1 ᑕᓴᓗᓂᔭᓇ 5:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᓇᒪ ᒪᒃ ᒋᐸ ᐅᒋ ᐃᑎᓇᓄᐤ ᒐ ᐊᑲ ᒋ ᐃᔭᐱᑕᔨᑎᒪᐧᒄ ᑭᔭ ᓇᔅᒡ ᒐ ᐊᑲ ᒋ ᓂᓇᑭᑐᐛᔨᑎᒪᐧᒄ ᑕᓐᑕ ᒐ ᐅᑎᒋᐱᔨᒡ ᐅᑎᐸᔨᒋᒐᐤ ᐅᒋᓯᑲᒻ ᒧᔭᒻ ᐊ ᐃᑎᒡ ᐊᓐᒡ ᐊᑲ ᑕᑈᑕᒡ ᒥᔽᒋᒧᐅᓂᔪᐤ᙮ ᒧᔅ ᒋᐸ ᐊᔭᔅᑯᐎᓇᓄᐤ, ᒧᔅ ᒋᐸ ᐎ ᐛᔅᑭᒪᔨᒧᓇᓄᐤ᙮

1 ᑕᓴᓗᓂᔭᓇ 5:6 Iomraidhean Croise

ᒪᑎᔪᐤ 13:25

ᐸᐃᒂᐤ ᒪᒃ ᐊ ᑎᐱᔅᑲᔨᒡ ᒪᒂᒡ ᒥᓯᐛ ᐊᐛᓐ ᐊ ᓂᐸᑦ, ᐊᑲ ᓇᐊᔨᒥᑯᑦ ᐊᐛᔪᐛ ᐊᓐ ᓂᑕᐅᒋᒐᓱᐤ ᒋ ᑎᑯᓯᓂᔪᐛ, ᐊᑯ ᑲ ᐅᔄᐛᐱᓂᒥᔨᒋ ᒥᒋ ᓱᒥᓇ ᐊᓐᑕ ᐅᓂᑕᐅᒋᑕᑭᓂᒡ᙮

ᒪᑎᔪᐤ 24:42

“ᐃᔭᒂᒥᒄ ᒪᒃ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᑕᐃᔅᐱ ᒐ ᑎᑯᓯᐧᒃ ᒋᑎᐸᔨᒋᒐᓯᒧᐛᐤ᙮

ᒪᑎᔪᐤ 25:13

ᐊᑯ ᒋᓴᔅ ᒂ ᐊᑎ ᐃᔅᒋᔄᑦ, “ᐊᐅᒄ ᒪᒃ ᐅ ᐅᒋ ᑭᔭ ᒋᔨᐛᐤ ᒧᔅ ᒋᐸ ᐊᔭᔅᑯᐎᓇᐛᐤ ᐛᔅ ᓇᒪ ᒋ ᒋᔅᒐᔨᑕᓇᐛᐤ ᐊᓂᒪ ᐊ ᒋᓯᑲᒡ ᑭᔭ ᒪᒃ ᑎᐸᐃᑭᓐ ᐱᓯᒧᐧᑲᓂᒡ ᒪᒂᒡ ᒐ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮”

ᒪᑎᔪᐤ 25:5

ᓇᒪ ᒪᒃ ᑎᐛᒡ ᐅᒋ ᑎᑯᓯᓄᐤ ᐊᓐ ᐅᔅᒋᓂᐳᐛᓐ᙮ ᒐᒃ ᒂ ᐎᓂᐸᒡ ᐊᓐᒡ ᐅᔅᒋᓂᒋᔎᓯᒡ, ᐊᑯ ᒐᒃ ᑲ ᑯᐎᐧᑯᓯᒡ᙮”

