1 ᑎᒧᑎ 4:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒋᑭ ᐎ ᒋᑕᐊᒪᒐᐅᒡ ᒐᒋ ᓂᐳᐅᓇᓄᐎᒡ᙮ ᑭᔭ ᒋᑭ ᑎᑯᓂᔪᐤ ᒥᒋᒥᔪᐤ ᐊ ᐎ ᒋᑕᐊᒪᒐᒡ ᒐᒋ ᒥᒋᓇᓄᐎᒡ᙮ ᒋᓴᒪᓂᑐᐤ ᒪᒃ ᒋ ᐅᓯᑕᐤ ᐅᔭ ᒥᒋᒥᔪᐤ ᒐᒋ ᒥᒋᔨᒋ ᐊ ᓂᓇᔅᑯᒧᔨᒋ ᐊᓂᔭ ᑲ ᑕᑈᑎᒥᔨᒋ ᑭᔭ ᑲ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

1 ᑎᒧᑎ 4:3 Iomraidhean Croise

ᒐᓂᓯᔅ 9:3

ᑭᔭ ᒋ ᒥᔨᑎᓇᐛᐤ ᐅᒡ ᒐ ᐅᒥᒋᒥᔭᒄ᙮ ᒋᑭ ᒋ ᒧᐛᐛᐅᒡ ᐅᒡ, ᒧᔭᒻ ᑲ ᐃᓯ ᒥᔨᑎᑯᒡ ᑲ ᓯᐸᑯᐅᒋ ᓂᐱᔭ᙮

ᒪᑎᔪᐤ 14:19

ᐊᑯ ᒋᓴᔅ ᐊᑕᑦ ᐊᓂᔭ ᐃᔪᐛ ᒐᒋ ᐊᐱᔨᒋ ᐊᓐᑕ ᒥᔅᑯᓯᒡ᙮ ᐊᑯ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᓯ ᑎᔅᑎᓴᐱᑦ ᐊ ᓂᓇᔅᑯᒪᑦ ᒋᓴᒪᓂᑐᐛ᙮ ᒋ ᐱᐸᒂᐱᑕᐤ ᒥᓯᐛ ᐊᓂᔭᔪᐛ ᐸᒂᓯᑭᓇ, ᐊᑯ ᒂ ᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᒪᑎᔪᐤ 15:11

ᑕᐸ ᓇᒪᔭᔪᐤ ᐊᓂᔭ ᑕᓐ ᐊ ᐃᓯ ᐱᑕᐊᐧᒃ ᐊᐛᓐ ᐅᑐᓂᒡ ᐊ ᐃᑐᑕᑯᑦ ᒐᒋ ᒥᒋᑐᑕᐧᒃ ᒥᒄ ᐊᓂᔭ ᑕᓐ ᐊ ᐃᓯ ᐸᒋ ᐎᐎᐱᔨᒡ ᐊ ᐃᔨᒥᑦ, ᐊᔪᐅᒄ ᐊᓂᔭ ᐊ ᐃᑐᑕᑯᑦ ᒐᒋ ᒥᒋᑐᑕᐧᒃ᙮”

ᒪᑎᔪᐤ 15:36

ᒂ ᐅᑎᓇᑦ ᐊᓂᔭ ᓂᔄᐅᑕᒡ ᐸᒂᓯᑭᓇ ᑭᔭ ᐊᓂᔭ ᓂᒪᓴ, ᒂ ᓂᓇᔅᑯᒪᑦ ᒋᓴᒪᓂᑐᐛ, ᒂ ᐸᒂᓇᑦ ᐊᓂᔭ ᐸᒂᓯᑭᓇ ᑭᔭ ᐊᓂᔭ ᓂᒪᓴ ᐊᑯ ᒂ ᒥᔭᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮

