1 ᑎᒧᑎ 4:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

1 ᑎᒧᑎ 4:10 Iomraidhean Croise

ᑎᐱᑦ ᐅᓂᑭᒧᐅᓇ 107:2

ᐊᑯᔅ ᐅᐱᒪᒋᐊᑭᓇ ᑎᐸᔨᒋᒐᓱᐤ ᒋᑭ ᐃᔅᒋᔄᔪᐛ, ᐊᓂᔭ ᑲᒋ ᐎᐧᑯᒋᐊᑦ ᐅᑎᒋᔨᒡ ᐅᒋ ᑲ ᐛᐧᑲᑎᑯᔨᒋ;

ᑎᐱᑦ ᐅᓂᑭᒧᐅᓇ 118:8

ᐊᔪᐛᒃ ᒥᔽᓯᔪᐤ ᒐᒋ ᒪᒥᓯᑐᑐᐅᒃ ᑎᐸᔨᒋᒐᓱᐤ ᐃᔅᐱᔅ ᐎ ᒐᒋ ᐊᔅᐸᔨᒧᑐᑐᐅᒃ ᐃᔪᐤ᙮

ᑎᐱᑦ ᐅᓂᑭᒧᐅᓇ 36:6

ᒋᑯᐃᔅᑯᑐᐅᓐ ᒧᔭᒻ ᒋᒋ ᐱᔅᑯᑎᓇᐛ ᐃᓯᓇᒂᓐ; ᒋᑎᐸᔅᑯᓂᒐᐅᓇ ᓇᔅᒡ ᐊᑎᒥᒡ: ᐅ ᑎᐸᔨᒋᒐᓱᐤ, ᒋ ᑭᓄᐛᔨᒪᐤ ᐃᔪᐤ ᑭᔭ ᐊᐛᓯᔅ᙮

ᑎᐱᑦ ᐅᓂᑭᒧᐅᓇ 37:40

ᑎᐸᔨᒋᒐᓱᐤ ᒪᒃ ᒋᑭ ᐎᒋᐊᐤ, ᑭᔭ ᒋᑭ ᐱᒪᒋᐊᐤ; ᒋᑭ ᐎᒂᒋᐊᐤ ᐅᒥᒋᑥᐛ ᐅᒡ, ᑭᔭ ᒋᑭ ᐱᒪᒋᐊᐤ, ᐊ ᒪᒥᓯᑐᑕᑯᑦ᙮

ᑎᐱᑦ ᐅᓂᑭᒧᐅᓇ 52:8

ᒪᒃ ᓂᔾ ᓂ ᓂᔅᐱᑐᐛᐤ ᐊ ᓯᐸᔭᑯᓯᑦ ᐊᓕᐸᑎᒄ ᐎᒋᒡ ᒋᓴᒪᓂᑐᐤ: ᓂᑭ ᒪᒥᓯᑐᑎᒺᓐ ᐅᒋᔅᑎᒪᒐᔨᒋᒐᐅᓐ ᒋᓴᒪᓂᑐᐤ ᑲᒋᒡ ᑭᔭ ᑲᒋᒡ᙮

ᑎᐱᑦ ᐅᓂᑭᒧᐅᓇ 84:12

ᐅ ᑎᐸᔨᒋᒐᓱᐤ ᒥᓯᐛ ᐊ ᐃᓯ ᓱᐧᑲᑎᓯᔨᓐ, ᓱᐛᔨᑕᑯᓱᐤ ᐊᓐ ᐃᔪᐤ ᑲ ᒪᒥᓯᑐᑕᔅᒃ᙮

ᒪᑎᔪᐤ 16:16

ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓴ᙮”

ᒪᑎᔪᐤ 27:43

ᑕᑈᔭᔨᒪᐤ ᒋᓴᒪᓂᑐᐛ ᑕᑈ ᒪᒃ ᓇᔅᒡ ᒐ ᐎ ᐎᒋᐃᑯᒂ ᒋᓴᒪᓂᑐᐛ ᐊᓄᒡ᙮ ᐛᔅ ᒋ ᐃᔅᒋᔄᐤ, ‘ᓂᔾ ᒋᓴᒪᓂᑐᐤ ᐅᑯᓴ᙮’ ”

