1 ᑎᒧᑎ 6:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐅᔭᔪᐤ ᒪᒃ ᐃᑐᑕᒂᐛ ᐊᑯᑕ ᒐᒋ ᐅᒋ ᐊᔭᒡ ᒋᒋᐛ ᐛᔪᑎᓯᐅᓂᔪᐤ ᐊᓐᑕ ᓂᔅᑕᒥᒡ, ᐊᑯᑕ ᑭᔭ ᒋᒋᐛ ᒐᒋ ᐅᒋ ᒋᔅᒐᔨᑕᒡ ᐱᒪᑎᓯᐅᓂᔪᐤ ᐅᑕ ᐊᔅᒋᒡ᙮

1 ᑎᒧᑎ 6:19 Iomraidhean Croise

ᑎᐱᑦ ᐅᓂᑭᒧᐅᓇ 17:14

ᐃᔪᒡ ᐅᒋ ᑲ ᐅᑎᒋᔨᓐ, ᐅ ᑎᐸᔨᒋᒐᓱᐤ, ᐊᔅᒋᐤ ᐃᔪᒡ ᐅᒡ, ᑲ ᒪᑎᓂᒧᐛᑭᓄᔨᒋ ᒪᒂᒡ ᐊᓄᒡ ᐊ ᐱᒪᑎᓯᓇᓄᐎᒡ, ᑭᔭ ᐅᔅᑭᑎᔭ ᑲ ᓴᑭᔅᒋᓂᑕᐅᑦ ᒋ ᒋᒧᒡ ᐛᔪᑎᓯᐅᓇ; ᓴᑭᔅᒋᓇᔅᑲᑯᐅᒡ ᐊᐛᓴ, ᑭᔭ ᑲ ᐃᔅᑯᐱᔨᒋ ᐅᑦ ᐊᔭᓄᐛᐛ ᓂᑭᑎᒧᐛᐅᒡ ᐅᑦ ᐊᐛᓯᒥᓱᐛᐛ᙮

ᒪᑎᔪᐤ 19:21

ᐊᑯ ᒋᓴᔅ ᒂ ᐃᑕᑦ, “ᓇᔅᒡ ᒥᓯᐛ ᒐᒂᓐ ᐛ ᐃᑐᑎᒧᐎᓇ ᒐᒋ ᑯᐃᔅᑯᑕᑎᓯᔨᓐ, ᐊᑕᐛᒐ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᑲ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᑐᑕᔨᓐ ᒐ ᐸᒋ ᓇᓴᐎᔨᓐ᙮”

ᓗᒃ 12:33

ᐊᑕᐛᒐᒄ ᐊᓂᔭ ᒐᒂᔪᐛ ᐊ ᐃᓯ ᑎᐱᔨᐛᐅᓯᔭᒄ ᐊᑯ ᒐ ᒥᔭᑯᒡ ᑲ ᒋᔅᑎᒪᑎᓯᒡ ᐊᓂᔭ ᓱᓇᔭᔪᐤ᙮ ᐛᔅ ᐅ ᐃᓯ ᐃᑐᑎᒪᒂ ᒋᓴᒪᓂᑐᐤ ᒋᑭ ᑎᐸᐊᒪᑯᐛᐤ ᐊᓐᑕ ᒋᒋᒋᓯᑯᒡ᙮ ᐛᔅ ᑕᓐ ᒐ ᐃᓯ ᑎᐸᐊᒪᑕᒄ ᒋᓴᒪᓂᑐᐤ ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᐛᔅ ᓇᒪ ᓂᑕ ᒋᑭ ᒋ ᑭᒐᒧᑎᒪᑯᓇᐛᐤ ᑭᔭ ᒥᓐᑐᓯᒡ ᓇᒪ ᒋᑭ ᒋ ᓂᓱᐅᓇᒋᑕᐅᒡ᙮

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᓗᒃ 16:9

ᐊᑯ ᒋᓴᔅ ᒥᓐ ᒂ ᐊᑎ ᐃᑕᑦ, “ᒋ ᐎᑎᒪᑎᓇᐛᐤ, ᐊᐱᒋᑕᒄ ᑕᓐ ᐊ ᐃᓯ ᐊᔭᔭᒄ ᒐᒋ ᒥᔪᑐᑎᒪᒄ ᑭᔭ ᒐᒋ ᐎᒐᐛᑭᓂᔭᒄ᙮ ᐃᔅᐱ ᒪᒃ ᐳᓂᐱᒪᑎᓯᔭᒂ ᐊᑯ ᒐ ᐱᑎᑲᐃᑯᔭᒄ ᐊᓐᑕ ᑲᒋᒡ ᒐ ᐎᒋᔭᒄ᙮”

