1 ᑕᓴᓗᓂᔭᓇ 5:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᒋᑦ ᐃᑎᓱᒥᑎᓇᐛᐤ ᐅᑎᐸᔨᒋᒐᐤ ᐊ ᐊᔨᒥᔅᑎᒧᐅᒄ ᒐᒋ ᐃᔨᒥᑐᐛᑭᓄᐎᒡ ᒥᓯᐛ ᒋᐧᑲᓂᓯᓄᐅᒡ ᐅᔭ ᒥᓯᓇᐊᒪᑯᓯᐅᓂᔪᐤ᙮

1 ᑕᓴᓗᓂᔭᓇ 5:27 Iomraidhean Croise

ᒪᑎᔪᐤ 26:63

ᒋᓴᔅ ᒪᒃ ᓇᒪ ᐅᒋ ᒋᔅᑐᐤ᙮ ᐊᑯ ᒥᓐ ᒂ ᐃᑎᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ, “ᑯᐃᔅᒄ ᒪ ᐸᒋ ᐎᑎᒧᐅᓇᓐ ᐊ ᐸᑕᔅᒃ ᐊᓐ ᐸᒪᑎᓯᑦ ᒋᓴᒪᓂᑐᐤ, ᐊᐅᒄ ᐊ ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:7

ᐊᑯ ᒂ ᑕᑈᑦ ᐊ ᒋᔄᐛᑦ ᐊ ᐃᔅᒋᔄᑦ, “ᒋᓴᔅ, ᒋᔾ ᑲ ᐅᑯᓯᑐᑕᔅᒃ ᒋᓴᒪᓂᑐᐤ ᒪᐅᒡ ᑲ ᐃᔅᐸᔨᑕᑯᓯᑦ, ᑕᓐ ᐛ ᐃᓯᐧᑯᔨᓐ ? ᒋᑦ ᐃᑎᓐ ᐊ ᐸᑐᐅᑦ ᒋᓴᒪᓂᑐᐤ, ᐊᑲᐎᔾ ᓂᓇᐧᑲᑕᔨᒧᐃ !”

ᐊᑈᔅᑕᓇᒡ 1:15

ᐸᐃᒂᐤ ᒪᒃ ᐊ ᒪᒧᐎᒡ ᐊᓐᒡ ᑲ ᑕᑈᑕᒡ, ᐱᑕᕐ ᒋ ᐱᓯᑯᐤ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᑲ ᐸᒋ ᒪᒧᐎᔨᒋ᙮ ᓴᓯᑲᓐ ᐸᐃᑯ ᒥᑕᓯᒥᑎᓄᐤ ᒥᓐ ᓂᓱᔪᐤ ᒋ ᑕᑎᓯᒐᓂᒋ᙮

ᐊᑈᔅᑕᓇᒡ 19:13

ᐱᔅᒐ ᒪᒃ ᒍᐤ ᐃᔪᒡ ᑲᒋ ᐎᐎᑎᓴᐛᒡ ᒥᒋ ᐊᒐᒂ ᒋ ᐱᐸᒧᑕᐅᒡ ᐊ ᑯᒋᑕᒡ ᒐᒋ ᐎᐎᑎᓴᐛᒡ ᒥᒋ ᐊᒐᒂ ᐅᑎᐸᔨᒋᒐᐛ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮ ᒋ ᐃᑕᐅᒡ ᐊᓂᔭᔪᐛ ᒥᒋ ᐊᒐᒂ, “ᒋᓴᔅ, ᐊᓂᔭ ᑈᓪ ᑲ ᐊᔨᒧᒪᑦ ᐊ ᑭᒐᔅᒋᒧᑦ, ᐊᐅᑯᓐ ᐊᓐ ᐅᑦ ᐃᓯᓂᐧᑲᓱᐅᓐ ᐅᒋ ᒋᑦ ᐃᑎᓱᒥᑎᓇᐛᐤ ᒐᒋ ᐸᒋ ᐎᐎᔭᒄ᙮”

