2 ᑯᕆᓐᑎᔭᓇ 1:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓂᒐᔅᑎᓇᐅᓇᓐ ᒪᒃ ᒐ ᓱᒋᑲᐳᔭᒄ ᐊᑎ ᐊ ᓂᓇᐧᑲᑕᔨᒧᐃᑯᐅᔭᒄ ᒧᔭᒻ ᓂᔭᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ, ᑭᔭ ᒐᔅᑎᓇᔅ ᑭᔭ ᒋᔨᐛᐤ ᒐ ᒥᔽᔨᒧᐃᑕᒄ ᒋᓴᒪᓂᑐᐤ ᒧᔭᒻ ᓂᔭᓐ ᑲ ᐃᓯ ᒥᔽᔨᒧᐃᔨᒥᑦ᙮

2 ᑯᕆᓐᑎᔭᓇ 1:7 Iomraidhean Croise

ᒪᑎᔪᐤ 23:30

ᑭᔭ ᒋᑦ ᐃᔅᒋᔄᓇᐛᐤ, ᒋ ᐱᒪᑎᓯᔭᒡ ᒪᒂᒡ ᑲ ᐱᒪᑎᓯᒡ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓇᓂᒡ, ᓇᒪ ᓂᐸ ᐅᒋ ᐃᑎᓇᓐ ᐊᓂᔭ ᑲ ᐃᑐᐛᒂ, ᑲ ᓂᐸᐊᒡ ᐊᓂᔭᐧᑲ ᐅᒋᔅᒋᐛᐃᒐᓱᐛ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

2 ᑯᕆᓐᑎᔭᓇ 1:14

ᒂᔄᓐ ᓇᒪ ᓇᔅᒡ ᒋᓂᔅᑐᑐᐅᓇᓇᒐ ᐊᓄᒡ᙮ ᓂ ᐱᑯᓴᔨᒧᓐ ᒪᒃ ᓇᔅᒡ ᒐᒋ ᐊᑎ ᓂᔅᑐᑐᔭᒡ᙮ ᐊᑯ ᒪᒃ ᐊᓂᔭ ᐊ ᒋᓯᑲᔨᒡ ᒋᓴᔅ ᒋᑎᐸᔨᒋᒐᓯᒥᓄᐤ ᑎᑯᓯᒐ ᐊᑯ ᒐ ᒪᒥᒋᐃᑕᒡ ᒧᔭᒻ ᒋᔨᐛᐤ ᒐ ᐃᓯ ᒪᒥᒋᐃᔭᒡ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

2 ᑯᕆᓐᑎᔭᓇ 7:9

ᐊᓄᒡ ᒪᒃ ᐊᑯ ᒪᔽᔨᑎᒪᓐ᙮ ᐊᑎ ᐊᒋ ᑎᒂᒡ ᐊ ᒥᓯᒪᔨᑎᒪᒄ ᔅᒋ ᐃᑐᑕᑯᓇᐛᐤ ᐅ ᒥᓯᒪᔨᑎᒧᐅᓐ ᑕᑈ ᒐᒋ ᒥᑕᒋᔨᐛᔨᑎᒪᒄ ᒋᒥᒋᑐᑎᒧᐅᓄᐛᐛ ᑭᔭ ᒐᒋ ᒂᔅᑲᑎᓯᔭᒄ᙮ ᐛᔅ ᒋᓴᒪᓂᑐᐤ ᔅᒋ ᒥᔨᑯᐛᐤ ᐊᓂᔭ ᒥᓯᒪᔨᑎᒧᐅᓂᔪᐤ ᑭᔭ ᐊᓂᔭ ᒥᑕᒋᔨᐛᔨᑎᒧᐅᓂᔪᐤ᙮ ᓇᒪ ᒪᒃ ᒋ ᐅᒋ ᐊᐧᑯᐃᑯᓇᐛᐤ ᐊᓐ ᑲ ᐃᓯ ᒥᓯᓇᐊᒪᑎᑯᒡ᙮

2 ᑎᒧᑎ 2:12

ᒧᓯᓇᐤ ᒐ ᓯᐱᔪᐛᓯᔅᑎᒧᐛᐅᒂ ᓂᓇᐧᑲᑕᔨᒧᐅᓐ, ᒋᑭ ᐎᒋ ᑎᐸᔨᒋᒐᒪᓄᐤ᙮ ᑭᔭ ᐃᔅᒋᔄᔭᒂ ᐊᑲ ᒋᔅᒐᔨᒪᐧᒄ, ᑭᔭ ᐎᔾ ᒋᑭ ᐃᔅᒋᔄᐤ ᐊᑲ ᒋᔅᒐᔨᒥᑕᐧᒄ᙮

2 ᑎᒧᑎ 3:11

ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᓐ ᑭᔭ ᑕᓐ ᑲ ᐃᓯ ᐛᐎᓯᒐᔨᑎᒪᓐ᙮ ᐛᔅ ᒥᓯᐛ ᒋ ᒋᔅᒐᔨᑕᓐ ᑕᓐ ᑲ ᐃᓯ ᐃᑐᑕᑯᐅᔭᓐ ᐊᓐᑕ ᐊᓐᑎᔭᑭᒡ, ᐊᐃᑯᓂᔭᒥᒡ ᑭᔭ ᐊᓐᑕ ᓕᔅᑐᕋᒡ᙮ ᑕᑈ ᐊᔪᐛᒡ ᒋ ᐊᒂᑕᔨᑕᑯᓐ ᑕᓐ ᑲ ᐃᓯ ᓂᒋᔅᑭᒪᓐ᙮ ᒥᒄ ᒪᒃ ᐅᑎᐸᔨᒋᒐᐤ ᐎᔾ ᓂᒋ ᐎᐧᑯᒋᐃᒄ ᒐᒋ ᓴᐳᔅᑭᒪᓐ ᒥᓯᐛ ᑕᓐ ᑲ ᐃᑐᑕᑯᐅᔭᓐ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