ᓗᒃ 24:30

ᐃᔅᐱ ᒪᒃ ᐛᒋᒥᒋᓱᒪᑦ ᒋ ᐅᑎᓇᐤ ᐸᒂᓯᑭᓇ, ᒋ ᓂᓇᔅᑯᒧᐤ ᑭᔭ ᒋ ᐸᒂᓇᐤ ᐊᑯ ᒂ ᒪᑎᓂᒧᐛᑦ᙮

ᒠᓐ 6:23

ᑯᑎᑲ ᒪᒃ ᐅᐤᑕ ᒋ ᐸᒋ ᓇᑎᑭᒪᐱᔪᐛ ᐊᓐᑕ ᑕᐃᐱᕆᔭᔅ ᐊ ᐅᒋᐱᔨᒋ᙮

ᐊᑈᔅᑕᓇᒡ 27:35

ᐃᔅᐱ ᒪᒃ ᑲ ᐃᔅᒋᔄᑦ ᐅᔭ ᑈᓪ, ᐊᑯ ᐛᑎᓇᑦ ᐸᒂᓯᑭᓇ, ᒂ ᓂᓇᔅᑯᒪᑦ ᒋᓴᒪᓂᑐᐛ ᐅᑎᔅᑯᐤ ᒥᓯᐛ ᐊᓂᔭᔪᐛ ᓇᐸᐛ ᐊ ᑕᔨᒋ, ᒂ ᐸᒂᓇᑦ ᐊᓂᔭ ᐸᒂᓯᑭᓇ, ᐊᑯ ᒂ ᒧᐛᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:3

ᐊᓐ ᐊᐛᓐ ᐊᑲ ᓇᔅᒡ ᓂᑎᒥᒄ ᐃᑕᔨᑎᒥᐃᑯᑦ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᐊ ᒥᒋᑦ ᐊᑲᐎᔾ ᒋᑭ ᐅᒋ ᐊᑐᐛᔨᒪᐤ ᐊᓂᔭᔪᐛ ᐊᑲ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᔨᒋ᙮ ᑭᔭ ᐊᓐ ᐊᐛᓐ ᐊᑲ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᑦ ᐊᑲᐎᔾ ᒋᑭ ᐅᒋ ᑎᐸᔅᑯᓇᐤ ᐊᓂᔭᔪᐛ ᐊᐛᔪᐛ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᔨᒋ᙮ ᐛᔅ ᒋᓴᒪᓂᑐᐛ ᓇᒪ ᐊᑐᐛᔨᒥᑯᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:6

ᐊᓐ ᐊᐛᓐ ᑲ ᑎᑯᓂᔨᒡ ᐊ ᒋᓯᑲᔨᒡ ᐅᔅᑕ ᐊ ᐃᑕᔨᑎᒥᐃᑯᑦ ᐃᔅᐱᔅ ᑯᑎᑲ, ᐎᔾ ᒋᔅᑕᔨᒪᐤ ᐅᑎᐸᔨᒋᒐᐛ ᐅᔭ ᐊ ᐃᑎᑦ᙮ ᐊᑯ ᐊᓐ ᐊᐛᓐ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᑦ ᐎᔾ ᒋᔅᑕᔨᒪᐤ ᐅᑎᐸᔨᒋᒐᐛ ᐅᔭ ᐊ ᐃᑎᑦ ᐛᔅ ᓂᓇᔅᑯᒪᐤ ᒋᓴᒪᓂᑐᐛ ᐊᓂᔭ ᒥᒋᒥᔪᐤ᙮ ᑭᔭ ᐊᓐ ᐊᐛᓐ ᐊᑲ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᑦ ᐎᔾ ᒋᔅᑕᔨᒪᐤ ᑭᔭ ᐎᔾ ᐅᑎᐸᔨᒋᒐᐛ ᐅᔭ ᐊ ᐃᑎᑦ᙮ ᑭᔭ ᐎᔾ ᒪᒃ ᓂᓇᔅᑯᒪᐤ ᒋᓴᒪᓂᑐᐛ᙮

1 ᑯᕆᓐᑎᔭᓇ 6:13

ᓂᑭ ᒋ ᐃᑎᒄ ᐊᐛᓐ, “ᒋ ᐅᓯᑕᑭᓄᐤ ᒥᒋᒻ ᒥᔅᑭᑕᒡ ᒐᒋ ᑎᒂᒡ᙮ ᐊᑯ ᒥᔅᑭᑎᔾ ᑲ ᐅᓯᑕᑭᓄᐅᒡ ᒐᒋ ᐅᑎᓂᒧᒥᑲᒡ ᒥᒋᒻ᙮” ᑕᑈ ᑭᑈ᙮ ᒥᒄ ᒪᒃ ᑕᐱᔅᑯᓐ ᐅᔭ ᒋᑭ ᓂᓱᐅᓇᒋᑕᐤ ᒋᓴᒪᓂᑐᐤ᙮ ᑕᐸ ᐎᓂᓱᐅᓂᒡ ᒋᐸ ᐅᒋ ᐃᓯ ᐊᐱᒋᑕᓇᓄᐤ ᒋᔭᓄᐛ᙮ ᐅᑎᐸᔨᒋᒐᐤ ᐊ ᐊᑐᔅᑯᐛᐧᒄ ᒋᐸ ᐃᑕᐱᒋᑕᓇᓄᐤ ᐛᔅ ᐎᔾ ᑎᐸᔨᑎᒻ ᒋᔭᓄᐛ᙮

