2 ᑯᕆᓐᑎᔭᓇ 10:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 10:1 Iomraidhean Croise

ᑎᐱᑦ ᐅᓂᑭᒧᐅᓇ 45:4

ᑭᔭ ᒋᒋᓴᐅᒋᒪᐛᔨᑕᑯᓯᐅᓂᒡ ᐱᒥᑕᑎᐱ ᒥᔽᐱᒪᐅᓯᐃᓂᒡ, ᑕᑈᐅᓐ ᐅᒡ, ᔪᔅᑲᑎᓯᐅᓐ, ᑭᔭ ᑯᐃᔅᑯᑕᑎᓯᐅᓐ; ᒋᒥᔪᐅᓂᒡ ᒪᒃ ᒋᑭ ᒋᔅᒋᓄᐊᒪᑯᓐ ᑲ ᑯᔅᑕᑎᒂᒋ ᒐᒂᓇ᙮

ᒪᑎᔪᐤ 11:29

ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ᒥᔅᑲᓇᐛᐤ ᒪᒃ ᒐ ᐃᓯ ᐊᔽᐱᒡ ᒋᑦ ᐊᒐᐧᑯᐛᐅᒡ᙮

ᒪᑎᔪᐤ 21:5

ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ, ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ, ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ, ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮ ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮

ᐊᑈᔅᑕᓇᒡ 8:32

ᒋ ᐃᔨᒥᑕᐛᐤ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᑲ ᐃᑎᔅᑕᔨᒡ, ᒋ ᐃᑐᑕᑭᓄᐤ ᒧᔭᒻ ᒪᔭᑕᓂᓴ ᒐᒋ ᓂᐸᐊᑭᓄᐅᑦ, ᑭᔭ ᒧᔭᒻ ᐊ ᐊᐱᓯᓯᑦ ᒪᔭᑕᓂᔅ ᐊᑲ ᒋᔅᑐᑦ ᐅᑎᔅᑯᐤ ᐊᓂᔭ ᑲ ᒧᓱᑯᑦ, ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:20

ᐊᓂᔭᐧᑲ ᐊᐃᓴᔭ ᑯᐃᔅᒄ ᒋ ᐎᑎᒻ ᐅᔭ ᐊᒋ ᐃᔅᒋᔄᑯᐱᓇᓂ ᒋᓴᒪᓂᑐᐛ, ᓂᒋ ᒥᔅᑲᑯᒡ ᐊᓐᒡ ᐊᑲ ᐛᐛᒡ ᓇᓂᑐᐛᔨᒥᒡ᙮ ᓂᒋ ᓄᑯᓯᔅᑐᐛᐅᒡ ᐊᓐᒡ ᐊᑲ ᓇᓂᑐ ᒋᔅᒐᔨᒥᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:15

ᐅ ᒪᒃ ᒪᓯᓇᐊᒪᑎᑯᒡ ᑎᑯᓇ ᒐᒂᔪᐛ ᐊᑲ ᓇᔅᒡ ᐅᒋ ᓇᑲᐎᔭᓐ ᒐᒋ ᒋᔅᒋᓱᒥᑎᑯᒡ᙮ ᒋᓴᒪᓂᑐᐤ ᓂᒋ ᒥᔨᒄ ᐅᒋᓴᐛᑎᓯᐅᓐ ᐅ ᒐᒋ ᐃᑎᔭᓐ᙮

