1 ᑎᒧᑎ 2:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᑭᔭ ᐊᓐᒡ ᑲ ᒋᓴᐅᒋᒪᐅᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᒋᐸ ᐊᔭᒥᐊᔅᑎᒧᐛᐛᐅᒡ᙮ ᐅ ᒪᒃ ᓂᓇᐧᑯᐤ ᐊ ᐃᓯ ᐊᔭᒥᐊᔅᑎᒧᐛᑯᒡ ᐊᐛᓐᒋ ᐊᑯᑕ ᒐ ᐅᒋ ᑎᒂᒡ ᒋᔭᒪᔨᑎᒧᐅᓐ ᑭᔭ ᐊᑯᑕ ᒐ ᐅᒋ ᑎᒂᒡ ᐊ ᒥᔪ ᐎᒐᐅᑐᓇᓄᐅᒡ ᑯᐃᔅᑯᑕᑎᓯᐅᓂᒡ ᑭᔭ ᐊᑯᑕ ᒐ ᐅᒋ ᑎᒂᒡ ᐊ ᒋᔅᑕᔨᒥᑐᓇᓄᐅᒡ᙮

1 ᑎᒧᑎ 2:2 Iomraidhean Croise

ᑎᐱᑦ ᐅᓂᑭᒧᐅᓇ 72:1

ᒥᔾ ᒋᓴᐅᒋᒪᐤ ᒋ ᑎᐸᔅᑯᓂᒐᐅᓇ, ᐅ ᒋᓴᒪᓂᑐᐤ, ᑭᔭ ᒋ ᑯᐃᔅᑯᑕᑎᓯᐅᓂᔪᐤ ᒋᓴᐅᒋᒪᐤ ᐅᑯᓴ᙮

ᓗᒃ 1:6

ᓴᑲᕋᔭ ᑭᔭ ᐃᓕᓴᐸᑦ ᒋ ᑯᐃᔅᑯᑕᑎᓯᐅᒡ᙮ ᓇᔅᒡ ᒋ ᓂᓇᐃᑎᒺᐅᒡ ᐅᑎᐸᔨᒋᒐᐛ ᐅᑭᒐᔅᒋᒧᐅᓂᔪᐛ ᑭᔭ ᐅᑦ ᐃᑎᓱᐛᐅᓂᔪᐛ᙮ ᑭᔭ ᓇᔅᒡ ᒋ ᓇᐊᔨᑎᒥᐊᐅᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᓯ ᐱᒪᑎᓯᒡ᙮

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᐊᑈᔅᑕᓇᒡ 10:22

ᒋ ᐃᑕᐅᒡ ᒪᒃ ᐊᓐᒡ ᓇᐸᐅᒡ, “ᓄᒋᒪᒥᓇᓐ ᑯᕐᓂᓕᔭᔅ ᑲ ᓂᑲᓂᔅᑯᐛᑦ ᕈᒻ ᐊᓯᒪᑭᓂᓴ ᓂᒋ ᐸᒋ ᐃᑎᓴᐅᑯᓇᓐ᙮ ᒥᔽᔨᑕᑯᓱᐤ ᐅ ᓇᐸᐤ, ᑭᔭ ᒋᔅᑕᔨᒪᐤ ᒋᓴᒪᓂᑐᐛ, ᒥᓯᐛ ᑭᔭ ᒍᐤ ᐃᔪᐛ ᐃᑕᔨᒥᑯᐤ ᐊ ᒥᔽᔨᑕᑯᓯᑦ᙮ ᐸᐃᒄ ᒋᓴᒪᓂᑐᐤ ᑲ ᐸᔭᒋᓯᔨᒋ ᐅᑦ ᐊᓐᒋᓂᒥᔪᐛ ᒋ ᐃᑎᑯᐤ ᒐᒋ ᐎᓴᒥᔅᒃ ᐊᓐᑕ ᐎᒋᒡ ᐊᑯ ᒪᒃ ᒐᒋ ᐸᑕᐧᒃ ᑕᓐ ᐛ ᐃᓯ ᐎᑎᒥᓐ᙮”

ᐊᑈᔅᑕᓇᒡ 24:16

ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:18

ᒥᒄ ᒐ ᐃᔅᐱᔅ ᒋ ᐃᑐᐅᓇ, ᑯᒋᑕ ᒥᓯᐛ ᐊᐛᓐ ᒐᒋ ᒥᔪ ᐎᒐᐅᑦ᙮

ᐱᓕᐱᔭᓇ 4:8

ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮

1 ᑕᓴᓗᓂᔭᓇ 4:11

ᓴᔅ ᐅᑕ ᔅᒋ ᐎᑎᒪᑎᓇᓐ ᑕᓐ ᒋᐸ ᐃᑎᓇᐛᐤ, ᓱᒃ ᑯᒋᑕᒄ ᒐᒋ ᒋᔭᒪᐛᑎᓯᔭᒄ᙮ ᐊᑲᐎᔾ ᐅᑎᒪᐱᒪᐧᑯᒡ ᑕᓐ ᐊ ᐃᑎᒡ ᑯᑎᑭᒡ ᐊᐛᓐᒋ᙮ ᑭᔭ ᓱᒃ ᐊᑐᔅᒐᒄ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