1 ᑎᒧᑎ 6:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐎᑎᒧᐅᒡ ᐊᓐᒡ ᑲ ᐛᔪᑎᓯᒡ ᒐᒋ ᒥᔪᑐᑎᒪᒐᒡ, ᒥᔪᑐᑎᒪᒐᐅᓂᒡ ᒐᒋ ᐃᓯ ᐛᔪᑎᓯᒡ, ᒐᒋ ᐃᓯᓇᑯᓯᒡ ᓇᔅᒡ ᑲ ᒥᔽᔨᑕᒡ ᐊ ᒥᔨᐛᒡ ᑭᔭ ᓇᔅᒡ ᒐᒋ ᐛᒋᐱᔨᒡ ᒐᒋ ᑕᑥᐅᓂᒧᐛᒡ ᐊᐛᔪᐛ ᑕᓐ ᐊ ᐃᓯ ᐊᔭᒡ᙮

1 ᑎᒧᑎ 6:18 Iomraidhean Croise

ᑎᐱᑦ ᐅᓂᑭᒧᐅᓇ 112:9

ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ; ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ; ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

ᑎᐱᑦ ᐅᓂᑭᒧᐅᓇ 37:3

ᒪᒥᓯᑐᑐᐤ ᑎᐸᔨᒋᒐᓱᐤ, ᑭᔭ ᒥᔪᑐᑕ: ᐊᑯ ᒐ ᑕᔨᓐ ᐊᔅᒋᒡ, ᑕᑈ ᑭᔭ ᒋᑭ ᐊᓴᒥᑯᐅᓐ᙮

ᒪᑎᔪᐤ 5:42

ᑭᔭ ᐊᐛᓐ ᓂᑐᐛᔨᑎᒪᔅᒐ ᒐᒂᔪᐤ, ᒥᔾ᙮ ᒪᒃ ᐊᐛᓐ ᐎ ᐅᐛᐊᓱᒐ ᒐᒂᔪᐤ, ᒥᔾ ᐊᓂᔭ ᒐᒂᔪᐤ ᐛ ᐅᐛᐊᓱᑦ᙮”

ᓗᒃ 12:21

ᒋᓴᔅ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᐊ ᐃᓯᓇᒂᒡ ᐊᐛᓐ ᐎᔾ ᑲ ᒪᐅᒋᑎᒪᓱᑦ ᒐᒂᔪᐤ᙮ ᓇᒪ ᐛᔪᑎᓯᐤ ᐃᑕᔨᒥᑯᐤ ᒋᓴᒪᓂᑐᐛ ᐊ ᑭᓄᐛᐱᒥᑯᑦ᙮”

ᓗᒃ 3:11

ᒂ ᐃᑕᑦ, “ᐊᐛᓐ ᐊ ᓂᓯᓂᔨᒋ ᐅᑦ ᐊᑯᐸ ᐸᐃᒄ ᐊᓂᔭ ᒋᐸ ᒥᔭᐤ ᐊᐛᔪᐛ ᐊᑲ ᐊᔭᔨᒋ, ᒪᒃ ᑭᔭ ᒥᒋᒥᔪᐤ ᐊ ᐃᔭᒂ ᒋᐸ ᐊᓯᒪᐤ ᐊᐛᔪᐛ ᐊᑲ ᐅᒥᒋᒥᔨᒋ᙮”

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”

ᐊᑈᔅᑕᓇᒡ 11:29

ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᒥᓯᐛ ᐸᐸᐃᒄ ᐊ ᑎᓯᒡ ᒂ ᐎᔭᔨᑕᒡ ᓱᒃ ᒐ ᐎᒋᐊᒡ ᑕᓐ ᐊ ᐃᓯ ᓂᑐᐛᔨᑎᒥᔨᒡ ᐊᓂᔭ ᐎᐧᑲᓂᓱᐛᐛ ᐊᓐᑕ ᒍᑎᔭ ᐊᔅᒋᒡ ᑲ ᑕᔨᒋ᙮

