1 ᑎᒧᑎ 1:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐅ ᒪᒃ ᐎ ᓂᔅᑐᑎᒧᒄ, ᑕᐸ ᓇᒪᔭᐤ ᐅᑯᐃᔅᑯᑕᑎᓯᐤ ᑲ ᐅᓯᑎᒧᐛᑭᓄᐅᑦ ᐅᔭ ᐎᓱᐛᐅᓂᔪᐤ᙮ ᐊᓐᒡ ᐛᔅ ᐊᓐ ᐊᑲ ᓇᔅᒡ ᐊᐱᑕᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓐᒡ ᐊᑲ ᓇᔅᒡ ᓂᓇᐃᑎᒺᒡ ᑭᔭ ᐊᓐᒡ ᐊᑲ ᓇᔅᒡ ᒋᔅᒐᔨᑕᒡ ᑕᓐ ᒋᐸ ᐃᓯ ᓂᓇᑭᑐᐛᔨᑎᒥᐃᑯᐅᒡ ᐅᐱᒪᑎᓯᐅᓄᐛᐛ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐅᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᓇᔅᒡ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᑭᔭ ᐊᓐᒡ ᓇᔅᒡ ᑲ ᒥᒋᐱᒪᑎᓯᒡ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐊᓂᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᐸᔭᒋ ᐱᒪᑎᓯᒡ ᐅᑦ ᐊᒐᐧᑯᐛᒡ ᑭᔭ ᐊᓐᒡ ᐊᑲ ᓇᔅᒡ ᐊᔭᒥᐊᐛᑎᓯᒡ ᑭᔭ ᐊᓐᒡ ᑲ ᓂᐸᐊᒡ ᐅᑕᐎᐛᐛ ᑭᔭ ᐅᑲᐎᐛᐛ ᑭᔭ ᐊᓐᒡ ᑲ ᓂᐸᐃᐛᒡ,

1 ᑎᒧᑎ 1:9 Iomraidhean Croise

ᐊᒃᓱᑕᔅ 20:13

ᐊᑲᐎᔾ ᒋᑭ ᓂᐸᐃᔨᐛᓐ᙮

ᐊᒃᓱᑕᔅ 21:14

ᒥᒄ ᐃᑕᔨᑕᒐ ᐊᐛᓐ ᒐᒋ ᓂᐸᐊᑦ ᐊᐛᔪᐛ ᑭᔭ ᓂᐸᐊᒐ ᒪᒃ, ᒋᑭ ᐎ ᓂᐸᐊᑭᓄᐤ᙮

ᒪᑎᔪᐤ 10:21

“ᐎᐧᑲᓂᓯᒪᐅᒡ ᒋᑭ ᐱᔅᑎᓇᐅᒡ ᐎᐧᑲᓂᓱᐛᐛ ᒐᒋ ᓂᐸᐊᑭᓄᔨᒋ ᑭᔭ ᐅᑕᐎᒪᐅᒡ ᐊᐅᑯᓐ ᒐ ᐃᑐᑐᐛᒡ ᐅᑦ ᐊᐛᓯᒧᐛᐛ, ᑭᔭ ᐊᐛᓯᒡ ᒋᑭ ᐃᑐᑐᐛᐅᒡ ᐅᓂᒋᐃᑯᐛᐛ ᒐᒋ ᓂᐸᐊᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:30

ᑭᔭ ᒧᓯᓇᐤ ᒥᒋ ᐊᔨᒧᒪᐅᒡ ᐊᐛᔪᐛ, ᐛᐧᑲᑕᐅᒡ ᑭᔭ ᒋᓴᒪᓂᑐᐛ, ᓇᔅᒡ ᑕᑈ ᓱᒋᒪᔭᔨᒐᐅᒡ, ᓇᔅᒡ ᑕᑈ ᒋᒋᐛ ᐃᑕᔨᒥᓱᐅᒡ ᑭᔭ ᓇᔅᒡ ᑲ ᐎ ᓂᓇᐸᐅᒧᒡ ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔅ ᒪᒥᔅᑭᒧᒡ ᑕᓐ ᐊᑐᐎᔅ ᒐᒋ ᐃᓯ ᒪᔭᒋ ᐱᒪᑎᓯᒡ᙮ ᓂᔅᑯᔅᑐᐛᐅᒡ ᐅᓂᒋᐃᑯᐛᐛ ᑭᔭ ᓇᒪ ᓇᔅᒡ ᐊᐱᓯᑐᐛᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:13

ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ ᑭᔭ ᐊᓂᔭ ᐊᓐᑕ ᐊ ᑕᑦ ᒐ ᐅᒋ ᐊᓂᔅᒐ ᐱᒪᑎᓯᔨᒋ ᒐᔅᑎᓇᔅ ᑕᑈ ᒐ ᒥᔭᑦ ᒥᓯᐛ ᐅᔭ ᐊᔅᒋᔪᐤ᙮ ᐅᔭ ᒪᒃ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᑯᑦ ᐊᑉᕋᐊᒻ ᓇᒪ ᐎ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓂᔪᐤ ᐛᒋ ᐃᑎᑯᑦ ᐅᔭ ᒐ ᐃᑐᑎᒪᑯᑦ᙮ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᑭᔭ ᐅᑯᐃᔅᑯᑕᑎᓯᐤ ᐊᒋ ᐃᓯ ᑭᓄᐛᐱᒥᑯᑦ ᐊᐅᑯᔪᐤ ᐛᒋ ᐃᑐᑎᒪᑯᑦ ᐅᔭ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:20

ᐃᔅᐱ ᑲ ᐱᔅᑎᓇᐧᒃ ᒋᓴᒪᓂᑐᐤ ᐅᐎᓱᐛᐅᓐ ᐊᑯᑕ ᑲ ᐅᒋ ᒋᔅᒐᔨᑕᒡ ᐊᐛᓐᒋ ᐊᔅᐱᔅ ᐛᔪᐅᒡ ᒥᒋᑐᑕᒡ᙮ ᒥᒄ ᒪᒃ ᑕᓐᑕ ᑲ ᐛᔪᐅᒡ ᒥᒋᑐᑕᑭᓄᐅᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᐊᑐᐎᔅ ᒋ ᐊᑐᔅᒐᒥᑭᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:14

ᐊᑲᐎᔾ ᐊᑯ ᒋᑭ ᐅᒋ ᑎᐸᔨᒥᑯᓇᐛᐤ ᒥᒐᑎᓯᐅᓐ ᐛᔅ ᑕᐸ ᐊᑯ ᒥᒄ ᐎᓱᐛᐅᓐ ᐊ ᓂᓇᐃᑎᒪᒄ ᒋᑭ ᐅᒋ ᓂᓇᐊᔨᑎᒥᐊᐛᐤ ᒋᓴᒪᓂᑐᐤ᙮ ᐛᔅ ᒋᓴᒪᓂᑐᐤ ᐅᐛᔪᒡ ᓱᐛᔨᒋᒐᐅᓂᒡ ᐊᑯᑕ ᐛᒋ ᐱᒪᒋᐃᑕᒄ᙮

ᑲᓚᓯᔭᓇ 3:19

ᒐᒂᔪᐤ ᒪᒃ ᐛᒋ ᒥᔭᑭᓄᐎᒡ ᐊᐛᓐᒋ ᐊᓂᔭ ᐎᓱᐛᐅᓂᔪᐤ ? ᒋ ᒥᔭᑭᓄᐎᒡ ᐊᓐᑕ ᐅᒋ ᒐᒋ ᐅᒋ ᓂᔅᑐᓇᒡ ᒥᒐᑎᓯᐅᓂᔪᐤ᙮ ᑭᔭ ᐊᔪᐅᒄ ᐅᔭ ᐎᓱᐛᐅᓂᔪᐤ ᒋᐸ ᐊᐱᑎᓂᔪᐤ ᒐ ᐃᔅᐱᔅ ᐊᑲ ᑎᑯᓯᓂᔨᒋ ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᐊᑉᕋᐊᒪ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ, ᐊᓐ ᑲ ᒥᔭᑭᓄᐅᑦ ᐊᓂᔭ ᐊᓱᑎᒪᒐᐅᓂᔪᐤ᙮ ᐊᓐᒋᓐᒡ ᒋ ᐸᑕᐅᒡ ᐅᔭ ᐎᓱᐛᐅᓂᔪᐤ ᐅᑕ ᐊᔅᒋᒡ᙮ ᒧᓱᓴ ᒪᒃ ᐊᐅᑯᓂ ᑲ ᐊᐱᒋᐊᒡ ᐊᓐᒡ ᐊᓐᒋᓐᒡ ᒐᒋ ᐛᐎᑎᒧᐛᑭᓄᔨᒋ ᐊᓂᔭᔪᐛ ᐃᔪᐛ ᐊᓂᔭᐤ ᐎᓱᐛᐅᓂᔪᐤ᙮

