2 ᑯᕆᓐᑎᔭᓇ 10:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐱᔅᒐ ᐛᔅ ᐊᐛᓐᒋ ᐃᔅᒋᔄᐅᒡ, “ᓇᔅᒡ ᑕᑈ ᓱᒋᑕᑯᓂᔪᐤ ᑕᓐ ᐊ ᐃᑎᓯᓇᐃᒐᑦ ᑈᓪ᙮ ᒧᒡ ᒪᒃ ᐊ ᑕᑦ ᐅᑕ ᓇᔅᒡ ᑕᑈ ᐃᔨᔨᒥᓯᐛᔨᑕᑯᓱᐤ᙮ ᑭᔭ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ ᑕᓐ ᐊ ᐃᔅᒋᔄᑦ᙮”

2 ᑯᕆᓐᑎᔭᓇ 10:10 Iomraidhean Croise

ᐊᒃᓱᑕᔅ 4:10

ᒧᓱᔅ ᒂ ᐃᑕᑦ ᑎᐸᔨᒋᒐᓱᐛ, “ᑎᐸᔨᒋᒐᓱᐤ, ᓇᒪ ᓇᔅᒡ ᓂ ᑭᔅᒋᑕᓐ ᐊᔨᒥᔭᓐ᙮ ᓇᒪ ᓂ ᐅᒋ ᑭᔅᒋᑕᓐ ᐊᔨᒥᔭᓐ ᐊᒺᔭ ᐅᒋ ᐃᔨᒥᔨᓐ, ᑭᔭ ᐊᓄᒡ ᓇᒪ ᓂᑭᔅᒋᑕᓐ᙮ ᒋᒋᐛ ᐸᑎᐧᑲᒡ ᓂᑦ ᐃᔨᒥᓐ ᐊ ᐃᔨᒥᔭᓂ ᑭᔭ ᓂᑦ ᐊᔨᒥᐃᑯᓐ ᐛ ᐃᔨᒥᔭᓂ᙮”

1 ᑯᕆᓐᑎᔭᓇ 1:17

ᑕᐸ ᓂ ᐅᒋ ᐸᒋ ᐃᑎᓴᐅᒄ ᙭ ᒐᒋ ᓯᑲᐃᑕᒐᐅᒡ᙮ ᓂᒋ ᐸᒋ ᐃᑎᓴᐅᒄ ᒐᒋ ᑭᒐᔅᒋᒧᐅᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅ ᒪᒃ ᐊ ᐃᑎᔭᓐ ᓇᒪ ᐊᔅᒋᔪᐤ ᑭᒐᑕᐛᔨᑎᒧᐅᓐ ᓂᑦ ᐊᐱᒋᑕᓐ᙮ ᐛᔅ ᐅ ᐊᐱᒋᑕᔭᓐ ᐊᑯ ᑭᑈ ᓇᒪ ᒋᐸ ᐅᒋ ᓱᒐᔨᑕᑯᓐ ᐊᓐ ᒥᔽᒋᒧᐅᓐ ᐊᓐᑕ ᐃᔭᔨᒧᒪᑭᓄᐅᑦ ᙭ ᒋᐱᔭᑎᑯᒡ ᐊᒋ ᓂᐱᑦ᙮

1 ᑯᕆᓐᑎᔭᓇ 1:21

ᐊᑯ ᒪᒃ ᐊ ᐃᔅᐱᔅ ᑭᒐᑕᐛᔨᑕᐧᒃ ᒋᓴᒪᓂᑐᐤ ᒋ ᐃᑐᑎᒻ ᐊᑲ ᑭᒐᑕᐛᔨᑎᒧᐅᓂᒡ ᒐᒋ ᐅᒋ ᒋᔅᒐᔨᒥᑯᑦ ᐊᐛᔪᐛ᙮ ᐃᔭᐱᒡ ᒋ ᓇᐊᔨᑎᒥᐃᑯᐤ ᒐᒋ ᐱᒪᒋᐊᑦ ᐊᓂᔭ ᐊᐛᔪᐛ ᑲ ᑕᑈᑎᒥᔨᒋ ᐊᓂᔭ ᒋᔎ ᐃᔨᒧᐅᓂᔪᐤ ᑲ ᐃᓯᓂᐧᑲᑕᑭᓄᐎᒡ ᐊᓂᔭ ᐎᔭᐎᑎᒺᐧᒄ᙮

