1 ᑕᓴᓗᓂᔭᓇ 5:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ᓯᔅᒋᑯᒡ ᐊ ᒧᓯᐅᑦ ᐃᔎᐤ ᐃᔅᐱ ᒐ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ᐃᑐᐅᒡ ᒐ ᐊᑲ ᓂᓇᐧᑲᑕᔨᒧᒡ᙮

1 ᑕᓴᓗᓂᔭᓇ 5:3 Iomraidhean Croise

ᑎᐱᑦ ᐅᓂᑭᒧᐅᓇ 35:8

ᐊᑯᔅ ᓴᒐᔾ ᒋᑭ ᐅᑎᑎᑯᐤ ᓂᓱᐅᓇᑎᓯᐅᓂᔪᐤ; ᐊᑯᔅ ᒪᒃ ᒋᑭ ᓇᒂᓱᐤ ᑎᐱᔽ ᐅᑦ ᐊᐃᐱᒡ ᑲᒋ ᑲᔭᑦ: ᐊᔪᐅᒄ ᓂᓱᐅᓇᑎᓯᐅᓂᔪᐤ ᒐ ᐃᓯ ᐸᒋᓯᐧᒃ᙮

ᑎᐱᑦ ᐅᓂᑭᒧᐅᓇ 48:6

ᑯᔅᑕᒍᐅᓂᔪᐤ ᒋ ᐅᑎᑎᓂᑯᐅᒡ ᐊᓐᑕ, ᑭᔭ ᐎᓯᒐᔨᑎᒧᐅᓂᔪᐤ, ᒧᔭᒻ ᐃᔎᐤ ᐊ ᐎ ᐛᐱᒪᐅᓱᑦ᙮

ᑎᐱᑦ ᐅᓂᑭᒧᐅᓇ 55:15

ᐊᑯᔅ ᓂᐳᐅᓂᔪᐤ ᒋᑭ ᐅᑎᑎᓂᑯᐅᐛᒡ, ᐊᑯᔅ ᑭᔭ ᒋᑭ ᒋᐱᔾ ᐃᑐᑕᐅᒡ ᓂᒂᔅᑲᓂᒡ: ᐛᔅ ᒥᒋᑥᐅᓂᔪᐤ ᑎᑯᓂᔪᐤ ᐅᑦ ᐃᑕᐅᓄᐛᒡ, ᑭᔭ ᐊᓐᑕ ᐊ ᐃᑕᒡ᙮

ᑎᐱᑦ ᐅᓂᑭᒧᐅᓇ 69:22

ᐊᑯᔅ ᐅᒥᒋᓱᐛᑭᓇᑎᑯᐛᐤ ᒋᑭ ᓇᒂᑭᓂᔅᑕᑯᐅᒡ: ᑭᔭ ᐊᓂᔭᔪᐤ ᒐᒋ ᐅᒋ ᒥᔽᐱᒪᐅᓯᐛᑯᐱᓇ, ᐊᑯᔅ ᒋᑭ ᐅᓇᐃᑭᓂᐎᔪᐤ᙮

ᒪᑎᔪᐤ 23:33

“ᒋᔨᐛᐤ ᒋᓇᐱᑯᒡ ᑭᔭ ᑲ ᐅᑯᓯᑐᑕᑕᑯᒡ ᒋᓇᐱᑯᒡ ᓇᔅᒡ ᑲ ᑭᔅᒋᐅᔭᒄ ᓂᑎᒥᒄ ᐊ ᐃᓯ ᐎᔭᓯᒪᑯᒡ ᐊᐛᓐᒋ, ᑕᓐᑕ ᒐᒋ ᐅᒋ ᐎᐧᑯᒋᐅᔭᒄ ᒐ ᐊᑲ ᒋ ᐃᑐᑕᔭᒄ ᒥᒋ ᐃᔅᑯᑕᒡ ?”