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 4:42

ᒂ ᐃᑕᒡ ᐊᓂᔭ ᐃᔎᐛ, “ᐊᑯ ᑎᔭᑈᑎᒪᒡ, ᓂᔭᓐ ᐛᒋᒡ ᐊᒋ ᐸᑐᐅᒋᑦ, ᓇᒪ ᒥᒄ ᒋᔾ ᐊᒋ ᐃᔅᒋᔄᔨᓐ᙮ ᐊᑯ ᒪᒃ ᒋᔭᔅᑎᓇᑕᔨᑎᒪᒡ ᐎᔾ ᐊᐅᒄ ᒐᒋ ᐱᒪᒋᐊᑦ ᒥᓯᐛ ᐊᐛᔪᐛ᙮”

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

1 ᑯᕆᓐᑎᔭᓇ 15:10

ᒥᒄ ᒪᒃ ᒋᓴᒪᓂᑐᐤ ᓴᒐᔾ ᐊ ᒥᔪᑐᑎᒧᐛᑦ ᐊᐛᔪᐛ ᐊᑯᑕ ᐛᒋ ᐃᓯᓇᑯᓯᔭᓐ ᑕᓐ ᐊ ᐃᓯᓇᑯᓯᔭᓐ ᐊᓄᒡ᙮ ᓇᒪ ᒪᒃ ᒐᔅᑲ ᐊᓂᔭ ᑲ ᐃᓯ ᓴᒐᔾ ᒥᔪᑐᑎᒧᐅᑦ᙮ ᓂᔾ ᒪᒃ ᐎ, ᐊᑐᐎᔅ ᓱᒃ ᓂᒋ ᐊᑐᔅᒐᓐ ᐃᔅᐱᔅ ᒥᓯᐛ ᐊ ᑕᑎᓯᒡ ᐊᓐᒡ ᑯᑎᑭᒡ ᐊᑈᔅᑕᓇᒡ᙮ ᓇᒪᐎᔾ ᒪᒃ ᓂᔾ ᑎᐱᔨᐛ ᑲ ᐃᑎᔭᓐ᙮ ᒋᓴᒪᓂᑐᐤ ᐎᔾ ᓴᒐᔾ ᐊᒋ ᒥᔪᑐᑎᒧᐅᑦ ᐛᒋ ᐃᑐᑎᒪᓐ ᐅ ᑲ ᐃᓯ ᐊᔨᒧᑎᒪᓐ᙮

2 ᑯᕆᓐᑎᔭᓇ 1:10

ᐊᑎ ᐊᒋ ᐃᓯᓇᒂᒡ ᒧᔭᒻ ᒐ ᓂᐱᔭᒡ, ᒋᓴᒪᓂᑐᐤ ᓂᒋ ᑭᓄᐛᔨᒥᑯᓇᓐ᙮ ᐎᔾ ᒪᒃ ᓂ ᑭᓄᐛᔨᒥᑯᓇᓐ ᐊᓄᒡ᙮ ᐊᐅᒄ ᐅᔭ ᐊ ᐃᓯ ᒐᔅᑎᓇᑕᔨᒥᒋᒡ ᐊᓐᑕ ᓂᔅᑕᒥᒡ, ᒐᔅᑎᓇᔅ ᒧᔅ ᒐ ᑭᓄᐛᔨᒥᔨᒥᑦ ᓇᒪ ᐎᔭᓯᓐ ᑕᓐ ᒐ ᐃᓯ ᐊᔨᒥᐅᐛᒐ᙮

1 ᑎᒧᑎ 2:3

ᐊᐅᒄ ᐅᔭ ᐊ ᐃᓯ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ,

1 ᑎᒧᑎ 2:4

ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐅᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

1 ᑎᒧᑎ 2:6

ᐊᐅᒄ ᒪᒃ ᐅ ᓇᐸᐤ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᐅᒋ ᐎᐧᑯᒋᐊᑦ ᒥᓯᐛ ᐊᐛᔪᐛ ᐅᒥᒋᑥᐅᓂᔨᒡ ᐅᒡ᙮ ᐊᑯᑕ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᒥᔪᐱᔨᒡ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐᑕ ᒐᒋ ᐅᒋ ᐱᒪᒋᐊᑦ ᒥᓯᐛ ᐊᐛᔪᐛ᙮

