2 ᑯᕆᓐᑎᔭᓇ 12:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑎ ᐊᑲ ᓇᔅᒡ ᓴᓯᑲᓐ ᐃᑕᐱᑎᒡ ᓂᑭ ᐊᔨᒧᒥᓱᓐ᙮ ᓂᔅᑎᒻ ᑕᓐ ᑲ ᐃᓯ ᐛᐸᑎᔨᑦ ᑭᔭ ᑕᓐ ᑲ ᐃᓯ ᒋᔅᒐᔨᑎᒥᐃᑦ ᐅᑎᐸᔨᒋᒐᐤ ᓂᑭ ᐊᔨᒧᑎᒺᓐ᙮

2 ᑯᕆᓐᑎᔭᓇ 12:1 Iomraidhean Croise

ᒠᓐ 16:7

ᒥᒄ ᒪᒃ ᑯᐃᔅᒄ ᐊ ᐎᑎᒪᑎᑯᒡ ᐃᐛᒃ ᐛᔅ ᐊᓐ ᒋᑭ ᐎᒋᐃᑯᓇᐛᐤ ᐊ ᔅᑐᑕᔭᓐ, ᐛᔅ ᐊᑲ ᔅᑐᑕᔭᓇ ᓇᒪ ᒋᑭ ᐅᒋ ᐸᒋ ᓂᑐᐛᐱᒥᑯᐛᐤ ᐊᓐ ᒐ ᐎᒋᐃᑕᒄ, ᔅᑐᑕᔭᓇ ᒪᒃ ᐊᐅᑯᓐ ᐊᓐ ᒐ ᐸᒋ ᐃᑎᓴᐊᒪᑎᑯᒡ᙮

ᒠᓐ 18:14

ᐊᐅᒄ ᑲᔭᐸᔅ ᑲ ᐃᑕᑯᐱᓇ ᐊᓂᔭᔪᐛ ᒍᐤ ᐃᔪᐛ ᐃᐛᒃ ᒋᐸ ᒥᔪᐱᔨᐧᑯᐱᓇ ᐸᐃᒄ ᓇᐸᐤ ᒐᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ᙮

ᐊᑈᔅᑕᓇᒡ 18:9

ᐸᐃᒂᐤ ᐊ ᑎᐱᔅᑲᔨᒡ ᑈᓪ ᒋ ᐛᐸᑎᔭᑭᓄᐤ ᒐᒂᔪᐤ, ᐅᑎᐸᔨᒋᒐᐛ ᐊ ᐃᔨᒥᐃᑯᑦ ᐊ ᐃᑎᑯᑦ, “ᐊᑲᐎᔾ ᑯᔅᑕᒋ, ᐃᔭᐱᒡ ᑭᒐᔅᒋᒧᐤ, ᐊᑲᐎᔾ ᓄᑎᐳᓂ᙮

ᐊᑈᔅᑕᓇᒡ 23:11

ᐊᓂᔭ ᒪᒃ ᑕᐱᔅᑲᔨᒡ, ᐅᑎᐸᔨᒋᒐᐤ ᒋ ᐸᒋ ᓂᐳᐅᔪᐛ ᐊᓐᑕ ᑈᓪ ᐊ ᑕᑦ ᐊᑯ ᒂ ᐃᑎᑯᑦ, “ᓱᒃ ᐎ ᓱᒋᑕᐊ, ᔅᒋ ᐊᔨᒧᒥᓐ ᐅᑕ ᒋᕈᓯᓕᒥᒡ, ᐊᐅᑯᓐ ᒪᒃ ᒐ ᐃᑎᔨᓐ ᑭᔭ ᐊᓐᑕ ᕈᒥᒡ᙮”

1 ᑯᕆᓐᑎᔭᓇ 10:23

ᐱᔅᒐ ᐊᐛᓐᒋ ᐃᔅᒋᔄᐅᒡ ᒥᒄ ᐛ ᐃᑎᔭᐧᒄ ᒋᑭ ᒋ ᐃᑎᓇᓄᐤ᙮ ᑕᑈ ᑭᑈ᙮ ᒥᒄ ᒪᒃ ᓇᒪ ᒥᓯᐛ ᒐᒂᓐ ᐊ ᐃᑐᑎᒪᐧᒄ ᒋ ᒥᔪ ᐃᑐᑕᑯᓇᓄᐤ᙮ ᑭᔭ ᓇᒪ ᒥᓯᐛ ᒐᒂᓐ ᐊ ᐃᑐᑎᒪᐧᒄ ᒋ ᒥᔪ ᐎᒋᐃᑯᓇᓄᐤ ᒐᒋ ᐊᔨᒋᑲᐳᐅᔭᐧᒄ᙮

