1 ᑎᒧᑎ 6:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᓇᔅᒡ ᑕᑈ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᐊᓐ ᒋᔅᒐᔨᑎᒻ ᐊᓂᔭ ᒐᒂᔪᐤ ᐛ ᐃᓯ ᐊᔨᒧᑕᐧᒃ᙮ ᐛᔅ ᐅᔅᑕ ᐃᑕᔨᑎᒻ ᒐᒋ ᐊᔨᒧᑕᐧᒃ ᒐᒂᔪᐤ ᐊᓐᑕ ᒐᒋ ᐅᒋ ᐊᑲ ᓂᓇᐊᔨᒥᑐᓇᓄᐎᒡ᙮ ᐊᑯᑕ ᒪᒃ ᐅᑕ ᐛᒋᐱᔨᒡ ᐅᑕᔨᑎᒧᐅᓐ ᑭᔭ ᐊ ᒪᒥᒋᐱᔨᐃᑐᓇᓄᐅᒡ ᑭᔭ ᒪᔭᔨᒐᐅᓐ ᑭᔭ ᓂᑐᐎᔾ ᐊ ᐃᑕᑭᓄᐅᑦ ᐊᐛᓐ᙮

1 ᑎᒧᑎ 6:4 Iomraidhean Croise

ᐊᑈᔅᑕᓇᒡ 15:2

ᑈᓪ ᑭᔭ ᐸᕐᓇᐸᔅ ᒋ ᓂᔅᑯᔅᑐᐛᐅᒡ ᑭᔭ ᓱᒃ ᒋ ᐎ ᐛᐸᑎᔭᐅᒡ ᑕᑈ ᐊ ᐅᓂᐱᔨᒡ ᐊᓂᔭ ᐊ ᐃᔅᒋᔄᔨᒡ᙮ ᐊᑯ ᒂ ᐎᔭᔨᑕᑭᓄᐎᒡ ᑈᓪ ᑭᔭ ᐸᕐᓇᐸᔅ ᑭᔭ ᐱᔅᒐ ᐊᓐᑕ ᐊᓐᑎᔭᑭᒡ ᑲ ᐅᒋᒡ ᒐᒋ ᐃᑐᑕᒡ ᐊᓐᑕ ᒋᕈᓯᓕᒥᒡ ᒐᒋ ᑯᒂᒋᒪᒡ ᐊᓂᔭ ᐊᑈᔅᑕᓇ ᑭᔭ ᐊᓂᔭ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ ᑕᓐ ᐊ ᐃᑕᔨᑎᒥᐃᑯᔨᒋ ᐊᓂᔭ ᑲ ᐃᓯ ᒋᔅᑯᑎᒪᒐᓄᐎᒡ᙮

ᐊᑈᔅᑕᓇᒡ 18:15

ᒥᒄ ᒪᒃ ᒋᔨᐛᐤ ᐊᓐᑕ ᒋᒥᒋᐱᔨᐃᑐᐅᓇᐛᐤ ᐃᔅᒋᔄᐅᓇ ᐅᒋ ᑭᔭ ᐃᓯᓂᐧᑲᓱᐅᓇ ᐅᒋ ᑭᔭ ᒋᑦ ᐊᔭᒥᐊᐅ ᐎᓱᐛᐅᓄᐛᐛ ᐅᒡ᙮ ᒋᔨᐛᐤ ᒥᔪᐱᔨᑕᒄ ᑕᓐ ᐊ ᐃᓯ ᒥᒋᐱᔭᒄ, ᓇᒪ ᐎ ᓂᔾ ᒋᑭ ᐅᒋ ᐎᒋᐃᑎᓇᐛᐤ᙮”

ᐊᑈᔅᑕᓇᒡ 8:9

ᐊᓐᑕ ᒪᒃ ᐊᓐ ᐅᑕᓇᐤ ᒋ ᑕᐤ ᓇᐸᐤ ᓴᐃᒥᓐ ᐊ ᐃᓯᓂᐧᑲᓱᑦ ᐊᒋ ᒪᒥᑕᐛᑎᓯᑦ᙮ ᓴᔅ ᒪᒃ ᐛᔅᑭᒡ ᐊᓐᒡ ᓴᒪᕆᔭ ᐃᔪᒡ ᒋ ᒥᔅᑲᑕᔨᒪᐅᒡ ᑕᓐ ᐊ ᐃᑎᔨᒋ ᐊᓂᔭ ᓇᐸᐛ᙮ ᑭᔭ ᒋ ᐃᑕᒋᒥᓱᐤ ᐊᓐ ᓴᐃᒥᓐ ᒋᒋᐛ ᐊᐛᓐ ᐊ ᐊᐎᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:16