1 ᑎᒧᑎ 3:15

ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

ᐃᑉᕈᐛ 11:26

ᐊᓂᔭ ᒪᒃ ᒧᓱᔅ ᐊᒋ ᑕᑈᑕᐧᒃ, ᒋ ᐃᑕᔨᑎᒻ ᐊᔪᐛᒃ ᐊ ᒥᔽᔨᒡ ᒐᒋ ᒪᔭᔨᒪᑭᓄᐅᑦ ᐊᓂᔭ ᐅᒋ ᐊ ᒋᔅᒐᔨᒪᑦ ᐊᓂᔭ ᙭ᑕ ᒐ ᑎᑯᓯᓂᔨᒋ ᐃᔅᐱᔅ ᐎ ᒐᒋ ᐊᔭᑦ ᐛᔪᑎᓯᐅᓂᔪᐤ ᐊᓐᑕ ᐃᒋᑉᑎᒡ᙮ ᓴᔅ ᒋ ᐊᔭᔅᑯᐛᔨᑎᒻ ᒐᒋ ᐱᔅᑎᓇᐧᒃ ᒥᓯᐛ ᐊᓂᔭ ᐛᔅ ᐊᓐᑕ ᓂᑲᓄᒡ ᒋ ᐃᓯ ᐊᓱᐛᐸᑎᒻ ᐊᓂᔭ ᒐᒂᔪᐤ ᒐ ᒥᔨᑯᑦ ᒋᓴᒪᓂᑐᐛ ᐊ ᑎᐸᐊᒪᑯᑦ᙮

ᐃᑉᕈᐛ 13:13

ᐊᑯ ᒪᒃ ᐎᐎᑕᐤ ᐊᓐᑕ ᐅᑕᓇᒡ ᒐ ᓂᑐᐛᐱᒪᐧᒄ ᒋᓴᔅ ᑭᔭ ᒋᔭᓄᐤ ᒐᒋ ᒧᓯᑕᐛᐧᒄ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮

1 ᐱᑕᕐ 1:21

ᐊᑯ ᒪᒃ ᑎᔭᑈᔭᔨᒪᒄ ᒋᓴᒪᓂᑐᐤ ᐊᓂᔭᔪᐤ ᐅᒋ ᑕᓐ ᑲ ᐃᓯ ᐃᑐᑎᒪᑕᒄ ᙭, ᐛᔅ ᒋᓴᒪᓂᑐᐤ ᒋ ᐅᓂᔅᑲᓇᐤ ᙭ᑕ ᓂᐳᐅᓂᒡ ᐅᒋ ᑭᔭ ᒋ ᒋᔅᑕᔨᑕᑯᐊᐤ᙮ ᐊᐅᑯᓐ ᒪᒃ ᐛᒋ ᑕᑈᔭᔨᒪᒄ ᒋᓴᒪᓂᑐᐤ ᑭᔭ ᐊᐅᑯᓐ ᐛᒋ ᐊᔅᐸᔨᒧᑐᑐᐛᒄ᙮

1 ᒠᓐ 2:2

᙭ ᔅᒋ ᓂᐱᔅᑎᒪᑭᓄᐤ ᒐᒋ ᐅᒋ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮ ᓇᒪ ᒪᒃ ᒥᒄ ᒋᔭᓄᐤ ᒋᒥᒋᑥᐅᓄᐛ ᒋᑭ ᒋ ᐛᐸᔨᑎᒪᑯᓇᓄᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋᑭ ᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮

1 ᒠᓐ 4:14

ᓂᒋ ᐛᐸᑕᓇᓐ ᑭᔭ ᓂᒋ ᐎᑕᓇᓐ ᐅᑕᐎᒪᐤ ᐊᒋ ᐸᒋ ᐃᑎᓴᐛᑦ ᐅᑯᓯᒪᐛ ᒐᒋ ᐱᒪᒋᑕᔨᒋ ᐊᔅᒋᔪᐤ᙮