2 ᑯᕆᓐᑎᔭᓇ 10:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐎᔾ ᐊ ᒥᔽᒋᒥᓱᑦ ᐊᐛᓐ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ᙮ ᐛᔅ ᒧᔭᒻ ᒪᒃ ᐅᑎᐸᔨᒋᒐᐛ ᒥᔽᒋᒪᑭᓄᒐ ᐊᔪᐅᒄ ᐊᓂᔭ ᐃᔭᒄ ᐃᔭᐱᑎᓂᔨᒡ᙮

2 ᑯᕆᓐᑎᔭᓇ 10:18 Iomraidhean Croise

ᓗᒃ 16:15

ᒋᓴᔅ ᒪᒃ ᒋ ᐃᑕᐤ, “ᒋᑦ ᐃᓯᓇᑯᐃᑎᓱᓇᐛᐤ ᒧᔭᒻ ᐊ ᑯᐃᔅᑯᑕᑎᓯᔭᒄ ᐊᓐᑕ ᐅᑎᔅᑯᐤ ᐃᔪᒡ ᐊ ᑕᒡ, ᒥᒄ ᒪᒃ ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᒋᒋᐛ ᐊ ᐃᑕᔨᑕᑯᓯᔭᒄ᙮ ᐛᔅ ᐊᓂᔭᔪᐛ ᒐᒂᔪᐛ ᒋᒋᐛ ᑲ ᐃᑕᔨᑎᒥᐃᑯᒡ ᐊᐛᓐᒋ ᒋᓴᒪᓂᑐᐤ ᐛᐧᑲᑎᒻ ᐊᓂᔭᔪᐛ᙮”

ᒠᓐ 12:43

ᐛᔅ ᐃᐛᒃ ᒋ ᐃᑕᔨᒪᐅᒡ ᐃᔪᐛ ᒐᒋ ᓇᐊᔨᑎᒪᐊᒡ ᐃᔅᐱᔅ ᐎᔾ ᒋᓴᒪᓂᑐᐛ ᒐᒋ ᓇᐊᔨᑎᒪᐊᒡ᙮

ᐊᑈᔅᑕᓇᒡ 2:22

ᒂ ᐊᑎ ᐃᔅᒋᔄᑦ ᒥᓐ ᐱᑕᕐ, “ᒋᔨᐛᐤ ᐃᔅᕋᐃᓕᒡ ᑲ ᐅᒋᔭᒄ ᓂᑐᑐᐅᒄ ᑕᓐ ᒐ ᐃᓯ ᐊᔨᒧᒥᒃ ᒋᓴᔅ ᓇᓴᕆᑎᒡ ᑲ ᐅᒋᑦ᙮ ᓇᔅᒡ ᒋ ᓄᑯᓂᔪᐤ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ ᐊᓂᔭ ᐊᒋ ᒪᒥᔅᑲᒡ ᐃᑎᑦ ᑭᔭ ᐊᒋ ᒪᒥᔅᑲᒡ ᐛᐸᑎᔨᐛᑦ ᓂᓇᐧᑯᐤ ᒐᒂᔪᐛ ᑭᔭ ᐊᒋ ᐛᐸᑎᔨᐛᑦ ᒋᔅᒋᓄᐛᒡ ᐛᐸᑎᔨᐛᐅᓇ᙮ ᒋᔨᐛᐤ ᒋ ᒋᔅᒐᔨᑕᓇᐛᐤ ᐅ ᐛᔅ ᐊᑯᑕ ᐅᑕ ᒪᒂᒡ ᐊ ᑕᔭᒄ ᑲ ᐃᑐᑕᐧᒃ ᐅᔭ ᒐᒂᔪᐛ ᒋᓴᒪᓂᑐᐛ ᐊᒋ ᒥᔨᑯᑦ ᑭᔅᒋᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18

ᐊᓐ ᒪᒃ ᐊᐛᓐ ᑲ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:10

ᓂ ᐛᒋᔭᒪᐤ ᐊᐸᓕᔅ᙮ ᑕᑈ ᓄᑯᓂᔪᐤ ᐊ ᑕᑈᔭᔨᒪᑦ ᒋᓴᓴ ᐊᓂᔭ ᑕᓐ ᐊ ᐃᓯ ᐱᒪᑎᓯᑦ᙮ ᓂ ᐛᒋᔭᒪᐅᒡ ᐊᓐᒡ ᐊᕆᔅᑕᐳᓚᔅ ᐎᒋᔨᒡ ᐊ ᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:29