ᒥᓯᐛ ᐊ ᑎᓯᔭᒄ ᓱᒃ ᐎ ᒥᔪ ᐎᒐᐅᑐᒄ᙮ ᐊᑲᐎᔾ ᒋᑭ ᐅᒋ ᒋᔅᑕᔨᒥᑎᓱᓇᐛᐤ᙮ ᐊᑲᐎᔾ ᓇᑲᐎᒄ ᒐᒋ ᐎᒐᐛᑯᒡ ᐊᓐᒡ ᓇᔅᒡ ᐊᑲ ᐊᐱᑕᔨᒥᑯᒡ ᐊᐛᔪᐛ᙮ ᐊᑲᐎᔾ ᒋᑭ ᐅᒋ ᐃᑕᔨᒥᓱᓇᐛᐤ ᓇᔅᒡ ᐊ ᐃᑈᐧᑲᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:13

ᑯᐃᔅᒄ ᐃᓯ ᐱᒪᑎᓯᑕᐤ ᒐ ᓄᒂᒡ ᒪᒃ ᑕᑈ ᐛᔅᑕᐅᓂᒡ ᐊ ᐃᓯ ᐱᒪᑎᓯᔭᐧᒄ᙮ ᐊᑲᐎᔾ ᒋᑭ ᐅᒋ ᐎᒋᐃᐛᓇᓄᐤ ᐊ ᒥᔪᐧᑭᓱᓇᓄᐅᒡ, ᐊ ᐎᓂᓱᐤ ᐃᑎᓇᓄᐅᒡ ᑭᔭ ᐊᑲᐎᔾ ᐎᒋᐃᐛᑕᐤ ᐊᓐᑕ ᐊ ᒥᓇᓄᐅᒡ᙮ ᐊᑲᐎᔾ ᓂᓇᐧᑯᐤ ᒋᑭ ᐅᒋ ᐃᓯ ᐎᓂᓱᐤ ᐱᒪᑎᓯᓇᓄᐤ᙮ ᐊᑲᐎᔾ ᒋᑭ ᐅᒋ ᒋᐧᑲᒥᑐᓇᓄᐤ᙮ ᐊᑲᐎᔾ ᑭᔭ ᒋᑭ ᐅᒋ ᐅᑕᔨᒥᑐᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:1

ᐊᑲᐎᔾ ᐊᑐᐛᔨᒪᐧᒄ ᐊᓐ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ᙮ ᐊᑲᐎᔾ ᒋᑭ ᐅᒋ ᒋᐧᑲᓇᑯᐎᑐᓇᐛᐤ ᐊ ᐃᔭᔨᒧᑎᒪᒄ ᐊᓂᔭᔪᐛ ᒐᒂᔪᐛ ᐊᑲ ᐸᐃᑯᓄᒡ ᐃᑕᔨᑎᒥᐃᑯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

1 ᑯᕆᓐᑎᔭᓇ 11:16

ᐊᑯ ᒪᒃ ᐊ ᐃᑕᒂ ᐊᐛᓐ ᐊᑲ ᓇᐊᔨᑕᐧᒃ ᑕᓐ ᑲ ᐃᔅᒋᔄᐅᒡ, ᐊᐅᑯᓐ ᒥᒄ ᒐᒋ ᐃᔅᒋᔄᔭᓐ, ᐊᐅᒄ ᐊ ᐃᑕᔨᑎᒪᒡ ᐊ ᑯᐃᔅᑯᓇᒂᒡ ᑭᔭ ᐊᐅᒄ ᐅᔭ ᐊ ᐃᑐᑕᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᒪᒂᒡ ᐊ ᑕᒡ᙮

