐱᒡ ᒋᑭ ᐸᒋ ᓂᑐᐛᐱᒥᑎᓇᐛᐤ, ᐅᑎᐸᔨᒋᒐᐤ ᓂᑐᐛᔨᒥᒐ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᒐ ᓂᑐ ᒋᔅᒐᔨᒥᒂᐤ ᐅᒡ ᒋᒋᐛ ᑲ ᐃᑕᔨᒥᓱᒡ ᑕᑈ ᑲ ᒥᔨᑯᐛᒂ ᒋᓴᒪᓂᑐᐛ ᓱᐧᑲᑎᓯᐅᓂᔪᐤ ᒪᒃ ᓴᒐᔾ ᒥᒄ ᐊ ᐃᔅᒋᔄᐛᒂᓂᒋ ᐊᓂᔭ ᑕᓐ ᐊ ᐃᔅᒋᔄᒡ᙮

1 ᑯᕆᓐᑎᔭᓇ 9:12

ᓇᒪᐎᔾ ᒐᒂᓐ ᒋᑦ ᐃᑕᔨᑕᓇᓄᐤ ᑯᑎᑭᒡ ᐊᐛᓐᒋ ᐊ ᐱᒪᒋᐊᑯᒡ᙮ ᐊᑐᐎᔅ ᒪᒃ ᐃᑕᔨᑕᑯᓐ ᓂᔭᓐ ᒐᒋ ᐱᒪᒋᐃᔭᒡ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑕᒡ ᒐᒋ ᐎᒋᐃᔨᐊᒡ ᓇᒪ ᐃᔭᐱᒡ ᒋ ᐅᒋ ᑯᒂᒋᒥᑎᓇᓐ᙮ ᐊᑯ ᒪᒃ ᓂᔭᓐ ᐸᒥᐱᔨᐃᓱᔭᒡ ᐛᔅ ᑕᐸ ᓇᓂᑐᐛᔨᑕᓇᓐ ᒐᒂᓐ ᒐᒋ ᒋᐱᔅᑲᑯᔭᒡ ᐊ ᐎ ᐛᐎᑎᒪᒡ ᒥᔽᒋᒧᐅᓐ᙮

1 ᑯᕆᓐᑎᔭᓇ 9:18

ᒐᒄ ᑎᐸᐊᒪᑯᓯᐅᓐ ᒪᒃ ᒪᔨᑯᐅᔭᓐ᙮ ᐊᓐ ᓴᒐᔾ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ ᐊᐅᑯᓐ ᐊᓐ ᓂᑎᐸᐊᒪᑯᓯᐅᓐ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑎᑯᒡ ᒐᒋ ᐱᒪᒋᐃᔭᒄ ᐊ ᐛᐎᑎᒪᓐ ᒥᔽᒋᒧᐅᓐ ᓇᒪ ᒋ ᑯᒂᒋᒥᑎᓇᐛᐤ ᒐᒋ ᐛᐎᒋᐃᔭᒄ᙮

1 ᑯᕆᓐᑎᔭᓇ 9:19

ᓇᒪ ᒐᒂᓐ ᓂᒥᒪᒋᑭᓂᑯᓐ ᐛᔅ ᓇᒪ ᐊᐛᓐ ᓂ ᐅᑦ ᐊᐱᒋᐊᑭᓂᑐᑕᒄ᙮ ᒥᒄ ᒪᒃ ᐃᔭᐱᒡ ᓂᔾ ᑎᐱᔨᐛ ᓂᒋ ᐎᔭᔨᑕᓐ ᒥᓯᐛ ᐊᐛᓐ ᒐ ᐎ ᐊᑐᔅᑯᐅᒃ᙮ ᐊᑯ ᒪᒃ ᒥᒐᑦ ᐊᐛᓐ ᒐ ᐃᑐᑐᐅᒃ ᒐᒋ ᑕᑈᑕᐧᒃ ᒥᔽᒋᒧᐅᓂᔪᐤ᙮

2 ᑯᕆᓐᑎᔭᓇ 1:15

ᑲ ᐃᔅᐱᔅ ᒋ ᒐᔅᑎᓇᑕᔨᑎᒥᐃᑯᔭᓐ ᒥᓯᐛ ᐅ, ᓂᒋ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᒧᐱᔅᑕᑎᑯᒡ᙮ ᐊᑯ ᒪᒃ ᒋᐸ ᓇᐃᐱᔪᐤ ᓂᔄᐤ ᒐᒋ ᐎᒋᐃᑎᑯᒡ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 12:13