ᑲᓚᓯᔭᓇ 5:18

ᒧᔭᒻ ᑲ ᐸᔭᒋᓯᑦ ᐊᒐᐧᒄ ᑎᐸᔨᑕᒐ ᒋᐱᒪᑎᓯᐅᓄᐛᐛ ᓇᒪ ᐊᑯ ᒋᑭ ᐅᒋ ᒪᒋᒂᐱᐧᑲᑎᑯᓇᐛᐤ ᒍᐤ ᐊᔭᒥᐊᐅ ᐎᓱᐛᐅᓇ᙮

ᑲᓚᓯᔭᓇ 5:21

ᐎᒋ ᒧᔅᑕᓇᔨᑎᒧᒡ, ᒧᔅ ᒋᔎᐸᐅᒡ, ᑭᔭ ᒪᒧᐎᑐᐅᒡ ᒐᒋ ᐎᓂᓱᐤ ᐃᑐᑕᑐᒡ, ᑭᔭ ᓇᔅᒡ ᓇᒪ ᒋ ᒥᒪᔅᑎᓂᒧᒡ ᒐ ᐃᓯ ᒪᒥᒋᑐᑕᒡ᙮ ᓴᔅ ᔅᒋ ᐃᔭᒂᒥᑎᓇᐛᐤ ᒥᓐ ᒪᒃ ᒋᑭ ᐃᔭᒂᐃᑎᓇᐛᐤ ᐊᓐᒡ ᐅᔭ ᑲ ᐃᓯ ᐱᒪᑎᓯᒡ ᓇᒪ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᒋᑭ ᐅᒋ ᐃᓯ ᑎᐸᔨᑕᑯᓱᐅᒡ᙮

ᑲᓚᓯᔭᓇ 5:23

ᓇᔅᒡ ᔪᔅᐸᑎᓱᐅᒡ ᑭᔭ ᒥᔪ ᓂᓇᑭᑐᐛᔨᑕᒧᒡ ᑕᓐ ᐊ ᐃᓯ ᐱᒪᑎᓯᒡ᙮ ᓇᒪ ᑎᑯᓂᒐ ᐎᓱᐛᐅᓐ ᐊ ᒋᑕᐊᒪᒐᒥᑲᒡ ᐅ ᒐᒋ ᐃᓯ ᐱᒪᑎᓯᓇᓄᐅᒡ᙮

2 ᑕᓴᓗᓂᔭᓇ 2:8

ᐊᑯ ᒪᒃ ᒐ ᓄᑯᐊᑭᓄᐅᑦ ᐊᐛᓐ ᒋᒋᐛ ᐊ ᐊᐎᔨᑦ ᐊᓐ ᐊᑲ ᓇᔅᒡ ᑲ ᐊᐱᑕᔨᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ᙮ ᒥᒄ ᒪᒃ ᐃᔅᐱ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᐎᔾ ᒋᑭ ᓂᐸᐊᐤ ᐅᔭᔭᐅᓐ ᐊ ᐊᐱᒋᑕᑦ᙮ ᓇᔅᒡ ᒋᑭ ᓂᓱᐅᓇᒋᐊᐤ ᐃᔅᐱ ᑎᑯᓯᒐ ᐅᒋᔅᑕᔨᑕᑯᓱᐅᓂᒡ᙮

