1 ᑎᒧᑎ 4:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮

1 ᑎᒧᑎ 4:6 Iomraidhean Croise

ᑎᐱᑦ ᐅᓂᑭᒧᐅᓇ 19:7

ᐅᑦ ᐃᑎᓱᐛᐅᓐ ᑎᐸᔨᒋᒐᓱᐤ ᐸᔭᐧᑭᓂᔪᐤ, ᐊᒐᐧᒄ ᐊ ᒂᔅᑲᑎᓯᔅᑲᑯᑦ: ᐅᑎᐸᒋᒧᐅᓐ ᑎᐸᔨᒋᒐᓱᐤ ᒐᔅᑎᓇᑕᔭᔨᑕᑯᓂᔪᐤ, ᐊ ᑭᒐᑕᐛᔨᑎᒥᑯᒡ ᐊᑲ ᑭᒐᑕᐛᔨᑕᒡ᙮ ᐎᔾ ᒥᒄ ᑭᔅᒋᑕᐤ ᑯᐃᔅᒄ ᒐ ᐃᓯ ᑭᒐᔅᒋᒪᑦ, ᐎᔾ ᓇᔅᒡ ᒥᓯᐛ ᐊ ᐃᓯ ᒥᔪᑥᐛᑎᓯᑦ᙮

ᒪᑎᔪᐤ 13:52

ᐊᑯ ᐊᑕᑦ, “ᒥᓯᐛ ᐊᓐᒡ ᑲ ᒋᔅᒐᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᑲ ᒋᔅᑯᑎᒧᐛᑭᓄᐎᒡ ᒋᒋᒋᓯᒄ ᒋᓴᐅᒋᒪᐅᓂᔪᐤ ᑕᓐ ᐊ ᐃᑕᔨᑕᑯᓂᔨᒡ ᒧᔭᒻ ᐊᐛᓐ ᑲ ᑎᐱᔨᐛᐅᓯᑦ ᐊᔅᑕᓱᐅᒋᐛᐱᔪᐤ ᐊ ᑭᓄᐛᔨᑕᐧᒃ ᒐᒂᔪᐤ ᑕᐱᔅᑯᓐ ᐊ ᒥᔽᔨᒋ ᑭᔭ ᐊ ᒋᓴᔭᓯᓇᑯᓂᔨᒋ ᑭᔭ ᐊ ᐅᔅᑲᔨᒋ᙮ ᑕᐱᔅᑯᓐ ᒪᒃ ᐊ ᒥᔪ ᐊᐱᒋᑕᑦ᙮”

ᓗᒃ 1:3

ᐊᑯ ᒪᒃ ᓇᔅᒡ ᐃᔭᒂ ᑲ ᓂᑐ ᑭᒐᔅᒐᔨᑎᒪᓐ ᐅᔭ ᒥᓯᐛ ᒐᒂᔪᐤ ᑕᓐ ᐊᓐ ᑲ ᐊᑎ ᐃᔅᐱᔨᒋ ᐅᔅᑭᒡ ᒐᒋᐱᔨᒋ᙮ ᐊᑯ ᒪᒃ ᑲ ᐃᑕᔨᑎᒥᐃᑯᔭᓐ ᒐ ᒥᔽᒂ ᑭᔭ ᓂᔾ ᒐᒋ ᒥᓯᓇᐊᒪᓐ ᐊ ᐎᑎᒪᑕᓐ ᒥᓯᐛ ᑕᓐ ᐊᓐ ᑲ ᐊᑎ ᐃᔅᐱᔨᒡ ᑭᔭ ᒐᒋ ᐃᑎᓴᐊᒪᑕᓐ ᓂᒥᓯᓇᐃᑭᓐ, ᒋᔾ ᑎᔪᐱᓚᔅ ᒪᐅᒡ ᒐᔅᑕᔨᑕᑯᓯᔨᓐ᙮

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 20:31

ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”