1 ᑯᕆᓐᑎᔭᓇ 2:3

ᓇᑕ ᐊ ᑕᔭᒄ ᑲ ᑕᔭᓐ ᓇᒪ ᓇᔅᒡ ᓂ ᐅᒋ ᑕᑈᐅᒐᔨᒥᓱᓐ᙮ ᓇᔅᒡ ᐃᔭᒂ ᓂᒋ ᐃᑎᓐ ᑭᔭ ᓂᒋ ᓇᓇᒥᐱᔨᓐ ᐊᔅᐱᔅ ᓴᒋᓯᔭᓐ᙮

1 ᑯᕆᓐᑎᔭᓇ 4:10

ᐛᔅ ᐊᓂᔭ ᐊ ᐊᑐᔅᑯᐅᒋᑦ ᙭, ᐊᐅᒄ ᐛᒋ ᐃᑕᔨᒥᑯᐅᔭᒡ ᐊ ᒋᔎᔭᒡ᙮ ᒋᔨᐛᐤ ᒪᒃ ᐎ ᒧᔭᒻ ᓇᔅᒡ ᐊ ᑭᒐᑕᐛᔨᑎᒪᒄ ᒋᑦ ᐃᑕᔨᒥᑯᐅᓇᐛᐤ ᐊ ᐊᑐᔅᑯᐛᒄ ᙭᙮ ᓂᔭᓐ ᐊᑈᔅᑕᓇᒡ ᓇᔅᒡ ᓇᒪ ᓂᓴᐱᓯᓇᓐ, ᒋᔨᐛᐤ ᐎ ᒪᒃ ᒋ ᓱᐧᑲᑎᓯᓇᐛᐤ᙮ ᓂ ᐛᐧᑲᑎᑯᐅᓇᓐ ᓂᔭᓐ᙮ ᒋᔨᐛᐤ ᒪᒃ ᒋ ᒋᔅᑕᔨᒥᑯᐅᓇᐛᐤ᙮

1 ᑯᕆᓐᑎᔭᓇ 4:21

ᐃᔅᐱ ᐸᒋ ᓂᑐᐛᐱᒥᑎᑯᒐ ᑕᓐ ᐊᐅᒄ ᐊ ᐃᓯ ᓂᑐᐛᔨᑎᒪᒄ᙮ ᒋ ᓂᑐᐛᔨᒥᓇᐛᐤ ᐊ ᒐᒋ ᐸᒋ ᑕᐧᑯᓂᒪᓐ ᐱᓯᔅᑕᐃᑭᓐ ᑭᔭ ᒪᒃ ᓴᒋᐃᐛᐅᓐ ᒐᒋ ᐸᑕᔭᓐ ᐸᐧᑲᒡ ᒐᒋ ᐃᑐᑕᑎᑯᒡ ?

2 ᑯᕆᓐᑎᔭᓇ 10:10

ᐱᔅᒐ ᐛᔅ ᐊᐛᓐᒋ ᐃᔅᒋᔄᐅᒡ, “ᓇᔅᒡ ᑕᑈ ᓱᒋᑕᑯᓂᔪᐤ ᑕᓐ ᐊ ᐃᑎᓯᓇᐃᒐᑦ ᑈᓪ᙮ ᒧᒡ ᒪᒃ ᐊ ᑕᑦ ᐅᑕ ᓇᔅᒡ ᑕᑈ ᐃᔨᔨᒥᓯᐛᔨᑕᑯᓱᐤ᙮ ᑭᔭ ᓇᒪᐎᔾ ᒐᒂᓂᒡ ᐃᑕᐱᑎᓂᔪᐤ ᑕᓐ ᐊ ᐃᔅᒋᔄᑦ᙮”

2 ᑯᕆᓐᑎᔭᓇ 10:2

ᓱᒃ ᒋ ᓂᑐᑎᒪᑎᓇᐛᐤ, ᐊᑲᐎᔾ ᐊᔨᐧᑭᒥᐃᒄ ᒐᒋ ᐊᑲ ᒥᓇᑎᓯᔭᓐ ᐅᑎᑎᑯᒐ᙮ ᑕᐸ ᓂᑭ ᐅᒋ ᒥᓇᑎᓯᓐ ᒥᑥᐅᒂᐛ ᐊᓐᒡ ᐊᐛᓐᒋ ᒥᒄ ᓂᔭᓐ ᐊ ᒪᒥᑐᓇᔨᒥᓱᐎᒋᒡ ᑲ ᐃᑕᔨᒥᔨᒥᒡ᙮

2 ᑯᕆᓐᑎᔭᓇ 10:7

ᐊᑲᐎᔾ ᐃᑎᒄ ᒧᔭᒻ ᐊᑲ ᐛᐸᑎᒪᒄ ᑕᓐ ᐊ ᐃᓯ ᒥᔪ ᓂᔅᑐᓇᒂᒡ᙮ ᐊ ᑕᒂ ᐊᐛᓐ ᐊ ᒐᔅᑎᓇᐅᑦ ᙭ ᐊ ᑎᐱᔨᐛᐅᓯᑐᑕᑯᑦ ᒐ ᐎ ᒋᔅᒐᔨᑕᐧᒃ ᐊᐅᑯᓐ ᐊᓐ ᑭᔭ ᒋᔭᓄᐤ ᑕᐸᔨᒥᑕᐧᒄ᙮

