1 ᑎᒧᑎ 1:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

1 ᑎᒧᑎ 1:15 Iomraidhean Croise

ᒪᑎᔪᐤ 1:21

ᒋᑭ ᓇᐸᓯᐎᔪᐛ ᐊᓂᔭ ᐅᑦ ᐊᐛᓯᒪ, ᒋᓴᔅ ᒋᑭ ᐃᓯᓂᐧᑲᑕᐛᐤ, ᐛᔅ ᐊᐅᒄ ᐅ ᒐ ᐱᒪᒋᐊᑦ ᐅᑦ ᐃᔨᒪ ᐅᒥᒐᑎᓯᐅᓂᔨᒡ ᐅᒡ᙮” ᐊᐅᑯᐤ ᐅᔭ ᑲ ᐃᑎᑯᑦ ᒍᓯᑉ ᐊᓂᔭ ᐊᓐᒋᓇ᙮

ᒪᑎᔪᐤ 18:10

“ᐃᔭᒂᒥᒄ ᒪᒃ ᒐ ᐊᑲ ᒋ ᐊᑐᐛᔨᒪᑯᒡ ᐅᒡ ᐊᐛᓯᒡ, ᐛᔅ ᒋ ᐎᑎᒪᑎᓇᐛᐤ, ᐅᑦ ᐊᓐᒋᓂᒧᐛᐛ ᒋᒋᒋᓯᑯᒡ ᐊ ᑕᔨᒋ ᒧᔅ ᐃᔨᒥᔅᑎᒪᑯᐅᒡ ᐊ ᐅᑎᔅᑯᑲᐳᔅᑐᐛᔨᒋ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ᙮

ᒪᑎᔪᐤ 18:11

ᐸᒋ ᓇᓂᑐᐛᐱᒪᐤ ᐃᔪᐤ ᐅᑯᓯᓴᓐ ᐊᓂᔭᔪᐛ ᐊᐛᔪᐛ ᑲ ᐅᓂᓯᓂᔨᒋ ᒐᒋ ᐱᒪᒋᐊᑦ᙮”

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒪᑎᔪᐤ 9:13

ᓇᓂᑐ ᒋᔅᒐᔨᑎᒧᒄ ᒪ ᑲ ᐃᑎᔅᑕᒡ ᒋᒋᒥᓯᓇᐃᒐᐅᓐ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪᔭᐤ ᐊ ᒥᑐᔅᑕᐊᒪᓄᐅᒡ ᒐᒂᓐ᙮’ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᐎᓴᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:17

ᒋᓴᔅ ᒪᒃ ᒋ ᐸᑐᐛᐤ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᓗᒃ 15:2

ᐸᕆᓯᔨᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᐊᔨᒧᒪᐅᒡ ᒋᓴᓴ ᐊ ᐃᔅᒋᔄᒡ, “ᐅ ᓇᐸᐤ ᐎᒐᐛᑭᓂᑐᐛᐤ ᐊᓂᔭ ᑲ ᒥᒐᑎᓯᔨᒋ ᑭᔭ ᐎᒋ ᒥᒋᓱᒪᐤ᙮”

ᓗᒃ 19:10

ᐃᔪᐤ ᐅᑯᓯᓴᓐ ᒋ ᐸᒋ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ᐅᓂᓯᓂᔨᒋ᙮”

ᓗᒃ 5:32

ᓇᒪᔭᐤ ᐊᓐᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᒠᓐ 1:12

ᐊᓂᔭ ᒪᒃ ᐊᐛᔪᐛ ᑲ ᐅᑎᓂᑯᑦ ᑭᔭ ᑲ ᑕᑈᔭᔨᒥᑯᑦ ᒋ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᐅᑦ ᐊᐛᓯᒥᑐᑕᑯᔨᒋ ᒋᓴᒪᓂᑐᐛ᙮