1 ᑎᒧᑎ 4:7

ᐊᑲᐎᔾ ᐊᐱᒋᑕ ᐊᓂᔭ ᐊᑲ ᒐᒂᓐ ᐃᑕᐱᑎᔨᒋ ᓂᑐᐎᔾ ᑎᐸᒋᒧᐅᓇ ᐊ ᑭᒐᔅᒋᒧᔨᓐ ᒪᒃ ᐊ ᒋᔅᑯᑎᒪᒐᔨᓐ ᒧᔭᒻ ᑕᑈ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐃᑕᐸᒋᑕᔨᓐ᙮ ᐅᔅᑕ ᐎ ᒋᔅᑯᑎᒪᓱ ᑕᓐᑕ ᐊᑐᐎᔅ ᒐᒋ ᐅᒋ ᓂᓇᐊᔨᑎᒥᐃᑦ ᒋᓴᒪᓂᑐᐤ᙮

1 ᑎᒧᑎ 6:20

ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮

2 ᑎᒧᑎ 2:16

ᐊᑲᐎᔾ ᐃᔭᔨᒪᔨᑎᒥᐃᑯ ᓂᑎᒥᒄ ᐃᔨᒧᐅᓐ ᐊᑲ ᐊᔨᒧᒪᑭᓄᐅᑦ ᒋᓴᒪᓂᑐᐤ, ᑭᔭ ᐊᑲ ᒋᐧᑲᐛᓯᑕᒂᒡ ᒐᒂᓐ ᐊ ᐃᔭᔨᒺᐛᔪᐛᒡ ᐛᔅ ᓇᒪ ᐎᒋᐃᑯᐤ ᐊᐛᓐ ᐅᔭ ᐊ ᐃᓯ ᐃᔨᒥᓇᓄᐎᒡ᙮ ᐃᑐᑕᑯᐤ ᒥᒄ ᐊᑐᐎᔅ ᒐᒋ ᐊᔭᐛᐱᒪᑦ ᒋᓴᒪᓂᑐᐛ᙮

2 ᑎᒧᑎ 3:2

ᐅᔅᑕ ᐎᔾ ᒋᑭ ᐃᑕᔨᒥᓱᐤ ᐊᐛᓐ, ᑭᔭ ᓇᔅᒡ ᑕᑈ ᒋᑭ ᓴᒋᑕᐅᒡ ᓱᓇᔭᔪᐤ᙮ ᓇᔅᒡ ᒋᑭ ᒪᒥᔽᒋᒥᓱᒡ, ᓇᔅᒡ ᒋᒋᐛ ᒋᑭ ᐃᑕᔨᒥᓱᒡ ᐊ ᐸᔅᑕᒧᒡ, ᑭᔭ ᓇᔅᒡ ᒋᑭ ᒪᒪᔭᔨᒐᐅᒡ᙮ ᑭᔭ ᓇᒪ ᒋᑭ ᐅᒋ ᓂᓇᐃᑐᐛᐅᒡ ᐅᓂᒋᐃᑯᐛᐛ᙮ ᓇᒪ ᓇᔅᒡ ᒋᑭ ᐅᒋ ᓂᓇᔅᑯᒧᒡ ᒐᒂᔪᐤ ᑭᔭ ᓇᒪ ᓇᔅᒡ ᒋᑭ ᐅᒋ ᐊᐱᑕᔨᒪᐅᒡ ᒋᓴᒪᓂᑐᐛ᙮

ᑕᐃᑕᔅ 1:10

ᐛᔅ ᒥᒐᑐᐅᒡ ᐊᐛᓐᒋ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᐎᔭᓯᒪᐅᒡ ᑯᑎᑲ ᐊᐛᔪᐛ ᓂᑎᒥᒄ ᐊ ᐃᓯ ᐃᔨᒥᒡ᙮ ᐊᑐᐎᔅ ᒪᒃ ᐃᑕᔨᑕᑯᓱᐅᒡ ᐊᓐᒡ ᑲ ᐃᔅᒋᔄᒡ ᒥᓯᐛ ᐊᐛᓐ ᑲ ᑕᑈᑕᐧᒃ ᒋᐸ ᓂᓇᐃᑎᒻ ᐎᓱᐛᐅᓂᔪᐤ᙮

