2 ᑯᕆᓐᑎᔭᓇ 1:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᓂ ᑕᑈᓐ ᑕᓐ ᐊ ᐃᔅᒋᔄᔭᓐ ᒋᓴᒪᓂᑐᐤ ᐊ ᐸᑐᐅᑦ ᐊ ᑕᑈᐅᒡ᙮ ᐊ ᒥᓇᒋᐃᑎᑯᒡ ᐊᐅᑯᓐ ᐛᒋ ᐃᑕᔨᑎᒪᓐ ᐊᑲ ᐸᑎᒪ ᒐᒋ ᑎᑯᓯᓂᔭᓐ ᐊᓐᑕ ᑯᕆᓐᑦ ᒐᒋ ᓂᑐᐛᐱᒥᑎᑯᒡ᙮

2 ᑯᕆᓐᑎᔭᓇ 1:23 Iomraidhean Croise

ᐊᑈᔅᑕᓇᒡ 18:1

ᐸᑎᒪ ᒪᒃ ᒋ ᔅᑐᑕᐤ ᑈᓪ ᐊᓐᑕ ᐅᒋ ᐊᑕᓐᓯᒡ, ᐊᑯ ᐊᓐᑕ ᑯᕆᓐᑦ ᒂ ᐃᑐᑕᑦ᙮

ᐊᑈᔅᑕᓇᒡ 18:8

ᑯᕆᔅᐳᔅ ᒪᒃ, ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᒋ ᑕᑈᔭᔨᒪᐤ ᐅᑎᐸᔨᒋᒐᐛ, ᑭᔭ ᒥᓯᐛ ᐊᓂᔭᔪᐛ ᐊᓐᑕ ᐊ ᐸᐃᑯᔅᑲᓇᓯᑦ᙮ ᑭᔭ ᒥᒐᑦ ᐊᓐᑕ ᑯᕆᓐᑦ ᑲ ᑕᒡ ᐃᔪᒡ ᒋ ᐸᑎᒧᒡ ᐊᓂᔭ ᒥᔽᒋᒧᐅᓂᔪᐤ᙮ ᒋ ᑕᑈᑎᒧᒡ ᑭᔭ ᒋ ᓯᑲᐃᑐᐛᑭᓄᐎᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:9

ᐛᔅ ᒋᓴᒪᓂᑐᐤ ᓂ ᒋᔅᒐᔨᒥᒃ, ᒂ ᐊᑐᔅᑯᐅᒃ ᐊ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐅᑯᓴ ᐊᓐᑕ ᐊ ᐊᔨᒧᒪᑭᓄᔨᒋ ᓂ ᒋᔅᒐᔨᒥᒄ ᐊ ᑕᑈᐅᒡ᙮ ᓂ ᒋᔅᒐᔨᒥᒄ ᒧᔅ ᐊ ᒋᔅᒋᓯᑐᑕᑎᑯᒡ ᒧᔅ ᐊ ᐃᔨᒥᐃᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:1

ᓂ ᑕᑈᓐ ᐅ ᒐ ᐃᔅᒋᔄᔭᓐ᙮ ᓇᒪ ᓂ ᑭᑭᒋᔭᓐ ᐛᔅ ᙭ ᓂ ᑎᐱᔨᐛᐅᓯᑐᑕᒄ᙮ ᓂ ᒐᔅᑎᓇᑕᔨᑕᓐ ᐊ ᑕᑈᔭᓐ ᑭᔭ ᑲ ᐸᔭᒋᓯᑦ ᐊᒐᐧᒄ ᓂ ᒋᔅᒐᔨᑎᒥᐃᒄ ᐊ ᑕᑈᐅᒡ᙮

1 ᑯᕆᓐᑎᔭᓇ 4:21

ᐃᔅᐱ ᐸᒋ ᓂᑐᐛᐱᒥᑎᑯᒐ ᑕᓐ ᐊᐅᒄ ᐊ ᐃᓯ ᓂᑐᐛᔨᑎᒪᒄ᙮ ᒋ ᓂᑐᐛᔨᒥᓇᐛᐤ ᐊ ᒐᒋ ᐸᒋ ᑕᐧᑯᓂᒪᓐ ᐱᓯᔅᑕᐃᑭᓐ ᑭᔭ ᒪᒃ ᓴᒋᐃᐛᐅᓐ ᒐᒋ ᐸᑕᔭᓐ ᐸᐧᑲᒡ ᒐᒋ ᐃᑐᑕᑎᑯᒡ ?