ᐊᑈᔅᑕᓇᒡ 20:35

ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:15

ᐅ ᒪᒃ ᒪᓯᓇᐊᒪᑎᑯᒡ ᑎᑯᓇ ᒐᒂᔪᐛ ᐊᑲ ᓇᔅᒡ ᐅᒋ ᓇᑲᐎᔭᓐ ᒐᒋ ᒋᔅᒋᓱᒥᑎᑯᒡ᙮ ᒋᓴᒪᓂᑐᐤ ᓂᒋ ᒥᔨᒄ ᐅᒋᓴᐛᑎᓯᐅᓐ ᐅ ᒐᒋ ᐃᑎᔭᓐ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

2 ᑯᕆᓐᑎᔭᓇ 6:4

ᒥᒄ ᑕᓐ ᐊ ᐃᑐᐛᒐ ᓱᒃ ᓂ ᐎ ᓂᔅᑐᓇᑯᐃᓱᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ᙮ ᓱᒃ ᓂᓯᐱᔪᐛᓯᔅᑕᓇᓐ ᑕᓐ ᐊ ᐃᓯ ᐊᔨᒥᐅᔭᒡ᙮ ᓂ ᓂᓇᐧᑲᑕᔨᒧᐃᑯᐅᓇᓐ᙮ ᓂ ᓂᓇᐧᑲᒋᐃᑯᐅᓇᓐ᙮

ᐃᐱᓯᔭᓇ 6:21

ᑕᐃᑭᑲᔅ ᒋᑭ ᑎᑯᓯᓄᐤ ᓇᑕ ᐊ ᑕᐛᒄ ᒐᒋ ᐎᑎᒪᑕᒄ ᑕᓐ ᐊ ᐃᑐᒡ ᑭᔭ ᑕᓐ ᐊ ᐃᔅᐱᔪᒡ᙮ ᐊᐅᒄ ᐅ ᑲ ᓴᒋᐃᒃ ᒋᐧᑲᓂᓴᓄᐤ ᑭᔭ ᑯᐃᔅᒄ ᑲ ᐃᓯ ᐊᑐᔅᒐᑦ ᐅᑎᐸᔨᒋᒐᐛ ᐊ ᐊᑐᔅᑯᐛᑦ᙮

ᐱᓕᐱᔭᓇ 2:20

ᐛᔅ ᓇᒪ ᑕᐤ ᑯᑎᒃ ᐊᐛᓐ ᐅᑕ ᒥᔅᑎ ᐊ ᐃᑕᔨᒥᑕᒄ ᒧᔭᒻ ᓂᔾ ᐊ ᐃᑕᔨᒥᑎᑯᒡ᙮

ᐱᓕᐱᔭᓇ 2:22

ᒋ ᒋᔅᒐᔨᒪᐛᐤ ᑎᒧᑎ ᐊᒋ ᐃᓯ ᓄᑯᑕᑦ ᐊ ᒥᔪᐱᑎᓯᑦ᙮ ᓂᒋ ᓂᓱᐊᐱᑎᓯᓇᓐ ᒥᔽᒋᒧᐅᓐ ᐊ ᐛᐎᑎᒪᒡ ᒧᔭᒻ ᓇᐸᐤ ᑭᔭ ᐅᑯᓯᓴ ᐊ ᓂᓱ ᐊᐱᑎᓯᒡ ᓂᒋ ᐃᓯᓇᑯᓯᓇᓐ᙮

ᐱᓕᐱᔭᓇ 3:16

ᐃᔭᐱᒡ ᒪᒃ, ᒧᓯᓇᐤ ᒥᓯᐛ ᓂᓇᑭᑐᐛᔨᑎᒥᐃᑯᑕᐤ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐅᔭᐧᒄ᙮

ᑯᓚᓯᔭᓇ 2:19

ᓇᒪ ᐊᑯ ᐊᐱᑕᔨᒪᐅᒡ ᙭ᑕ, ᐊᓂᔭᔪᐛ ᓇᑲᓂᔅᑯᐛᔨᒋ ᒥᓯᐛ ᐅᒪᒧᐊᔭᒥᐊᐛ᙮ ᙭ ᒥᔅᑯᐊᐤ ᐅᒪᒧᐊᔭᒥᐊᐛ ᑭᔭ ᐊᓂᔭ ᒥᓯᐛ ᐊ ᐊᐱᒋᐊᑦ ᒐᒋ ᒪᒧᐤ ᐎᒐᐅᑐᔨᒋ, ᐊᔭᔅᒃ ᐊᑎ ᒥᒐᑎᔨᐛ, ᒋᓴᒪᓂᑐᐛ ᐊ ᐃᑐᑕᑯᔨᒋ ᒐᒋ ᐊᑎ ᒥᒐᑎᔨᒋ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

