2 ᑯᕆᓐᑎᔭᓇ 1:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᐅᒄ ᐅ ᒧᔅ ᒪᔽᔨᒧᐃᑕᐧᒄ ᑕᑥᐤ ᐊ ᐊᔨᒥᐅᔭᐧᑯ᙮ ᐊᑯᑕ ᐛᒋᐱᔨᒡ ᒐᒋ ᒋᔅᒐᔨᑎᒪᐧᒄ ᑕᓐ ᒐ ᐃᓯ ᐎᒐᐊᐧᑯᒡ ᒋᔭᓄᐤ ᑯᑎᑭᒡ ᐊᐛᓐᒋ ᐊ ᐊᔨᒥᐅᒡ᙮ ᒋᓴᒪᓂᑐᐤ ᐊᒋ ᒥᔽᔨᒧᐃᑕᐧᒄ ᑕᓐᑕ ᑲ ᐊᔨᒥᐅᔭᐧᒄ ᑭᔭ ᒐᔅᒐᔨᑎᒪᐧᒄ ᑭᔭ ᒋᔭᓄᐤ ᒐᒋ ᒥᔽᔨᒧᐊᐧᑯᒡ ᐊᐛᓐᒋ ᐊ ᐊᔨᒥᐅᒡ᙮

2 ᑯᕆᓐᑎᔭᓇ 1:4 Iomraidhean Croise

ᑎᐱᑦ ᐅᓂᑭᒧᐅᓇ 32:5

ᔅᒋ ᐎᑎᒪᑎᓐ ᓂᒥᒋᑐᑎᒧᐅᓇ, ᓇᒪ ᑭᔭ ᓂ ᐅᒋ ᑲᑕᓐ ᓂᒥᒐᑎᓯᐅᓇ᙮ ᓂᒋ ᐃᔨᓐ, ᓂᑭ ᐎᑎᒧᐛᐤ ᑎᐸᔨᒋᒐᓱᐤ ᓂᐅᓂᑐᑎᒧᐅᓇ; ᒋᔾ ᒪᒃ ᔅᒋ ᐛᐸᔨᑕᓐ ᐊ ᐃᓯ ᒥᒐᑎᓯᒥᑲᒡ ᓂᒥᒋᑐᑎᒧᐅᓐ᙮

ᑎᐱᑦ ᐅᓂᑭᒧᐅᓇ 32:7

ᒋᔾ ᐊ ᑕᔨᓐ ᐊᑯᑕ ᒐ ᑲᓱᔭᓐ; ᒋᑭ ᒥᑕᒂᓂᒧᐅᓐ ᐊᔨᒥᓱᐅᓐ: ᒋᑭ ᐛᔅᑲᔅᑯᐅᓐ ᐱᒪᒋᐃᐛᐅ ᓂᑭᒧᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 66:16

ᐸᒋ ᓂᑐᒥᑎᐧᒄ, ᒥᓯᐛ ᒋᔨᐛᐤ ᑲ ᓇᓂᒋᔅᑐᐛᒄ ᒋᓴᒪᓂᑐᐤ, ᓂᑭ ᐎᑕᓐ ᒪᒃ ᑲ ᐃᑐᑐᐛᑦ ᓂᑦ ᐊᒐᒂ᙮

ᑎᐱᑦ ᐅᓂᑭᒧᐅᓇ 86:17

ᐛᐸᑎᔨ ᑲ ᒥᔽᓯᒡ ᒋᔅᒋᓄᐛᒋᒋᑭᓐ; ᐊᓐᒡ ᑲ ᐛᐧᑲᓯᒡ ᒐᒋ ᐛᐸᑕᒡ, ᑭᔭ ᒐᒋ ᓯᓴᒂᔨᒧᒡ, ᐛᔅ ᒋᔾ, ᑎᐸᔨᒋᒐᓱᐤ, ᔅᒋ ᐎᒋᐃᓐ, ᑭᔭ ᔅᒋ ᒥᔽᔨᒧᐃᔨᓐ᙮

ᒠᓐ 14:16

ᓂᑭ ᐊᔭᒥᐊᓐ ᐊ ᓂᑐᑎᒧᐅᒃ ᓄᑕᐎᔾ ᒐᒋ ᐃᑎᓴᐊᒪᑕᒄ ᒥᓐ ᑯᑎᑲ ᐊᐛᔪᐛ ᒐᒋ ᐎᒋᐃᑎᑕᑯ ᑭᔭ ᒧᔅ ᑲᒋᒡ ᒐᒋ ᑕᑦ ᐊᓐᑕ ᐊ ᑕᔭᒄ᙮