1 ᑯᕆᓐᑎᔭᓇ 5:5

ᐱᔅᑎᓇᐧᒄ ᐊᓐ ᓇᐸᐤ ᐊᓐᑕ ᒥᒋᒥᓂᑐᐛ ᐊ ᑕᔨᒋ ᒐᒋ ᓂᓱᐅᓇᒋᑕᑭᓄᐎᒡ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒡ ᐎᔭᔅ᙮ ᐊᑯ ᒪᒃ ᐅᑦ ᐊᒐᒂ ᒐ ᐱᒪᒋᐊᑭᓄᔨᒋ ᐊᓂᔭ ᐊ ᒋᓯᑲᔨᒡ ᐸᒋ ᑎᑯᓯᓂᔨᒐᓂ ᐅᑎᐸᔨᒋᒐᐛ ᒋᓴᓴ᙮

2 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ᒥᓯᓇᐊᒪᑎᓇᓐ᙮ ᒋᔨᐛᐤ ᒋᓴᒪᓂᑐᐤ ᐊ ᑕᑦ ᑲ ᐃᓯ ᒪᒧᐤ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᓂ ᒥᓯᓇᐊᒺᓇᓂᒡ᙮

2 ᑯᕆᓐᑎᔭᓇ 1:18

ᒧᔭᒻ ᒋᓴᒪᓂᑐᐤ ᒧᔅ ᐊ ᑕᑈᑦ ᑕᓐ ᐊ ᐃᔅᒋᔄᑦ, ᓂ ᒋᔅᒐᔨᒥᒄ ᑕᑈ ᐊ ᑕᑈᐅᒡ ᑭᔭ ᓂᔾ ᑕᓐ ᐊ ᐃᔅᒋᔄᐅᒡ᙮ “ᓂᐦᐃ” ᐊ ᐃᔅᒋᔄᔭᓂ, ᑕᑈ ᓂᐦᐃ ᓂᑦ ᐃᔅᒋᔄᓐ, “ᓇᒪ” ᐊ ᐃᔅᒋᔄᔭᓂ, ᑕᑈ ᓇᒪ ᓂᑦ ᐃᔅᒋᔄᓐ᙮

2 ᑯᕆᓐᑎᔭᓇ 10:2

ᓱᒃ ᒋ ᓂᑐᑎᒪᑎᓇᐛᐤ, ᐊᑲᐎᔾ ᐊᔨᐧᑭᒥᐃᒄ ᒐᒋ ᐊᑲ ᒥᓇᑎᓯᔭᓐ ᐅᑎᑎᑯᒐ᙮ ᑕᐸ ᓂᑭ ᐅᒋ ᒥᓇᑎᓯᓐ ᒥᑥᐅᒂᐛ ᐊᓐᒡ ᐊᐛᓐᒋ ᒥᒄ ᓂᔭᓐ ᐊ ᒪᒥᑐᓇᔨᒥᓱᐎᒋᒡ ᑲ ᐃᑕᔨᒥᔨᒥᒡ᙮

2 ᑯᕆᓐᑎᔭᓇ 11:10

ᐊ ᒋᔅᒐᔨᒥᑦ ᙭ ᐊ ᑕᑈᐅᒡ ᑕᓐ ᐊ ᐃᔅᒋᔄᐅᒡ, ᓇᒪ ᓂᑭ ᐅᒋ ᐱᔅᑎᓇᐅᒡ ᑯᑎᑭᒡ ᒐᒋ ᒋ ᐸᒋ ᐎᒋᐃᒡ ᐊ ᐊᔨᒧᑎᒧᒡ ᐅᔭ ᒥᓯᐛ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᑲ ᐃᓯᓂᐧᑲᑕᒡ᙮

2 ᑯᕆᓐᑎᔭᓇ 11:11

ᒋᑦ ᐃᑕᔨᑕᓇᐛᐤ ᐊ ᐊᑲ ᓴᒋᐃᑎᑯᒡ ᐛᒋ ᐃᔅᒋᔄᔭᓐ ᐅ ? ᒋᓴᒪᓂᑐᐤ ᒋᔅᒐᔨᑎᒻ ᑕᑈ ᐊ ᓴᒋᐃᑎᑯᒡ᙮

2 ᑯᕆᓐᑎᔭᓇ 11:31

ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᐅᑕᐎᔭ ᒋᔅᒐᔨᑎᒻ ᐊᑲ ᑭᑭᒋᔭᐅᒡ᙮ ᐎᔾ ᑲᒋᒡ ᒋᑭ ᒪᒥᒋᒪᑭᓄᐤ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