ᒪᑎᔪᐤ 26:38

ᐊᑯ ᒂ ᐃᑕᑦ ᐊᓂᔭ ᑲ ᐎᒐᐛᑦ, “ᓇᔅᒡ ᑕᑈ ᒥᓯᒪᔨᑎᒻ ᓂᑦ ᐊᒐᐧᒄ, ᒧᔭᒻ ᐊ ᓂᐱᔭᓐ ᓂᑦ ᐃᑎᒪᒋᔪᓐ, ᐊᑯᑕ ᐅᑕ ᑕᒄ ᒥᒄ ᒪᒃ ᐊᑲᐎᔾ ᓂᐸᒄ ᐊ ᐊᓱᐛᐱᒥᔭᒄ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:37

ᐅ ᒐ ᐃᑎᑎᑯᒡ, ᓂᑦ ᐃᑕᐅᒡ ᑭᔭ ᑯᑎᑭᒡ ᐊᐛᓐᒋ, ᐊᔭᔅᑯᐎᔅᑐᐛᐧᒄ᙮”

ᓗᒃ 12:37

ᒋᑭ ᓱᐛᔨᑕᑯᓱᐅᒡ ᒪᒃ ᐊᓐᒡ ᐊᐱᒋᐊᑭᓐᒡ ᒥᔅᑲᑯᑥᐛ ᐊᓂᔭ ᐅᒋᒪᒧᐛᐛ ᐊᒋ ᐊᔭᔅᑯᐎᔅᑐᐛᒡ᙮ ᒋ ᐎᑎᒪᑎᓇᐛᐤ ᒪᒃ, ᐊᓐ ᐅᒋᒪᐤ ᒋᑭ ᐊᔭᔅᑯᐎᔪᐤ ᐎᔾ ᒂᔅᒋᐱᓐ ᒐᒋ ᐃᑐᑎᒧᐛᑦ ᑕᓐ ᑲ ᐃᓯ ᐃᑐᑎᒪᑯᑦ ᑭᔭ ᒐ ᐎᓴᒪᑦ ᒐᒋ ᒥᒋᓱᔨᒋ, ᐛᐛᒡ ᐎᔾ ᒋᑭ ᐎᔅᑐᐛᐤ᙮

ᓗᒃ 12:39

“ᐎ ᓂᔅᑐᑎᒧᒄ ᐅ᙮ ᒧᔭᒻ ᐊᐛᓐ ᐎᒋᒡ ᐊ ᑕᑦ ᒋᔅᒐᔨᒪᑦ ᒪᒃ ᑲᓂᑕᐅᒋᒧᑎᔨᒋ ᒐ ᐸᒋ ᑎᑯᓯᓂᔨᒋ, ᒋᐸ ᐊᔭᔅᑯᐎᔅᑐᐛᐤ᙮ ᐊᑐᒡ ᐎ ᒋᐸ ᐅᒋ ᐱᔅᑎᓇᐤ ᒥᒄ ᒐᒋ ᐃᓯ ᑭᒐᒧᑎᔨᒋ ᐊᓐᑕ ᐎᒋᒡ᙮

ᓗᒃ 21:36

ᐃᔭᒂᒥᒄ᙮ ᐊᑲᐎᔾ ᐳᓂᒄ ᐊ ᐊᔭᒥᐊᔭᒄ ᐊ ᓂᑐᑎᒪᔭᒄ ᒐᒋ ᐊᔨᒋᑲᐳᐅᔭᒄ ᑭᔭ ᒐᒋ ᓴᐳᔅᑭᒪᒄ ᒥᓯᐛ ᑕᓐ ᒐ ᐃᔅᐱᔨᒡ᙮ ᑭᔭ ᒐ ᐊᑲ ᒋ ᐊᑐᐛᔨᒥᑕᒄ ᐃᔪᐤ ᐅᑯᓯᓴᓐ ᐃᔅᐱ ᐸᑕᔅᑎᒥᑲᐳᔅᑐᐛᒂ᙮” ᐊᐅᒄ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ᙮

