1 ᑎᒧᑎ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᓐ ᒪᒃ ᑕᓐ ᑲ ᐃᓯ ᓯᒋᒥᑕᓐ ᐃᔅᐱ ᒐ ᐃᑐᑕᔭᓐ ᒪᓯᑐᓂᔭ ᒥᓐ ᒋᑦ ᐃᑎᓐ, ᐊᐅᒄ ᐊᓐ ᒐᒋ ᑕᔨᓐ ᐸᑎᒪ ᐊᓐᑕ ᐊᓐ ᐅᑕᓇᐤ ᐃᐱᓴᔅ ᐊ ᐃᓯᓂᐧᑲᑕᒡ ᒐᒋ ᒋᑕᐊᒧᐅᑥᐤ ᐊᓐᒡ ᐊᐛᓐᒋ ᐊᑲ ᒧᔭᒻ ᑲ ᐃᓯ ᒋᔅᑯᑎᒪᒐᒡ᙮

1 ᑎᒧᑎ 1:3 Iomraidhean Croise

ᐊᑈᔅᑕᓇᒡ 18:19

ᐊᑯ ᑲ ᒥᓯᑲᒡ ᐊᓐᑕ ᐃᐱᓴᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ, ᐊᑯᑕ ᐊᓐᑕ ᑈᓪ ᑲ ᓂᑭᑕᑦ ᐊᓂᔭ ᐳᕆᓯᓚᐃᒋ ᑭᔭ ᐊᑯᐎᓚᐃᒋ, ᐃᔭᒡ ᒋ ᐃᑐᑕᐅᒡ ᐎᔨᐛᐤ ᐊᓐᒡ᙮ ᐊᑯ ᑈᓪ ᒂ ᐱᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᐊᑯ ᒂ ᐃᔨᒥᐃᑐᒡ ᐊᓂᔭ ᒍᐤ ᐊ ᓯᒋᒪᑦ ᒐᒋ ᑕᑈᑕᑯᑦ ᑕᓐ ᐊ ᐃᔅᒋᔄᑦ᙮

ᐊᑈᔅᑕᓇᒡ 18:21

ᒥᒄ ᒋ ᐃᑕᐤ ᑈᓪ, ᐃᔅᐱ ᒐ ᔅᑐᑕᑦ, “ᓂᑭ ᑎᑯᓯᓐ ᒥᓐ, ᒋᓴᒪᓂᑐᐤ ᐃᑕᔨᑕᒐ ᒥᓐ ᒐᒋ ᑎᑯᓯᓂᔭᓐ᙮” ᐊᑯ ᒂ ᐳᓯᑦ ᐅᐤᑎᔪᐤ ᐊᓐᑕ ᐅᒋ ᐃᐱᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:26

ᐊᓐᒡ ᑲ ᑕᑈᑕᒡ ᒪᓯᑐᓂᔭᒡ ᑭᔭ ᐊᑲᔭᒡ ᑲ ᐃᓯᓂᐧᑲᑕᔨᒋ ᐊᔅᒋᔭ ᑲ ᑕᒡ ᒋ ᐃᑕᔨᑎᒧᒡ ᒐᒋ ᒪᒧᐅᓇᒡ ᓱᓇᔭᔪᐤ ᐊ ᐎ ᐎᒋᐊᒡ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᐊ ᑕᔨᒋ ᑲ ᒋᔅᑎᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

2 ᑯᕆᓐᑎᔭᓇ 11:4

ᒥᔅᑯᒡ ᐛᒋᐱᔪᐛ ᒥᒄ ᒐᒋ ᐃᓯ ᑕᑈᑎᒪᒄ ᑕᓐ ᐊ ᐃᓯ ᐛᐎᑎᒪᑕᑯᒡ ᐅᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᒋᔅᑯᑎᒪᒐᓱᒡ, ᐊ ᐃᑕᔨᒪᑯᒡ᙮ ᓇᔅᒡ ᒋᓂᑐᑐᐛᐛᐤ ᐊᐛᓐ ᐃᔭᒡ ᐊ ᐃᓯ ᐊᔨᒧᒪᑦ ᒋᓴᓴ ᑕᓐ ᑲ ᐃᓯ ᐊᔨᒧᑎᒪᑕᒡ ᓂᔭᓐ᙮ ᐊᓄᒡ, ᒥᒄ ᒋ ᐊᑎ ᐃᓯ ᑕᑈᐅᒐᔨᒪᐛᐤ ᐃᔭᒡ ᐊ ᐃᑕᔨᑕᑯᓯᑦ ᐊᒐᐧᒄ ᑕᓐ ᑲ ᐃᑕᔨᑕᑯᓯᑦ ᐊᓐ ᑲ ᐸᔭᒋᓯᑦ ᐊᒐᐧᒄ ᓂᔅᑎᒻ ᑲ ᐊᔭᐛᒄ᙮ ᑭᔭ ᐃᔭᒡ ᐊ ᐃᑎᑕᑯᒡ ᒥᔽᒋᒧᐅᓐ ᐊᓐ ᑲ ᐃᓯ ᐎᑎᒪᑕᒡ ᒥᒄ ᒋ ᐊᑎ ᐃᓯ ᑕᑈᑕᓇᐛᐤ᙮

