1 ᑎᒧᑎ 3:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐛᔅ ᑕᑈ ᒥᔪ ᓂᓇᑭᑐᐛᔨᑕᒂᐛ ᐊᓂᔭᔪᐛ ᐅᑦ ᐊᑐᔅᒐᐅᓄᐛᐛ ᐊᑯᑕ ᐃᔭᒂ ᒐ ᐅᒋ ᐃᑕᔨᒥᑯᒡ ᐊᐛᔪᐛ ᑭᔭ ᐊᑯᑕ ᐊᑐᐎᔅ ᒐ ᐅᒋ ᐛᒋᐱᔨᒡ ᓱᒃ ᐊ ᐊᔨᒧᑕᒡ ᑕᓐ ᐊ ᐃᓯ ᑕᑈᔭᔨᒪᒡ ᒋᓴᔅ ᙭ᑕ᙮

1 ᑎᒧᑎ 3:13 Iomraidhean Croise

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒪᑎᔪᐤ 25:21

“ ‘ᑕᑈ ᒋ ᒥᔪᑐᑕᓐ ᑭᔭ ᑕᑈ ᒋ ᒥᔪ ᐊᐱᑎᓯᓐ,’ ᒋ ᐃᑎᑯᐤ ᐊᓂᔭ ᐅᒋᒪᒪ᙮ ‘ᑯᐃᔅᒄ ᐊᒋ ᐃᓯ ᐊᑐᔅᒐᔅᑎᒥᓐ ᐊᓐ ᐊ ᐊᐱᓴᓯᒡ ᑕᓐ ᑲ ᐃᓯ ᐱᑯᓴᔨᒥᑯᔨᓐ ᐊᑯ ᐊᑐᐎᔅ ᐊ ᒥᓴᒋ ᒐᒂᔪᐛ ᒐ ᐱᔅᑎᓂᒪᑯᔨᓐ ᒐᒋ ᐅᒋᒪᐧᑲᑎᒥᓐ᙮ ᐊᔅᑎᒻ ᐸᒋ ᐱᒐ, ᒐ ᐸᒋ ᐎᒋᐃᔨᓐ ᑕᓐ ᐊ ᐃᓯ ᒥᔽᔨᑎᒪᓐ᙮’ ”

ᓗᒃ 19:17

“ ‘ᒋ ᒥᔪᑐᑕᓐ, ᒋ ᒥᔪ ᐊᑐᔅᒐᓐ,’ ᒋ ᐃᑎᑯᐤ ᐅᒋᒪᒪ᙮ ‘ᐊᒋ ᓄᑯᑕᔨᓐ ᐊ ᑕᑈᐅᒐᔨᑕᑯᓯᔨᓐ ᑯᐃᔅᒄ ᒐᒋ ᐃᓯ ᐊᑐᔅᒐᔅᑎᒥᓐ ᒐᒂᓐ ᐊ ᐊᐱᓴᓯᒡ ᒥᔅᑯᒡ ᒋᑭ ᒥᔨᑯᓐ ᐸᐃᑯᔪᐤ ᐅᑕᓇᐛ ᒐᒋ ᓂᑲᓂᔅᑭᒥᓐ᙮’ ”

ᐊᑈᔅᑕᓇᒡ 21:35

ᐊᓐᒡ ᒪᒃ ᐊᓯᒪᑭᓂᓯᒡ ᐃᔅᐱᔅ ᒐ ᐊᑎ ᓴᑭᒋᐛᒡ ᒐᒋ ᐱᑎᑲᐊᒡ ᑈᓚ ᐊᓐᑕ, ᒐᒃ ᓂᑕᒡ ᒋ ᐅᐱᓇᐅᒡ ᑲ ᐃᔅᐱᔅ ᐊᔭᔅᒃ ᒋ ᐊᒂᑕᔨᑕᑯᓯᔨᒋ ᐊᓂᔭᔪᐛ ᐃᔪᐛ᙮