ᓗᒃ 22:46

ᒋᓴᔅ ᒪᒃ ᒋ ᐃᑕᐤ, “ᑕᓐ ᐊ ᐃᑎᔭᒄ ᐛᒋ ᓂᐸᔭᒄ ? ᐅᓂᐧᒄ ᒐ ᐊᔭᒥᐊᔭᒄ ᒐ ᐊᑲ ᒋ ᓴᐧᑯᒋᐃᑯᔭᒄ ᑯᒂᒋᐃᐛᐅᓐ᙮”

ᐊᑈᔅᑕᓇᒡ 20:31

ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”

1 ᑯᕆᓐᑎᔭᓇ 15:34

ᐎ ᐛᔅᑭᒪᔨᑎᒧᒄ ᒪ᙮ ᐊᑯᓐ ᐊᑯ ᐃᔅᐱᔅ ᒥᒋᑐᑎᒧᒄ᙮ ᒋᐸ ᓴᒂᔨᒧᓇᐛᐤ ᐊ ᐃᑎᑎᑯᒡ ᐱᔅᒐ ᐊᓐᑕ ᐊ ᑎᓯᔭᒄ ᐊᑲ ᒋᔅᒐᔨᒪᒄ ᒋᓴᒪᓂᑐᐤ᙮

1 ᑯᕆᓐᑎᔭᓇ 16:13

ᐛᔅᑭᒥᓯᒄ, ᐊᒐᐧᑯᐅᓂᒡ ᐃᔅ ᐃᔭᒂᒥᒄ᙮ ᓱᒃ ᐊᔨᒋᑲᐳᐅᒄ ᑕᓐ ᐊ ᐃᓯ ᑕᑈᑎᒪᒄ᙮ ᐊᑲᐎᔾ ᑯᔅᑕᒋᒄ᙮ ᓱᒃ ᓱᒋᑲᐳᐅᒄ᙮

ᐃᐱᓯᔭᓇ 2:3

ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ᐃᑎᔭᐧᒄ ᔅᒋ ᐃᑎᓇᓄᐤ᙮ ᔅᒋ ᑐᑕᓇᓄᐤ ᒥᒄ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ᐃᔅᐱᔅ ᒋ ᒥᒐᑎᓯᔭᐧᒄ ᒋ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᐃᐱᓯᔭᓇ 6:18

ᐊᒐᐧᑯᐅᓂᒡ ᒧᔅ ᐃᓯ ᐊᔭᒥᐊᑕᐤ ᓂᓇᐧᑯᐤ ᐊ ᐃᓯ ᐊᔭᒥᐊᔭᐧᒄ ᑭᔭ ᓂᓇᐧᑯᐤ ᐊ ᐃᓯ ᓂᑐᑎᒪᔭᐧᒄ᙮ ᐅ ᒪᒃ ᐊ ᐃᓯ ᒋᔅᒋᓯᔭᐧᒄ ᐊᔭᔅᑯᐎᑕᐤ ᑭᔭ ᐊᑲᐎᔾ ᐳᓂᑕᐤ ᐊ ᐊᔭᒥᐊᔭᐧᒄ, ᒧᔅ ᑭᔭ ᐊᔭᒥᐊᔅᑎᒧᐛᑕᐅᓂᒋ ᐊᓐᒡ ᑲ ᑕᑈᑕᒡ᙮