ᐃᐱᓯᔭᓇ 4:14

ᐊᑯ ᒪᒃ ᓇᒪ ᒋᑭ ᐅᒋ ᐊᐛᓯᐅᐛᔨᑕᑯᓯᓇᓄᐤ᙮ ᒧᔭᒻ ᐊ ᐱᐸᒧᐛᐸᐅᑯᔭᐧᒄ ᑕᓐ ᐊ ᐃᓯ ᒋᔅᑯᑎᒪᒐᒡ ᑲ ᐎᔭᓯᐃᐛᒡ ᒐᒋ ᐃᓯᓇᑯᓯᔭᐧᒄ, ᐊᐅᒄ ᐊᓐᒡ ᐅᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᒥᒋᑐᑎᒥᔨᒋ ᓂᓇᐧᑯᐤ ᐊ ᐃᓯ ᐎᔭᓴᐊᒡ᙮

ᐱᓕᐱᔭᓇ 2:24

ᓂᑕᑈᐅᒐᔨᒪᐤ ᐅᑎᐸᔨᒋᒐᐤ ᒐᒋ ᓇᐃᐱᔨᑕᑦ ᑭᔭ ᓂᔾ ᐎᐱᒡ ᒐᒋ ᓂᑐᐛᐱᒥᑎᑯᒡ᙮

1 ᑎᒧᑎ 4:11

ᐊᔪᐅᒄ ᐅᔭ ᒋᐸ ᐃᓯ ᐎᓱᒪᐛᐅᒡ ᑭᔭ ᒋᐸ ᐃᓯ ᒋᔅᑯᑎᒧᐛᐛᐅᒡ ᐊᐛᓐᒋ ᑲ ᑕᑈᑕᒡ᙮

1 ᑎᒧᑎ 4:6

ᒧᔭᒻ ᒪᒃ ᐅᔭ ᐃᓯ ᐛᐎᑎᒧᑥᐛ ᐎᐧᑲᓂᓯᒪᐅᒡ ᒋᑭ ᒥᔪ ᐊᑐᔅᑯᐛᐤ ᙭ ᒋᓴᔅ ᐛᔅ ᒋᑭ ᒥᔪ ᓂᑕᐅᒋᐃᑯᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᓐ ᒥᔪ ᒋᔅᑯᑎᒪᒐᐅᓐ ᑲ ᐃᓯ ᓇᓴᐊᒥᓐ᙮

1 ᑎᒧᑎ 5:7

ᐊᔪᐅᒄ ᐅᔭ ᑭᔭ ᐃᓯ ᐛᐎᑎᒧᐅᒡ ᒥᓯᐛ ᐊᓐᒡ ᑲ ᑕᑈᑕᒡ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ᐊᑕᒪᔨᑕᑯᓱᐤ ᐊᐛᓐ᙮

1 ᑎᒧᑎ 6:10

ᐛᔅ ᓱᓇᔭᐤ ᐊ ᓴᒋᑕᑭᓄᐅᒡ ᐊᑯᑕ ᐛᒋᐱᔨᒡ ᓂᓇᐧᑯᐤ ᒥᒋᑥᐅᓐ᙮ ᐛᐛᒡ ᐊᑯᑕ ᑲ ᐅᒋ ᐳᓂᒡ ᑯᑎᑭᒡ ᐊ ᑕᑈᑕᒡ ᑭᔭ ᐊᑯᑕ ᓇᔅᒡ ᐛᒋ ᒪᒥᓯᒪᔨᑎᒥᐃᓱᒡ ᑯᑎᑭᒡ᙮