1 ᑯᕆᓐᑎᔭᓇ 14:6

ᓂᐧᑲᓂᓯᑐᒄ, ᐸᒋ ᓂᑐᐛᐱᒥᑎᑯᒡ ᒪ ᐊ ᒂᔅᒋᐃᔨᒥᔭᓐ, ᒋᐸ ᐎᒋᐃᑯᓇᐛᐤ ᐊ ᐊᓐ ᐃᓯ ᐃᔨᒥᐃᑎᑯᒡ ? ᓇᒪᐎᔾ ᑭᑈ᙮ ᐊᑯ ᒪᒃ ᐊ ᓂᔅᑐᑐᐅᔭᒄ ᐃᓯ ᐃᔨᒥᔭᓐ, ᐛᐎᑎᒪᑎᑯᒡ ᑕᓐ ᑲ ᐃᓯ ᐛᐸᑎᔨᑦ ᒋᓴᒪᓂᑐᐤ, ᑭᔭ ᒪᒃ ᑕᓐ ᑲ ᐃᓯ ᒋᔅᒐᔨᑎᒥᐃᑦ, ᑭᔭ ᒪᒃ ᒋᔅᒋᐛᐃᒐᔭᓐ, ᑭᔭ ᒪᒃ ᒋᔅᑯᑎᒪᑎᑯᒡ ᐊᐅᒄ ᐅ ᐃᔭᒄ ᒋᐸ ᐎᒋᐃᑯᓇᐛᐤ᙮

1 ᑯᕆᓐᑎᔭᓇ 6:12

ᒥᒄ ᒪᒃ ᐊᔅᒄ ᒋᑭ ᒋ ᑕᐤ ᐊᐛᓐ ᐊᓐᑕ ᐊ ᑕᔭᒄ ᐊ ᐸᒋ ᐃᓯᑦ, “ᑯᐃᔅᒄ ᓂᑦ ᐃᑎᓐ ᓂᑦ ᐃᑕᔨᑕᓐ ᒥᒄ ᐛ ᐃᑎᔭᓐ ᓂᑭ ᐃᑎᓐ ᐊ ᒂᔅᑲᑎᓯᔭᓐ᙮” ᓂᐦᐃ, ᑕᑈ᙮ ᒥᒄ ᒪᒃ ᓇᒪ ᒥᓯᐛ ᒐᒂᓐ ᐊ ᐃᑎᔨᓐ ᒋᑭ ᐅᒋ ᐎᒋᐃᑯᓐ᙮ ᐊ ᐃᔅᒋᔄᐅᓇ ᒥᒄ ᐛ ᐃᑎᔭᓐ ᓂᑭ ᒋ ᐃᑎᓐ ᐎ ᒋᔅᒐᔨᑕ ᐊᑲ ᒐᒂᓐ ᒋᐸ ᐅᒋ ᐱᔅᑎᓇᓐ ᒐᒋ ᑎᐸᔨᒥᑯᔨᓐ᙮

2 ᑯᕆᓐᑎᔭᓇ 12:11

ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮

2 ᑯᕆᓐᑎᔭᓇ 12:5

ᓂᐸ ᒋ ᓂᓇᐸᐛᒋᒪᐤ ᐅ ᓇᐸᐤ᙮ ᓂᔾ ᒪᒃ ᐎ ᓇᒪ ᓂᑭ ᐅᒋ ᓂᓇᐸᐅᒧᓐ᙮ ᒥᒄ ᑕᓐ ᐊᔅᐱᔅ ᐃᔨᔨᒥᓯᔭᓐ ᐊᐅᑯᓐ ᐊᓐ ᒐ ᐊᔨᒧᑎᒪᓐ᙮