2 ᑯᕆᓐᑎᔭᓇ 11:21

ᑕᑈ ᑭᑈ ᓂᒋ ᐅᓂᐱᔨᓇᓐ ! ᓂ ᓴᒂᔨᒧᓐ ᒐᒋ ᐃᔅᒋᔄᔭᓐ ᐊᑲ ᐅᒋ ᐃᑎᔭᒡ ᐅ ᓂᔭᓐ᙮ ᐊᑲ ᓂᑲᐎᒂ ᐊᐛᓐ ᒐᒋ ᓂᓇᐸᐅᒧᑦ ᑕᓐ ᐊ ᐃᑎᑦ ᓂᐸ ᒋ ᓂᓇᐸᐅᒧᓐ ᑭᔭ ᓂᔾ᙮ ᒥᓐ ᒪᒃ ᓂ ᒋᔎ ᐃᔨᒥᓐ ᐅ ᑲ ᐃᔅᒋᔄᔭᓐ᙮

2 ᑯᕆᓐᑎᔭᓇ 11:30

ᓇᑐᐛᔨᑕᑯᓂᒂ ᐅ ᒐᒋ ᐃᓯ ᐃᔨᒥᔭᓐ ᐊᑯᓐ ᑭᑈ ᒐ ᐃᓯ ᐊᔨᒧᒥᓱᔭᓐ᙮ ᓇᒪ ᒪᒃ ᓂ ᐎ ᒋᔅᑕᔨᑕᑯᐃᓱᓐ᙮ ᐃᔭᐱᒡ ᓂᑭ ᐊᔨᒧᑕᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮

2 ᑯᕆᓐᑎᔭᓇ 12:5

ᓂᐸ ᒋ ᓂᓇᐸᐛᒋᒪᐤ ᐅ ᓇᐸᐤ᙮ ᓂᔾ ᒪᒃ ᐎ ᓇᒪ ᓂᑭ ᐅᒋ ᓂᓇᐸᐅᒧᓐ᙮ ᒥᒄ ᑕᓐ ᐊᔅᐱᔅ ᐃᔨᔨᒥᓯᔭᓐ ᐊᐅᑯᓐ ᐊᓐ ᒐ ᐊᔨᒧᑎᒪᓐ᙮

2 ᑯᕆᓐᑎᔭᓇ 3:12

ᓇᔅᒡ ᑕᑈ ᓂ ᒐᔅᑎᓇᑕᔨᑎᒥᐃᑯᓇᓐ ᐅ᙮ ᐊᐅᒄ ᒪᒃ ᐛᒋ ᒥᔪᐱᔨᒡ ᒥᒄ ᒐᒋ ᐃᓯ ᐎᑎᒪᑕᒡ᙮

2 ᑯᕆᓐᑎᔭᓇ 5:20

ᐊᑯ ᒪᒃ ᐊ ᐊᔨᒥᔅᑎᒧᐎᒋᑦ ᙭᙮ ᒋᓴᒪᓂᑐᐤ ᓂᑦ ᐊᐱᒋᐃᑯᐅᓇᓐ ᐊ ᑕᑈᑎᑕᒄ᙮ ᒋ ᓯᒋᒥᑎᓇᓐ ᒥᓐ ᑲᐤ ᒐᒋ ᐎᒐᐛᒄ ᒋᓴᒪᓂᑐᐤ ᒧᔭᒻ ᙭ ᐎᔾ ᐊ ᓯᒋᒥᑕᒄ ᐊ ᐃᓯ ᐃᔨᒥᐃᑕᒡ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

2 ᑯᕆᓐᑎᔭᓇ 7:4

ᒥᔅᑎ ᒋᑕᑈᐅᒐᔨᒥᑎᓇᐛᐤ᙮ ᑭᔭ ᓇᔅᒡ ᑕᑈ ᒋ ᒪᒥᒋᐃᓇᐛᐤ᙮ ᓇᔅᒡ ᑕᑈ ᓂ ᒥᔽᔨᒧᐃᑯᐅᓐ ᐊ ᒋᔅᒋᓯᑐᑕᑎᑯᒡ᙮ ᐊᑎ ᐊ ᐊᔨᒥᐅᔭᒡ ᐃᔭᐱᒡ ᓇᔅᒡ ᓂ ᒥᔽᔨᑕᓐ᙮

