2 ᑯᕆᓐᑎᔭᓇ 11:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋ ᐱᑯᓴᔨᒥᑎᓇᐛᐤ ᒐᒋ ᓯᐱᔪᐛᓯᔅᑐᔭᒄ ᐊᐱᓯᔅ ᐊ ᒋᔎ ᐃᔨᒥᔭᓐ᙮ ᓇᔅᒡ ᒋ ᐱᑯᓴᔨᒥᑎᓇᐛᐤ ᒐᒋ ᓯᐱᔪᐛᓯᔅᑐᔭᒄ᙮

2 ᑯᕆᓐᑎᔭᓇ 11:1 Iomraidhean Croise

ᒪᑎᔪᐤ 17:17

ᒋᓴᔅ ᒪᒃ ᒋ ᐃᑕᐤ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ, “ᒋᔨᐛᐤ ᐃᔪᒡ ᐊᓄᒡ ᑲ ᐱᒪᑎᓯᔭᒄ ᐊᑲ ᐊᔭᔭᒄ ᑕᑈᑎᒧᐅᓐ ᑭᔭ ᐊᑲ ᒂᔅᑲᑎᓯᔭᒄ, ᑕᓐ ᒐ ᐃᔅᐱᔅ ᑕᔭᓐ ᐅᑕ ᐊ ᑕᔭᒄ ᐃᔭᒄ ᒐᒋ ᓂᔅᑐᑎᒪᒄ ? ᑕᓐ ᒐ ᐃᔅᐱᔅ ᐊᓱᐛᐱᒥᑎᑯᒡ ᐊᑯ ᒐᒋ ᐊᔭᔭᒄ ᑕᑈᑎᒧᐅᓐ ? ᐸᓱᐛᒄ ᐊᓐ ᓇᐸᔅ᙮”

ᐊᑈᔅᑕᓇᒡ 18:14

ᒧᔭᒻ ᒪᒃ ᑈᓪ ᒋ ᐎ ᐃᔨᒧᐤ, ᑲᓕᐅ ᒂ ᐃᑕᑦ ᐊᓂᔭᔪᐛ ᒍᐤ ᐃᔪᐛ, “ᑕᑈ ᑲ ᐅᓂᑐᑎᒧᒂ ᐅ ᓇᐸᐤ ᑈᓪ, ᒋᐸ ᓂᑐᑕᑎᓇᐛᐤ᙮

ᐊᑈᔅᑕᓇᒡ 26:29

ᐊᑯ ᑈᓪ ᒂ ᐃᑕᑦ, “ᐛᐃᐱᔅᒋᔅ ᑭᔭ ᒪᒃ ᓇᐅᔅ, ᒐ ᑎᓯᐧᑲᓱᒪᑭᓂᒂ, ᓂ ᐱᑯᓴᔨᒪᐤ ᒋᓴᒪᓂᑐᐤ ᒐᒋ ᐃᓯᓇᑯᐃᑕᒄ ᑭᔭ ᒋᔨᐛᐤ ᑭᔭ ᐊᓐᒡ ᑯᑎᑭᒡ ᑲ ᓂᑐᑐᐅᒡ ᒧᔭᒻ ᓂᔾ ᑲ ᐃᓯᓇᑯᓯᔭᓐ ᒐᒋ ᐃᓯᓇᑯᓯᔭᒄ, ᓴᔅ ᐊᒋ ᒂᔅᑲᑎᓯᔭᓐ᙮ ᓇᒪᐎᔾ ᑭᑈ ᐎ ᒐᒋ ᒪᒋᒪᐱᔅᑲᐅᑯᔭᒄ ᐃᓴᒂᔭᐱᔭ ᒧᔭᒻ ᓂᔾ ᐊ ᐃᓯᓇᑯᓯᔭᓐ ᐊᓄᒡ᙮”

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

1 ᑯᕆᓐᑎᔭᓇ 4:8

ᒧᔭᒻ ᓴᔅ ᒥᓯᐛ ᐊ ᐊᔭᔭᒄ ᑕᓐ ᒋᐸ ᐃᓯ ᐊᔭᓇᐛᐤ ᒋᑦ ᐃᑕᔨᑕᓇᐛᐤ᙮ ᑭᔭ ᒋᑦ ᐃᑕᔨᑕᓇᐛᐤ ᓇᔅᒡ ᐊ ᐛᑎᒡ ᐊᔭᔭᒄ ᑕᓐ ᑲ ᐃᓯ ᓄᑕᐱᔨᔭᒄ ᒥᔨᐛᐅᓇ᙮ ᒋᒋᓴᐅᒋᒪᐅᓇᐛᐤ ᐊ ? ᐊᑲ ᒪᒃ ᒋᓴᐅᒋᒪᐎᔭᒡ ᓂᔭᓐ᙮ ᑭᒪ ᑕᑈ ᒋᒋᐛ ᒋᓴᐅᒋᒪᐎᔭᒄ ᐊᑯ ᑭᔭ ᓂᔭᓐ ᓂᐸ ᒋᓴᐅᒋᒪᐅᓇᓐ᙮