ᐊᑈᔅᑕᓇᒡ 6:15

ᒥᓯᐛ ᒪᒃ ᐊᓐᒡ ᐊᓐᑕ ᑲ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᓇᔅᒡ ᒋ ᑭᓄᐛᐱᒪᐅᒡ ᔅᑎᐱᓇ ᐊ ᐛᐸᑎᒺᒡ ᐅᑕᔅᑎᒥᐧᑯᔪᐤ ᒧᔭᒻ ᐊᓐᒋᓐ ᐅᑕᔅᑎᒥᐧᒄ ᐊ ᐃᓯᓇᑯᓂᔨᒡ᙮

ᐊᑈᔅᑕᓇᒡ 6:5

ᒥᓯᐛ ᒪᒃ ᒋ ᓇᐊᔨᑎᒧᒡ ᐊᓐᑕ ᐊ ᑎᓯᒡ ᐊᓂᔭ ᑲ ᐃᔅᒋᔄᔨᒋ ᐊᓂᔭᔪᐛ ᐊᑈᔅᑕᓇ᙮ ᐊᑯ ᑲ ᐅᑎᓇᑭᓄᐅᑦ ᔅᑎᐱᓐ᙮ ᔅᑎᐱᓐ ᒪᒃ ᐅᑕᑈᑎᒧᐅᓐ ᓇᔅᒡ ᒋ ᓱᒐᔨᑕᑯᓂᔪᐤ, ᑭᔭ ᒋ ᓴᑭᔅᒋᓇᔅᑲᑯᐤ ᑲ ᐸᔭᒋᓯᔨᒋ ᐊᒐᒂ᙮ ᑭᔭ ᐱᓕᐸ ᒋ ᐅᑎᓇᐅᒡ ᑭᔭ ᐳᕈᑯᕋᓴ, ᑭᔭ ᓂᑲᓄᕋ, ᑭᔭ ᑎᒧᓇ, ᑭᔭ ᐸᕐᒪᓇᓴ, ᑭᔭ ᓂᑯᓚᓴ᙮ ᐅ ᓂᑯᓚᔅ ᐊᓐᑕ ᐊᓐᑎᔭᒃ ᐎᔾ ᒋ ᐅᒋᐤ, ᐊᑎ ᒪᒃ ᐊᑲ ᒍᐤ ᐅᒋ ᐃᑎᔅᑲᓇᓯᑦ ᐃᔭᐱᒡ ᒪᒃ ᒋ ᑕᑈᑎᒻ ᑕᓐ ᐊ ᐃᓯ ᑕᑈᑎᒥᔨᒋ ᒍᐤ ᐃᔪᐛ᙮

ᐊᑈᔅᑕᓇᒡ 6:8

ᔅᑎᐱᓐ ᒪᒃ ᐊᓐ ᐊᐛᓐ ᑲ ᓴᒋᔅᒋᓇᔅᑲᑯᑦ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ ᑭᔭ ᐅᓱᐧᑲᑎᓯᐅᓂᔪᐤ ᒋ ᐃᑕᔨᑕᑯᓱᐤ, ᒋ ᐃᑐᑎᒻ ᒪᒃ ᓂᓇᐧᑯᐤ ᒪᒥᔅᑲᒡ ᒐᒂᔪᐛ ᑭᔭ ᓂᓇᐧᑯᐤ ᒋ ᐃᓯ ᒪᒥᔅᑲᒡ ᐛᐸᑎᔨᐛᐤ ᐊᓐᑕ ᐃᔪᐛ ᐊ ᑕᔨᒋ᙮

1 ᑯᕆᓐᑎᔭᓇ 16:15

ᓂᐧᑲᓂᓯᑐᒄ, ᒋ ᒋᔅᒐᔨᑕᓇᐛᐤ ᐊᓐᑕ ᐊ ᐸᐃᑯᔅᑲᓇᓯᑦ ᔅᑎᐸᓇᔅ ᐊᐅᑯᓐᒡ ᐊᓐᒡ ᓂᔅᑎᒻ ᑲᑕᑈᔭᔨᑕᒡ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᐊ ᐃᓯᓂᐧᑲᑕᔨᒡ᙮ ᒋ ᐱᔅᑎᓂᓱᐅᒡ ᒐᒋ ᐊᑐᔅᑯᐛᒡ ᑲ ᑕᑈᑎᒥᔨᒋ᙮

