1 ᑎᒧᑎ 1:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋᔾ ᑎᒧᑎ ᒋ ᒥᓯᓇᐊᒪᑎᓐ, ᒋᔾ ᒧᔭᒻ ᑎᐱᔨᐛ ᓂᑯᔅ ᑲ ᐃᑕᔨᒥᑕᓐ ᐛᔅ ᓂᔾ ᔅᒋ ᐎᒋᐃᑎᓐ ᐊᔭᔅᒃ ᒐᒋ ᓂᑕᐅᒋᔨᓐ ᐊᓐᑕ ᙭ ᐊ ᑕᑦ ᐃᔅ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᙭ ᒋᓴᔅ ᒋᑎᐸᔨᒋᒐᓯᒥᓄᐤ ᒋᑭ ᐎ ᒥᔨᒄ ᒋᓴᐛᑎᓯᐅᓂᔪᐤ, ᓱᐛᔨᒋᒐᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ᙮

1 ᑎᒧᑎ 1:2 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

ᑲᓚᓯᔭᓇ 1:3

ᓂ ᐱᑯᓴᔨᒪᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒐᒋ ᒋᓴᐛᑐᑕᑕᑯᒡ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮

1 ᑕᓴᓗᓂᔭᓇ 3:2

ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,

1 ᑎᒧᑎ 1:12

ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ᐅᑎᓂᑦ,

1 ᑎᒧᑎ 1:18

ᐅ ᒪᒃ ᒋᑦ ᐃᑎᓱᒥᑎᓐ ᒋᔾ ᑎᒧᑎ ᓂᑯᔅ᙮ ᓱᐧᒃ ᐛᐎᑕ ᐅ ᒥᔽᒋᒧᐅᓐ ᐛᔅ ᐊᐅᒄ ᐅᔭ ᑲ ᐃᓯ ᐊᔨᒧᒥᔅᒡ ᒐ ᐃᑐᐅᑦ ᐊᓐᒡ ᐅᒋᔅᒋᐛᐃᒐᓱᒡ ᐃᔅᐱ ᑲ ᓂᑲᓐ ᐊᔨᒧᑕᒡ ᒋ ᐱᒪᑎᓯᐅᓂᔪᐤ᙮ ᑭᓄᐛᔨᑎᒥᐃᑯᔨᓇ ᒪᒃ ᐊᓐ ᑲ ᐃᓯ ᐊᔨᒧᑕᒡ ᒋ ᐱᒪᑎᓯᐅᓐ ᒋᑭ ᐎᒋᐃᑯᓐ ᒐᒋ ᒥᔪ ᒪᓯᒐᔨᓐ ᐊᓐᑕ ᑕᑈᑎᒧᐅᓂᒡ ᐃᔅ᙮

1 ᑎᒧᑎ 6:20

ᒋᔾ ᑎᒧᑎ ᓂᓇᑭᑐᐛᔨᑕ ᑕᓐ ᑲ ᐃᓯ ᒥᔨᔅᒃ ᒋᓴᒪᓂᑐᐤ ᒐᒋ ᐃᑕᐱᑎᓯᐅᑦ᙮ ᐊᑲᐎᔾ ᐎᒋᐃᔨᒡ ᐊᓐᒡ ᑲ ᐊᔭᔨᒺᐛᐃᑯᒡ ᒐᒂᔪᐛ ᐊᑲ ᐎᒋᐃᐛᒥᑭᓂᔨᒋ ᐊᓐᑕ ᐃᔅ ᐊ ᒋᓴᒪᓂᑐᐛᑎᓯᓇᓄᐎᒡ᙮ ᐊᑲᐎᔾ ᐊᐱᓯᑐᐅᒡ ᐊᓐᒡ ᑲ ᐃᑎᑕᑯᓯᒡ ᒧᔭᒻ ᓇᔅᒡ ᒥᔅᑎ ᐊ ᒋᔅᒐᔨᑕᒡ ᒐᒂᔪᐤ ᐊᑲ ᒪᒃ ᐊᓐ ᒧᔭᒻ ᐃᓯ ᑭᒐᔅᒐᔨᑕᒡ᙮

2 ᑎᒧᑎ 1:2

ᒋᔾ ᑎᒧᑎ ᒋ ᒥᓯᓇᐊᒪᑎᓐ, ᒋᔾ ᓂᑯᓯᐧᑲᐅᓐ ᑲ ᓴᒋᐃᑕᓐ᙮ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒋᑭ ᒥᔪᑐᑕᒄ, ᒋᑭ ᒋᔅᑎᒪᒐᔨᒧᒄ ᑭᔭ ᒋᑭ ᒥᔨᒄ ᒋᔭᒪᔨᑎᒧᐅᓂᔪᐤ᙮