2 ᑯᕆᓐᑎᔭᓇ 11:19

ᓇᒪ ᒪᒃ ᒋᐸ ᐅᒋ ᑯᔅᑯᓯᑯᓇᐛᐤ ᐅ᙮ ᓇᔅᒡ ᑕᑈ ᒋ ᑭᒐᑕᐛᔨᒥᓱᓇᐛᐤ᙮ ᒪᓐ ᒥᒄ ᑲ ᐃᓯ ᐱᑎᑲᐊᑯᒡ ᐊᓐᒡ ᑲ ᒋᔎ ᐃᔨᒥᒡ᙮

2 ᑯᕆᓐᑎᔭᓇ 11:21

ᑕᑈ ᑭᑈ ᓂᒋ ᐅᓂᐱᔨᓇᓐ ! ᓂ ᓴᒂᔨᒧᓐ ᒐᒋ ᐃᔅᒋᔄᔭᓐ ᐊᑲ ᐅᒋ ᐃᑎᔭᒡ ᐅ ᓂᔭᓐ᙮ ᐊᑲ ᓂᑲᐎᒂ ᐊᐛᓐ ᒐᒋ ᓂᓇᐸᐅᒧᑦ ᑕᓐ ᐊ ᐃᑎᑦ ᓂᐸ ᒋ ᓂᓇᐸᐅᒧᓐ ᑭᔭ ᓂᔾ᙮ ᒥᓐ ᒪᒃ ᓂ ᒋᔎ ᐃᔨᒥᓐ ᐅ ᑲ ᐃᔅᒋᔄᔭᓐ᙮

2 ᑯᕆᓐᑎᔭᓇ 11:4

ᒥᔅᑯᒡ ᐛᒋᐱᔪᐛ ᒥᒄ ᒐᒋ ᐃᓯ ᑕᑈᑎᒪᒄ ᑕᓐ ᐊ ᐃᓯ ᐛᐎᑎᒪᑕᑯᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒋᔅᑯᑎᒪᒐᓱᒡ, ᐊ ᐃᑕᔨᒪᑯᒡ᙮ ᓇᔅᒡ ᒋᓂᑐᑐᐛᐛᐤ ᐊᐛᓐ ᐃᔭᒡ ᐊ ᐃᓯ ᐊᔨᒧᒪᑦ ᒋᓴᓴ ᑕᓐ ᑲ ᐃᓯ ᐊᔨᒧᑎᒪᑕᒡ ᓂᔭᓐ᙮ ᐊᓄᒡ, ᒥᒄ ᒋ ᐊᑎ ᐃᓯ ᑕᑈᐅᒐᔨᒪᐛᐤ ᐃᔭᒡ ᐊ ᐃᑕᔨᑕᑯᓯᑦ ᐊᒐᐧᒄ ᑕᓐ ᑲ ᐃᑕᔨᑕᑯᓯᑦ ᐊᓐ ᑲ ᐸᔭᒋᓯᑦ ᐊᒐᐧᒄ ᓂᔅᑎᒻ ᑲ ᐊᔭᐛᒄ᙮ ᑭᔭ ᐃᔭᒡ ᐊ ᐃᑎᑕᑯᒡ ᒥᔽᒋᒧᐅᓐ ᐊᓐ ᑲ ᐃᓯ ᐎᑎᒪᑕᒡ ᒥᒄ ᒋ ᐊᑎ ᐃᓯ ᑕᑈᑕᓇᐛᐤ᙮

2 ᑯᕆᓐᑎᔭᓇ 12:11

ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮

2 ᑯᕆᓐᑎᔭᓇ 5:13

ᐊᑎ ᒧᔭᒻ ᐊ ᒋᔎᔭᒡ ᐊ ᐃᑕᔨᑕᑯᓱᐛᒐ ᑕᓐ ᐊ ᑎᔭᒡ ᐎᔾ ᒋᓴᒪᓂᑐᐤ ᓂᑦ ᐃᑐᑎᒺᓇᓐ ᒥᓯᐛ ᒐᒂᔪᐤ᙮ ᐊᑯ ᒪᒃ ᐊ ᐃᑈᐧᑲᐅᑕᑯᓱᐛᒐ ᐛᔅ ᐊᓐ ᒋ ᐎ ᐎᒋᐃᑎᓇᓐ ᐊᓐ ᐛᒋ ᐃᑕᔨᑕᑯᓯᔭᒡ᙮

ᐃᑉᕈᐛ 5:2

ᐊᓐ ᐊᐛᓐ ᑲ ᒋᓴᐊᔭᒥᐊᐅᒋᒪᐅᑦ ᒋᔅᒐᔨᑎᒻ ᑭᔭ ᐎᔾ ᑕᓐ ᐊ ᐃᑕᔨᑕᑯᓂᔨᒡ ᐊ ᓂᒋᔅᑲᑭᓄᔨᒋ ᑯᒂᒋᐃᐛᐅᓂᔪᐤ᙮ ᐊᑯ ᒪᒃ ᒐᔅᒐᔨᒪᑦ ᐃᔭᒂ ᒐᒋ ᐃᑐᑐᐛᑦ ᐊᓂᔭ ᐅᑦ ᐃᔨᒪ ᐊᑲ ᐃᑈᐧᑲᔨᒋ ᐊᑲ ᑯᐃᔅᒄ ᑎᔨᒋ᙮