ᐊᑈᔅᑕᓇᒡ 9:36

ᐊᓐᑕ ᐃᑕᐅᓂᒡ ᒍᐸ ᑲ ᐃᓯᓂᐧᑲᑕᒡ ᒋ ᑕᐤ ᐃᔎᐤ ᐊ ᑕᑈᔭᔨᒪᑦ ᒋᓴᓴ, ᑕᐸᑕ ᐊᒋ ᐃᓯᓂᐧᑲᓱᑦ, ᒪᒃ ᑐᕐᑲᔅ ᐊᒋ ᐃᓯᓂᐧᑲᓱᑦ, ᐅ ᒪᒃ ᐃᓯᓂᐧᑲᓱᐅᓐ ᐊ ᐱᔭᑭᔅᒋᑕᑯᑕᑭᓄᐅᒡ ᐊᑎᐧᒄ ᐃᔅᒋᔄᓄᐤ᙮ ᒧᔅ ᒋ ᒥᔪᑐᑕᒧᐛᐤ ᐊᐛᔪᐛ ᐊᓐ ᐃᔎᐤ ᑭᔭ ᒋ ᐎᒋᐊᐤ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:13

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:8

ᐊ ᑕᒂ ᐊᐛᓐ ᐊᒋ ᒥᔭᑭᓄᐅᑦ ᒐᒋ ᓯᒋᒧᐛᑦ ᐊᓐᑕ ᐊᑲ ᐛ ᓴᐸᔨᑕᑭᓄᔨᒋ ᐊᐅᑯᓐ ᒋᐸ ᐃᑐᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᐛᐎᒋᐊᑦ ᐊᐛᔪᐛ ᑕᓐ ᐊ ᐃᓯ ᓄᑕᐱᔨᒋ ᐊᑯᔅ ᒋᑭ ᐎ ᐛᔪᐅᒡ ᒥᔨᐛᐤ᙮ ᑲ ᒥᔭᑭᓄᐅᒂ ᐊᐛᓐ ᒐᒋ ᓂᑲᓂᔅᑲᒐᑦ ᓱᒃ ᒋᐸ ᐎ ᑭᔅᒋᐅᐤ ᐊᓂᔭ ᐊ ᐃᑕᐱᑎᓯᑦ᙮ ᐊᑯ ᒪᒃ ᑲ ᒥᔭᑭᓄᐅᒂ ᐊᐛᓐ ᒐᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᒪᒃ ᐊᓂᔭᔪᐛ ᑲ ᒥᓯᒪᔨᑎᒥᔨᒋ ᒋᐸ ᒥᔽᔨᑎᒻ ᐊᓂᔭ ᐊ ᐃᑐᑕᐧᒃ᙮

1 ᑯᕆᓐᑎᔭᓇ 16:2

ᐊᓐ ᐊ ᒋᒋᐱᔨᒡ ᒥᓇᔅᑕᑭᓐ, ᒥᓯᐛ ᐊᐛᓐ ᐊᓐᑕ ᐊ ᑎᓯᔭᒄ ᒋᐸ ᑎᐸᓂᔅᑕᐤ ᓱᓇᔭᔪᐤ ᐊ ᓂᓇᑭᑐᐛᔨᑎᒥᐃᑯᑦ ᑕᓐ ᒪᒧᐤ ᑲ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐅᑎᓂᒪᒐᑦ᙮ ᒥᓯᐛ ᒋᐸ ᒪᒧᐤ ᑭᓄᐛᔨᑕᑭᓄᐤ᙮ ᐊᑯ ᒪᒃ ᓇᒪ ᒋᐸ ᐅᒋ ᑎᑯᓐ ᐊ ᒪᒧᓴᒋᓂᑭᓄᐅᒡ ᓱᓇᔭᐤ ᑎᑯᓯᓂᔭᓇ᙮

2 ᑯᕆᓐᑎᔭᓇ 8:12

ᓄᒂᒐ ᓇᔅᒡ ᐊ ᐊᓯᒐᔨᑎᒪᒄ ᒐᒋ ᐱᔅᑎᓂᒐᔭᒄ ᐊᐅᒄ ᐅᔭ ᒐ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᑕᐸ ᐊᓂᔭ ᐊᑲ ᐊ ᐊᔭᐅᑦ ᒋᑭ ᐅᒋ ᑭᓄᐛᐸᑎᒻ᙮ ᐊᓂᔭ ᑕᓐ ᐊ ᐃᓯ ᐊᔭᐅᑦ ᐊᔪᐅᒄ ᐊᓂᔭ ᒐ ᑭᓄᐛᐸᑕᐧᒃ᙮