ᒠᓐ 1:29

ᒥᓐ ᒪᒃ ᐊᓂᔭ ᐎᔭᐱᓂᔨᒡ ᒠᓐ ᒋ ᐛᐱᒪᐤ ᒋᓴᓴ ᐊ ᐸᒋ ᓇᑎᑯᑦ, ᐊᑯ ᒂ ᐃᔅᒋᔄᑦ, “ᑭᓄᐛᐱᒪᐧᒄ ᒪ ᐅ ᓇᐸᐤ, ᐊᐅᒄ ᐅᔭ ᒋᓴᒪᓂᑐᐤ ᐅᒪᔭᑕᓂᓯᒪ ᑲ ᐸᒋ ᐃᑎᓴᐛᑦ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᒠᓐ 12:47

“ᐊᓐ ᐊᐛᓐ ᐱᔭᑎᒧᒂ ᑕᓐ ᑲ ᐃᓯ ᐎᑎᒪᓐ ᐊᑲ ᒪᒃ ᓂᓇᐃᑎᒧᒂ, ᓇᒪ ᓂ ᑎᐸᔅᑯᓇᐤ᙮ ᓂᒋ ᑎᑯᓯᓐ ᐅᑕ ᐊᔅᒋᒡ ᓇᒪᔭᐤ ᒐᒋ ᑎᐸᔅᑯᓂᒐᔭᓐ ᒪᒃ ᓂᒋ ᑎᑯᓯᓐ ᒐᒋ ᐱᒪᒋᐃᐛᔭᓐ᙮

ᒠᓐ 3:36

ᐊᓐ ᒪᒃ ᐊᐛᓐ ᑲ ᑕᑈᔭᔨᒪᑦ ᐅᑯᓯᓯᒪᐛ ᐊᔭᐤ ᑲᒋᒡ ᐱᒪᑎᓯᐅᓂᔪᐤ, ᐊᑯ ᐊᓐ ᐊᐛᓐ ᐊᑲ ᓂᓇᐃᑐᐛᑦ ᐅᑯᓯᓯᒪᐛ ᓇᒪ ᒋᑭ ᐅᒋ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐅᓂᔪᐤ ᒋᑭ ᒪᑎᑯᔅᑲᑯᐤ᙮

ᐊᑈᔅᑕᓇᒡ 11:1

ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᐎᐧᑲᓂᓯᒪᐅᒡ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᒋ ᐸᑎᒧᒡ ᐊᓂᔭᔪᐤ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᑈᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 3:26

ᒋ ᐅᑎᓇᐤ ᒪᒃ ᒋᓴᒪᓂᑐᐤ ᐅᔭ ᐅᑦ ᐊᐱᒋᐊᑭᓇ ᒋᔨᐛᐤ ᒪᐅᒡ ᓂᔅᑎᒻ ᒐᒋ ᐃᑎᓴᐊᒪᑕᒄ᙮ ᒋᑭ ᓱᐛᔨᒥᑯᐛᐤ ᐊ ᐃᑐᑕᑯᐅᔭᒄ ᒥᓯᐛ ᐊ ᑎᓯᔭᒄ ᒐᒋ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:14

ᐛᐱᒥᑥᐛ ᓂᒡ ᒍᐤ ᐃᔪᒡ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᑐᑕᑯᒡ ᐱᔅᒐ ᑲᐤ ᒐᒋ ᓂᑐᐛᐱᒪᒡ ᒋᓴᒪᓂᑐᐛ ᑭᔭ ᒐ ᐱᒪᒋᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:6

ᐛᔅ ᐊᓐᑕ ᒪᒂᒡ ᑲ ᐃᓯᓇᑯᓯᔭᐧᒄ ᐊᑲ ᓇᔅᒡ ᒐᒋ ᐱᒪᒋᐃᓱᔭᐧᒄ, ᙭ ᒋ ᓂᐱᔅᑎᒧᐛᐤ ᒋᐱᔭᑎᑯᒡ ᐅᒥᒋᑥᐛ᙮ ᐊᓐᑕ ᒪᒃ ᒋᓴᒪᓂᑐᐛ ᑲ ᐎᔭᔨᑎᒥᔨᒋ ᐅᔭ ᒐᒋ ᐃᑐᑎᒪᑕᐧᒄ ᐊᑯᑕ ᑲ ᓂᐱᔅᑎᒪᑕᐧᒄ᙮

