1 ᑎᒧᑎ 3:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐎᐛᐛ ᒋᐸ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ᐱᒪᑎᓯᐅᒡ ᑭᔭ ᐃᔭᒂ ᒋᐸ ᐃᑐᑎᒧᒡ ᒥᓯᐛ ᒐᒂᔪᐤ᙮

1 ᑎᒧᑎ 3:11 Iomraidhean Croise

ᑎᐱᑦ ᐅᓂᑭᒧᐅᓇ 101:5

ᐊᐛᓐ ᒋᒧᑦ ᑲ ᐸᒂᓄᒪᑦ ᐎᒡ ᐃᔪᐛ, ᐊᐅᒄ ᒐ ᒋᒥᓱᒄ: ᐊᓐ ᑲ ᐃᔅᐸᔨᒥᓱᑦ ᑭᔭ ᑲ ᒋᔅᑕᔨᒧᑦ ᐅᑕᐃᒡ, ᓇᒪᐎᔾ ᓂᑭ ᒥᔽᐱᒪᐤ᙮

ᑎᐱᑦ ᐅᓂᑭᒧᐅᓇ 15:3

ᐊᓐ ᐊᑲ ᒥᒋᐛᐎᔨᐛᑦ ᐅᑕᔨᔨᒡ ᐅᒡ, ᐊᑲ ᑭᔭ ᒥᒋᑐᑐᐛᑦ ᐎᒡ ᐃᔪᐛ, ᐊᑲ ᑭᔭ ᑲ ᒥᒋᐊᔨᒧᒪᑦ ᐎᒡ ᐃᔪᐛ᙮

ᑎᐱᑦ ᐅᓂᑭᒧᐅᓇ 50:20

ᒋᑦ ᐊᐱᓐ ᐊ ᒪᒋ ᐊᔨᒧᒥᑦ ᒋᐧᑲᓂᔅ; ᒋ ᐸᒂᓄᒥᒪᐛ ᑎᐱᔨᐛ ᒋᑲᐎᔾ ᐅᑯᓯᓴ᙮

ᒪᑎᔪᐤ 4:1

ᐊᑯ ᒋᓴᔅ ᒂ ᐃᑐᑕᐃᑯᑦ ᑲ ᐸᔭᒋᓯᔨᒋ ᐊᒐᒂ ᐊᓐᑕ ᐸᐧᑯᑎᔅᑭᒥᑲᒡ ᒐᒋ ᑯᒂᒋᐃᑯᑦ ᒥᒋᒥᓂᑐᐛ᙮

ᒠᓐ 6:70

ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓇᒪᐎᔾ ᐊ ᓂᔾ ᒋ ᐅᒋ ᐅᑎᓂᑎᓇᐛᐤ ᐊ ᓂᓱᓴᐳᔭᒄ ? ᐸᐃᒄ ᒪᒃ ᐊᓐᑕ ᐊ ᑎᓯᔭᒄ ᒥᒋᒥᓂᑐᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:29

ᐱᒋᔅᑲᑯᐅᒡ ᓂᓇᐧᑯᐤ ᒥᒐᑎᓯᐅᓂᔪᐤ ᑭᔭ ᒪᔭᑎᓯᐅᓂᔪᐤ, ᑭᔭ ᐱᒋᔅᑲᑯᐅᒡ ᒧᔅᑕᓂᒪᒐᐅᓂᔪᐤ ᑭᔭ ᐛᐧᑲᑕᔨᒧᐅᓂᔪᐤ᙮ ᓇᔅᒡ ᐱᒋᔅᑲᑯᐅᒡ ᐅᑕᔨᒧᐅᓂᔪᐤ, ᑭᔭ ᒧᔅ ᐎ ᓂᐸᐃᐛᐅᒡ, ᑭᔭ ᒧᔅ ᒪᒥᒋᐱᔭᐊᐅᒡ ᐊᐛᔪᐛ, ᐱᓯᒄ ᑭᔭ ᐛᐎᔭᓯᒧᐛᐅᒡ, ᑭᔭ ᓇᔅᒡ ᐱᒋᔅᑲᑯᐅᒡ ᐛᐧᑲᓱᐛᐅᓂᔪᐤ᙮ ᐱᒋᔅᒂᑲᑐᐛᐅᒡ ᑭᔭ,