ᐊᓐ ᐊᐛᓐ ᒋᒋᐛ ᒍᐤ ᑲ ᑕᑦ ᓄᑯᓂᔪᐤ ᐊᓐᑕ ᐱᒡ ᐅᐱᒪᑎᓯᐅᓂᒡ ᑕᑈ ᒍᐤ ᐊ ᑕᑦ᙮ ᐛᔅ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᐊ ᒋᔅᒋᓄᐛᒋᔄᑯᐅᔭᐧᒄ ᒋᑕᐃᓇᒡ, ᐊᐅᒄ ᒪᒃ ᐅ ᒋᒋᐛ ᒋᔅᒋᓄᐛᒋᔄᐅᓐ, ᓇᒪᔭᐤ ᐎ ᐎᓱᐛᐅᓐ ᐊ ᓂᓇᐃᑎᒪᐧᒄ ᒋᑭ ᒋ ᒋᔅᒋᓄᐛᒋᔄᑯᓇᓄᐤ ᒋᑕᐃᓇᒡ᙮ ᐊᐅᒄ ᒪᒃ ᐅ ᐊᐛᓐ ᒋᒋᐛ ᒍᐤ ᑲ ᑕᑦ ᒋᓴᒪᓂᑐᐛ ᐊᐅᒄ ᒐ ᓂᑐᐛᔨᒪᑦ ᒐᒋ ᒪᒥᔽᒋᒥᑯᑦ ᓇᒪ ᐎ ᓇᐸᐛ᙮

1 ᑯᕆᓐᑎᔭᓇ 11:19

ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮

1 ᑯᕆᓐᑎᔭᓇ 4:5

ᐊᐅᒄ ᒪᒃ ᐅ ᐅᒋ ᐊᑲᐎᔾ ᒋᑭ ᐅᒋ ᑎᐸᔅᑯᓇᓐ ᒐᒂᓐ ᐊᔅᒄ ᐊᑲ ᐅᑎᒋᐱᔨᒡ ᒐᒋ ᑎᐸᔅᑯᓇᑭᓄᐅᒡ᙮ ᐎᔾ ᐅᑎᐸᔨᒋᒐᐤ ᒧᓴ ᒋᑭ ᓄᑯᑕᐤ ᒥᓯᐛ ᒐᒂᔪᐤ ᑲ ᑲᑕᑭᓄᐎᒡ᙮ ᐛᐛᒡ ᐊᓂᔭ ᑕᓐ ᐊᓐ ᑲ ᐃᑕᔨᑎᒥᔨᒋ ᐊᐛᔪᐛ᙮ ᐊᑯ ᒪᒃ ᒥᓯᐛ ᐊᐛᓐ ᒐ ᐎᑎᒪᑯᑦ ᒋᓴᒪᓂᑐᐛ ᐊ ᓇᐊᔨᑎᒥᔨᒋ ᐊᓂᔭ ᑕᓐ ᑲ ᐃᓯ ᒥᔪᑐᑕᐧᒃ᙮

2 ᑯᕆᓐᑎᔭᓇ 10:12

ᓇᒪ ᓂ ᐎ ᐃᑎᓇᓐ ᑕᓐ ᐊ ᐃᑎᒡ ᐊᓐᒡ ᐊᐛᓐᒋ ᓇᔅᒡ ᒋᒋᐛ ᑲ ᐃᑕᔨᒥᓱᒡ᙮ ᒧᔭᒻ ᓇᔅᒡ ᐎᔨᐛᐤ ᐃᐛᒃ ᐊ ᐃᑕᔨᑕᑯᓯᒡ ᐊ ᐃᑕᔨᑕᑯᓯᔨᒋ ᑯᑎᑲ ᐊᐛᔪᐛ ᐊᑯᓐ ᐊ ᐃᑕᔨᒥᓱᒡ᙮ ᓇᔅᒡ ᑭᔭ ᑲ ᑭᓄᐛᐱᒥᑐᒡ ᑕᐱᑐᐤ ᒐᒋ ᐃᑕᔨᑕᑯᓯᒡ᙮ ᐊᔪᐛᒡ ᒪᒃ ᓇᒪ ᐃᑕᔨᑎᒧᒡ ᐊᓂᔭ ᑲ ᐃᑎᒡ᙮