ᐱᓕᐱᔭᓇ 1:14

ᑭᔭ ᐊ ᑕᔭᓐ ᐅᑕ ᑲᒪᑯᓄᐛᓯᐅᒋᐛᐱᒡ ᒥᒐᑦ ᒋᐧᑲᓂᓯᓄᐅᒡ ᐊᑎᑐᐤ ᓱᒋᑲᐳᐅᒡ ᐊ ᑕᑈᔭᔨᒪᒡ ᐅᑎᐸᔨᒋᒐᐛ, ᐊᑎᑐᐤ ᐊᑎ ᓱᒋᑕᐊᐅᒡ ᐊ ᐛᐎᑕᒡ ᒥᔽᒋᒧᐅᓂᔪᐤ ᐊᑲ ᓇᔅᒡ ᑯᔅᑕᒋᒡ᙮

1 ᑕᓴᓗᓂᔭᓇ 2:2

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ᑎᑯᓯᓂᔭᒡ ᐊᓐᑕ ᐊ ᑕᔭᒄ᙮ ᐃᔭᐱᒡ ᒪᒃ ᓂᒋ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ᒥᔨᑕᒄ ᐊᑎ ᐊᒋ ᑕᒡ ᐊᐛᓐᒋ ᐊᓐᑕ ᐊ ᑕᔭᒄ ᓱᒃ ᐊᒋ ᑯᒋᑕᒡ ᒐᒋ ᒋᐱᒋᐃᔨᒥᒡ᙮

1 ᑎᒧᑎ 3:14

ᐅ ᒪᒃ ᒪᒂᒡ ᐊ ᒥᓯᓇᐊᒪᑕᓐ ᑎᒧᑎ, ᓂ ᐱᑯᓴᔨᑕᓐ ᐎᐱᒡ ᒐᒋ ᑎᑯᓯᓂᔭᓐ ᒐᒋ ᐛᐱᒥᑎᑯᒡ᙮

2 ᑎᒧᑎ 2:1

ᒋᔾ, ᓂᑯᓯᐧᑲᐅᓐ ᑎᒧᑎ, ᓱᒃ ᐎ ᓱᐧᑲᑎᓯ ᙭ ᒋᓴᔅ ᐅᒋᓴᐛᑎᓯᐅᓂᒡ ᐅᒡ᙮

ᐃᑉᕈᐛ 6:10

ᓂᐦᐃ, ᒋᑕᑈᐅᒐᔨᒥᑎᓇᐛᐤ ᐊᒋ ᐱᒪᒋᐅᔭᒄ᙮ ᓂ ᒋᔅᒐᔨᒪᐤ ᒋᓴᒪᓂᑐᐤ ᑯᐃᔅᒄ ᐊ ᐃᑐᑐᐛᑦ ᒥᓯᐛ ᐊᐛᔪᐛ᙮ ᒋ ᒋᔅᒐᔨᒥᑯᐛᐤ ᑕᓐ ᑲ ᐃᓯ ᒥᔪᑐᑎᒺᒄ ᑭᔭ ᑕᓐ ᑲ ᐃᓯ ᓄᑯᑐᐛᒄ ᐊ ᓴᒋᐊᒄ ᐊᒋ ᐎᒋᐃᒪᑯ ᑲ ᑕᑈᑎᒥᔨᒋ ᑭᔭ ᐊᔅᒄ ᐊ ᐎᒋᐃᒪᑯ᙮ ᓇᒪ ᒪᒃ ᒋᑭ ᐅᒋ ᐅᓂᒋᔅᒋᓱᐤ ᐅᔭ᙮