1 ᑯᕆᓐᑎᔭᓇ 11:18

ᓂᔅᑎᒻ ᒐᒂᓐ᙮ ᓂᒋ ᐎᑎᒪᑯᐅᓐ ᐊ ᑎᒂᒡ ᐊᓐᑕ ᐊ ᑕᑎᐸᓂᐱᔨᐃᑐᓇᓄᐅᒡ ᐃᔅᐱ ᒥᔭᒧᐎᔭᑯᐤ ᒐ ᐊᔭᒥᐊᔭᒄ᙮ ᐱᔅᒐ ᒪᒃ ᓂ ᑕᑈᑕᓐ ᑕᓐ ᐊ ᐃᓯ ᐸᑎᒪᓐ᙮

1 ᑯᕆᓐᑎᔭᓇ 3:18

ᐊᑲᐎᔾ ᐊᐛᓐ ᒋᑭ ᐅᒋ ᐎ ᐎᔭᓯᐃᑎᓱᐤ᙮ ᐊ ᐃᑕᒂ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᓇᔅᒡ ᐊ ᒋᔅᒐᔨᑕᐧᒃ ᒐᒂᔪᐤ ᐅᑕ ᐊᔅᒋᒡ ᐊᑯᔅ ᒋᑭ ᐃᓯᓇᑯᓱᐤ ᐊᑲ ᐃᑈᐧᑲᑦ ᒐᒋ ᐅᒋ ᑭᒐᑕᐛᔨᑕᐧᒃ᙮

1 ᑯᕆᓐᑎᔭᓇ 3:3

ᐊᔅᒄ ᐊᐅᑯᓐ ᐊ ᐃᓯ ᐱᒪᑎᓯᔭᒄ ᐊ ᐃᓯ ᐱᒪᑎᓯᒡ ᐊᓐᒡ ᐊᔅᒄ ᐊᑲ ᐱᔅᑎᓇᒡ ᑲ ᐸᔭᒋ ᐊᒐᒂ ᒐᒋ ᐱᒥᐱᔨᑕᔨᒋ ᐅᐱᒪᑎᓯᐅᓄᐛᐛ᙮ ᐛᔅ ᒋ ᒪᒥᒐᔨᒥᑐᓇᐛᐤ ᑭᔭ ᒋ ᒪᒥᒋᐱᔨᐃᑐᓇᐛᐤ᙮ ᐊᑯᑕ ᒪᒃ ᐊ ᓄᒂᒡ ᐊᔅᒄ ᐊ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᑕᒡ᙮

2 ᑯᕆᓐᑎᔭᓇ 11:20

ᒋ ᐱᔅᑎᓇᐛᐅᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒐᒋ ᐅᒋᒪᐧᑲᑕᑕᑯᒡ ᑭᔭ ᒐᒋ ᒥᓂᓱᓇᔭᐛᑐᑕᑕᑯᒡ᙮ ᒋ ᐱᔅᑎᓇᐛᐅᒡ ᒐᒋ ᑭᒐᒧᑎᒪᑕᑯᒡ ᑭᔭ ᒐᒋ ᒪᔭᔨᒥᑕᑯᒡ ᑭᔭ ᒐᒋ ᐅᑕᒥᒂᐅᑕᑯᒡ᙮

