1 ᑎᒧᑎ 3:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᑭᔭ ᓇᒪ ᐊᐛᓐ ᐊᓄᒋᒐ ᐊᒋ ᑕᑈᔭᔨᑕᐧᒃ ᒋᐸ ᐅᒋ ᓂᑲᓂᔅᑯᐛᐤ ᒋᓴᒪᓂᑐᐛ ᐅᑦ ᐃᔨᒥᔪᐛ ᐛᔅ ᒋᑭ ᒋ ᐃᓯᓇᑯᓱᐤ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᒋᑭ ᒋ ᐸᒋᓯᓐ ᒪᒃ ᒐᒋ ᐃᓯ ᓂᓱᐅᓇᒋᒪᑭᓄᐅᑦ ᒧᔭᒻ ᒥᒋᒥᓂᑐᐛ ᒐ ᐃᓯ ᓂᓱᐅᓇᒋᒪᑭᓄᔨᒋ᙮

1 ᑎᒧᑎ 3:6 Iomraidhean Croise

ᓗᒃ 10:18

ᐊᑯ ᒋᓴᔅ ᒂ ᐃᑕᑦ, “ᓂᒋ ᐛᐱᒪᐤ ᒥᒋᒥᓂᑐᐤ ᐊ ᐅᒋ ᐸᒋᓯᐧᒃ ᒋᒋᒋᓯᑯᒡ, ᒧᔭᒻ ᑕᑈ ᐊ ᐛᔅᑕᐱᔨᒡ ᐊᐅᑯᓐ ᑲ ᐃᓯᓇᑯᓯᑦ᙮

1 ᑯᕆᓐᑎᔭᓇ 3:1

ᓂᐧᑲᓂᓯᑐᒄ, ᐊᓐᑕ ᐊ ᑕᔭᒄ ᑲ ᑕᔭᓐ ᓇᒪ ᒋ ᐅᒋ ᐃᓯ ᐃᔨᒥᐃᑎᓇᐛᐤ ᑕᓐ ᐊ ᐃᓯ ᓂᑐᐛᔨᑕᒂᒡ ᒐᒋ ᐃᓯ ᐃᔨᒪᐊᑭᓄᐎᒡ ᐊᐛᓐᒋ ᑲ ᐸᔭᒋᓯᔨᒋ ᐊᒐᒂ ᑲ ᐊᔭᐛᒡ᙮ ᒧᔭᒻ ᐊᐛᓐᒋ ᐊᑲ ᐊᔭᐛᒡ ᑲ ᐸᔭᒋ ᐊᒐᒂ ᔅᒋ ᐃᓯ ᐃᔨᒥᐃᑎᓇᐛᐤ᙮ ᒧᔭᒻ ᑲ ᐅᔅᒋ ᑕᑈᔭᔨᒪᒡ ᙭ᑕ ᐊ ᐃᓯ ᐃᔨᒪᐊᑭᓄᐎᒡ ᐊᐅᑯᓐ ᑲ ᐃᓯ ᐃᔨᒥᐃᑎᑯᒡ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

2 ᑯᕆᓐᑎᔭᓇ 12:7

ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮

1 ᑎᒧᑎ 3:7

ᑭᔭ ᐊᓐ ᐊᐛᓐ ᐅᔭ ᑲ ᐃᑕᐱᑎᓯᑦ ᒋᐸ ᒥᔪ ᑎᐸᑐᑎᒥᔪᐛ ᐅᐱᒪᑎᓯᐅᓐ ᐊᓂᔭᔪᐛ ᐊᐛᔪᐛ ᐊᑲ ᐱᒪᒋᐅᔨᒋ᙮ ᐛᔅ ᒥᔪ ᑎᐸᒋᒪᑭᓄᒐ ᓇᒪ ᒋᑭ ᒋ ᐃᑐᑕᑯᐤ ᒥᒋᒥᓂᑐᐛ ᒐᒋ ᓇᒂᑎᑯᑦ᙮