2 ᑯᕆᓐᑎᔭᓇ 12:7

ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮

2 ᑯᕆᓐᑎᔭᓇ 12:9

ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

2 ᑯᕆᓐᑎᔭᓇ 8:10

ᐊᐅᒄ ᒪᒃ ᐊ ᐃᑕᔨᒥᑎᑯᒡ ᒋᐸ ᐃᑎᓇᐛᐤ᙮ ᐊ ᐱᐳᒡ ᒋᔨᐛᐤ ᓂᔅᑎᒻ ᓇᔅᒡ ᔅᒋ ᐃᑕᔨᑕᓇᐛᐤ ᒐᒋ ᐱᔅᑎᓂᒐᔭᒄ, ᔅᒋ ᒋᒋᐱᔨᑕᓇᐛᐤ ᒪᒃ ᐊ ᐱᔅᑎᓂᒐᔭᒄ᙮

ᑲᓚᓯᔭᓇ 1:12

ᓇᒪ ᐎ ᓇᐸᐤ ᐊ ᑕᑦ ᓂ ᐅᒋ ᐅᑎᓇᓐ᙮ ᓇᒪ ᑭᔭ ᓇᐸᐤ ᓂ ᐅᒋ ᒋᔅᑯᑎᒪᒄ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᒋᔅᒐᔨᑎᒥᐃᒄ ᐅᔭ ᒥᔽᒋᒧᐅᓂᔪᐤ᙮

ᑲᓚᓯᔭᓇ 2:2

ᒋᓴᒪᓂᑐᐤ ᓂᒋ ᐛᐸᑎᔨᒄ ᐊ ᓂᑐᐛᔨᒥᑦ ᐊᓐᑕ ᒐᒋ ᐃᑐᑕᐅᒡ᙮ ᑲ ᑎᑯᓯᓂᔭᓐ ᒪᒃ ᐊᓐᑕ ᓂᔾ ᑭᔭ ᐊᓐᒡ ᑲ ᓂᑲᓂᐊᑭᓄᐎᒡ ᑲ ᑕᑈᑕᒡ ᑎᐸᓐ ᓂᒋ ᒪᒧᐎᓇᓐ᙮ ᓂᒋ ᐎᑎᒧᐛᐅᒡ ᑕᓐ ᐊᓐ ᑲ ᐃᔅᒋᔄᐅᒡ ᑲ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᓂᒋ ᐎ ᒋᔅᒐᔨᒪᐅᒡ ᑕᓐ ᐊ ᐃᑕᔨᑎᒥᐃᑯᐛᒂ ᐊᓂᔭ ᑲ ᐃᓯ ᐛᐎᑎᒧᒡ᙮ ᐛᔅ ᒋ ᑎᑯᓂᑯᐱᓇ ᒐᒂᔪᐤ ᐊᑲ ᐅᒋ ᓇᐊᔨᑎᒥᐃᑯᒡ ᒐᔅᑲ ᒋᐸ ᐃᓯᓇᑯᓐ ᑕᓐ ᑲ ᐃᓯ ᐸᒋ ᐛᐎᑎᒪᓐ ᐊᓐᑕ ᐅᑕᒡ᙮ ᓇᒪ ᒪᒃ ᓂ ᐅᒋ ᓂᑐᐛᔨᑕᓐ ᒐᔅᑲ ᒐᒋ ᐃᓯᓇᒂᒡ᙮

ᐃᐱᓯᔭᓇ 3:3

ᓂᒋ ᒥᔨᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒧᒡ ᐊᓂᔭ ᑲ ᐃᓯ ᐎᔭᔨᑎᒧᑯᐱᓇ ᒐ ᐃᑎᑦ ᐊᑲ ᐊᐛᔪᐛ ᐅᒋ ᒋᔅᒐᔨᑎᒥᔨᒋ᙮ ᐊᐱᓯᔅ ᓂᑦ ᐊᔨᒧᑕᓐ ᐅ ᐅᑕ ᐅ ᑲ ᒥᓯᓇᐊᒪᑎᑯᒡ᙮

1 ᑕᓴᓗᓂᔭᓇ 4:15

ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᑎᑯᓯᒐ ᒋᓴᔅ ᓇᒪ ᓂᑲᓐ ᒋᑭ ᐅᒋ ᓂᒋᔅᑯᐛᓄᐤ ᐊᔅᒄ ᐊᑲ ᓂᒋᐊᒡ ᐊᓐᒡ ᓴᔅ ᑲ ᓂᐱᒡ ᑲ ᑕᑈᑕᒡ᙮ ᐅ ᑲ ᐃᓯ ᐎᑎᒪᑕᒡ ᐎᔾ ᐅᑎᐸᔨᒋᒐᐤ ᒋ ᐃᑕᐤ ᐅᔭ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