1 ᑎᒧᑎ 5:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᓴᔅ ᐛᔅ ᑕᐅᒡ ᐊᓐᒡ ᑲ ᐸᐃᑯᓯᒡ ᐃᔎᐅᒡ ᐅᔅᑕ ᐊ ᐃᑕᔨᑕᒡ ᒥᒋᒥᓂᑐᐛ ᒐᒋ ᓂᓇᐃᑐᐛᒡ᙮

1 ᑎᒧᑎ 5:15 Iomraidhean Croise

ᒪᑎᔪᐤ 4:10

ᒥᒄ ᒪᒃ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒋᔾ ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᒄ ᐅᑎᐸᔨᒋᒐᐤ ᒋᒋᓴᒪᓂᑐᒧᐛᐤ ᐊᔭᒥᐊᔅᑐᐛᐧᒄ ᑭᔭ ᒥᒄ ᐎᔾ ᐊᑐᔅᑯᐛᐧᒄ᙮”

1 ᑎᒧᑎ 1:20

ᐊᑯᑕ ᑲ ᐃᓯ ᓴᐧᑯᒋᐱᑕᑭᓄᐎᒡ ᐃᒥᓇᔭᔅ ᑭᔭ ᐊᓕᒃᓴᓐᑕᕐ᙮ ᒥᒋᒥᓂᑐᐤ ᒪᒃ ᓂᒋ ᐱᔅᑎᓱᐛᑕᐤ ᒐᒋ ᓂᓇᐧᑲᑕᔨᑎᒥᐊᑦ ᐅᔭ᙮ ᐱᑯᓴᔨᑕᑯᓂᔪᐤ ᒪᒃ ᐊᓐᑕ ᒐᒋ ᐅᒋ ᒋᔅᒐᔨᑕᒡ ᒐ ᐊᑲ ᒋ ᐸᔅᑕᒧᒡ᙮

2 ᑎᒧᑎ 1:15

ᐛᔅ ᒋ ᒋᔅᒐᔨᑕᓇᒐ ᒥᓯᐛ ᐊᓐᒡ ᑲ ᒂᔅᑲᑎᓯᒡ ᐊᓐᑕ ᐊᐃᓴ ᐊ ᑕᒡ ᐊᒋ ᓂᑭᓯᒡ, ᐱᒋᓚᔅ ᑭᔭ ᐊᕐᒪᑭᓂᔅ ᓇᒪ ᓇᔅᒡ ᓂᑦ ᐊᐱᑕᔨᒥᑯᒡ᙮

2 ᑎᒧᑎ 2:18

ᒋ ᓂᑭᑎᒧᒡ ᑕᑈᐅᓂᔪᐤ, ᐊᑯ ᑲ ᐃᑐᑐᐛᒡ ᐱᔅᒐ ᐊᓂᔭ ᑲ ᑕᑈᑎᒥᔨᒋ ᒐ ᐊᑲ ᒋ ᐊᑎ ᓴᐸᔨᑎᒥᔨᒋ ᐊ ᑕᑈᑎᒥᔨᒋ, ᐛᔅ ᒋ ᒋᔅᑯᑎᒪᒐᐅᒡ ᐊ ᐃᔅᒋᔄᒡ ᓴᔅ ᐊᒋ ᐅᓂᔅᑲᓇᑭᓄᔨᒋ ᑲ ᑕᑈᑎᒥᔨᒋ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

2 ᐱᑕᕐ 2:2

ᐃᔭᐱᒡ ᒪᒃ ᒥᒐᑦ ᐊᐛᔪᐛ ᒋᑭ ᒋᔅᒋᓄᐛᐱᒥᑯᐅᒡ ᐊᓂᔭ ᓂᑎᒥᒄ ᐊ ᐃᑕᑎᓯᒡ᙮ ᐊᐅᑯᐤ ᒪᒃ ᐅᔭ ᐊ ᐃᑕᑎᓯᒡ, ᐊᑯᑕ ᒐ ᐅᒋ ᒥᒋ ᐊᔨᒧᑕᑭᓄᐅᒡ ᑕᑈᐅ ᒪᔅᑭᓄᐤ᙮

2 ᐱᑕᕐ 3:16

ᐊᐅᑯᓐ ᐛᔅ ᐊ ᐃᓯ ᐊᔨᒧᑕᐧᒃ ᑭᔭ ᐎᔾ ᒥᓯᐛ ᐊᓐᑕ ᑲ ᒪᒥᓯᓇᐊᒪᒐᑦ᙮ ᑎᑯᓂᔪᐛ ᑭᑈ ᐊ ᐎ ᐊᔨᒥᓂᔨᒡ ᐱᔅᒐ ᒐᒂᔪᐤ ᑕᓐ ᐊ ᐃᓯ ᐊᔨᒧᑕᐧᒃ᙮ ᐊᐅᑯᓂ ᒪᒃ ᐅᔭ ᒐᒂᔪᐛ ᓂᑎᒥᒄ ᐛ ᐃᓯ ᐱᔭᑭᔅᒋᑕᑯᑕᒡ ᐊᓐᒡ ᐊᑲ ᓂᔅᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑭᔭ ᐊᓐᒡ ᐊᑲ ᓱᒋᑲᐳᐅᒡ᙮ ᐊᐅᑯᓐ ᑭᔭ ᐊ ᐃᑐᑕᒡ ᓂᓇᐧᑯᐤ ᑕᓐ ᐊ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮ ᐎᔨᐛᐤ ᒪᒃ ᓇᓂᑎᒻ ᐊᑎ ᓂᓱᐅᓇᒋᐃᓱᐅᒡ ᐅᔭ ᐊ ᐃᑎᒡ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