ᑯᓚᓯᔭᓇ 4:7

ᒋᐧᑲᓂᓯᓄᐤ ᑕᐃᑭᑲᔅ ᓇᔅᒡ ᑲ ᓴᒋᒋᒡ ᑭᔭ ᒧᔅ ᑯᐃᔅᒄ ᑲ ᐃᑎᑦ ᐊᔭᒥᐊᐤ ᐊᐱᒋᐊᑭᓐ ᓂ ᐎᒋ ᐊᑐᔅᒐᒥᑯᓇᓐ ᐊ ᐊᑐᔅᒐᔅᑐᐅᒥᒋᒋ ᐅᑎᐸᔨᒋᒐᐛ᙮ ᐎᔾ ᒋᑭ ᑎᐸᒋᒧᔅᑕᑯᐛᐤ ᑕᓐ ᐊ ᐃᑐᐅᒋᒡ᙮

1 ᑕᓴᓗᓂᔭᓇ 3:2

ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,

1 ᑎᒧᑎ 1:10

ᑭᔭ ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᑐᑐᐛᒡ ᐊᐛᔪᐛ ᑭᔭ ᐊᓐᒡ ᓇᐸᐅᒡ ᑲ ᐎᒐᐛᒡ ᐎᑕᐸᐛᐛ ᑭᔭ ᐃᔎᐅᒡ ᑲ ᐎᒐᐛᒡ ᐎᑎᔎᐛᐛ ᑭᔭ ᐊᓐᒡ ᑲ ᒋᒧᑎᒡ ᐊᐛᔪᐛ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ ᑭᔭ ᐊᓐᒡ ᓂᑎᒥᒄ ᑲ ᐃᑕᒋᒧᒡ ᐊᑎ ᐊᒋ ᓇᔅᐱᒡ ᐎ ᑕᑈᒡ ᑭᔭ ᒥᓯᐛ ᐊᓐᒡ ᐊᐛᓐᒋ ᐊᑲ ᐃᑐᑕᒡ ᑕᓐ ᐊ ᐃᑎᓱᐛᒥᑭᓂᔨᒡ ᐅᔭ ᒥᔪ ᒋᔅᑯᑎᒪᒐᐅᓂᔪᐤ᙮

1 ᑎᒧᑎ 4:16

ᓂᓇᑭᑐᐛᔨᑎᒥᐃᑯᐤ ᑭᔭ ᒋ ᐱᒪᑎᓯᐅᓐ ᑭᔭ ᐊᓐ ᐊ ᐃᓯ ᒋᔅᑯᑎᒪᒐᔨᓐ᙮ ᐅ ᐃᓯ ᓂᓇᑭᑐᐛᔨᑎᒥᓇ ᐊᐅᒄ ᒐ ᑭᓄᐛᔨᒥᑯᔭᒄ ᑭᔭ ᒐ ᐱᒪᒋᐃᑯᔭᒄ, ᒋᔾ ᑭᑈ ᑭᔭ ᐊᓐᒡ ᑲ ᓂᑐᑕᔅᒡ᙮

1 ᑎᒧᑎ 6:3

ᐊᑯ ᒪᒃ ᐊᐛᓐ ᐃᔭᒡ ᐊ ᐃᓯ ᒋᔅᑯᑎᒪᒐᑦ ᑭᔭ ᐊ ᐊᓏᑎᒺᑦ ᐊᓂᔭ ᐅᑎᐸᔨᒋᒐᐤ ᒋᓴᔅ ᙭ᑕ ᐅᑕᑈᐤ ᐃᔨᒧᐅᓂᔪᐤ ᑭᔭ ᐊᓂᔭ ᐊ ᒋᔅᑯᑎᒪᒐᓄᐎᒡ ᒐᒋ ᒋᓴᒪᓂᑐᐛᑎᓯᓇᓄᐎᒡ