ᑕᐃᑕᔅ 1:16

ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᑕᐃᑕᔅ 1:6

ᒋᐸ ᒥᔪ ᐊᔨᒧᒪᑭᓄᐤ, ᒋᐸ ᐸᐃᑯᐊᐤ ᐎᐛ, ᑭᔭ ᐅᑦ ᐊᐛᓯᒪ ᒋᐸ ᑕᑈᔭᔨᒪᔪᐛ ᒋᓴᓴ᙮ ᓇᒪ ᒋᐸ ᐅᒋ ᐊᒂᑕᔨᑕᑯᓯᔪᐛ, ᒋᐸ ᒥᔪ ᐱᓯᒋᑎᒥᔪᐛ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᐃᑉᕈᐛ 11:31

ᑭᔭ ᐊᓂᔭᐧᑲ ᐃᔎᐤ ᑲᒋ ᐊᑕᐛᑦ ᐎᔪᐤ, ᕋᐊᑉ ᑲ ᐃᓯᓂᐧᑲᓱᑦ, ᑭᔭ ᐎᔾ ᒋ ᑕᑈᔭᔨᒪᐤ ᒋᓴᒪᓂᑐᐛ ᐃᔅᐱ ᑲ ᐱᑎᑲᐊᑦ ᐊᓐᑕ ᐎᒋᒡ ᐊᓂᔭ ᐃᔅᕋᐃᓪ ᐃᔪᐛ ᑲ ᒋᒧᓴᐸᑎᒥᔨᒋ ᐊᓂᔭ ᐅᑕᓇᔪᐤ ᑭᔭ ᑲ ᐎᒋᐊᑦ ᒐ ᐊᑲ ᒋ ᓂᐸᐊᑭᓄᔨᒋ᙮ ᐊᓂᔭ ᒪᒃ ᑲ ᐃᑎᑦ ᓇᒪ ᐅᒋ ᓂᐸᐊᑭᓄᐤ ᐃᔅᐱ ᑲ ᓂᐸᐊᑭᓄᔨᒋ ᐊᓂᔭ ᐃᔪᐛ ᐊᓐᑕ ᒐᕆᑯᐤ ᑲ ᐎᒋᔨᒋ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

ᐃᑉᕈᐛ 12:16

ᑭᔭ ᐃᔭᒂᒥᒄ ᐊᑲ ᐛᐛᒡ ᐸᐃᒄ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ ᒪᒃ ᒐᒋ ᐃᓯᓇᑯᓯᔭᒄ ᐊᑲ ᐊᐱᑕᔨᒪᒄ ᒋᓴᒪᓂᑐᐤ ᒧᔭᒻ ᐊᓂᔭ ᐃᓴᐅ ᑲ ᐃᑎᑦ᙮ ᒋ ᐱᔅᑎᓂᒻ ᐊᓂᔭ ᑕᓐ ᐊᔅᒄ ᒋᐸ ᐊᓱᐤ ᒥᔭᑭᓄᐤ ᐎᔾ ᐊ ᐅᔅᑕᓯᒪᐅᑦ, ᐊᑯ ᐸᐃᒄ ᐎᔭᑭᓐ ᒥᒋᒥᔪᐤ ᐃᔭᐱᒡ ᒂ ᐅᑎᓇᐧᒃ᙮

1 ᐱᑕᕐ 2:7

ᒋᔨᐛᐤ ᒪᒃ ᑲ ᑕᑈᑎᒪᒄ ᒋᒋᐛ ᒋᑦ ᐃᑕᔨᒪᐛᐤ ᐅ ᐊᓯᓂᔾ᙮ ᐊᑯ ᒪᒃ ᐊᓐᒡ ᐊᑲ ᑕᑈᔭᔨᒪᒡ ᒐ ᐎ ᒋᔅᒋᓯᒡ ᐅᔭ ᑲ ᐃᑎᔅᑕᔨᒡ ᐊᓐᑕ ᒥᓯᓇᐃᑭᓂᒡ ᐅᔭ ᐊᓯᓂᔭ ᐊ ᐊᔨᒧᒪᑭᓄᔨᒋ, ᐊᓂᔭ ᐊᓯᓂᔭ ᑲ ᐊᑐᐛᔨᒪᒡ ᐊᓐᒡ ᑲ ᒥᒋᐛᐱᒐᒡ, ᐊᐅᒄ ᐊᓂᔭ ᒪᐅᒡ ᓂᑲᓐ ᑲ ᐃᑕᔨᑕᑯᓯᔨᒂᓂ᙮