ᑲᓚᓯᔭᓇ 5:15

ᐎ ᐃᔭᒂᒥᒄ ᒪᒃ᙮ ᒧᔅ ᒥᒋᐱᔨᐃᑐᔭᒂ ᑭᔭ ᒋᐧᑲᒥᑐᔭᒂ ᐃᔭᒂ ᒋᒋᐛ ᓂᓱᐅᓇᒋᐃᑐᔭᒂ᙮

ᑲᓚᓯᔭᓇ 5:26

ᐊᑲᐎᔾ ᒋᑭ ᐅᒋ ᒋᒋᐛ ᐃᑕᔨᒥᓱᓇᓄᐤ᙮ ᐊᑲᐎᔾ ᒋᑭ ᐅᒋ ᐛᐧᑲᐃᒥᑐᓇᓄᐤ ᑭᔭ ᐊᑲᐎᔾ ᒋᑭ ᐅᒋ ᒥᒧᔅᑕᓂᒧᐛᓄᐅᒡ ᐊᐛᓐᒋ᙮

ᑲᓚᓯᔭᓇ 6:3

ᒧᔭᒻ ᐊᐛᓐ ᒋᒋᐛ ᐊ ᐃᑕᔨᒥᓱᑦ ᐊᑎ ᒪᒃ ᐊᑲ ᒐᒂᔪᐤ ᐃᑕᔨᑕᑯᓯᑦ ᐎᔾ ᓇᔅᒡ ᐎᔭᓯᒥᑎᓱᐤ᙮

ᐱᓕᐱᔭᓇ 1:15

ᑕᑈ ᒋᐸ ᑕᐅᒡ ᐊᐛᓐᒋ ᒥᒄ ᐊ ᐅᑕᔨᒥᒡ ᒪᒃ ᐊ ᐎ ᒪᒥᒋᐱᔨᒡ ᐊᐅᒄ ᐛᒋ ᐊᔨᒧᒪᒡ ᙭ᑕ᙮ ᐊᑯ ᑯᑎᑭᒡ ᓱᒃ ᐛᐎᑎᒧᒡ ᒥᔽᒋᒧᐅᓂᔪᐤ ᑯᐃᔅᒄ ᐊ ᐃᑎᒡ᙮

ᐱᓕᐱᔭᓇ 2:14

ᐃᑐᑎᒧᒄ ᒥᓯᐛ ᒐᒂᓐ ᐊᑲ ᒥᔅᑎ ᐊᔭᒥᑐᑎᒪᒄ ᑭᔭ ᐊ ᐊᑲ ᒪᒥᒋᐱᔨᐃᑐᔭᒄ᙮

ᐱᓕᐱᔭᓇ 2:3

ᓇᒪ ᒋᐸ ᐅᒋ ᐃᑐᑕᓐ ᒐᒂᓐ ᒥᒄ ᑭᔭ ᐊ ᒪᒥᑐᓇᔨᒥᓱᔨᓐ᙮ ᒪᒃ ᒥᒄ ᒐᒋ ᐅᒋ ᒪᒥᔽᒋᒥᑯᔨᓐ᙮ ᑎᐱᑕᔨᒥᓱᒄ, ᐊᔪᐛᒃ ᑯᑎᑭᒡ ᐊᐛᓐᒋ ᐊ ᐃᑕᔨᒪᑯᒡ᙮

ᑯᓚᓯᔭᓇ 2:18

ᐊᑲᐎᔾ ᒋᑭ ᐅᒋ ᓇᐊᔨᒪᐛᐅᒡ ᐊᓐᒡ ᐊᐛᓐᒋ ᐃᔭᒡ ᑲ ᐃᑎᒡ ᐊ ᑎᐱᑕᔨᒥᓱᒡ ᑭᔭ ᐊᓐᒋᓇ ᑲ ᐊᔭᒥᐊᔅᑐᐛᒡ ᒐᒋ ᐎᔭᓯᒥᑕᑯᒡ ᐊ ᐎ ᐊᔭᔭᒄ ᒋᑲᓂᔪᐅᓄᐛᐤ᙮ ᐊᐅᑯᓐᒡ ᐅᒡ ᓇᔅᒡ ᑕᑈ ᐱᒋᔎᐅᐃᑯᒡ ᑕᓐ ᐊ ᐃᓯ ᐛᐸᑕᒡ ᐛᐸᑎᔨᐛᐅᓇ᙮ ᓇᒪ ᒪᒃ ᐊᐱᑕᔨᑕᑯᓂᔪᐤ ᐊᓂᔭ ᑕᓐ ᐊ ᐃᓯ ᐊᔨᒧᑕᒡ, ᐛᔅ ᒥᒄ ᐊ ᐃᓯ ᒪᒥᑐᓇᔨᑕᑭᓄᔨᒋ ᐅᑕ ᐊᔅᒋᒡ ᐊᐅᑯᓐ ᐱᓯᒄ ᐊ ᐃᓯ ᒪᒥᑐᓇᔨᑕᒡ᙮