ᑯᓚᓯᔭᓇ 4:16

ᐃᔅᐱ ᒋ ᐃᔨᒥᑕᔭᒂ ᐅ ᒥᓯᓇᐃᑭᓐ ᔭᐃᑕᔾ ᒐ ᐃᔨᒥᑐᐛᑯᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᓚᐅᑎᓯᔭ ᑲ ᐃᓯᓂᐧᑲᑕᔨᒡ ᐊ ᑕᒡ᙮ ᔭᐃᑕᔾ ᑭᔭ ᒐ ᐃᔨᒥᑕᔭᒄ ᐊᓐ ᒥᓯᓇᐃᑭᓐ ᒐ ᐸᑥᑯᐅᔭᒄ ᐊᓐᑕ ᓚᐅᑎᓯᔭ ᐊ ᑕᒡ ᒪᒧᐤ ᑲ ᐊᔭᒥᐊᐛᑎᓯᒡ᙮

1 ᑕᓴᓗᓂᔭᓇ 2:11

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐛᐎᒋᐃᑕᒡ ᒧᔭᒻ ᐅᑕᐎᒪᐤ ᐊ ᐃᓯ ᐛᐎᒋᐊᑦ ᐅᑦ ᐊᐛᓯᒪ᙮

2 ᑕᓴᓗᓂᔭᓇ 3:14

ᐊᐛᓐ ᐊᑕᒂ ᐊᓐᑕ ᐊ ᑕᔭᒄ ᐊᑲ ᐎ ᓂᓇᐃᑕᐧᒃ ᑕᓐ ᑲ ᐃᓯ ᒥᓯᓇᐊᒪᑕᒡ ᒋᔅᒋᓯᑐᑐᐛᐧᒄ᙮ ᐊᑲᐎᔾ ᐊᐱᑕᔨᒪᐧᒄ ᑭᔭ ᒐ ᓯᓴᒂᔨᒧᑦ᙮

1 ᑎᒧᑎ 1:18

ᐅ ᒪᒃ ᒋᑦ ᐃᑎᓱᒥᑎᓐ ᒋᔾ ᑎᒧᑎ ᓂᑯᔅ᙮ ᓱᐧᒃ ᐛᐎᑕ ᐅ ᒥᔽᒋᒧᐅᓐ ᐛᔅ ᐊᐅᒄ ᐅᔭ ᑲ ᐃᓯ ᐊᔨᒧᒥᔅᒡ ᒐ ᐃᑐᐅᑦ ᐊᓐᒡ ᐅᒋᔅᒋᐛᐃᒐᓱᒡ ᐃᔅᐱ ᑲ ᓂᑲᓐ ᐊᔨᒧᑕᒡ ᒋ ᐱᒪᑎᓯᐅᓂᔪᐤ᙮ ᑭᓄᐛᔨᑎᒥᐃᑯᔨᓇ ᒪᒃ ᐊᓐ ᑲ ᐃᓯ ᐊᔨᒧᑕᒡ ᒋ ᐱᒪᑎᓯᐅᓐ ᒋᑭ ᐎᒋᐃᑯᓐ ᒐᒋ ᒥᔪ ᒪᓯᒐᔨᓐ ᐊᓐᑕ ᑕᑈᑎᒧᐅᓂᒡ ᐃᔅ᙮

1 ᑎᒧᑎ 1:3

ᐊᓐ ᒪᒃ ᑕᓐ ᑲ ᐃᓯ ᓯᒋᒥᑕᓐ ᐃᔅᐱ ᒐ ᐃᑐᑕᔭᓐ ᒪᓯᑐᓂᔭ ᒥᓐ ᒋᑦ ᐃᑎᓐ, ᐊᐅᒄ ᐊᓐ ᒐᒋ ᑕᔨᓐ ᐸᑎᒪ ᐊᓐᑕ ᐊᓐ ᐅᑕᓇᐤ ᐃᐱᓴᔅ ᐊ ᐃᓯᓂᐧᑲᑕᒡ ᒐᒋ ᒋᑕᐊᒧᐅᑥᐤ ᐊᓐᒡ ᐊᐛᓐᒋ ᐊᑲ ᒧᔭᒻ ᑲ ᐃᓯ ᒋᔅᑯᑎᒪᒐᒡ᙮