2 ᑯᕆᓐᑎᔭᓇ 13:10

ᐅ ᒋᑦ ᐃᑎᓯᓇᐊᒪᑎᓇᐛᐤ ᐊᔅᒄ ᒪᒂᒡ ᐅᑕ ᐊ ᑕᔭᓐ ᑭᔭ ᐃᔅᐱ ᒥᓐ ᐛᐱᒥᑎᑯᒐ ᓇᒪ ᒋᑭ ᐅᒋ ᑎᑯᓐ ᒐᒂᓐ ᒐ ᐅᒋ ᒥᔅᑎ ᐊᓏᔨᒥᑎᑯᒡ ᒐᒋ ᓄᑯᑕᔭᓐ ᑕᓐ ᑲ ᐃᓯ ᒥᔨᑯᔭᓐ ᑎᐸᔨᒋᒐᐅᓐ᙮ ᐅᑎᐸᔨᒋᒐᐤ ᓂᒋ ᒥᔨᒄ ᐅᔭ ᑎᐸᔨᒋᒐᐅᓂᔪᐤ ᒐᒋ ᐎᒋᐃᑎᑯᒡ ᓇᒪ ᐎ ᒐᒋ ᓂᑕᐅᑎᑯᒡ᙮

2 ᑯᕆᓐᑎᔭᓇ 13:2

ᒪᔅᑕᔾ ᑲ ᑎᑯᓯᓄᒡ ᓴᔅ ᓂᒋ ᐃᔭᒂᒥᒪᐅᒡ ᐊᓐᒡ ᑲ ᒥᒋᑐᑕᒡ᙮ ᒥᓐ ᒪᒃ ᐊᓄᒡ ᓂᑦ ᐃᔭᒂᒥᒪᐅᒡ᙮ ᑭᔭ ᐊᓐᒡ ᑯᑎᑭᒡ ᓂᑦ ᐃᔭᒂᒥᒪᐅᒡ᙮ ᐅ ᐊᓄᒡ ᒐ ᑎᑯᓯᓂᔭᓐ ᒋᒋᐛ ᓂᑦ ᐃᔅᒋᔄᓐ ᓇᒪ ᓂᑭ ᐅᒋ ᒥᓇᒋᒪᐅᒡ ᐅᒡ ᑲ ᒥᒋᑐᑕᒡ᙮

2 ᑯᕆᓐᑎᔭᓇ 6:6

ᓂᒋ ᓄᑯᑕᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ ᐊ ᒥᔽᑎᓯᔭᒡ, ᑕᓐ ᐊ ᐃᓯ ᒥᔪ ᓂᔅᑐᑎᒪᒡ ᑕᑈᐅᓐ, ᐊ ᓯᐱᔪᐛᓯᔭᒡ ᑕᓐ ᐊ ᐃᓯ ᓂᒋᔅᑲᒪᒡ, ᐊ ᒥᔪᑐᑐᐎᒋᒡ ᐊᐛᓐᒋ᙮ ᑲ ᐸᔭᒋᓯᑦ ᐊᒐᐧᒄ ᑭᔭ ᓂ ᐎᒋᐃᑯᐅᓇᓐ ᑭᔭ ᓂ ᓄᑯᑕᓇᓐ ᑕᑈ ᐊ ᓴᒋᐃᒋᒡ ᒥᓯᐛ ᐊᐛᓐ᙮

ᑲᓚᓯᔭᓇ 1:20

ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᐅᒡ ᐅᔭ ᑲ ᐃᑎᓯᓇᐃᒐᐅᒡ᙮ ᓇᒪ ᓂ ᑭᑭᒋᔭᓐ᙮

ᐱᓕᐱᔭᓇ 1:8

ᒋᓴᒪᓂᑐᐤ ᒋᔅᒐᔨᑎᒻ ᑕᓐ ᐊᔅᐱᔅ ᓇᔅᒡ ᐎ ᐎᒐᐅᑎᑯᒡ ᒥᓐ, ᐛᔅ ᙭ ᒋᓴᔅ ᓂᒋ ᐃᑐᑕᒄ ᓇᔅᒡ ᒐᒋ ᓴᒋᐃᑎᑯᒡ᙮

1 ᑕᓴᓗᓂᔭᓇ 2:5

ᓴᒐᔾ ᔅᒋ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᔭᒡ ᐅ ᑲ ᐃᔅᒋᔄᔭᒡ᙮

1 ᑎᒧᑎ 1:20

ᐊᑯᑕ ᑲ ᐃᓯ ᓴᐧᑯᒋᐱᑕᑭᓄᐎᒡ ᐃᒥᓇᔭᔅ ᑭᔭ ᐊᓕᒃᓴᓐᑕᕐ᙮ ᒥᒋᒥᓂᑐᐤ ᒪᒃ ᓂᒋ ᐱᔅᑎᓱᐛᑕᐤ ᒐᒋ ᓂᓇᐧᑲᑕᔨᑎᒥᐊᑦ ᐅᔭ᙮ ᐱᑯᓴᔨᑕᑯᓂᔪᐤ ᒪᒃ ᐊᓐᑕ ᒐᒋ ᐅᒋ ᒋᔅᒐᔨᑕᒡ ᒐ ᐊᑲ ᒋ ᐸᔅᑕᒧᒡ᙮