2 ᑯᕆᓐᑎᔭᓇ 12:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᐅᑯᓐ ᑭᔭ ᐛᒋ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ᓯᒋᔭᓯᓐ ᐅ ᐊ ᐃᓯ ᐊᔨᒥᐅᔭᓐ ᐛᔅ ᐊᑯᑕ ᐛᒋ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ᓱᒐᔨᑕᑯᓯᔭᓐ᙮

2 ᑯᕆᓐᑎᔭᓇ 12:10 Iomraidhean Croise

ᓗᒃ 6:22

ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᐛᐧᑲᑎᑯᐅᔭᒄ, ᐊᑲ ᐱᔅᑲᑎᑯᐅᔭᒄ, ᐊ ᒪᔭᔨᒥᑯᐅᔭᒄ ᑭᔭ ᐊ ᒥᒋ ᐊᔨᒧᒥᑯᐅᔭᒄ ᓂᔾ ᐅᒋ ᐊ ᓇᓴᐅᔭᒄ, ᐃᔪᐤ ᐅᑯᓯᓴᓐ᙮”

ᒠᓐ 15:21

ᒥᓯᐛ ᐅ ᑲ ᐃᓯ ᐊᔨᒧᑎᒪᑎᑯᒡ ᒐ ᐃᑐᑕᑕᑯᒡ ᓂᔾ ᐊᓂᔭᔪᐤ ᒐ ᐅᒋ ᐃᑐᑕᑕᑯᒡ ᐛᔅ ᑕᐸ ᐅᒋ ᒋᔅᒐᔨᒪᐅᒡ ᐊᓂᔭ ᑲ ᐸᒋ ᐃᑎᓴᐅᔨᒋ᙮

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:3

ᐊᐅᒄ ᒪᒃ ᐛᒋ ᐃᓯᓇᑯᓯᔭᐧᒄ ᐃᔭᐱᒡ ᐊ ᒧᒋᒐᔨᑎᒪᐧᒄ ᐊᑎ ᐊᓐᑕ ᒪᒂᒡ ᐊ ᐊᔨᒥᐅᔭᐧᒄ, ᐛᔅ ᒋ ᒋᔅᒐᔨᑕᓇᓄᐤ ᐊᓐᑕ ᐊᓐ ᐊ ᐊᔨᒥᐅᔭᐧᒄ ᐊᑯᑕ ᐛᒋ ᐊᑐᐎᔅ ᓱᒐᔨᑕᑯᓯᔭᐧᒄ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

2 ᑯᕆᓐᑎᔭᓇ 1:4

ᐊᐅᒄ ᐅ ᒧᔅ ᒪᔽᔨᒧᐃᑕᐧᒄ ᑕᑥᐤ ᐊ ᐊᔨᒥᐅᔭᐧᑯ᙮ ᐊᑯᑕ ᐛᒋᐱᔨᒡ ᒐᒋ ᒋᔅᒐᔨᑎᒪᐧᒄ ᑕᓐ ᒐ ᐃᓯ ᐎᒐᐊᐧᑯᒡ ᒋᔭᓄᐤ ᑯᑎᑭᒡ ᐊᐛᓐᒋ ᐊ ᐊᔨᒥᐅᒡ᙮ ᒋᓴᒪᓂᑐᐤ ᐊᒋ ᒥᔽᔨᒧᐃᑕᐧᒄ ᑕᓐᑕ ᑲ ᐊᔨᒥᐅᔭᐧᒄ ᑭᔭ ᒐᔅᒐᔨᑎᒪᐧᒄ ᑭᔭ ᒋᔭᓄᐤ ᒐᒋ ᒥᔽᔨᒧᐊᐧᑯᒡ ᐊᐛᓐᒋ ᐊ ᐊᔨᒥᐅᒡ᙮

2 ᑯᕆᓐᑎᔭᓇ 10:18

ᐎᔾ ᐊ ᒥᔽᒋᒥᓱᑦ ᐊᐛᓐ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ᙮ ᐛᔅ ᒧᔭᒻ ᒪᒃ ᐅᑎᐸᔨᒋᒐᐛ ᒥᔽᒋᒪᑭᓄᒐ ᐊᔪᐅᒄ ᐊᓂᔭ ᐃᔭᒄ ᐃᔭᐱᑎᓂᔨᒡ᙮