1 ᑯᕆᓐᑎᔭᓇ 15:9

ᐛᔅ ᓂᔾ ᒪᐅᒡ ᓇᒪ ᒐᒂᓐ ᓂᑦ ᐃᑕᔨᑕᑯᓯᓐ ᐊ ᑕᑎᓯᒡ ᒥᓯᐛ ᐊᓐᒡ ᑲ ᐅᑎᓇᑭᓄᐎᒡ ᐊᑈᔅᑕᓐᒡ ᒐᒋ ᐃᑕᐱᒋᐊᑭᓄᐎᒡ᙮ ᓇᒪ ᐛᐛᒡ ᓂ ᒋᔅᑕᔨᑕᑯᓯᓐ ᐊᑈᔅᑕᓐ ᒐᒋ ᐃᓯᓂᐧᑲᑎᑯᐅᔭᓐ ᐛᔅ ᓂᒋ ᓂᓇᐧᑲᒋᐃᒪᐛ ᒋᓴᒪᓂᑐᐤ ᐅᑦ ᐃᔨᒪ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

1 ᑎᒧᑎ 1:13

ᐊᑎ ᓇᔅᒡ ᐊᒋ ᐊᒂᑕᔨᑕᑯᓱᐅᒡ ᓂᓇᐧᑯᐤ ᐊᒋ ᐃᓯ ᒥᒪᔭᔨᒥᒃ ᑭᔭ ᐊᒋ ᐱᐸᔅᑕᒥᒃ ᑭᔭ ᐊᒋ ᓂᓇᐧᑲᒋᐃᒃ᙮ ᒥᒄ ᒪᒃ ᐃᔭᐱᒡ ᓂᒋ ᒋᔅᑎᒪᒐᔨᒥᒄ ᐛᔅ ᐊᓐ ᑲ ᐃᔅᐱᔅ ᒋ ᐊᓏᑎᒪᓐ ᓇᒪ ᓂ ᐅᒋ ᒋᔅᒐᔨᑕᓐ ᑕᓐ ᐊᓐ ᑲ ᐃᑎᔭᓐ᙮

1 ᑎᒧᑎ 1:19

ᓱᐧᒃ ᒧᓯᓇᐤ ᑕᑈᑕ ᑭᔭ ᓱᐧᒃ ᒧᔅ ᑯᐃᔅᒄ ᐃᑎᔾ ᑭᔭ ᓇᒪ ᒋᑭ ᐅᒋ ᒪᒥᓯᒪᔨᑕᓐ ᐊᑲ ᒥᒋᑐᑎᒥᓇ᙮ ᐛᔅ ᑕᐅᒡ ᐊᓐᒡ ᓇᔅᒡ ᐊᑲ ᐊᔨᒪᔨᑎᒥᐃᑯᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᒂ ᐊᑎ ᓂᓱᐅᓇᒋᑕᒡ ᐅᑕᑈᑎᒧᐅᓄᐛᐤ᙮

1 ᑎᒧᑎ 3:1

ᐊᐅᒄ ᐅ ᑕᑈ ᑎᔭᑈᒥᑲᒡ ᐃᔅᒋᔄᐅᓐ, ᐊᐛᓐ ᐊ ᐃᑕᔨᑎᒥᐃᑯᒂ ᒐᒋ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓇᔅᒡ ᒥᔽᓯᔪᐤ ᐅᔭ ᐊᑐᔅᒐᐅᓂᔪᐤ ᑲ ᐃᓯ ᐛᑕᔨᑎᒥᐃᑯᑦ ᒐᒋ ᐃᑐᑕᐧᒃ᙮