ᒠᓐ 14:18

“ᓇᒪ ᓇᐅᔅ ᒋᑭ ᐅᒋ ᓂᑭᑎᑎᓇᐛᐤ ᐅᑕ ᐊᔅᒋᒡ᙮ ᒥᓐ ᒋᑭ ᐸᒋ ᓂᑐᐛᐱᒥᑎᓇᐛᐤ᙮

ᒠᓐ 14:26

ᐊᓂᔭ ᑲ ᐸᔭᒋᓯᔨᒋ ᐊᒐᒂ ᓄᑕᐎᔾ ᒐ ᐸᒋ ᐃᑎᓴᐊᒪᑕᒄ ᓂᑦ ᐃᓯᓂᐧᑲᓱᐅᓂᒡ ᐅᒡ ᐊᐅᑯᓐ ᐊᓐ ᒥᓯᐛ ᒐᒂᔪᐤ ᒐ ᒋᔅᑯᑎᒪᑕᒄ ᑭᔭ ᒋᑭ ᒋᔅᒋᒥᑯᐛᐤ ᒥᓯᐛ ᒐᒂᔪᐤ ᑲ ᐃᓯ ᐎᑎᒪᑎᑯᒡ᙮”

2 ᑯᕆᓐᑎᔭᓇ 7:13

ᒥᔅᑎ ᒪᒃ ᓂ ᒥᔽᔨᒧᐃᑯᐅᓇᓐ ᐊ ᒋᔅᒐᔨᑎᒪᒡ ᐅ᙮ ᐊᑐᐎᔅ ᒪᒃ ᓂᒋ ᒥᔽᔨᑕᓇᓐ ᐊ ᐛᐱᒥᒋᒡ ᓂᐎᒐᐛᑭᓇᓐ ᑕᐃᑕᔅ ᐊ ᒥᔽᔨᑕᐧᒃ᙮ ᒋ ᒥᔽᔨᑎᒻ ᑕᓐ ᑲ ᐃᓯ ᒥᔪᐧᑯᐛᒄ ᑭᔭ ᓇᒪ ᐅᒋ ᐊᔨᒪᔨᑎᒻ᙮

2 ᑯᕆᓐᑎᔭᓇ 7:4

ᒥᔅᑎ ᒋᑕᑈᐅᒐᔨᒥᑎᓇᐛᐤ᙮ ᑭᔭ ᓇᔅᒡ ᑕᑈ ᒋ ᒪᒥᒋᐃᓇᐛᐤ᙮ ᓇᔅᒡ ᑕᑈ ᓂ ᒥᔽᔨᒧᐃᑯᐅᓐ ᐊ ᒋᔅᒋᓯᑐᑕᑎᑯᒡ᙮ ᐊᑎ ᐊ ᐊᔨᒥᐅᔭᒡ ᐃᔭᐱᒡ ᓇᔅᒡ ᓂ ᒥᔽᔨᑕᓐ᙮

ᐱᓕᐱᔭᓇ 1:14

ᑭᔭ ᐊ ᑕᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ ᒥᒐᑦ ᒋᐧᑲᓂᓯᓄᐅᒡ ᐊᑎᑐᐤ ᓱᒋᑲᐳᐅᒡ ᐊ ᑕᑈᔭᔨᒪᒡ ᐅᑎᐸᔨᒋᒐᐛ, ᐊᑎᑐᐤ ᐊᑎ ᓱᒋᑕᐊᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᐊᑲ ᓇᔅᒡ ᑯᔅᑕᒋᒡ᙮

1 ᑕᓴᓗᓂᔭᓇ 4:18

ᐛᐎᒋᐃᑐᒄ ᒪᒃ ᐊ ᐛᐎᑎᒪᑐᔭᒄ ᑕᓐ ᑲ ᐃᔅᒋᔄᔭᒡ᙮

1 ᑕᓴᓗᓂᔭᓇ 5:11

ᐊᐅᒄ ᒪᒃ ᐅ ᒐ ᐅᒋ ᓯᒋᒥᑐᔭᒄ ᑭᔭ ᒐ ᐅᒋ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ᐃᑎᔭᒄ ᐊᓄᒡ᙮

ᐃᑉᕈᐛ 12:12

ᐊᑯ ᒪᒃ ᓱᒃ ᐎ ᓱᒐᔨᑕᑯᑕᒄ ᑲ ᐊᔭᔅᑯᓯᒥᑲᒋ ᔅᑎᒋᐛᐛ ᑭᔭ ᓱᒃ ᐎ ᓱᒐᔨᑕᑯᑕᒄ ᑲ ᐊᔭᔅᑯᓯᒥᑲᒋ ᒋᔅᑲᑐᐛᐛ ᒐᒋ ᓱᒋᑲᐳᔭᒄ᙮