2 ᑎᒧᑎ 2:1

ᒋᔾ, ᓂᑯᓯᐧᑲᐅᓐ ᑎᒧᑎ, ᓱᒃ ᐎ ᓱᐧᑲᑎᓯ ᙭ ᒋᓴᔅ ᐅᒋᓴᐛᑎᓯᐅᓂᒡ ᐅᒡ᙮

ᑕᐃᑕᔅ 1:4

ᒋᔾ ᑕᐃᑕᔅ ᒋ ᒥᓯᓇᐊᒪᑎᓐ᙮ ᒧᔭᒻ ᑎᐱᔨᐛ ᓂᑯᔅ ᐊᐅᑯᓐ ᐊ ᐃᑕᔨᒥᑕᓐ ᐛᔅ ᐸᐃᑯᓄᒡ ᒋ ᐊᑎ ᐃᓯ ᑕᑈᑕᓇᓄᐤ᙮ ᓂᑦ ᐊᔭᒥᐊᐤ ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᒋᐱᒪᒋᐃᐛᒥᓄᐤ ᒐᒋ ᒋᓴᐛᑐᑕᔅᒡ ᑭᔭ ᒐᒋ ᒥᔨᔅᒡ ᒋᔭᒪᔨᑎᒧᐅᓂᔪᐤ᙮

ᑕᐃᑕᔅ 2:2

ᐎᑎᒧᐅᒡ ᐊᓐᒡ ᑲ ᒋᓴᐃᔪᐅᒡ ᒐᒋ ᓂᓇᑭᑐᐛᔨᑕᒡ ᑕᓐ ᐊ ᐃᑎᒡ, ᑭᔭ ᒐᒋ ᐃᑈᐧᑲᒡ, ᑭᔭ ᒐᒋ ᐃᓯ ᐱᒪᑎᓯᒡ ᒐᒋ ᐅᒋ ᒋᔅᑕᔨᒪᑭᓄᐎᒡ᙮ ᒋᐸ ᐎ ᓱᒋᑲᐳᐎᒡ ᑕᑈᑎᒧᐅᓂᒡ, ᑭᔭ ᓴᒋᐃᐛᐅᓂᒡ ᑭᔭ ᓯᐱᔪᐛᓯᐅᓂᒡ ᐃᔅ᙮

ᑕᐃᑕᔅ 3:15

ᒥᓯᐛ ᒪᒃ ᐊᐛᓐᒋ ᐅᑕ ᐊ ᑕᒡ ᐊ ᑕᔭᓐ ᒋ ᐛᒋᔭᒥᑯᒡ᙮ ᐛᒋᔭᒥᒡ ᒋᐎᒐᐛᑭᓄᐅᒡ ᐊᓐᒡ ᑲ ᑕᑈᑕᒡ᙮ ᒋᑦ ᐊᔭᒥᐊᔅᑎᒪᑎᓇᓐ ᒋᓴᒪᓂᑐᐤ ᒐᒋ ᒋᓴᐛᑐᑕᑕᒄ ᒥᓯᐛ ᐊ ᑎᓯᔭᒄ᙮

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮

2 ᒠᓐ 1:3

ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᐊᓂᔭᔪᐛ ᐅᑕᐎᒪᐤ ᐅᑯᓴ ᒋᑭ ᒋᓴᐛᑐᑕᑭᓄᐅᒡ, ᒋᑭ ᒋᔅᑎᒪᒐᔨᒥᑯᓄᐅᒡ ᑭᔭ ᒋᑭ ᒥᔨᑯᓄᐅᒡ ᒋᔭᒪᔨᑎᒧᐅᓂᔪᐤ᙮ ᑕᑈ ᐊᐅᑯᓐ ᒐ ᐃᓯ ᐊᔭᔭᐧᒄ ᐊ ᒋᔅᒐᔨᑎᒪᐧᒄ ᑕᑈᐅᓐ ᑭᔭ ᓴᒋᐃᐛᐅᓐ᙮

3 ᒠᓐ 1:4

ᓇᒪ ᑎᑯᓐ ᒐᒂᓐ ᐃᐛᒃ ᒐᒋ ᒥᔽᔨᑎᒥᐃᑯᔭᓐ ᐊ ᐃᑐᑕᑯᔭᓐ ᐊ ᐸᑎᒪᓐ ᓂᑦ ᐊᐛᓯᒥᒡ ᑕᑈ ᐊ ᐱᒪᑎᓯᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮

ᒍᑦ 1:2

ᑭᒪ ᐛᔪᒡ ᒋᓴᐛᑐᑕᑕᒄ ᒋᓴᒪᓂᑐᐤ᙮ ᑭᒪ ᑭᔭ ᐛᔪᒡ ᒥᔨᑕᒄ ᒋᔭᒪᔨᑎᒧᐅᓂᔪᐤ ᑭᔭ ᓴᒋᐃᐛᐅᓂᔪᐤ᙮