1 ᑎᒧᑎ 4:9

ᑕᑈᒥᑭᓐ ᐅ ᐃᔅᒋᔄᐅᓐ, ᑭᔭ ᑎᑯᓐ ᒐᒋ ᑕᑈᑕᑭᓄᐅᒡ᙮

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,

2 ᑎᒧᑎ 2:11

ᐛᔅ ᑕᑈᒥᑭᓐ ᐅ ᑲᒋ ᐃᓇᓄᐅᒡ, “ᒐ ᐎᒋ ᓂᐱᒪᐅᒂ, ᒋᑭ ᐎᒋ ᐱᒪᑎᓯᒪᓄᐤ ᑭᔭ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

1 ᒠᓐ 3:5

ᒋ ᒋᔅᒐᔨᑕᓇᐛᐤ ᙭ ᐊᒋ ᐸᒋ ᑎᑯᓯᐧᒃ ᒐᒋ ᐃᒐᓂᒧᐛᑦ ᐊᐛᔪᐛ ᐅᒥᒋᑥᐅᓂᔪᐛ ᑭᔭ ᐊᑲ ᓂᑕ ᐎᔾ ᐅᒋ ᒥᒋᑐᑕᐧᒃ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

1 ᒠᓐ 5:11

ᒪᐅᔭ ᒪᒃ ᐊ ᐃᑕᒋᒪᑦ ᒋᓴᒪᓂᑐᐤ ᐅᑯᓴ, ᒋᓴᒪᓂᑐᐤ ᔅᒋ ᒥᔨᑯᓄᐤ ᑲᒋᒡ ᐱᒪᑎᓯᐅᓂᔪᐤ, ᐊᓐ ᒪᒃ ᑲᒋᒡ ᐱᒪᑎᓯᐅᓐ ᐊᓐᑕ ᐅᑯᓴ ᐊ ᑕᔨᒋ ᐅᒋᐱᔪᐤ᙮

ᒋᔅᒐᔨᑕᑯᑕᒐᐅᓐ 21:5

ᐊᑯ ᐊᓐ ᑲ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᒂ ᐃᔅᒋᔄᑦ, “ᒥᓯᐛ ᒐᒂᓐ ᓄᐅᔅᒋᑕᓐ᙮” ᐊᑯ ᒂ ᐃᓯᑦ, “ᒥᓯᓇᑕᐊ ᐅ᙮ ᐛᔅ ᒋᑭ ᒋ ᑕᑈᑕᑭᓄᐤ ᑭᔭ ᑕᑈᒥᑭᓐ ᐅ ᐊ ᐃᔅᒋᔄᔭᓐ᙮”

ᒋᔅᒐᔨᑕᑯᑕᒐᐅᓐ 22:6

ᐊᑯ ᐊᓐ ᐊᓐᒋᓐ ᒂ ᐸᒋ ᐃᓯᑦ, “ᑕᑈᒥᑭᓂᔪᐤ ᐅᔭ ᑲ ᐃᔅᒋᔄᑦ ᑭᔭ ᒐᔅᑎᓇᑕᔨᑕᑯᓂᔪᐤ ᐊᑯᓐ ᒐ ᐃᔅᐱᔨᒡ᙮ ᐅᑎᐸᔨᒋᒐᐤ ᒋᓴᒪᓂᑐᐤ, ᐊᓐ ᑲ ᒥᔭᑦ ᐅᒋᔅᒋᐛᐃᒐᓱᐛ ᐎᔾ ᐅᑦ ᐊᒐᒂ ᒐᒋ ᐱᒋᔅᑲᑯᔨᒋ, ᒋ ᐸᒋ ᐃᑎᓴᐛᐤ ᐅᑦ ᐊᓐᒋᓇᒪ ᒐᒋ ᐛᐸᑎᔭᔨᒋ ᐅᑦ ᐊᐱᒋᐊᑭᓇ ᑕᓐ ᒐ ᐃᔅᐱᔨᒡ ᐎᐱᒡ᙮”

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