1 ᑎᒧᑎ 3:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮

1 ᑎᒧᑎ 3:8 Iomraidhean Croise

ᑎᐱᑦ ᐅᓂᑭᒧᐅᓇ 12:2

ᒥᓯᐛ ᑕᑐᐤ ᐊ ᐃᑎᓯᒡ ᑭᑭᒋᔭᒪᐅᒡ ᐎᒋ ᐃᔪᐛᐛ; ᒪᒥᒋᒧᐛᐤ ᒥᑐᓂᒡ ᑭᔭ ᑭᑭᒋᐊᐅᓂᒡ ᐅᒋ ᐃᔨᒧᐅᒡ᙮

ᑎᐱᑦ ᐅᓂᑭᒧᐅᓇ 5:9

ᐛᔅ ᓇᒪ ᑎᒂᓂᔪᐤ ᑯᐃᔅᑯᑐᐅᓂᔪᐤ ᐅᑐᓄᐛᒡ; ᐅᐱᒋᔭᐛᐛ ᓇᔅᒡ ᒥᒐᑎᓯᒪᑭᓂᔪᐤ; ᐅᑯᑕᑭᓄᐛᐛ ᑲ ᔪᑕᑯᑕᔨᒡ ᒋᐱᐃᒋᐛᐱᔪᐤ; ᑲ ᒥᒐᒋᒧᐊᓯᒡ ᐅᑕᔨᐛᐛ ᐅᒡ᙮

ᑎᐱᑦ ᐅᓂᑭᒧᐅᓇ 50:19

“ᒋ ᐸᒋᑎᓇᓐ ᒋᑐᓐ ᒐᒋ ᒥᒋᐃᔨᒥᒥᑭᒡ, ᒋᑕᔨᔾ ᒪᒃ ᐅᓯᑕᒥᑭᓐ ᑭᑭᒋᔭᐅᓐ᙮

ᑎᐱᑦ ᐅᓂᑭᒧᐅᓇ 52:2

ᒋᑕᔨᔾ ᒥᒐᑎᓯᐎᑎᒥᑭᓐ; ᒧᔭᒻ ᐊᒋᓇᒡ ᑲᔅᑲᔨᔅᑐᐛᓐ, ᐊᐅᔭᓯᐃᐛᐤ ᐊᑐᔅᒐᒥᑲᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:13

ᓂᐸᐃᐛᒥᑭᓂᔪᐛ ᐅᑦ ᐃᑥᐅᓄᐛᐛ᙮ ᐱᓯᒄ ᐎᔭᓯᒧᐛᐅᒡ ᑕᓐ ᐊ ᐃᔅᒋᔄᒡ᙮ ᒧᔭᒻ ᒋᓇᐱᒄ ᑲ ᐃᑕᔨᑕᑯᓂᔨᒡ ᐅᐱᒋᐳᔪᐛ ᐊᐅᑯᓐ ᐊ ᐃᑕᔨᑕᑯᓂᔨᒋ ᐅᑦ ᐃᔨᒧᐅᓄᐛᐛ᙮

ᐱᓕᐱᔭᓇ 1:1

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮ ᑭᔭ ᒋᔨᐛᐤ ᑲ ᓂᑲᓂᔅᑯᐛᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ᒥᓯᓇᐊᒪᑎᓇᓐ᙮

1 ᑎᒧᑎ 3:12

ᑭᔭ ᐊᓐ ᑲ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮

1 ᑎᒧᑎ 3:2

ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

1 ᑎᒧᑎ 5:23

ᐅ ᒪᒃ ᒋ ᐎ ᐃᑎᑎᓐ ᑎᒧᑎ, ᐊᓐ ᒧᔅ ᑲᒋ ᐎ ᐊᔭᐧᑯᓯᔨᓐ ᒪᓐ, ᑭᔭ ᒋᔅᑭᑕᒡ ᑲᒋ ᐊᐧᑯᓯᔨᓐ, ᐊᑲᐎᔾ ᒥᒄ ᓂᐱᔾ ᒧᔅ ᒥᓂ᙮ ᓇᓂᑯᑎᓂᔾ ᐊᐱᓯᔅ ᒋᐸ ᒥᓐ ᓱᒥᓇᐳᔾ, ᐊᐱᒋᑕ ᒐᒋ ᐅᒋ ᒥᔽᑎᓯᔨᓐ᙮