ᓗᒃ 18:2

ᒋ ᐃᑕᐤ, “ᒋ ᑕᐤ ᑎᐸᔅᑯᓂᒐᓱᐤ ᐅᑕᓇᒡ ᐊᑲ ᐅᒋ ᓇᓂᒋᔅᑐᐛᑦ ᒋᓴᒪᓂᑐᐛ ᑭᔭ ᐊᑲ ᐅᒋ ᐊᐱᑕᔨᒪᑦ ᐃᔪᐛ᙮

ᓗᒃ 18:22

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᐃᑕᐤ, “ᐊᔅᒄ ᒪᒃ ᐸᐃᒄ ᒐᒂᓐ ᒥᓐ ᓂᑐᐛᔨᑕᑯᓐ ᒐᒋ ᐃᑐᑎᒥᓐ᙮ ᐊᑕᐛ ᒥᓯᐛ ᑕᓐ ᐊ ᐃᓯ ᐊᔭᔨᓐ, ᐊᑯ ᐊᓐ ᓱᓇᔭᐤ ᑲ ᒋᔅᑎᒪᑎᓯᒡ ᒐ ᒥᔨᑥᐤ᙮ ᐊᑯ ᒪᒃ ᒐ ᐊᔭᔨᓐ ᐛᔪᑎᓯᐅᓐ ᒋᒋᒋᓯᑯᒡ ᐊ ᑎᒂᒡ᙮ ᒋ ᐃᑐᑎᒥᓇ ᒪᒃ ᐅ ᐊᑯ ᒐ ᐸᒋ ᓇᓴᐎᔨᓐ᙮”

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐃᐱᓯᔭᓇ 3:17

ᑭᔭ ᓂᑦ ᐊᔭᒥᐊᐤ, ᙭ ᒐᒋ ᑕᑦ ᒋᐱᒪᑎᓯᐅᓄᐛᒡ ᐊᓐ ᐅᒋ ᐊ ᑕᑈᑎᒪᒄ᙮ ᑭᔭ ᐊᓐ ᐊ ᐊᑎ ᔭᐃᒋᓂᑕᐅᒋᔭᒄ ᑭᔭ ᐊ ᐊᑎ ᐊᔨᒋᑲᐳᐅᔭᒄ ᓴᒋᐃᐛᐅᓂᒡ ᐃᔅ,

ᐱᓕᐱᔭᓇ 3:12

ᓇᒪᐎᔾ ᐊᓐ ᐛ ᐃᔅᒋᔄᔭᓐ ᓴᔅ ᓇᔅᒡ ᐊ ᐃᑕᔨᑕᑯᓯᔭᓐ ᐅ ᑲ ᐃᓯ ᐱᑯᓴᔨᒧᔭᓐ ᒪᒃ ᓇᔅᒡ ᒐᒋ ᐃᑕᔨᑕᑯᓱᐅᒡ ᐊᓂᔭᔪᐤ ᑲ ᐃᓯ ᓂᑐᐛᔨᒥᑦ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐅᒡ᙮ ᒥᒄ ᒪᒃ ᓱᒃ ᓂᑭ ᑯᒋᑕᓐ ᐊᓐ ᒐᒋ ᐃᑕᔨᑕᑯᓯᔭᓐ, ᐛᔅ ᓴᔅ ᓂᑎᐸᔨᒥᒄ ᙭ ᒋᓴᔅ᙮

ᐱᓕᐱᔭᓇ 3:14

ᓇᔅᒡ ᐊ ᐃᔅᐱᓯᔭᓐ ᓱᒃ ᓂ ᐎ ᒋᔅᑕᓐ ᒐᒋ ᐎᐧᑯᒋᑎᒪᓱᔭᓐ ᐊᓐ ᑲᓂᔪᐅᓐ ᑕᓐ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐅᑦ ᒋᓴᒪᓂᑐᐤ ᒐ ᐊᔭᐅᒡ ᙭ ᒋᓴᓴ ᐅᒋ, ᐊᐅᒄ ᑲᒋᒡ ᐱᒪᑎᓯᐅᓐ᙮

1 ᑎᒧᑎ 6:12

ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ᑕᑈᑎᒥᓐ ᐊᓐᑕ ᒐᒋ ᐅᒋ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ᐃᑕᔨᒥᑯᔨᓐ ᒐᒋ ᐃᓯ ᐊᔭᔨᓐ ᐃᔅᐱ ᓇᔅᒡ ᑲ ᒋᔅᒐᔨᑕᑯᓯᔨᓐ ᒐ ᐊᑐᔅᑯᐅᑦ ᒋᓴᒪᓂᑐᐤ, ᑲ ᐎᑎᒥᓐ ᑕᑈ ᐊ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ᑕᒡ᙮

2 ᑎᒧᑎ 1:1

ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

1 ᐱᑕᕐ 1:4

ᑭᔭ ᐸᑯᓴᔨᒧᔭᐧᒄ ᒐᒋ ᐊᔭᔭᐧᒄ ᐊᓐ ᑕᓐ ᐊ ᐃᓯ ᐊᔭᑦ ᒋᓴᒪᓂᑐᐤ ᒐ ᐃᓯ ᒥᔭᑦ ᐅᑦ ᐃᔨᒪ ᒐᒋ ᑎᐱᔨᐛᐅᓯᔨᒋ᙮ ᒋᒋᒋᓯᑯᒡ ᒪᒃ ᔅᒋ ᑭᓄᐛᔨᑎᒪᑯᐛᐤ ᐊᓐᑕ ᒐ ᐊᑲ ᓂᑕ ᐎᓂᐱᔨᒡ, ᑭᔭ ᒐ ᐊᑲ ᓂᑕ ᐅᓂᑎᓂᔨᒡ ᒪᒃ ᒐᒋ ᐸᓯᑯᓇᑯᓂᔨᒡ᙮