ᑲᓚᓯᔭᓇ 4:13

ᒐᔅᑎᓇᔅ ᒋ ᒋᔅᒋᓯᓇᐛᒐ ᑲ ᐊᐧᑯᓯᔭᓐ ᓂᔅᑎᒻ ᑲ ᓂᑐᐛᐱᒥᑎᑯᒡ ᒐᒋ ᐛᐎᑎᒪᑎᑯᒡ ᒥᔽᒋᒧᐅᓐ᙮

ᑲᓚᓯᔭᓇ 5:2

ᓂᑐᑐᐅᒄ ᒪ᙮ ᓂᔾ ᑈᓪ ᐅ ᒐ ᐃᑎᑎᑯᒡ᙮ ᐱᔅᑎᓂᓱᔨᓇ ᒐᒋ ᒋᔅᒋᓄᐛᒋᔄᑯᔨᓐ ᐊᑯ ᑭᑈ ᐊ ᐃᓯᓇᒂᒡ ᒧᔭᒻ ᐊᑲ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᑐᑎᒪᑕᒄ ᙭᙮

ᐃᐱᓯᔭᓇ 3:1

ᓂᔾ ᑈᓪ, ᐊ ᐊᑐᔅᑯᐅᒃ ᒋᓴᔅ ᙭ ᑭᔭ ᐊ ᐛᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᒄ ᐛᒋ ᑕᔭᓐ ᑲᒪᑯᓄᐛᓯᐅᒋᐛᐱᒡ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐱᓕᐱᔭᓇ 4:5

ᐃᓯ ᐱᒪᑎᓯᒄ ᒥᓯᐛ ᐊᐛᓐᒋ ᒐᒋ ᒋᔅᒐᔨᒥᑕᑯᒡ ᐊᔅᐱᔅ ᒥᔪᑥᐛᒄ᙮ ᓴᔅ ᐸᓱᓇᑯᓂᔪᐤ ᒐ ᐃᔅᐱᔅ ᑎᑯᓯᐧᒃ ᐅᑎᐸᔨᒋᒐᐤ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

2 ᑕᓴᓗᓂᔭᓇ 3:17

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ᙮ ᐊᐅᒄ ᐊ ᐃᓯᓇᒂᒡ ᓂᔾ ᐊ ᒥᓯᓇᐅᓱᔭᓐ᙮

ᐸᐃᓕᒪᓐ 1:19

ᐊᑯ ᒪᒃ ᓂᔾ ᑎᐱᔨᐛ ᐊ ᐃᑎᓯᓇᐃᒐᔭᓐ, ᓂᔾ ᑈᓪ, ᒋᑭ ᐱᑯᒥᓯᓇᐊᒪᑎᓐ᙮ ᓇᒪ ᒋᐸ ᐅᒋ ᓂᑐᐛᔨᑕᑯᓐ ᒐᒋ ᒋᔅᒋᓱᒥᑕᓐ ᐊ ᒥᓯᓇᐊᒧᔨᓐ ᒋᔾ ᑎᐱᔨᐛ ᒋᐱᒪᑎᓯᐅᓐ᙮

ᐸᐃᓕᒪᓐ 1:9

ᒥᒄ ᒪᒃ ᓴᒋᐃᐛᐅᓐ ᓂ ᐃᑐᑕᑯᓐ ᐃᔭᐱᒡ ᒐᒋ ᑯᒂᒋᒥᑕᓐ᙮ ᓇᒪ ᒋᑭ ᐅᒋ ᐊᔨᐧᑭᒥᐃᑎᓐ ᐊ ᐎᑎᒪᑕᓐ ᑕᓐ ᒋᐸ ᐃᑎᓐ ᐊᑎ ᐊ ᒋᓴᐃᔪᔭᓐ ᑭᔭ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᐊᒋ ᐊᔨᒧᒥᒃ ᒋᓴᔅ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