ᑕᐃᑕᔅ 1:7

ᐊᓐ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ, ᓇᒪ ᒋᐸ ᐅᒋ ᒥᒋᑐᑎᒻ ᐊᓐᑕ ᒐᒋ ᐅᒋ ᐊᑕᒪᔨᒪᑭᓄᐅᑦ ᒐᒂᔪᐤ, ᐛᔅ ᒋᓴᒪᓂᑐᐛ ᐊᑐᔅᑯᐛᐤ᙮ ᓇᒪ ᒋᒋᐛ ᒋᐸ ᐅᒋ ᐃᑕᔨᒥᓱᐤ, ᑭᔭ ᓇᒪ ᑎᐛᒡ ᒋᐸ ᐅᒋ ᒋᔄᓱᐤ, ᑭᔭ ᓇᒪ ᒋᐸ ᐅᒋ ᐎᒋᐸᐤ, ᑭᔭ ᓇᒪ ᒋᐸ ᐅᒋ ᐊᐧᑯᔪᐛᓱᐤ, ᑭᔭ ᓇᒪ ᒋᐸ ᐅᒋ ᓴᒋᑕᐤ ᓱᓇᔭᔪᐤ᙮

ᑕᐃᑕᔅ 2:3

ᑭᔭ ᐎᑎᒧᐅᒡ ᒋᓴᐃᔎᓯᒡ ᐅᐱᒪᑎᓯᐅᓄᐛᒡ ᒋᐸ ᓄᑯᓂᔪᐤ ᒋᓴᒪᓂᑐᐛ ᐊ ᐱᒪᑎᓯᔅᑐᐛᒡ᙮ ᓇᒪ ᒋᐸ ᐅᒋ ᐱᐸᒪᒋᒪᐅᒡ ᐊᐛᔪᐛ ᒐᒋ ᒥᒐᒋᒪᒡ, ᓇᒪ ᑭᔭ ᒋᐸ ᐅᒋ ᐎᒋᐸᐅᒡ,

ᒋᒥᔅ ᐅᒥᓯᓇᐊᒪᒐᐅᓐ 3:10

ᐸᐃᑯᓐ ᐊᓐ ᒥᑐᓐ ᐊᓐᑕ ᐛᒋ ᒪᒥᒋᒪᑭᓄᐅᑦ ᒋᓴᒪᓂᑐᐤ ᑭᔭ ᐊ ᐅᒋ ᒥᒋ ᐊᔨᒧᒪᑭᓄᐎᒡ ᐊᐛᓐᒋ᙮ ᓂᐧᑲᓂᓯᑐᒄ, ᓇᒪ ᒋᐸ ᐅᒋ ᐃᓯᓇᑯᓐ ᐅ᙮

1 ᐱᑕᕐ 5:2

ᒥᔪ ᑭᓄᐛᔨᒪᑯ ᐊᓂᔭ ᐃᔪᐛ ᒋᓴᒪᓂᑐᐤ ᑲ ᒥᔨᑕᒄ ᒐᒋ ᓂᑲᓂᔅᑯᐅᒪᑯ ᒧᔭᒻ ᑲᒋ ᐃᓯ ᒥᔪ ᑭᓄᐛᔨᒪᑦ ᐅᒪᔭᑕᓂᓯᒪ ᐊᓐ ᑲ ᑭᓄᒪᔭᑕᓂᓱᐛᑦ᙮ ᒥᔪ ᑭᓄᐛᔨᒪᑯ ᒧᔭᒻ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᑭᓄᐛᔨᒪᑯ᙮ ᐊᑲᐎᔾ ᒧᔭᒻ ᐊᐃᓴᒡ ᑲ ᐃᑐᑕᐧᒃ ᐊᐛᓐ ᒐᒂᔪᐤ ᒋᑭ ᐅᒋ ᐃᓯᓇᑯᓯᓇᐛᐤ ᐅ ᑕᓐ ᐊ ᐃᑕᐱᑎᓯᔭᒄ᙮ ᐃᑐᑎᒧᒄ ᒋᑦ ᐊᑐᔅᒐᐅᓄᐛᐤ ᓇᒪᐎᔾ ᒥᒄ ᐊ ᑭᓄᐛᐸᑎᒪᒄ ᑕᓐ ᒐ ᐃᓯ ᐅᑎᓯᔭᒄ ᒪᒃ ᓇᔅᒡ ᐊ ᐃᑕᔨᑎᒥᐃᑯᔭᒄ ᑕᓐ ᒐᒋ ᐃᓯ ᐎᒋᐊᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᓇᑭᑐᐛᔨᒪᑯᒡ᙮