2 ᑕᓴᓗᓂᔭᓇ 2:4

ᒥᓯᐛ ᒐᒂᔪᐤ ᑲ ᐃᑐᑕᑯᔨᒋ ᐊᐛᔪᐛ ᒐᒋ ᐊᔭᒥᐊᔅᑐᐛᔨᒋ ᒋᓴᒪᓂᑐᐛ ᒪᒃ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᐱᔨᒡ ᐊ ᐃᑕᔨᑕᑯᓂᔨᒡ ᒋᑭ ᒪᓯᑕᐤ᙮ ᐊᔪᐅᒄ ᐅᔭ ᒐ ᐃᑎᑦ ᐊ ᓂᑐᐛᔨᑕᐧᒃ ᐎᔾ ᓇᔅᒡ ᒐᒋ ᒋᔅᑕᔨᑕᑯᐊᑭᓄᐅᑦ᙮ ᐛᐛᒡ ᒋᑭ ᐱᒐᐤ ᐊᓐᑕ ᒋᓴᒪᓂᑐᐛ ᐅᒋᓴᐊᔭᒥᐊᐅᒋᐛᐱᒡ ᐊᑯ ᒐ ᐃᔅᒋᔄᑦ ᐎᔾ ᐊ ᒋᓴᒪᓂᑐᐅᑦ᙮

1 ᑎᒧᑎ 1:4

ᐎᑎᒧᐅᒡ ᒐ ᐊᑲ ᒋ ᐊᐱᑕᔨᑕᒡ ᐛᔅᑭᒡ ᑎᐸᒋᒧᐅᓇ ᑭᔭ ᐊᓂᔭ ᑕᓐ ᑲ ᐃᓯ ᐸᒋ ᐃᑎᔅᑲᑐᔨᒋ ᐅᐛᐧᑯᒪᑭᓄᐛᐛ ᐊᓐᑕ ᐛᔅᑭᒡ ᒧᔭᒻ ᒐᒋ ᐃᑕᔨᑕᒡ ᐅᑦ ᐊᒐᐧᑯ ᐱᒪᑎᓯᐅᓄᐛᒡ ᒐᒋ ᐎᒋᐃᑯᒡ ᐅᔭ ᒐᒂᔪᐤ᙮ ᐛᔅ ᒧᔭᒻ ᐅᔭ ᒐ ᑐᐛᒂ ᐊᑯᑕ ᒐᒋ ᐅᒋ ᒋᒋᐱᔨᒡ ᐊ ᒋᐧᑲᓇᑯᐃᑐᒡ᙮ ᑭᔭ ᐅᔭ ᐊ ᐃᑎᒡ ᓇᒪ ᓇᔅᒡ ᐎᒋᑕᐅᒡ ᑕᓐ ᒐᒋ ᐃᓯ ᐊᑐᔅᑯᐛᑭᓄᔨᒋ ᒋᓴᒪᓂᑐᐛ᙮ ᑕᑈᔭᔨᑎᒧᐅᓂᒡ ᒪᒃ ᐊᑯᑕ ᐊ ᐃᓯ ᐊᑐᔅᑯᐛᑭᓄᐅᑦ ᒋᓴᒪᓂᑐᐤ᙮

1 ᑎᒧᑎ 1:7

ᐊᓂᔭ ᓇᔅᒡ ᐊ ᐎ ᒋᔅᑯᑎᒪᒐᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᐊᔪᐅᒄ ᐛ ᐃᓯ ᒋᐧᑲᔭᐱᒥᑯᓯᒡ, ᐊᑲ ᒪᒃ ᓇᔅᒡ ᓂᓇᔅᑐᑕᓱᒡ ᑕᓐ ᐊᓐ ᐛ ᐃᔅᒋᔄᒡ ᑭᔭ ᓇᒪ ᐛᐛᒡ ᒋᔅᒐᔨᑎᒧᒡ ᐊᓂᔭ ᒐᒂᔪᐤ ᑲ ᐊᔨᒧᑕᒡ ᐊᑎ ᒧᔭᒻ ᓇᔅᒡ ᐊ ᒋᔅᒐᔨᑕᒡ ᐊ ᐃᑎᑕᑯᐃᓱᒡ᙮

1 ᑎᒧᑎ 3:6

ᑭᔭ ᓇᒪ ᐊᐛᓐ ᐊᓄᒋᒐ ᐊᒋ ᑕᑈᔭᔨᑕᐧᒃ ᒋᐸ ᐅᒋ ᓂᑲᓂᔅᑯᐛᐤ ᒋᓴᒪᓂᑐᐛ ᐅᑦ ᐃᔨᒥᔪᐛ ᐛᔅ ᒋᑭ ᒋ ᐃᓯᓇᑯᓱᐤ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᒋᑭ ᒋ ᐸᒋᓯᓐ ᒪᒃ ᒐᒋ ᐃᓯ ᓂᓱᐅᓇᒋᒪᑭᓄᐅᑦ ᒧᔭᒻ ᒥᒋᒥᓂᑐᐛ ᒐ ᐃᓯ ᓂᓱᐅᓇᒋᒪᑭᓄᔨᒋ᙮