ᑕᓐ ᑲ ᐃᓯ ᐊᑲ ᒧᔭᒻ ᐃᑐᑕᑎᑯᒡ ᒋᔨᐛᐤ ᑕᓐ ᐊ ᐃᑐᑐᐅᒂᐤ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᐊᓐ ᐊ ᐊᑲ ᐅᒋ ᐊᔨᒧᑎᒪᑎᑯᒡ ᒐᒋ ᐛᐎᒋᐃᔭᒄ᙮ ᐛᐸᔨᑎᒧᒄ ᑲ ᐅᓂᑐᑕᑎᑯᒐ ᐊᑲ ᐅᒋ ᓂᑐᑎᒪᑎᑯᒡ ᒐᒋ ᐛᐎᒋᐃᔭᒄ᙮

ᑲᓚᓯᔭᓇ 4:19

ᒋᔨᐛᐤ ᓂᑦ ᐊᐛᓯᒥᒡ ᑲ ᐃᑕᔨᒥᑎᑯᒡ, ᒧᔭᒻ ᐃᔎᐤ ᐊ ᐃᔅᐱᔅ ᐊᐧᑯᓯᑦ ᐊ ᐎ ᐛᐱᒪᐅᓱᑦ ᐊᐅᑯᓐ ᒥᓐ ᐊ ᐃᑎᒪᒋᐅᔭᓐ ᐊ ᒪᒥᑐᓇᔨᒥᑎᑯᒡ, ᐊᐅᑯᓐ ᒐ ᐃᑎᒪᒋᐅᔭᓐ ᐸᑐᔅ ᓂᔅᐱᑐᐛᒂ ᒋᓴᔅ ᐊ ᐃᑕᔨᑕᑯᓯᑦ᙮

ᐱᓕᐱᔭᓇ 4:1

ᐊᑯ ᒪᒃ ᓂᐧᑲᓂᓯᑐᒄ, ᒋᔨᐛᐤ ᓇᔅᒡ ᑲ ᓴᒋᐃᑎᑯᒡ, ᒧᔅ ᑲ ᒺᔅᑕᑎᑎᑯᒡ᙮ ᓄᐅᒡ ᒋᒥᔽᔨᑎᒥᐃᓇᐛᐤ ᑭᔭ ᒋ ᒪᒥᒋᐃᓇᐛᐤ ᒐᒋ ᑎᐸᒋᒥᑎᑯᒡ᙮ ᐊᐅᒄ ᐅ ᑲ ᐃᓯ ᐊᔨᒧᑎᒪᑎᑯᒡ ᐊ ᓂᑐᐛᔨᒥᑎᑯᒡ ᒐᒋ ᐊᔨᒋᑲᐳᐅᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮

ᐱᓕᐱᔭᓇ 4:17

ᓇᒪᔭᐤ ᐊ ᓂᑐᐛᔨᑎᒪᓐ ᒋᓱᓇᔭᓂᒧᐛᐤ ᐊᔪᐛᒃ ᓂᑐᐛᔨᑕᓐ ᒐᒋ ᐛᔪᑎᒡ ᒐ ᐃᓯ ᓱᐛᔨᒥᑯᐅᔭᒄ᙮

1 ᑕᓴᓗᓂᔭᓇ 2:11

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ᐛᐎᒋᐊᑦ ᐅᑦ ᐊᐛᓯᒪ᙮

1 ᑕᓴᓗᓂᔭᓇ 2:8

ᐊᓐ ᒪᒃ ᓇᔅᒡ ᐊ ᓴᒋᐃᑕᒡ ᓴᔅ ᓂᒋ ᐊᔭᔅᑯᐎᔨᒧᓇᓐ ᓇᒪ ᒥᒄ ᒐᒋ ᐛᐎᑎᒪᑕᒡ ᒥᔽᒋᒧᐅᓐ᙮ ᓂᒋ ᐱᔅᑕᔨᑎᒥᐃᑯᐅᓇᓐ ᑭᔭ ᓂᐱᒪᑎᓯᐅᓇᓇ ᒐᒋ ᐎᒋᐃᑕᒡ ᑲ ᐃᔅᐱᔅ ᓴᒋᐃᑕᒡ᙮