1 ᑎᒧᑎ 1:12

ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ᐅᑎᓂᑦ,

1 ᑎᒧᑎ 3:2

ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

1 ᑎᒧᑎ 6:2

ᐊᑯ ᒪᒃ ᒋᐅᒋᒪᒧᐛᐅᒡ ᑎᔭᑈᑎᒧᐛᐛᒂ ᐊᑲᐎᔾ ᒋᑭ ᐅᒋ ᐃᑐᑐᐛᐛᐅᒡ ᒐ ᐊᑲ ᒋ ᒋᔅᑕᔨᒪᑯᒡ ᒥᒄ ᐊᓂᔭ ᐊ ᒋᔅᒐᔨᒪᑯᒡ ᐊ ᐎᐧᑲᓂᓯᑐᑐᐛᑯᒡ᙮ ᐃᔭᐱᒡ ᐊᑐᐎᔅ ᒋᐸ ᒥᔪ ᐊᑐᔅᑯᐛᐛᐅᒡ ᒐᒋ ᐎᒋᐊᑯᒡ ᐅᒡ ᒋᐧᑲᓂᓱᐛᐅᒡ ᑲ ᓴᒋᐊᑭᓄᐎᒡ᙮ ᐊᐅᒄ ᒪᒃ ᐅ ᒋᐸ ᐃᓯ ᒋᔅᑯᑎᒪᒐᓇᐛᐤ ᑭᔭ ᒋᐸ ᐃᓯ ᑭᒐᔅᒋᒧᓇᐛᐤ᙮

2 ᑎᒧᑎ 3:3

ᓇᒪ ᒋᑭ ᐅᒋ ᒋᔅᑎᒪᒐᔨᒪᐅᒡ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᐛᐸᔨᑎᒪᒐᐅᒡ᙮ ᒋᑭ ᐎ ᓇᓂᑐᐤ ᐊᐧᑯᐊᐅᒡ ᐊᐛᔪᐛ ᑕᓐ ᐊ ᐃᑕᒡ, ᑭᔭ ᓇᔅᒡ ᒋᑭ ᐊᐧᑯᔪᐛᓱᐅᒡ, ᑭᔭ ᓇᔅᒡ ᒋᑭ ᐎᒋ ᒋᔄᓱᐅᒡ ᑭᔭ ᓇᔅᒡ ᒋᑭ ᐛᐧᑲᑕᐅᒡ ᐊᓂᔭ ᑲ ᒥᔪᑐᑎᒥᔨᒋ᙮

2 ᑎᒧᑎ 4:5

ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ᒪᒥᑐᓇᔨᑎᒥᓐ ᑕᓐ ᒥᒄ ᒐ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ᐃᑕᐱᒋᐃᔅᒃ ᒋᓴᒪᓂᑐᐤ᙮

ᑕᐃᑕᔅ 2:3

ᑭᔭ ᐎᑎᒧᐅᒡ ᒋᓴᐃᔎᓯᒡ ᐅᐱᒪᑎᓯᐅᓄᐛᒡ ᒋᐸ ᓄᑯᓂᔪᐤ ᒋᓴᒪᓂᑐᐛ ᐊ ᐱᒪᑎᓯᔅᑐᐛᒡ᙮ ᓇᒪ ᒋᐸ ᐅᒋ ᐱᐸᒪᒋᒪᐅᒡ ᐊᐛᔪᐛ ᒐᒋ ᒥᒐᒋᒪᒡ, ᓇᒪ ᑭᔭ ᒋᐸ ᐅᒋ ᐎᒋᐸᐅᒡ,

ᑕᐃᑕᔅ 3:2

ᐎᑎᒧᐅᒡ ᒐ ᐊᑲ ᒋ ᒥᒋ ᐊᔨᒧᒪᒡ ᐊᐛᔪᐛ, ᒐᒋ ᒋᔭᒪᐛᔨᑕᑯᓯᒡ ᑭᔭ ᒐᒋ ᒥᔽᔨᑕᑯᓯᒡ᙮ ᒧᔅ ᒋᐸ ᔪᔅᐸᑎᓯᔅᑐᐛᐅᒡ ᒥᓯᐛ ᐊᐛᔪᐛ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