ᐱᓕᐱᔭᓇ 4:5

ᐃᓯ ᐱᒪᑎᓯᒄ ᒥᓯᐛ ᐊᐛᓐᒋ ᒐᒋ ᒋᔅᒐᔨᒥᑕᑯᒡ ᐊᔅᐱᔅ ᒥᔪᑥᐛᒄ᙮ ᓴᔅ ᐸᓱᓇᑯᓂᔪᐤ ᒐ ᐃᔅᐱᔅ ᑎᑯᓯᐧᒃ ᐅᑎᐸᔨᒋᒐᐤ᙮

ᑯᓚᓯᔭᓇ 4:2

ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮

1 ᑕᓴᓗᓂᔭᓇ 4:13

ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᑎᒪᒄ ᑕᓐ ᐊ ᐃᔅᐱᔨᑦ ᐊᐛᓐ ᐊ ᐳᓂᐱᒪᑎᓯᑦ ᐊᒋ ᒪᒃ ᑕᑈᑕᐧᒃ ᒥᔽᒋᒧᐅᓂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐃᓯ ᒥᓯᒪᔨᑕᓇᐛᐤ ᐊ ᐃᓯ ᒥᓯᒪᔨᑕᒡ ᐊᓐᒡ ᐊᑲ ᐊᔭᒡ ᐊᔅᐸᔨᒧᐅᓂᔪᐤ᙮

1 ᑕᓴᓗᓂᔭᓇ 5:10

᙭ ᔅᒋ ᓂᐱᔅᑎᒪᑭᓄᐤ ᒐᒋ ᐎᒋ ᐱᒪᑎᓯᒪᐧᒄ ᒪᒂᒡ ᐊ ᐱᒪᑎᓯᔭᐧᒄ ᑭᔭ ᒪᒃ ᓂᐳᐛᒂ᙮

1 ᑕᓴᓗᓂᔭᓇ 5:8

ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ᑕᔭᐧᒄ ᐊ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ᐱᒪᒋᐅᔭᐧᒄ᙮

1 ᑎᒧᑎ 2:15

ᐃᔭᐱᒡ ᒪᒃ ᒋᑭ ᐱᒪᒋᐊᑭᓄᐤ ᐃᔎᐤ ᐊᓂᔭ ᐅᒋ ᐊ ᐛᐱᒪᐅᓱᑦ ᐃᔭᐱᒡ ᒪᒃ ᒧᔅ ᓇᔅᒡ ᐃᓯ ᓂᓇᑭᑐᐛᔨᒥᓱᑦ ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᑭᔭ ᐸᔭᒋ ᐱᒪᑎᓯᐅᓂᒡ ᒐᒋ ᐃᓯ ᐱᒧᑕᑦ᙮

1 ᑎᒧᑎ 2:9

ᓂ ᐱᑯᓴᔨᒪᐅᒡ ᑭᔭ ᐃᔎᐅᒡ ᐃᔭᒂ ᒐᒋ ᐃᑕᔅᐱᓱᒡ᙮ ᓇᒪ ᒋᐸ ᐅᒋ ᒥᔅᑎ ᐛᐛᑐᐛᐊᒪᓱᐅᒡ ᑭᔭ ᓇᒪ ᐊ ᒥᔅᑎ ᓱᓇᔭᐎᔨᒋ ᒐᒂᔪᐛ ᒋᐸ ᐅᒋ ᑭᒋᔅᑭᒧᒡ᙮

1 ᑎᒧᑎ 3:11

ᐎᐛᐛ ᒋᐸ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ᐱᒪᑎᓯᐅᒡ ᑭᔭ ᐃᔭᒂ ᒋᐸ ᐃᑐᑎᒧᒡ ᒥᓯᐛ ᒐᒂᔪᐤ᙮

1 ᑎᒧᑎ 3:2

ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

2 ᑎᒧᑎ 4:5

ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ᒪᒥᑐᓇᔨᑎᒥᓐ ᑕᓐ ᒥᒄ ᒐ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ᐃᑕᐱᒋᐃᔅᒃ ᒋᓴᒪᓂᑐᐤ᙮

ᑕᐃᑕᔅ 2:12

ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᓂᑭᑎᒪᐧᒄ ᒥᒐᑎᓯᐅᓐ ᑭᔭ ᒐ ᐊᑲ ᒋ ᒥᒋ ᒧᔅᑕᓇᔨᑎᒪᐧᒄ ᒐᒂᓐ ᐅᑕ ᐊᔅᒋᒡ᙮ ᑭᔭ ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᐃᔭᒂᒥᔭᐧᒄ ᑕᓐ ᐊ ᐃᑕᑎᓯᔭᐧᒄ, ᑭᔭ ᒐᒋ ᑯᐃᔅᑯᑕᑎᓯᔭᐧᒄ ᑭᔭ ᒐᒋ ᒋᓴᒪᓂᑐᐛᑎᓯᔭᐧᒄ ᐅᑕ ᐊᔅᒋᒡ ᐊ ᑕᐛᐧᒄ,

