1 ᑕᓴᓗᓂᔭᓇ 4:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᓂᐧᑲᓂᓯᑐᒄ ᒋ ᓂᑐᐛᔨᒥᑎᓇᓐ ᒐᒋ ᒋᔅᒐᔨᑎᒪᒄ ᑕᓐ ᐊ ᐃᔅᐱᔨᑦ ᐊᐛᓐ ᐊ ᐳᓂᐱᒪᑎᓯᑦ ᐊᒋ ᒪᒃ ᑕᑈᑕᐧᒃ ᒥᔽᒋᒧᐅᓂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐃᓯ ᒥᓯᒪᔨᑕᓇᐛᐤ ᐊ ᐃᓯ ᒥᓯᒪᔨᑕᒡ ᐊᓐᒡ ᐊᑲ ᐊᔭᒡ ᐊᔅᐸᔨᒧᐅᓂᔪᐤ᙮

1 ᑕᓴᓗᓂᔭᓇ 4:13 Iomraidhean Croise

ᒐᓂᓯᔅ 37:35

ᒥᓯᐛ ᐅᑯᓴ ᑭᔭ ᐅᑕᓂᓴ ᒋ ᐸᒋ ᓂᑐᐛᐱᒥᑯᐤ ᒐᒋ ᒥᔽᔨᒧᐃᑯᑦ, ᒥᒄ ᓇᒪ ᐅᒋ ᑕᑈᑎᒻ ᒐᒋ ᒥᔽᔨᒧᐛᑭᓄᐅᑦ᙮ ᒂ ᐃᔅᒋᔄᑦ, “ᓂᑭ ᐃᑐᑕᓐ ᒋᐱᔾ ᐊᔅᒋᒡ ᐊᔅᒄ ᐊ ᓇᐧᑲᑕᔨᒧᔭᓐ ᓂᑯᔅ ᒍᓯᑉ ᐅᒡ᙮”

ᒪᑎᔪᐤ 27:52

ᒋᐱᐃᒋᐛᐸ ᒋ ᔪᑕᐱᔪᐛ᙮ ᒥᒐᑦ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᑲ ᓂᐱᔨᒋ ᒋ ᐅᓂᔅᑲᓇᑭᓄᐅᔪᐛ᙮

ᒠᓐ 11:24

“ᓂ ᒋᔅᒐᔨᑕᓐ ᑕᑈ ᒥᓐ ᒐ ᐅᓂᔅᑲᑦ ᒪᔅᑕᔾ ᒋᓯᑲᔨᒐ,” ᒋ ᐃᑕᐤ ᒪᕐᑕ᙮

ᐊᑈᔅᑕᓇᒡ 13:36

ᐛᔅ ᑎᐱᑦ ᒋ ᐊᑐᔅᑯᐛᐤ ᒋᓴᒪᓂᑐᐛ ᑭᔭ ᒧᔅ ᒋ ᐃᑐᑎᒧᐛᐤ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ ᑲ ᐃᔅᐱᔅ ᐱᒪᑎᓯᑦ᙮ ᐊᑯ ᒂ ᓂᐱᑦ, ᒂᒋ ᓇᐃᐧᑯᐛᑭᓄᐅᑦ ᐊᓐᑕ ᑲ ᐱᒥᓯᒪᑭᓄᔨᒋ ᐊᓂᔭᐧᑲ ᐎᐧᑲᓂᓴ, ᐎᔪᐤ ᒪᒃ ᒋ ᐃᔭᔪᓂᔪᐤ᙮

ᐊᑈᔅᑕᓇᒡ 7:60

ᔅᑎᐱᓐ ᒋ ᓂᐱᔅᑯᐳᐤ, ᐊ ᒋᔄᐛ ᑕᑈᑦ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐛᐸᔨᑎᒧᐅᒡ ᐅᒥᒋᑥᐅᓄᐛᐤ᙮ ᐅᔭᔪᐤ ᑲ ᐃᑐᑐᐅᒡ ᐊᑲᐎᔾ ᒋᑭ ᐎ ᒪᑎᑯᔅᑲᑯᐅᒡ᙮” ᐊᐅᑯᐤ ᐅᔭ ᑲ ᐃᔅᒋᔄᑦ, ᐊᑯ ᒪᒃ ᒂ ᓂᐱᑦ᙮