2 ᑯᕆᓐᑎᔭᓇ 12:9

ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

2 ᑯᕆᓐᑎᔭᓇ 13:4

ᐊᑎ ᐊᑲ ᐅᒋ ᓴᐱᓯᑦ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒋᓴᒪᓂᑐᐛ ᐅᓱᐧᑲᑎᓯᐅᓂᒡ ᐅᒡ ᐱᒪᑎᓯᐤ ᐊᓄᒡ᙮ ᐊᐅᑯᓐ ᒪᒃ ᐊ ᐃᓯᓇᑯᓯᔭᒡ ᑭᔭ ᓂᔭᓐ ᐊ ᐎᒐᐎᒋᒡ ᙭, ᓇᒪ ᓂᓴᐱᓯᓇᓐ᙮ ᒥᒄ ᒪᒃ ᙭ ᓂᑭ ᐱᒪᑎᓯᔅᑐᐛᓇᓐ ᒋᓴᒪᓂᑐᐤ ᐅᓱᐧᑲᑎᓯᐅᓂᒡ ᐅᒡ ᒋᔨᐛᐤ ᒐᒋ ᐊᑐᔅᑲᑕᒡ᙮

2 ᑯᕆᓐᑎᔭᓇ 13:9

ᓂ ᒥᔽᔨᑕᓇᓐ ᐊᓐᑕ ᒪᒂᒡ ᐊᑲ ᓯᔭᐱᓯᔭᒡ ᓂᔭᓐ ᐊᑯᑕ ᒋᔨᐛᐤ ᓱᒋᑲᐳᔭᒄ ᐅᑎᐸᔨᒋᒐᐤ ᐊ ᑕᑦ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᓂᑕᐅᒋᔭᒄ ᐎᔾ ᐃᔅ ᐊ ᑕᑦ᙮

2 ᑯᕆᓐᑎᔭᓇ 4:17

ᓇᒪ ᓇᔅᒡ ᒐᒂᓐ ᐃᑕᔨᑕᑯᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᑭᔭ ᐊᓐ ᑕᓐ ᐊ ᐃᓯ ᓂᒋᔅᑭᒪᐧᒄ ᓇᒪ ᓇᐅᔅ ᒋᑭ ᐅᒋ ᐱᒥᐱᔪᐤ᙮ ᐛᔅ ᒋ ᐎᒋᐃᑯᓇᓄᐤ ᒐᒋ ᐊᔭᔭᐧᒄ ᑲᒋᒡ ᒋᔅᑕᔨᑕᑯᓱᐅᓐ᙮ ᐊᑐᐎᔅ ᒪᒃ ᒥᔅᑎ ᐃᑕᔨᑕᑯᓐ ᐅ ᐃᔅᐱᔅ ᑕᓐ ᐊ ᐃᓯ ᓂᒋᔅᑭᒪᐧᒄ᙮

2 ᑯᕆᓐᑎᔭᓇ 4:5

ᐃᔅᐱ ᐊ ᑭᒐᔅᒋᒧᔭᒡ ᓇᒪ ᓂᔭᓐ ᓂᑦ ᐊᔨᒧᒥᓱᓇᓐ᙮ ᒋᓴᔅ ᙭ ᓂᑦ ᐊᔨᒧᒪᓇᓐ ᐎᔾ ᐊ ᑎᐸᔨᒋᒐᐅᑦ᙮ ᒋᓴᔅ ᓂᒋ ᐸᒋ ᐃᑎᓴᐅᑯᓇᓐ ᒐᒋ ᐊᑐᔅᑲᑕᒡ᙮

2 ᑯᕆᓐᑎᔭᓇ 5:15

ᒥᓯᐛ ᐊᐛᔪᐛ ᒋ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ᐱᑯᓴᔨᑕᒂᒡ ᐊᓐᒡ ᑲ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ᓇᐊᔨᑕᒡ ᒐᒋ ᐃᓯ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ᓂᐸᐊᑭᓄᔨᒋ ᑭᔭ ᑲ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

2 ᑯᕆᓐᑎᔭᓇ 5:20

ᐊᑯ ᒪᒃ ᐊ ᐊᔨᒥᔅᑎᒧᐎᒋᑦ ᙭᙮ ᒋᓴᒪᓂᑐᐤ ᓂᑦ ᐊᐱᒋᐃᑯᐅᓇᓐ ᐊ ᑕᑈᑎᑕᒄ᙮ ᒋ ᓯᒋᒥᑎᓇᓐ ᒥᓐ ᑲᐤ ᒐᒋ ᐎᒐᐛᒄ ᒋᓴᒪᓂᑐᐤ ᒧᔭᒻ ᙭ ᐎᔾ ᐊ ᓯᒋᒥᑕᒄ ᐊ ᐃᓯ ᐃᔨᒥᐃᑕᒡ᙮

2 ᑯᕆᓐᑎᔭᓇ 6:4

ᒥᒄ ᑕᓐ ᐊ ᐃᑐᐛᒐ ᓱᒃ ᓂ ᐎ ᓂᔅᑐᓇᑯᐃᓱᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ᙮ ᓱᒃ ᓂᓯᐱᔪᐛᓯᔅᑕᓇᓐ ᑕᓐ ᐊ ᐃᓯ ᐊᔨᒥᐅᔭᒡ᙮ ᓂ ᓂᓇᐧᑲᑕᔨᒧᐃᑯᐅᓇᓐ᙮ ᓂ ᓂᓇᐧᑲᒋᐃᑯᐅᓇᓐ᙮