2 ᑯᕆᓐᑎᔭᓇ 8:9

ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

1 ᑎᒧᑎ 5:10

ᑭᔭ ᒋᐸ ᑎᑯᓂᔪᐤ ᑕᓐ ᐊ ᐃᓯ ᒥᔽᒋᒪᑭᓄᐅᑦ ᐊ ᒪᒥᔪᑐᑎᒪᒐᑦ, ᒧᔭᒻ ᐊᒋ ᒥᔪ ᓂᑕᐅᒋᓇᑦ ᐊᐛᓴ, ᐊᒋ ᒥᔪ ᑭᓄᐛᔨᒪᑦ ᒪᓐ ᒪᓐᑕᐛ, ᑭᔭ ᒧᔅ ᐊᒋ ᒪᒥᔪᑐᑐᐛᑦ ᑲ ᑕᑈᑎᒥᔨᒋ ᑭᔭ ᒧᔅ ᐊᒋ ᓂᓇᑎᒧᐛᑦ ᐊᓂᔭᔪᐛ ᑲ ᐊᔨᒥᐅᔨᒋ ᑭᔭ ᓱᒃ ᒧᔅ ᐊᒋ ᓇᓂᑐᐤ ᒥᔅᑲᐧᒃ ᑕᓐ ᒐ ᐃᓯ ᒪᒥᔪᑐᑎᒪᒐᑦ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

ᐃᑉᕈᐛ 13:16

ᐊᑲᐎᔾ ᐳᓂᒄ ᐊ ᒥᔪᑐᑎᒪᒐᔭᒄ ᑭᔭ ᐊ ᒪᑎᓄᐛᐱᔨᑕᑐᔭᒄ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᓇᔅᒡ ᐊ ᐱᔅᑕᔨᒥᓱᑦ ᐊᐛᓐ ᐅᔭ ᒐᒋ ᐃᑎᑦ ᓇᐊᔨᑎᒥᐊᐤ ᒋᓴᒪᓂᑐᐛ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 3:11

ᐊᑯᔅ ᒋᑭ ᐳᓂᐤ ᐊ ᒥᒋᑐᑕᐧᒃ᙮ ᐅᔅᑕ ᒧᔅ ᒋᑭ ᐎ ᒥᔪᑐᑎᒪᒐᐤ᙮ ᓱᒃ ᒋᑭ ᐎ ᐊᒋᔅᑎᒻ ᒐᒋ ᐎᒋᐊᑦ ᒥᓯᐛ ᐎᐧᑲᓂᓯᒪᐛ ᒧᔅ ᒐᒋ ᒥᔪ ᐎᒐᐅᑐᔨᒋ᙮

1 ᒠᓐ 3:17

ᐛᐱᒪᒐ ᐊᐛᓐ ᐊ ᓄᑕᐱᔨᒋ ᐊᐛᔪᐛ ᒐᒂᔪᐤ, ᐊᑲ ᒪᒃ ᐎᔾ ᓄᑕᐱᔨᑦ ᒐᒂᔪᐤ, ᐊᑲ ᒪᒃ ᒋᔅᑎᒪᒐᔨᒪᒐ, ᑕᓐᑕ ᒐᒋ ᐅᒋ ᐃᔅᒋᔄᑦ ᐊ ᐱᒋᔅᑲᑯᑦ ᒋᓴᒪᓂᑐᐛ ᐅᓴᒋᐃᐛᐅᓂᔪᐤ᙮

3 ᒠᓐ 1:11

ᓂᐎᒐᐛᑭᓐ ᑲ ᓴᒋᐃᑕᓐ, ᐊᑲᐎᔾ ᒋᔅᒋᓄᐛᐸᑕ ᒥᒐᑎᓯᐅᓐ, ᑯᐃᔅᑯᑕᑎᓯᐅᓐ ᐊᐅᒄ ᒋᔅᒋᓄᐛᐸᑕ᙮ ᐊᓐ ᐊᐛᓐ ᑲ ᑯᐃᔅᑯᑕᑎᓯᑦ ᒋᓴᒪᓂᑐᐛ ᑎᐱᔨᐛᐅᓯᑐᑕᑯᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᓇᒪ ᐅᒋ ᐛᐱᒪᐤ ᒋᓴᒪᓂᑐᐛ᙮