2 ᑎᒧᑎ 2:14

ᒧᔅ ᒪᒃ ᒋᔅᒋᓱᒥᒡ ᒋᑦ ᐃᔨᒥᒡ ᐅᔭᔪᐤ ᑭᔭ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐃᔭᒂᒥᒥᒡ ᒐ ᐊᑲ ᒋ ᒪᒥᒋᐱᔨᐃᑐᒡ ᐃᔨᒧᐅᓂᔪᐤ ᐅᒋ, ᐛᔅ ᓇᒪ ᓇᔅᒡ ᒥᔪ ᐎᒋᐃᐛᒥᑭᓐ ᐅ ᐊ ᐃᑎᓇᓄᐅᒡ᙮ ᑎᑯᓂᔪᐤ ᑕᓐ ᐊ ᐃᓯ ᒥᒋᑐᑕᑯᒡ ᐊᓐᒡ ᑲ ᓂᑐᑐᐛᒡ᙮

2 ᑎᒧᑎ 2:23

ᐊᑲᐎᔾ ᓇᓂᑐᑕ ᓂᑎᒥᒄ ᐃᔨᒧᐅᓇ ᑭᔭ ᒋᔎ ᐃᔨᒧᐅᓐ, ᐛᔅ ᐊᑯᑕ ᐛᒋᐱᔨᒡ ᒐᒋ ᐅᒋ ᒥᒋᐱᔨᐃᑐᓇᓄᐅᒡ᙮

2 ᑎᒧᑎ 3:4

ᓇᔅᒡ ᒋᑭ ᐎᒋ ᐛᐎᔭᓯᐊᐅᒡ ᐅᐎᒐᐛᑭᓄᐛᐛ, ᓇᒪ ᓇᔅᒡ ᒋᑭ ᐅᒋ ᓂᓇᑭᑐᐛᔨᑎᒧᒡ ᑕᓐ ᐊ ᐃᑎᒡ, ᑭᔭ ᓇᔅᒡ ᑕᑈ ᒥᔅᑎ ᒋᑭ ᐃᑕᔨᒥᓱᐅᒡ᙮ ᐅᔅᑕ ᒋᑭ ᓴᒋᑕᐅᒡ ᐊᓂᔭ ᐎᔨᐛᐤ ᐊ ᐃᓯ ᒧᒋᒐᔨᑎᒥᐃᑯᒡ ᒐᒂᔪᐤ ᐃᔅᐱᔅ ᐎ ᒋᓴᒪᓂᑐᐛ ᐊᑐᐎᔅ ᒐᒋ ᓴᒋᐊᒡ᙮

ᑕᐃᑕᔅ 3:9

ᑕᐅᒡ ᐊᐛᓐᒋ ᐊ ᒥᒋᐱᔨᒡ ᐊ ᐊᔨᒧᑕᒡ ᒍᐤ ᐃᔪᐤ ᐎᓱᐛᐅᓇ ᑕᓐ ᐊᓂᔭᔪᐛ ᒋᐸ ᑭᓄᐛᔨᑕᑭᓄᐅᔪᐛ ᑭᔭ ᐊ ᐊᔨᒧᑕᒡ ᑕᓐ ᐊ ᐃᑎᔅᑲᑐᔨᒋ ᐅᑦ ᐊᓂᔅᒐ ᐛᐧᑯᒪᑭᓄᐛᐛ᙮ ᐊᑲᐎᔾ ᐊᐱᑕᔨᑎᒧᒄ ᒐᒋ ᐊᔨᒧᑎᒪᒄ ᐅᔭ ᒐᒂᔪᐛ ᐛᔅ ᑕᐸ ᐎᔭᔅ ᐃᑕᐱᑎᓇ ᑭᔭ ᓇᒪ ᓇᔅᒡ ᐎᒋᐃᑯᐅᒡ ᐊᐛᓐᒋ᙮