1 ᑎᒧᑎ 5:21

ᐅ ᒪᒃ ᒋᑦ ᐃᑎᓱᒥᑎᓐ ᒋᓴᒪᓂᑐᐤ ᑭᔭ ᒋᓴᔅ ᙭ ᑭᔭ ᑲ ᐸᔭᒋᓯᒡ ᐊᓐᒋᓐᒡ ᐊ ᐸᑐᐅᒡ, ᓂᓇᐃᑕ ᐅ ᑕᓐ ᑲ ᐃᑎᓱᒥᑕᓐ ᐊᓄᒡ᙮ ᒥᓯᐛ ᒐᒂᓐ ᐊ ᐃᑐᑎᒥᓐ ᓄᑯᑕ ᑕᐱᑐᐤ ᐊ ᐃᑕᔨᒥᑥᐤ ᒥᓯᐛ ᐊᐛᓐᒋ᙮

1 ᑎᒧᑎ 5:7

ᐊᔪᐅᒄ ᐅᔭ ᑭᔭ ᐃᓯ ᐛᐎᑎᒧᐅᒡ ᒥᓯᐛ ᐊᓐᒡ ᑲ ᑕᑈᑕᒡ ᑭᔭ ᓇᒪ ᓂᑐᐎᔾ ᒋᑭ ᐅᒋ ᐃᓯ ᐊᑕᒪᔨᑕᑯᓱᐤ ᐊᐛᓐ᙮

1 ᑎᒧᑎ 6:13

ᒋᓴᒪᓂᑐᐤ ᒋ ᐱᔅᑎᓂᒻ ᒥᓯᐛ ᒐᒂᔪᐤ ᑲ ᐱᒪᑎᓯᒥᑭᓂᔨᒡ᙮ ᙭ ᒋᓴᓴ ᓇᔅᒡ ᒋ ᒋᔅᒐᔨᑕᑯᐅᐤ ᐊᐛᓐ ᐎᔾ ᐊᓐᑕ ᑲ ᐅᑎᔅᑯᑲᐳᔅᑐᐛᑦ ᑈᓐᑎᔭᔅ ᑈᓚᑕ᙮ ᑕᐱᔅᑯᓐ ᒋᓴᒪᓂᑐᐤ ᑭᔭ ᙭ ᒋᓴᔅ ᐊ ᐸᑐᐅᒡ, ᐅ ᒋ ᐎ ᐃᓯ ᓯᒋᒥᑎᓐ,

1 ᑎᒧᑎ 6:17

ᒋ ᓂᑐᐛᔨᒥᑎᓐ ᒪᒃ ᑎᒧᑎ, ᒐᒋ ᐎᑎᒧᐅᑥᐤ ᐊᓐᒡ ᑲ ᐛᔪᑎᓯᒡ ᒐ ᐊᑲ ᒋ ᒋᔅᑕᔨᒥᓱᒡ ᐊᓂᔭ ᐊ ᐛᔪᑎᓯᒡ ᑭᔭ ᒐ ᐊᑲ ᒋ ᐊᔅᐸᔨᒧᑐᑕᒡ ᐊᓂᔭ ᐊᑲ ᒐᔅᑎᓇᑕᔨᑕᑯᓂᔨᒡ ᐛᔪᑎᓯᐅᓂᔪᐤ᙮ ᒋᔅᒋᓱᒥᒡ ᐅᔅᑕ ᒋᓴᒪᓂᑐᐛ ᒐᒋ ᐊᔅᐸᔨᒧᑐᑐᐛᒡ ᐊᓐ ᑲ ᒥᔪ ᒥᔨᑕᐧᒄ ᒥᓯᐛ ᒐᒂᔪᐤ ᒐᒋ ᒥᔽᔨᑎᒥᐃᑯᐛᐧᒄ᙮

2 ᑎᒧᑎ 4:1

ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ᑕᑦ, ᐊᓐ ᒐ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᑲ ᓂᐱᔨᒋ, ᑭᔭ ᒥᓐ ᒐ ᑎᑯᓯᐧᒃ ᒐ ᒋᓴᐅᒋᒪᐅᑦ,

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