1 ᑎᒧᑎ 6:4

ᓇᔅᒡ ᑕᑈ ᒋᒋᐛ ᐃᑕᔨᒥᓱᐤ, ᑭᔭ ᓇᒪ ᐊᓐ ᒋᔅᒐᔨᑎᒻ ᐊᓂᔭ ᒐᒂᔪᐤ ᐛ ᐃᓯ ᐊᔨᒧᑕᐧᒃ᙮ ᐛᔅ ᐅᔅᑕ ᐃᑕᔨᑎᒻ ᒐᒋ ᐊᔨᒧᑕᐧᒃ ᒐᒂᔪᐤ ᐊᓐᑕ ᒐᒋ ᐅᒋ ᐊᑲ ᓂᓇᐊᔨᒥᑐᓇᓄᐎᒡ᙮ ᐊᑯᑕ ᒪᒃ ᐅᑕ ᐛᒋᐱᔨᒡ ᐅᑕᔨᑎᒧᐅᓐ ᑭᔭ ᐊ ᒪᒥᒋᐱᔨᐃᑐᓇᓄᐅᒡ ᑭᔭ ᒪᔭᔨᒐᐅᓐ ᑭᔭ ᓂᑐᐎᔾ ᐊ ᐃᑕᑭᓄᐅᑦ ᐊᐛᓐ᙮

2 ᑎᒧᑎ 3:4

ᓇᔅᒡ ᒋᑭ ᐎᒋ ᐛᐎᔭᓯᐊᐅᒡ ᐅᐎᒐᐛᑭᓄᐛᐛ, ᓇᒪ ᓇᔅᒡ ᒋᑭ ᐅᒋ ᓂᓇᑭᑐᐛᔨᑎᒧᒡ ᑕᓐ ᐊ ᐃᑎᒡ, ᑭᔭ ᓇᔅᒡ ᑕᑈ ᒥᔅᑎ ᒋᑭ ᐃᑕᔨᒥᓱᐅᒡ᙮ ᐅᔅᑕ ᒋᑭ ᓴᒋᑕᐅᒡ ᐊᓂᔭ ᐎᔨᐛᐤ ᐊ ᐃᓯ ᒧᒋᒐᔨᑎᒥᐃᑯᒡ ᒐᒂᔪᐤ ᐃᔅᐱᔅ ᐎ ᒋᓴᒪᓂᑐᐛ ᐊᑐᐎᔅ ᒐᒋ ᓴᒋᐊᒡ᙮

1 ᐱᑕᕐ 2:2

ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮

1 ᐱᑕᕐ 5:5

ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮

2 ᐱᑕᕐ 2:4

ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮

ᒍᑦ 1:6

ᒋᔅᒋᓯᑐᑐᐛᐧᑯᒡ ᑭᔭ ᐊᓐᒡ ᐊᓐᒋᓐᒡ ᐊᑲ ᐅᒋ ᓂᓇᑭᑐᐛᔨᑕᒡ ᑕᓐ ᑲ ᐃᔅᐱᔅ ᒥᔭᑭᓄᐎᒡ ᑎᐸᔨᒋᒐᐅᓂᔪᐤ ᑭᔭ ᑲ ᓂᑭᑕᒡ ᐊᓐᑕ ᑲ ᐱᔅᑎᓇᑭᓄᐎᒡ ᒐᒋ ᑕᒡ᙮ ᒪᒂᒡ ᑲᒋᒡ ᐃᓴᒂᔭᐱᔭ ᒪᒋᒂᐱᐧᑲᓱᒡ ᐊᓐᑕ ᑕᒥᒡ ᓇᔅᒡ ᐊ ᐅᑲᔅᑕᔭᔨᒡ᙮ ᐊᑯᑕ ᒐᐸᐅᑯᒡ ᒋᓴᒪᓂᑐᐤ ᐸᑐᔅ ᐅᑎᒋᐱᔨᒐ ᐊᓂᔭ ᓇᔅᒡ ᒐᔅᑕᔨᑕᑯᓂᔨᒡ ᐊ ᒋᓯᑲᔨᒡ ᒐ ᑎᐸᔅᑯᓇᑭᓄᐎᒡ᙮