2 ᑎᒧᑎ 1:6

ᐊᐅᒄ ᒪᒃ ᐅ ᐛᒋ ᐎ ᒋᔅᒋᓱᒥᑕᓐ ᓱᒃ ᒧᔅ ᒐᒋ ᐊᐱᒋᑕᐅᑦ ᐊᓂᔭ ᒥᔨᐛᐅᓂᔪᐤ ᒋᓴᒪᓂᑐᐤ ᑲ ᒥᔨᔅᒃ ᐃᔅᐱ ᑲ ᓴᒥᓂᑕᓐ ᐊ ᐊᔭᒥᐊᔅᑎᒪᑕᓐ᙮

2 ᑎᒧᑎ 3:10

ᒋᔾ ᒪᒃ ᑎᒧᑎ ᓂ ᒐᔅᑎᓇᐅᓐ ᒐ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ᐛᐸᑕᓐ ᑕᓐ ᑲ ᐃᓯ ᑕᑈᑎᒪᓐ, ᑕᓐ ᑲ ᐃᓯ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ᓂᓇᐧᑯᐤ ᓂᒋᔅᑭᒪᓐ᙮

2 ᑎᒧᑎ 4:3

ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᐊᑲ ᐅᒋ ᓂᑐᑕᒡ ᐊᐛᓐᒋ ᐊᓂᔭ ᑎᔭᑈᒥᑭᓂᔨᒡ ᒋᔅᑯᑎᒪᒐᐅᓂᔪᐤ᙮ ᐃᔭᐱᒡ ᒋᑭ ᓇᓂᑐᐛᔨᒪᐅᒡ ᐊᐛᔪᐛ ᒐᒋ ᒋᔅᑯᑎᒪᑯᒡ ᐎᔨᐛᐤ ᑕᓐ ᐛ ᐃᓯ ᐸᑕᒡ᙮

ᑕᐃᑕᔅ 2:1

ᒋᔾ ᒪᒃ, ᐊ ᒋᔅᑯᑎᒧᐅᑥᐤ ᒋᐸ ᐎᑎᒧᐛᐅᒡ ᑕᓐ ᒐ ᐃᓯ ᐱᒪᑎᓯᒡ ᐊ ᐎ ᑯᐃᔅᑯᑕᑎᓯᒡ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

2 ᒠᓐ 1:9

ᐊᓐ ᐊᐛᓐ ᐊᔪᐛᒃ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ ᑭᔭ ᐊᑲ ᓂᓇᐃᑐᐛᑦ ᑕᓐ ᑲ ᐃᓯ ᒋᔅᑯᑎᒪᒐᔨᒋ, ᓇᒪ ᐊᔭᐛᐤ ᒋᓴᒪᓂᑐᐛ᙮ ᐊᑯ ᐊᓐ ᐊᐛᓐ ᒧᔅ ᐃᔭᒂ ᑲ ᓂᓇᑭᑐᐛᔨᑕᐧᒃ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᑕᐱᔅᑯᓐ ᐅᑕᐎᒪᐤ ᑭᔭ ᐅᑯᓯᓯᒪᐤ ᐎᒐᐛᐤ᙮

ᒍᑦ 1:5

ᐊᑎ ᒪᒃ ᓴᔅ ᒥᓯᐛ ᐊ ᒋᔅᒐᔨᑎᒪᒄ ᐅ ᒐ ᐃᓯ ᐛᐎᑎᒪᑎᑯᒡ, ᒋ ᐎ ᒋᔅᒋᓱᒥᑎᓇᐛᐤ ᐅᑎᐸᔨᒋᒐᐤ ᐊᒋ ᐎᐧᑯᒋᐊᑦ ᐊᓂᔭᔪᐛ ᐃᔅᕋᐃᓪ ᐃᔪᐛ ᐃᒋᑉᑦ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐅᒋ, ᐊᑯ ᐊᓂᔭ ᐊᑲ ᑕᑈᑎᒥᔨᒋ ᐸᑎᒪ ᒋ ᓂᓱᐅᓇᒋᐊᐤ᙮