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 10:11

ᒥᒄ ᒪᒃ ᔭᐃᑕᔾ ᒐ ᐎ ᒋᔅᒐᔨᑕᒡ ᐅᒡ ᐊᐛᓐᒋ ᒧᔅ ᐊ ᐃᑐᑎᒪᓐ ᑕᓐ ᐊ ᐃᑎᓯᓇᐊᒪᑎᑯᒡ ᒐ ᐃᑐᑎᒪᓐ ᐃᔅᐱ ᐊᓐᑕ ᐊ ᑕᔭᒄ ᐊ ᑕᔭᓐ᙮

2 ᑯᕆᓐᑎᔭᓇ 10:9

ᓇᒪ ᒋ ᓂᑐᐛᔨᒥᑎᓇᐛᐤ ᒐᒋ ᐃᑕᔨᑎᒪᒄ ᐊ ᐎ ᑯᔅᑕᒋᐃᑎᑯᒡ ᑕᓐ ᐊ ᐃᑎᓯᓇᐊᒪᑎᑯᒡ᙮

2 ᑯᕆᓐᑎᔭᓇ 11:21

ᑕᑈ ᑭᑈ ᓂᒋ ᐅᓂᐱᔨᓇᓐ ! ᓂ ᓴᒂᔨᒧᓐ ᒐᒋ ᐃᔅᒋᔄᔭᓐ ᐊᑲ ᐅᒋ ᐃᑎᔭᒡ ᐅ ᓂᔭᓐ᙮ ᐊᑲ ᓂᑲᐎᒂ ᐊᐛᓐ ᒐᒋ ᓂᓇᐸᐅᒧᑦ ᑕᓐ ᐊ ᐃᑎᑦ ᓂᐸ ᒋ ᓂᓇᐸᐅᒧᓐ ᑭᔭ ᓂᔾ᙮ ᒥᓐ ᒪᒃ ᓂ ᒋᔎ ᐃᔨᒥᓐ ᐅ ᑲ ᐃᔅᒋᔄᔭᓐ᙮

2 ᑯᕆᓐᑎᔭᓇ 11:6

ᒂᔄᓐ ᓇᒪᐎᔾ ᓂᔾ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑕᑯᓯᑦ ᐊ ᐃᔨᒥᑦ, ᒥᒄ ᒪᒃ ᓂ ᑭᓄᐛᔨᑕᓐ ᒋᔅᒐᔨᑎᒧᐅᓐ᙮ ᑕᑥᐤ ᒪᒃ ᑲ ᐃᔨᒥᐃᑕᒡ ᓂᓇᐧᑯᐤ ᒐᒂᓐ ᐊ ᐎᑎᒪᑕᒡ ᔅᒋ ᐃᓯ ᐃᔨᒥᐃᑎᓇᓐ ᒐᒋ ᐱᔭᑭᔅᒡ ᓂᔅᑐᑎᒪᒄ᙮

2 ᑯᕆᓐᑎᔭᓇ 13:3

ᒋᑦ ᐃᔅᒋᔄᓇᐛᐤ ᐊ ᐎ ᐛᐸᑎᒪᒄ ᑕᑈ ᙭ ᐊ ᐃᔨᒥᔅᑎᒧᒃ᙮ ᓇᒪ ᐊᑲ ᓴᐱᓯᔪᐤ ᙭ ᐃᔅᐱ ᐸᒥᐧᑲᐧᒃ ᒋᐱᒪᑎᓯᐅᓄᐛᐛ᙮ ᒋ ᐛᐸᑎᒺᓇᐛᐤ ᐅᓱᐧᑲᑎᓯᐅᓐ ᒪᒂᒡ ᒐᒂᔪᐤ ᐊ ᐃᑐᑕᐧᒃ ᐊᓐᑕ ᐊ ᑕᐛᒄ᙮