ᑕᐃᑕᔅ 2:6

ᑭᔭ ᓯᒋᒥᒡ ᐅᔅᒋᓂᒋᓱᐅᒡ ᒐᒋ ᐃᔭᒂᒥᒡ ᒥᓯᐛ ᑕᓐ ᐊ ᐃᑎᒡ᙮

1 ᐱᑕᕐ 1:13

ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

1 ᐱᑕᕐ 5:8

ᒧᔅ ᐃᔭᒂᒥᔅᑐᐛᐧᒄ ᒥᒋᒥᓂᑐᐤ, ᐊᓐ ᒧᔅ ᑲ ᐎ ᓇᓂᑐ ᒥᒋᐱᔨᑕᒄ, ᐛᔅ ᒧᔭᒻ ᒥᓯᐱᓱᐤ ᒧᔅ ᑲ ᐱᐸᒧᑕᑦ ᐊ ᐱᐸᓇᒧᑦ ᐊ ᓇᓂᑐᐤ ᒥᒋᓱᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒥᒋᒥᓂᑐᐤ ᒧᔅ ᓇᓂᑐᐛᔨᒪᐤ ᐊᐛᔪᐛ ᒐᒋ ᓂᓱᐅᓇᒋᐊᑦ᙮

ᒋᔅᒐᔨᑕᑯᑕᒐᐅᓐ 16:15

ᐅᑎᐸᔨᒋᒐᐤ ᒪᒃ ᐃᔅᒋᔄᐤ, “ᒧᔭᒻ ᑲᒋᒧᑎᑦ ᐊ ᐃᑕᔨᑕᑯᓂᔨᒡ ᐊ ᑎᑯᓯᐧᒃ ᐊᐅᑯᓐ ᒐ ᐃᑕᔨᑕᒂᒡ ᓂᔾ ᑎᑯᓯᓂᔭᓇ᙮ ᒋᑭ ᓱᐛᔨᑕᑯᓱᐤ ᒪᒃ ᐊᓐ ᐊᐛᓐ ᒐ ᐊᑲ ᑯᐎᐧᑯᓯᑦ ᐊ ᐎᓂᐸᑦ ᒪᒂᒡ ᐊ ᐊᓱᐛᐱᑦ ᑭᔭ ᒐ ᐊᔭᔅᑯᔅᑕᒂ ᐅᑦ ᐊᐱᒋᑕᐅᓇ ᒥᒄ ᒐᒋ ᐃᓯ ᐳᔅᑎᔅᑲᐧᒃ ᑭᔭ ᓇᒪ ᒋᑭ ᐅᒋ ᒧᓴᔅᑭᑕᐤ ᐎᐎᒐ ᒐᒋ ᓯᓴᒂᔨᒧᑦ ᒧᓴ ᐊᓐᑕ ᐊ ᐛᐱᒪᑭᓄᐅᑦ᙮”

ᒋᔅᒐᔨᑕᑯᑕᒐᐅᓐ 3:2

ᐅᓂᒄ᙮ ᔭᐃᒋᑕᒄ ᐊᓂᔭᔪᐛ ᒐᒂᔪᐛ ᑲ ᐃᔅᑯᐱᔨᒋ, ᓴᔅ ᒐᑲᑦ ᑲ ᓂᐱᒥᑲᒋ, ᐛᔅ ᓂ ᒋᔅᒐᔨᑕᓐ ᐊᑲ ᐊᔅᒄ ᓇᔅᒡ ᐃᑐᑎᒪᒄ ᑕᓐ ᑲ ᐃᑎᓱᒥᑕᒄ ᒋᓴᒪᓂᑐᐤ᙮