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

1 ᑎᒧᑎ 6:3

ᐊᑯ ᒪᒃ ᐊᐛᓐ ᐃᔭᒡ ᐊ ᐃᓯ ᒋᔅᑯᑎᒪᒐᑦ ᑭᔭ ᐊ ᐊᓏᑎᒺᑦ ᐊᓂᔭ ᐅᑎᐸᔨᒋᒐᐤ ᒋᓴᔅ ᙭ᑕ ᐅᑕᑈᐤ ᐃᔨᒧᐅᓂᔪᐤ ᑭᔭ ᐊᓂᔭ ᐊ ᒋᔅᑯᑎᒪᒐᓄᐎᒡ ᒐᒋ ᒋᓴᒪᓂᑐᐛᑎᓯᓇᓄᐎᒡ

2 ᑎᒧᑎ 1:18

ᑭᒪ ᒋ ᓄᑯᑥᑯᑦ ᐅᑎᐸᔨᒋᒐᐛ ᐊ ᒋᔅᑎᒪᒐᔨᒥᑯᑦ ᐊᓐᑕ ᐊᓂᔭ ᐊ ᒋᓯᑲᔨᒡ ᙭ᑕ ᒥᓐ ᑎᑯᓯᓂᔨᒐᓂ᙮ ᑭᔭ ᒋ ᒋᔅᒐᔨᑎᒺᓐ ᑕᓐ ᑲ ᐃᔅᐱᔅ ᒋ ᒥᔪᑐᑎᒧᐅᑦ ᐊᓐᑕ ᒪᒂᒡ ᐃᐱᓴᔅ ᑲ ᑕᐅᒡ᙮

2 ᒠᓐ 1:7

ᒥᒐᑦ ᑲ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ᐊᓏᑕᒡ ᑕᑈ ᐊᒋ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ᐎᔭᓯᐃᐛᑦ᙮

ᒋᔅᒐᔨᑕᑯᑕᒐᐅᓐ 2:14

ᒋ ᐎ ᐊᔨᒧᑎᒪᑎᓇᐛᐤ ᒐᒂᔪᐛ ᐊᑲ ᒪᔽᔨᑎᒥᐃᑯᔭᓐ᙮ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᓂᑐᑐᐛᒡ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐸᓚᒪ᙮ ᐅ ᐸᓚᒻ ᒋ ᒋᔅᑯᑎᒧᐛᐤ ᐸᓚᑲ ᑕᓐ ᒐᒋ ᐃᑐᑐᐛᔨᒋ ᐃᔅᕋᐃᓪ ᐃᔪᐛ ᒐᒋ ᒥᒋᑐᑎᒥᔨᒋ ᐊ ᒥᒋᔨᒋ ᒐᒂᔪᐤ ᐊᒋ ᒥᑐᔅᑕᐊᒧᐛᑭᓄᔨᒋ ᒥᓂᑐᐧᑲᓇ ᑭᔭ ᒐᒋ ᐎᓂᓱᐤ ᐱᒪᑎᓯᔨᒋ᙮

ᒋᔅᒐᔨᑕᑯᑕᒐᐅᓐ 2:20

ᒥᒄ ᒪᒃ ᒋ ᐎ ᐎᑎᒪᑎᓇᐛᐤ ᒐᒂᓐ ᐊᑲ ᒥᔽᔨᑎᒥᐃᑯᔭᓐ᙮ ᒋᓂᑐᑐᐛᐛᐤ ᐊᓐ ᐃᔎᐤ ᒐᓯᐸᓪ ᑲ ᐃᓯᓂᐧᑲᓱᑦ ᒧᔭᒻ ᐅᒋᔅᒋᐛᐃᒐᓱᐤ ᑲ ᐃᑕᐃᓱᑦ᙮ ᐎᔭᓯᐊᐤ ᓂᑦ ᐊᐱᒋᐊᑭᓇ ᐊ ᒋᔅᑯᑎᒧᐛᑦ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔨᒋ ᑭᔭ ᐊ ᐃᑐᑐᐛᑦ ᒐᒋ ᒥᒋᔨᒋ ᒐᒂᔪᐤ ᒥᓂᑐᐧᑲᓇ ᐊᒋ ᒥᑐᔅᑕᐊᒧᐛᑭᓄᔨᒋ᙮