ᒠᓐ 16:21

ᐃᔅᐱ ᒐ ᐛᐱᒪᐅᓱᑦ ᐃᔎᐤ ᒥᓯᒪᔨᑎᒻ ᐛᔅ ᐅᑎᒋᐱᔪᐤ ᐊᑯ ᒐ ᐎᓯᒐᔨᑕᐧᒃ᙮ ᐃᔅᐱ ᒪᒃ ᑲ ᐱᒪᑎᓯᔨᒋ ᐊᓂᔭᔪᐛ ᐅᑦ ᐊᐛᓯᒪ ᐅᓂᒋᔅᒋᓯᑐᑎᒻ ᑕᓐ ᑲ ᐃᓯ ᐎᓯᒐᔨᑕᐧᒃ ᐛᔅ ᓇᔅᒡ ᑕᑈ ᒥᔽᔨᑎᒻ ᐊ ᒋᔅᒐᔨᑕᐧᒃ ᐊᐛᓴ ᐊᒋ ᐱᒪᑎᓯᔨᒋ ᐅᑕ ᐊᔅᒋᒡ᙮

ᐊᑈᔅᑕᓇᒡ 13:41

ᓂᑐᑎᒧᒄ ᒪ, ᒋᔨᐛᐤ ᓇᓂᑎᒻ ᑲ ᒥᒪᔭᔨᒐᔭᒄ, ᒪᒥᔅᑲᑕᔨᑎᒧᒄ ᑭᔭ ᓂᓱᐅᓇᑎᓯᒄ᙮ ᐛᔅ ᒐᒂᓐ ᓂᑭ ᑐᑕᓐ ᐅᑕ ᒪᒂᒡ ᐊᔅᒄ ᐊ ᐱᒪᑎᓯᔭᒄ ᐊᓐ ᒐ ᐊᑲ ᐅᒋ ᑕᑈᑎᒥᐃᑯᔭᒄ ᐊᑎ ᐊᐛᓐ ᐎ ᐎᑎᒪᑯᔭᒂ᙮” ᐊᔪᐅᒄ ᒪᒃ ᐅᔭ ᑲ ᐃᓯ ᐃᔨᒪᐊᑦ ᑈᓪ ᐊᓂᔭ ᐃᔪᐛ᙮

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

ᐃᑉᕈᐛ 12:23

ᐊᑯᑕ ᒪᒃ ᐊ ᑕᔨᒋ ᒥᓯᐛ ᒋᓴᒪᓂᑐᐤ ᐅᓂᔅᑎᒧᓴᓇ ᐊᓂᔭ ᒪᓯᓇᓱᔨᒋ ᐊᓐᑕ ᒋᒋᒋᓯᑯᒡ᙮ ᒋ ᐸᒋ ᓇᑕᐛᐤ ᒋᓴᒪᓂᑐᐤ ᐊᓐ ᒥᓯᐛ ᐊᐛᔪᐛ ᑲ ᑎᐸᔅᑯᓇᑦ᙮ ᐊᑯᑕ ᑭᔭ ᐅᑕ ᐊ ᑕᔨᒋ ᐅᑦ ᐊᒐᐧᑯᐛᐛ ᐊᓐᒡ ᐅᑯᐃᔅᑯᑕᑎᓯᐅᒡ ᓇᔅᒡ ᑲ ᑕᐱ ᑯᐃᔅᑯᓇᑯᐊᑭᓄᐎᒡ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

2 ᐱᑕᕐ 2:4

ᑕᐸ ᐃᔭᐱᒡ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭ ᐊᓐᒋᓇ ᑲ ᐅᓂᑐᑎᒥᔨᒋ, ᐃᔭᐱᒡ ᒥᒋ ᐃᔅᑯᑕᒡ ᒋ ᐃᑎᓴᐛᐤ᙮ ᐊᑯᑕ ᒪᒃ ᐊᓐᑕ ᒪᒂᒡ ᐊ ᑕᔨᒋ᙮ ᒪᒋᒂᐱᔅᑲᐛᑭᓄᐅᔪᐛ ᐊᓐᑕ ᐊ ᐅᑲᔅᑕᔭᔨᒡ᙮ ᐊᑯᑕ ᒪᒃ ᐊᓐᑕ ᒐ ᑕᔨᒋ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᑎᐸᔅᑯᓇᑭᓄᔨᒋ᙮