1 ᑎᒧᑎ 1:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐱᔅᒐ ᒪᒃ ᐊᐛᓐᒋ ᓇᒪ ᓴᔅ ᐊᐱᑕᔨᑎᒥᐃᑯᐅᒡ ᐅᔭ ᐊ ᐃᓯ ᑯᐃᔅᑯᐱᒪᑎᓯᓇᓄᐎᒡ᙮ ᐅᔅᑕ ᐃᑕᔨᑎᒥᐃᑯᐅᒡ ᒐᒋ ᐊᔨᒧᑕᒡ ᐊᓂᔭ ᒐᒂᔪᐤ ᐊᑲ ᓇᔅᒡ ᒐᒂᔪᐤ ᐃᓯ ᐎᒋᐃᑯᒡ᙮

1 ᑎᒧᑎ 1:6 Iomraidhean Croise

ᒪᑎᔪᐤ 18:12

“ᒪᒥᑐᓇᔨᑎᒧᒄ ᒪ ᐅ, ᓇᐸᐤ ᐊᓐ ᐊᔭᐛᑦ ᐸᐃᑯ ᒥᑕᓯᒥᑎᓄᐤ ᒪᔭᑕᓂᓴ ᐸᐃᒄ ᒪᒃ ᐊᓂᔭ ᐅᓂᓯᓂᔨᒋ᙮ ᒋᑭ ᓂᑭᑕᐤ ᐊᓂᔭ ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᐊᓐᑕ ᐊ ᐱᔅᑯᑕᐅᐧᑲᔨᒡ, ᒐ ᓇᓂᑐᐛᐱᒪᑦ ᐊᓂᔭ ᐸᐃᒄ ᑲ ᐅᓂᓯᓂᔨᒋ ᒪᔭᑕᓂᓴ᙮

1 ᑎᒧᑎ 5:15

ᓴᔅ ᐛᔅ ᑕᐅᒡ ᐊᓐᒡ ᑲ ᐸᐃᑯᓯᒡ ᐃᔎᐅᒡ ᐅᔅᑕ ᐊ ᐃᑕᔨᑕᒡ ᒥᒋᒥᓂᑐᐛ ᒐᒋ ᓂᓇᐃᑐᐛᒡ᙮

2 ᑎᒧᑎ 2:18

ᒋ ᓂᑭᑎᒧᒡ ᑕᑈᐅᓂᔪᐤ, ᐊᑯ ᑲ ᐃᑐᑐᐛᒡ ᐱᔅᒐ ᐊᓂᔭ ᑲ ᑕᑈᑎᒥᔨᒋ ᒐ ᐊᑲ ᒋ ᐊᑎ ᓴᐸᔨᑎᒥᔨᒋ ᐊ ᑕᑈᑎᒥᔨᒋ, ᐛᔅ ᒋ ᒋᔅᑯᑎᒪᒐᐅᒡ ᐊ ᐃᔅᒋᔄᒡ ᓴᔅ ᐊᒋ ᐅᓂᔅᑲᓇᑭᓄᔨᒋ ᑲ ᑕᑈᑎᒥᔨᒋ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

ᑕᐃᑕᔅ 1:10

ᐛᔅ ᒥᒐᑐᐅᒡ ᐊᐛᓐᒋ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐤ ᐅᑦ ᐃᔨᒧᐅᓂᔪᐤ ᑭᔭ ᐎᔭᓯᒪᐅᒡ ᑯᑎᑲ ᐊᐛᔪᐛ ᓂᑎᒥᒄ ᐊ ᐃᓯ ᐃᔨᒥᒡ᙮ ᐊᑐᐎᔅ ᒪᒃ ᐃᑕᔨᑕᑯᓱᐅᒡ ᐊᓐᒡ ᑲ ᐃᔅᒋᔄᒡ ᒥᓯᐛ ᐊᐛᓐ ᑲ ᑕᑈᑕᐧᒃ ᒋᐸ ᓂᓇᐃᑎᒻ ᐎᓱᐛᐅᓂᔪᐤ᙮

ᑕᐃᑕᔅ 3:9

ᑕᐅᒡ ᐊᐛᓐᒋ ᐊ ᒥᒋᐱᔨᒡ ᐊ ᐊᔨᒧᑕᒡ ᒍᐤ ᐃᔪᐤ ᐎᓱᐛᐅᓇ ᑕᓐ ᐊᓂᔭᔪᐛ ᒋᐸ ᑭᓄᐛᔨᑕᑭᓄᐅᔪᐛ ᑭᔭ ᐊ ᐊᔨᒧᑕᒡ ᑕᓐ ᐊ ᐃᑎᔅᑲᑐᔨᒋ ᐅᑦ ᐊᓂᔅᒐ ᐛᐧᑯᒪᑭᓄᐛᐛ᙮ ᐊᑲᐎᔾ ᐊᐱᑕᔨᑎᒧᒄ ᒐᒋ ᐊᔨᒧᑎᒪᒄ ᐅᔭ ᒐᒂᔪᐛ ᐛᔅ ᑕᐸ ᐎᔭᔅ ᐃᑕᐱᑎᓇ ᑭᔭ ᓇᒪ ᓇᔅᒡ ᐎᒋᐃᑯᐅᒡ ᐊᐛᓐᒋ᙮