1 ᑯᕆᓐᑎᔭᓇ 7:28

ᒥᒄ ᒪᒃ ᓂᐳᔨᓇ ᓇᒪ ᒋᒥᒋᑐᑕᓐ᙮ ᑭᔭ ᐃᔎᔅ ᓂᐳᐅᒐ ᓇᒪ ᒥᒋᑐᑎᒻ᙮ ᒥᒄ ᒪᒃ ᐊᓐᒡ ᑲ ᓂᐳᐅᒡ ᒋᑭ ᑎᑯᓂᔪᐤ ᒐ ᐃᓯ ᐊᔨᒥᐅᒡ᙮ ᐃᐛᒃ ᒪᒃ ᓂᐸ ᒥᔽᔨᑕᓐ ᐊᑲ ᐅ ᐃᓯ ᐊᔨᒥᐅᔭᒄ᙮

1 ᑯᕆᓐᑎᔭᓇ 8:8

ᓇᒪ ᒥᒋᒻ ᒋᑭ ᐅᒋ ᐃᑐᑕᑯᓇᓄᐤ ᐃᐛᒃ ᒐᒋ ᐃᑕᔨᑕᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᒥᒋᔭᒂ ᑭᔭ ᓇᒪ ᐃᐛᒃ ᒋᑭ ᐅᒋ ᐃᑕᔨᑕᑯᓯᓇᓄᐤ ᐊᑎ ᐊᑲ ᒥᒋᔭᒂ᙮

ᑯᓚᓯᔭᓇ 2:16

ᐊᑲᐎᔾ ᐅᒋ ᓂᑐᑐᐤ ᐊᐛᓐ ᐊ ᐎ ᐎᑎᒪᔅᒃ ᒐᒂᔪᐤ ᒐᒋ ᒥᒋᐅᑦ ᒪᒃ ᒐᒂᔪᐤ ᒐᒋ ᒥᓄᐅᑦ ᐊ ᐃᔅᒋᔄᑦ ᐊᔪᐅᒄ ᐅᔭ ᒐ ᓇᐊᔨᑎᒥᐃᑯᔨᒋ ᒋᓴᒪᓂᑐᐛ᙮ ᐊᑲᐎᔾ ᐅᒋ ᓂᑐᑐᐛᐧᑯᒡ ᐊᐛᓐᒋ ᐊ ᐃᔅᒋᔄᒡ ᔭᐃᑕᔾ ᒐᒋ ᓂᓇᑭᑐᐛᔨᑎᒺᒄ ᐊᓂᔭ ᓂᓇᐧᑯᐤ ᐊ ᒋᓯᑲᔨᒋ ᐊᓐᑕ ᑲᒋ ᒥᑯᓴᓄᐅᒡ, ᑭᔭ ᐊᓐᑕ ᐊᓯᑯᒻ ᐱᓯᒺ ᑲᒋ ᒥᔽᔨᑕᑭᓄᐅᒡ ᐊ ᐅᔅᒋᑦ ᑎᐱᔅᑲᐤ ᐱᓯᒻ᙮ ᐊᑲᐎᔾ ᓂᑐᑐᐛᐧᑯᒡ ᐊᓐᒡ ᒪᒪᒡ ᑲ ᐃᑎᓱᒥᑕᑯᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᑯᓚᓯᔭᓇ 3:17

ᒥᓯᐛ ᒐᒂᓐ ᐊ ᐃᑐᑎᒪᒄ ᑭᔭ ᑕᓐ ᐊ ᐃᔅᒋᔄᔭᒄ, ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓂᒡ ᒋᐸ ᐃᓯ ᐃᑐᑕᓇᐛᐤ ᐊ ᓂᓇᔅᑯᒪᒄ ᒋᓴᒪᓂᑐᐤ ᒍᑕᐎᓄᐤ ᐎᔾ ᒋᓴᓴ ᐅᒡ᙮