1 ᐱᑕᕐ 3:20

ᐊᐅᑯᓐᒡ ᐅᒡ ᐊᓂᔭᐧᑲ ᑲ ᐱᒪᑎᓯᒡ ᒪᒂᒡ ᐊᓂᔭ ᓄᐛ ᑲ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ᙮ ᓇᒪ ᐅᒋ ᓂᓇᐃᑐᐛᓯᐱᓐᒡ ᒋᓴᒪᓂᑐᐛ, ᒥᒄ ᒪᒃ ᒋ ᓯᐱᔪᐛᓯᔅᑕᑯᐅᒡ ᒋᓴᒪᓂᑐᐛ᙮ ᒥᒄ ᔭᓇᐤ ᐊᐛᓐᒋ ᒋ ᐳᓱᐅᒡ ᐊᓂᔭ ᐅᐤᑎᔪᐤ, ᒋ ᐱᒪᒋᐃᑯᐅᒡ ᒪᒃ ᒋᓴᒪᓂᑐᐛ ᐊᓐᑕ ᐊᓂᔭ ᑲ ᐃᔅᒋᐳᑕᔨᒡ᙮

1 ᐱᑕᕐ 4:18

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒧᔭᒻ ᒥᓇᐅᔅ ᒐ ᐱᒪᒋᐊᑭᓄᐛᒂ ᐊᓐᒡ ᑲ ᑯᐃᔅᑯᑕᑎᓯᒡ, ᑕᓐ ᒐ ᐃᔅᐱᔨᒡ ᐎ ᐊᓐᒡ ᐅᒥᒋᑥᐅᒡ ᑭᔭ ᐊᓐᒡ ᑲ ᒪᓂᑐᐛᑎᓯᒡ ᐊᑲ ᐎ ᓂᓇᐃᑐᐛᒡ ᒋᓴᒪᓂᑐᐛ ?

ᒍᑦ 1:15

ᒥᓯᐛ ᐊᐛᔪᐛ ᒐᒋ ᑎᐸᔅᑯᓇᑦ᙮ ᒋᑭ ᑎᑯᓯᓐ ᒐᒋ ᓂᓱᐅᓇᒋᒪᑦ ᒥᓯᐛ ᐅᒥᒋᑥᐛ ᐊᑲ ᒋᓴᒪᓂᑐᐛᑎᓯᔨᒋ ᐊᓂᔭᔪᐛ ᐅᒋ ᐊᒋ ᐃᑐᑎᒥᔨᒋ ᒥᓯᐛ ᑕᓐ ᐊ ᐃᓯ ᒪᔭᑎᓂᔨᒡ᙮ ᒋᑭ ᑎᐸᔅᑯᓇᐤ ᑭᔭ ᐅᔭ ᓇᐸᐛ ᒥᓯᐛ ᑕᓐ ᑲ ᐃᓯ ᒥᒋ ᐊᔨᒧᒪᔨᒋ ᒋᓴᒪᓂᑐᐛ᙮”

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”

ᒋᔅᒐᔨᑕᑯᑕᒐᐅᓐ 22:15

ᐊᓐᒡ ᒪᒃ ᑲ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐅᒡ, ᐊᓐᒡ ᐎᓂᓱᐅᓂᒡ ᑲ ᐃᓯ ᐱᒥᐧᑯᐛᒡ ᐊᐛᔪᐛ, ᐊᓐᒡ ᑲ ᓂᐸᐃᐛᒡ ᑭᔭ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᓇᒪ ᒋᑭ ᒋ ᐱᒐᐅᒡ ᐊᓂᔭᔪᐤ ᐅᑕᓇᔪᐤ᙮