2 ᑯᕆᓐᑎᔭᓇ 13:7

ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᓇᒪᐎᔾ ᐎ ᓇᐸᑦ ᒥᒄ ᒐᒋ ᓄᑯᑕᔭᒡ ᑕᑈ ᑯᐃᔅᒄ ᐊ ᑎᔭᒡ᙮ ᒋ ᓂᑐᐛᔨᒥᑎᓇᓐ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ ᐊᑎ ᐊ ᐃᑕᔨᒥᑯᐛᒐ ᐊᒋ ᐅᓂᐱᔭᒡ᙮

2 ᑯᕆᓐᑎᔭᓇ 3:1

ᒂᔄᓐ ᒋᑭ ᐃᑕᔨᒥᓇᐛᐤ, ᐊᑯ ᒥᓐ ᐛ ᒥᔪ ᐊᔨᒧᒥᓱᑦ᙮ ᓇᓂᑐᐛᔨᑕᓇᓐ ᐊ ᒥᓯᓇᐃᑭᓇ ᒐᒋ ᑎᒂᒋ ᐊ ᒥᔪ ᐊᔨᒧᒥᑯᐅᔭᒡ ᐃᔭᒄ ᒐᒋ ᓂᑐᑐᐅᔭᒡ ? ᐊᐅᑯᓐ ᐊ ᐃᑎᒡ ᐱᔅᒐ ᐊᐛᓐᒋ᙮ ᓂᔭᓐ ᒪᒃ ᐎ ᓇᒪ ᓂᑭ ᐅᒋ ᑐᑕᓇᓐ ᐅ᙮

2 ᑯᕆᓐᑎᔭᓇ 5:12

ᐅ ᒪᒃ ᐊ ᐃᓯ ᐃᔨᒥᔭᒡ ᓇᒪᐎᔾ ᐎ ᒥᓐ ᐊ ᐎ ᒥᔽᒋᒥᓱᔭᒡ᙮ ᒥᒄ ᒋ ᐎ ᒪᒥᒋᐃᑎᓇᓐ᙮ ᐊᑯ ᒪᒃ ᒐ ᒋᔅᒐᔨᑎᒪᒄ ᑕᓐ ᒐ ᐃᓯ ᐎᑎᒧᐛᑯᒡ ᐊᓐᒡ ᓇᔅᒡ ᒋᒋᐛ ᐊ ᐃᑕᔨᒥᓱᒡ ᐊᑲ ᓇᔅᒡ ᒪᒥᑕᔨᒥᓱᒡ ᑕᓐ ᒋᒋᐛ ᐊ ᐃᑕᔨᑕᑯᓯᒡ᙮

2 ᑯᕆᓐᑎᔭᓇ 6:4

ᒥᒄ ᑕᓐ ᐊ ᐃᑐᐛᒐ ᓱᒃ ᓂ ᐎ ᓂᔅᑐᓇᑯᐃᓱᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ᙮ ᓱᒃ ᓂᓯᐱᔪᐛᓯᔅᑕᓇᓐ ᑕᓐ ᐊ ᐃᓯ ᐊᔨᒥᐅᔭᒡ᙮ ᓂ ᓂᓇᐧᑲᑕᔨᒧᐃᑯᐅᓇᓐ᙮ ᓂ ᓂᓇᐧᑲᒋᐃᑯᐅᓇᓐ᙮

2 ᑎᒧᑎ 2:15

ᓱᒃ ᒧᔅ ᐎ ᐃᑐᑕ ᐊᓐ ᒪᐅᒡ ᐊ ᑭᔅᒋᐅᔨᓐ ᐊ ᐃᑐᑎᒥᓐ ᒐᒂᓐ ᐊᓂᔭ ᒐ ᓇᐊᔨᑎᒪᐃᑯᑦ ᒋᓴᒪᓂᑐᐤ, ᒧᔭᒻ ᐊᐛᓐ ᓱᒃ ᑲ ᐊᑐᔅᒐᑦ ᐊᑲ ᑎᑯᓂᔨᒡ ᑕᓐ ᒐ ᐃᓯ ᓴᒂᔨᒧᐃᑯᑦ ᐅᑦ ᐊᑐᔅᒐᐅᓐ᙮ ᐊᐛᓐ ᑯᐃᔅᒄ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᒋᐸ ᐃᑎᓐ᙮

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