1 ᑎᒧᑎ 2:4

ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐅᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

1 ᑎᒧᑎ 4:4

ᐛᔅ ᒥᓯᐛ ᒥᒋᒥᔪᐤ ᐊ ᒥᒋᓇᓄᐎᒡ ᑲ ᐅᓯᑕᑦ ᒋᓴᒪᓂᑐᐤ ᒥᔽᓯᔪᐤ᙮ ᓇᒪ ᒪᒃ ᒐᒂᓐ ᒋᐸ ᐅᒋ ᐊᑐᐛᔨᑕᓇᓄᐤ ᒐᒋ ᒥᒋᔭᐧᒄ ᐊ ᐃᑕᔨᑎᒪᐧᒄ ᒐᒋ ᐎᓂᐃᑯᔭᐧᒄ ᒋᐱᒪᑎᓯᐅᓇᒡ ᒧᔭᒻ ᓴᔅ ᑲ ᓂᓇᔅᑯᒪᐛᒂ ᒋᓴᒪᓂᑐᐤ ᐊᓐ ᑲ ᐃᓯ ᐅᑎᓂᒪᓱᔭᐧᒄ᙮

1 ᑎᒧᑎ 5:14

ᐅᔅᑕ ᒪᒃ ᒥᔽᔪᐤ ᐊᑯᔅ ᒥᓐ ᒐᒋ ᓂᐳᐅᒡ ᐅᒡ ᐃᔎᐅᒡ ᑲ ᐸᐃᑯᓯᒡ ᐊᔅᒄ ᑲ ᐅᔅᒋᐱᒪᑎᓯᒡ, ᑭᔭ ᒐᒋ ᐊᑎ ᐊᔭᐛᒡ ᐊᐛᓴ ᑭᔭ ᒐᒋ ᒥᔪ ᓂᓇᑭᑐᐛᔨᑕᒡ ᐎᒋᐛᐛ᙮ ᐅᔭ ᒪᒃ ᐃᑐᑕᒂᐛ ᓇᒪ ᓂᑎᒥᒄ ᒋᑭ ᐅᒋ ᐃᓯ ᐃᔭᔨᒺᐧᑲᑕᑯᐅᒡ ᐊᐛᔪᐛ᙮

ᐃᑉᕈᐛ 13:4

ᑭᔭ ᒥᓐ ᑯᑎᒡ ᒐᒂᓐ ᒐ ᐃᑎᑎᑯᒡ, ᒥᓯᐛ ᐊᐛᓐ ᒋᐸ ᒋᔅᑕᔨᑎᒥᐃᑯᐤ ᓂᐳᐅᓂᔪᐤ᙮ ᐊᓐ ᓇᐸᐤ ᑭᔭ ᐎᐛ ᒥᒄ ᐎᔨᐛᐤ ᒋᐸ ᐎᐸᒥᑐᐅᒡ᙮ ᓇᒪ ᒋᐸ ᐅᒋ ᐱᓯᒂᑎᓯᐅᒡ᙮ ᐛᔅ ᒋᓴᒪᓂᑐᐤ ᒐᔅᑎᓇᔅ ᒋᑭ ᑎᐸᔅᑯᓇᐤ ᐊᓂᔭ ᑲ ᐎᓂᓱᐃᑕᑎᓯᔨᒋ ᑭᔭ ᐊᓂᔭ ᑲ ᐱᓯᒂᑎᓯᔨᒋ᙮

ᐃᑉᕈᐛ 13:9

ᐃᔭᒂᒥᒄ ᒐ ᐊᑲ ᒋ ᐎᔭᓯᐃᑯᐅᔭᒄ ᒐᒋ ᐊᑎ ᑕᑈᑎᒪᒄ ᓂᓇᐧᑯᐤ ᓂᑎᒥᒄ ᒋᔅᑯᑎᒪᒐᐅᓇ᙮ ᐛᔅ ᒥᔽᓱᐤ ᒥᑕᐃ ᒐᒋ ᐊᔨᒋᑲᐳᐅᒡ ᓱᐛᔨᒋᒐᐅᓂᒡ, ᓇᒪ ᐎ ᒥᒋᒥᒡ᙮ ᐛᔅ ᓇᒪ ᐎᒋᐃᑯᐤ ᐊᐛᓐ ᒥᒋᒥᔪᐤ ᒐᒋ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐃᔅ᙮