2 ᑯᕆᓐᑎᔭᓇ 11:32 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³² ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲ ᑕᔭᓐ ᐊᓐ ᐱᑐᐅᒋᒪᐤ ᐊᓐ ᐛᒋ ᑕᒋᔅᑯᐛᑦ ᐊᓂᔭ ᒋᓴᐅᒋᒪᐛ ᐊᕆᑕᔅ ᑲ ᐃᓯᓂᐧᑲᓱᔨᒋ ᒋ ᐃᑎᓱᐛᔪᐛ ᒐᒋ ᐅᑎᓂᑯᐅᒡ ᐊᓐᑕ ᐅᑕᓇᒡ᙮ ᒋ ᐎ ᐎᐎᔭᓐ ᐊᓐ ᐅᑕᓇᐤ ᓂᐸ ᒪᑯᓂᑯᓐ᙮

2 ᑯᕆᓐᑎᔭᓇ 11:32 Iomraidhean Croise

ᐊᑈᔅᑕᓇᒡ 9:10

ᐊᓐᑕ ᒪᒃ ᑕᒪᔅᑲᓯᒡ ᒋ ᑕᐤ ᓇᐸᐤ ᐊ ᑕᑈᔭᔨᒪᑦ ᒋᓴᓴ, ᐊᓇᓇᔭᔅ ᒋ ᐃᓯᓂᐧᑲᓱᐤ᙮ ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ, ᐊᑯᑕ ᒪᒃ ᑲ ᐃᔨᒥᐃᑯᑦ ᐅᑎᐸᔨᒋᒐᐛ ᐊ ᐃᑎᑯᑦ, “ᐊᓇᓇᔭᔅ᙮” ᐊᑯ ᒂ ᐃᑕᑦ, “ᒐᒂᓐ ᑎᐸᔨᒋᒐᓱᐤ ?”

ᐊᑈᔅᑕᓇᒡ 9:2

ᒂ ᓂᑐᑎᒧᐛᑦ ᒐᒋ ᒥᔨᑯᑦ ᒥᓯᓇᐃᑭᓂᔪᐤ ᒐᒋ ᐛᐸᑎᔭᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᒍᐤ ᐊᔭᒥᐊᐅᒋᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᐊ ᐎᑕᑭᓄᐎᒡ ᐊᓐᑕ ᐊ ᒥᔭᑭᓄᐅᑦ ᒐᒋ ᒪᑯᓇᑦ ᐃᔎᐛ ᑭᔭ ᓇᐸᐛ ᑲ ᑕᑈᔭᔨᒪᔨᒋ ᒋᓴᓴ, ᑭᔭ ᑲᐤ ᒐᒋ ᒋᐛᑕᐊᑦ ᐊᓐᑕ ᒋᕈᓯᓕᒥᒡ᙮

ᐊᑈᔅᑕᓇᒡ 9:8

ᐊᑯ ᓴᓪ ᒂ ᐱᓯᑯᑦ, ᐃᔅᐱ ᒪᒃ ᑲ ᑐᐧᑲᐱᑦ, ᓇᒪ ᐅᒋ ᐛᐸᑎᒻ᙮ ᐊᑯ ᐊᓐᒡ ᓇᐸᐅᒡ ᑲ ᓯᒋᓂᔅᒐᑕᐊᒡ ᐊ ᐃᑐᑕᐊᒡ ᐊᓐᑕ ᑕᒪᔅᑲᓯᒡ᙮

2 ᑯᕆᓐᑎᔭᓇ 11:26

ᒥᒐᑥᐤ ᓂᒋ ᐱᐸᒥᐱᔨᓐ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐅ ᒪᒃ ᑲ ᐃᓯ ᐱᐸᒥᐱᔭᓐ ᒥᒐᑥᐤ ᒋ ᑯᔅᑕᑎᑯᓐ ᓯᐱᒡ ᐊ ᑕᔭᓐ᙮ ᒥᒐᑥᐤ ᒋ ᑯᔅᐱᓇᑕᔨᑕᑯᓐ ᑲᒋᒧᑎᒡ ᒐᒋ ᒪᓯᐧᑯᒡ᙮ ᒥᒐᑥᐤ ᓂᒋ ᐊᔨᒥᐃᑯᒡ ᒍᐤ ᑲ ᐃᑎᔅᑲᓇᓯᒡ ᓂᑦ ᐃᔨᒥᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᐅᑕᓇᒡ ᓂᒋ ᐎᓯᒐᔨᑎᒥᐃᑯᓐ ᑭᔭ ᐊᓐᑕ ᐸᐧᑯᑎᔅᑭᒥᑲᒡ ᓂᒋ ᐊᔨᒥᐅᓐ᙮ ᐎᓂᐸᑯᒡ ᑭᔭ ᓂᒋ ᐊᔨᒥᐅᓐ᙮ ᑭᔭ ᐊᓐᒡ ᓂᐧᑲᓂᓯᒡ ᑲ ᐃᑕᔨᒥᒂᐤ ᐊᑲ ᒪᒃ ᑕᑈ ᑲ ᐎᐧᑲᓂᓱᐛᐸᓇ ᓂᒋ ᐊᔨᒥᐃᑯᒡ᙮