ᒋᒥᔅ ᐅᒥᓯᓇᐊᒪᒐᐅᓐ 1:19

ᐊᑲᐎᔾ ᐅᓂᒋᔅᒋᓯᒄ ᐅ ᓂᐧᑲᓂᓯᑐᒄ ᑲ ᓴᒋᐃᑎᑯᒡ᙮ ᒥᓯᐛ ᐊᐛᓐ ᓱᒃ ᒧᔅ ᐃᔭᒂ ᒋᐸ ᐎ ᓂᑐᑎᒻ, ᒋᐸ ᒪᒥᑐᓇᔨᑎᒻ ᑭᔭ ᑕᓐ ᐛ ᐃᔅᒋᔄᑦ ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ᙮

2 ᐱᑕᕐ 2:12

ᒥᒄ ᐛ ᐃᑎᒡ ᐃᑐᐅᒡ ᐊᐛᓯᓯᒡ᙮ ᐅᒡ ᒪᒃ ᓂᑎᒥᒄ ᒋᔅᑯᑎᒪᒐᓱᐅᒡ ᐊᐅᑯᓐ ᒧᔭᒻ ᐊ ᐃᑕᔨᑕᑯᓯᒡ ᑭᔭ ᐎᔨᐛᐤ᙮ ᒪ ᒥᒋ ᐊᔨᒧᑎᒧᒡ ᐊᓂᔭᔪᐛ ᒐᒂᔪᐛ ᐊᑲ ᓂᔅᑐᑕᒡ᙮ ᒧᔭᒻ ᒪᒃ ᑲ ᐃᓯᐊᑭᓄᐅᑦ ᑯᑎᒃ ᐊᐛᓯᔅ ᒥᒄ ᒐᒋ ᑲᔅᑎᓇᑭᓄᐅᑦ ᑭᔭ ᒐᒋ ᓂᐸᐊᑭᓄᐅᑦ, ᐊᐅᑯᓐ ᒧᔭᒻ ᐊ ᐃᓯᓇᑯᓂᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ ᓂᑎᒥᒄ ᒋᔅᑯᑎᒪᒐᓱᐅᒡ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

ᒍᑦ 1:10

ᐅᒡ ᒪᒃ ᐎ ᓇᐸᐅᒡ, ᒥᒄ ᐃᓯ ᒪᔭᔨᑎᒧᒡ ᒐᒂᔪᐤ ᐊᑲ ᓂᔅᑐᑕᒡ᙮ ᒧᔭᒻ ᐊᐛᓯᓴ ᒥᒄ ᐛ ᐃᑎᔨᒋ ᐊ ᐃᑎᔨᒋ ᐊᐅᑯᓐ ᐊ ᐃᑎᒡ ᐅᒡ ᓇᐸᐅᒡ᙮ ᓇᒪ ᒪᒥᑐᓇᔨᑎᒥᐃᑯᐅᒡ ᑯᐃᔅᒄ ᐊ ᐃᑐᐛᒂ, ᐊᔪᐅᒄ ᒪᒃ ᐅᔭ ᐛᓇᒋᐃᑯᒡ᙮

ᒍᑦ 1:16

ᒧᔅ ᒪᒥᒋ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮

ᒋᔅᒐᔨᑕᑯᑕᒐᐅᓐ 3:17

ᒋᑦ ᐃᔅᒋᔄᓇᐛᐤ ᓂᐛᔪᑎᓯᓇᓐ, ᓇᔅᒡ ᑕᑈ ᓂ ᒥᔪᐱᔨᓇᓐ ᑭᔭ ᓴᔅ ᒥᓯᐛ ᒐᒂᓐ ᓂ ᑭᓄᐛᔨᑕᓇᓐ ᑕᓐ ᐊ ᐃᓯ ᓂᑐᐛᔨᑎᒪᒡ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᑲ ᒋᐧᑲᐛᑕᔨᒧᔭᒄ ᐊᑲ ᒥᔽᔨᒧᔭᒄ ᑭᔭ ᑕᓐ ᐊᔅᐱᔅ ᒋᔅᑎᒪᓯᓇᑯᓯᔭᒄ᙮ ᓇᒪ ᒋ ᒋᔅᒐᔨᑕᓇᐛᐤ ᑕᓐ ᐊᔅᐱᔅ ᒋᔅᑎᒪᑎᓯᔭᒄ, ᐊ ᒧᓴᔅᑭᑕᔭᒄ, ᑭᔭ ᐊᑲ ᐛᐸᑎᒪᒄ᙮