1 ᑎᒧᑎ 2:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᐅᒄ ᐅᔭ ᐊ ᐃᓯ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ,

1 ᑎᒧᑎ 2:3 Iomraidhean Croise

ᓗᒃ 1:47

ᑭᔭ ᓇᔅᒡ ᑕᑈ ᓂ ᓯᒋᔭᓯᓐ ᐊ ᒪᒥᑐᓇᔨᑎᒥᐃᑯᐅᒡ ᐊᓂᔭᔪᐛ ᑕᓐ ᑲ ᐃᓯ ᐃᑐᑎᒧᐅᑦ ᒋᓴᒪᓂᑐᐤ ᓂᐱᒪᒋᐃᐛᒻ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18

ᐊᓐ ᒪᒃ ᐊᐛᓐ ᑲ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᐱᓕᐱᔭᓇ 4:18

ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑎᒧᑎ 1:1

ᐊᐅᒄ ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᓂᒋ ᐃᑎᓱᒥᒄ ᒐᒋ ᐊᔨᒧᒥᒋ ᒋᓴᔅ ᙭ᑕ ᐊᓐ ᐊᐛᓐ ᐊ ᑕᑦ ᐛᒋ ᐊᔭᔭᐧᒄ ᐊᔅᐸᔨᒧᐅᓐ᙮

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

1 ᑎᒧᑎ 5:4

ᐊ ᐸᐃᑯᓯᑦ ᐃᔎᐤ ᐊ ᑕᔨᒂᓂ ᒪᒃ ᐅᑦ ᐊᐛᓯᒪ ᑭᔭ ᒪᒃ ᐅᓯᒪ ᐊ ᐃᔅᐱᑎᓯᔨᒋ ᒐᒋ ᑭᓄᐛᔨᒥᑯᑦ ᑭᑈ ᒋᐸ ᑭᓄᐛᔨᒥᑯᐤ ᑭᔭ ᒋᐸ ᓄᑯᑕᔨᐛ ᐊ ᒋᔅᑕᔨᒪᔨᒋ ᒋᓴᒪᓂᑐᐛ ᑭᔭ ᑕᑈ ᑕᑈᑎᒧᐅᓂᒡ ᐊ ᐃᓯ ᐱᒪᑎᓯᔨᒋ᙮ ᐅᔭ ᐃᑎᑥᐛ ᐊᑯ ᒧᔭᒻ ᐊ ᒋᐛ ᒥᔭᒡ ᑕᓐ ᑲ ᐃᓯ ᒥᔪᑐᑕᑯᒡ ᐅᓂᒋᐃᑯᐛᐛ ᒪᒃ ᐅᒧᓱᒧᐛᐛᐤ ᐊᐅᑯᓐ ᒐ ᐃᓯᓇᑯᓯᒡ᙮ ᐊᐅᒄ ᐅᔭ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᑎᓇᓄᐎᒡ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

ᐃᑉᕈᐛ 13:16

ᐊᑲᐎᔾ ᐳᓂᒄ ᐊ ᒥᔪᑐᑎᒪᒐᔭᒄ ᑭᔭ ᐊ ᒪᑎᓄᐛᐱᔨᑕᑐᔭᒄ ᑕᓐ ᐊ ᐃᓯ ᐊᔭᔭᒄ᙮ ᐛᔅ ᓇᔅᒡ ᐊ ᐱᔅᑕᔨᒥᓱᑦ ᐊᐛᓐ ᐅᔭ ᒐᒋ ᐃᑎᑦ ᓇᐊᔨᑎᒥᐊᐤ ᒋᓴᒪᓂᑐᐛ᙮

1 ᐱᑕᕐ 2:20

ᐛᔅ ᑕᐸ ᒐᒂᓐ ᒋ ᐎᒋᐃᑯᓐ ᐊ ᐛᐛᓯᐃᑯᔨᓐ ᐊᒋ ᒥᒋᑐᑎᒥᓐ᙮ ᒥᒄ ᒪᒃ ᒋᓴᒪᓂᑐᐤ ᒋᑭ ᓇᐊᔨᑎᒥᐊᐤ, ᓂᓇᐧᑲᒋᐃᑯᔨᓇ ᐊᒋ ᒥᔪᑐᑎᒥᓐ ᐅᒡ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