2 ᑯᕆᓐᑎᔭᓇ 7:4

ᒥᔅᑎ ᒋᑕᑈᐅᒐᔨᒥᑎᓇᐛᐤ᙮ ᑭᔭ ᓇᔅᒡ ᑕᑈ ᒋ ᒪᒥᒋᐃᓇᐛᐤ᙮ ᓇᔅᒡ ᑕᑈ ᓂ ᒥᔽᔨᒧᐃᑯᐅᓐ ᐊ ᒋᔅᒋᓯᑐᑕᑎᑯᒡ᙮ ᐊᑎ ᐊ ᐊᔨᒥᐅᔭᒡ ᐃᔭᐱᒡ ᓇᔅᒡ ᓂ ᒥᔽᔨᑕᓐ᙮

ᐃᐱᓯᔭᓇ 6:10

ᐊᐅᒄ ᒪᔅᑕᔾ ᒐ ᐃᑎᑎᑯᒡ ᒐᒂᓐ, ᓂᐧᑲᓂᓯᑐᒄ᙮ ᐊᓐᑕ ᐅᑎᐸᔨᒋᒐᐤ ᐅᓱᐧᑲᑎᓯᐅᓂᒡ ᑭᔭ ᐅᒥᔅᑯᓯᐅᓂᒡ ᐊᑯᑕ ᐎ ᐃᓯ ᐊᔨᒋᑲᐳᐅᒄ᙮

ᐱᓕᐱᔭᓇ 1:29

ᒋᓴᒪᓂᑐᐤ ᒪᒃ ᔅᒋ ᐎᔭᔨᒧᑯᐛᐤ ᓇᒪᔭᐤ ᒥᒄ ᒐᒋ ᑕᑈᔭᔨᒪᒄ ᙭, ᔅᒋ ᐎᔭᔨᒥᑯᐛᐤ ᑭᔭ ᒐᒋ ᓂᓇᐧᑲᒋᐃᑯᐅᔭᒄ ᙭ ᐅᒡ᙮

ᑯᓚᓯᔭᓇ 1:24

ᓂ ᒥᔽᔨᑕᓐ ᒪᒃ ᐊ ᓂᓇᐧᑲᑕᔨᒧᐃᑯᐅᔭᓐ ᒋᔨᐛᐤ ᐅᒋ, ᑭᔭ ᓂᔭᓯᒡ ᓄᐅᔅᒋᑕᓐ ᐊᓂᔭ ᑕᓐ ᐊ ᐃᓯ ᓄᑕᐱᔨᒡ ᙭ ᐅᐎᓯᒐᔨᑎᒧᐅᓂᒡ, ᒐᒋ ᐎᒋᐃᒂᐤ ᒪᒧᐤ ᑲ ᐊᔭᒥᐊᐛᑎᓯᒡ, ᙭ ᐎᔪᐤ᙮

2 ᑕᓴᓗᓂᔭᓇ 1:4

ᐊᐅᒄ ᒪᒃ ᐅ ᐛᒋ ᒪᒥᔽᔨᑎᒥᔨᔭᒡ ᑭᔭ ᐊᔨᒧᒥᑕᒡ ᐊᓐᑕ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊ ᑕᒡ᙮ ᓂ ᒪᒥᒋᔨᓱᓇᓐ ᐊ ᐊᔨᒧᑎᒪᒡ ᐊᑲ ᐳᓂᔭᒄ ᑭᔭ ᐊᔅᒄ ᐃᔭᐱᒡ ᐊ ᑕᑈᐅᒐᔨᒪᒄ ᙭ ᐊᑎ ᐃᔅᐱᔅ ᓂᓇᐧᑲᑕᔨᒧᐃᑯᐅᔭᒄ ᑭᔭ ᐊᔅᐱᔅ ᐊᔨᒥᐅᔭᒄ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:2

ᓂᐧᑲᓂᓯᑐᒄ, ᒥᔽᔨᑎᒧᒄ ᓂᓇᐧᑯᐤ ᐊ ᐃᓯ ᑯᒂᒋᐃᑯᐅᔭᒄ᙮

ᒋᔅᒐᔨᑕᑯᑕᒐᐅᓐ 2:3

ᒧᔅ ᔅᒋ ᓯᐱᔪᐛᓯᓇᐛᐤ ᐊ ᓂᒋᔅᑭᒪᒄ ᒐᒂᓐ᙮ ᔅᒋ ᐊᔨᒥᐅᓇᐛᐤ ᑭᔭ ᐊ ᓇᓴᐅᔭᒄ᙮ ᓇᒪ ᒪᒃ ᒋ ᐅᒋ ᓄᑎᐳᓂᓇᐛᐤ ᐊ ᑕᑈᑎᒪᒄ᙮