ᐊᑈᔅᑕᓇᒡ 8:2

ᐱᔅᒐ ᒪᒃ ᐊ ᐊᔭᒥᐊᐛᑎᓯᒡ ᓇᐸᐅᒡ ᒋ ᓇᐃᐧᑯᐛᐅᒡ ᔅᑎᐱᓇ, ᓱᒃ ᐊ ᒪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:13

ᒐ ᐎ ᒋᔅᒋᓯᔭᒄ ᐅ ᓂᐧᑲᓂᓯᑐᒄ᙮ ᓴᔅ ᒥᒐᑥᐤ ᓂᒋ ᐎᔭᔨᑕᓐ ᒐᒋ ᓂᑐᐛᐱᒥᑎᑯᒡ ᒥᒄ ᒪᒃ ᒧᔅ ᒋ ᑎᑯᓐ ᒐᒂᓐ ᐊ ᓇᑲᐅᑯᔭᓐ᙮ ᐛᔅ ᓂ ᐱᑯᓴᔨᑕᓐ ᑭᔭ ᒋᔨᐛᐤ ᒐᒋ ᐎᒋᐃᑎᑯᒡ ᒐᒋ ᑕᑈᑎᒪᒄ ᒥᔽᒋᒧᐅᓐ ᒧᔭᒻ ᑲ ᐃᓯ ᐎᒋᐃᒂᐤ ᑯᑎᑭᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᑕᑈᑕᒡ᙮

1 ᑯᕆᓐᑎᔭᓇ 10:1

ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒋᓯᔭᒄ ᑕᓐ ᑲ ᐃᔅᐱᔨᒡ ᐊᓂᔭᐧᑲ ᒍᑕᐎᓄᐅᒡ ᐊᓐᒡ ᑲᒋ ᑕᒡ ᐊᓐᑕ ᐸᐧᑯᑎᔅᑭᒥᑲᒡ᙮ ᒋᓴᒪᓂᑐᐛ ᒋ ᐃᑎᓴᐛᔪᐛ ᑭᔅᑯᐅᓂᔎ ᒐᒋ ᐎᒐᐅᑯᒡ, ᐊᑯᑕ ᑲ ᐅᒋ ᓄᑯᑕᔨᒋ ᐊ ᑭᓄᐛᔨᒥᑯᒡ᙮ ᒥᓯᐛ ᒋ ᐊᓱᔅᑭᒧᒡ ᐎᓂᐸᑯᔪᐤ ᒋᓴᒪᓂᑐᐛ ᑲ ᑐᓂᒥᔨᒋ ᒐᒋ ᐱᒧᑕᒡ᙮

1 ᑯᕆᓐᑎᔭᓇ 12:1

ᓂᐧᑲᓂᓯᑐᒄ, ᐅ ᒐ ᐃᓯ ᐊᔨᒧᑎᒪᓐ, ᓇᔅᒡ ᑕᑈ ᒋ ᓂᑐᐛᔨᒥᑎᓇᐛᐤ ᒐᒋ ᓂᔅᑐᑎᒪᒄ᙮ ᐊᔪᑯᓂ ᐅᔭ ᒥᔨᐛᐅᓇ ᐸᔭᒋ ᐊᒐᐧᒄ ᑲ ᒥᔨᐛᑦ᙮

1 ᑯᕆᓐᑎᔭᓇ 15:6

ᒐᒃ ᒪᒧᐤ ᒂ ᓄᑯᓯᔅᑐᐛᑦ ᐅᔅᑕ ᐱᑕᑕᒡ ᑕᑐᐤ ᒥᑕᓯᒥᑎᓄᐤ ᐊᑎᓯᔨᒋ ᐊᓂᔭᔪᐛ ᑲ ᑕᑈᔭᔨᒥᑯᑦ᙮ ᐊᔅᒄ ᒥᒐᑦ ᐱᒪᑎᓯᔪᐛ ᐅᔭ ᑲ ᓄᑯᓯᔅᑐᐛᑦ᙮ ᐱᔅᒐ ᓴᔅ ᒋ ᐳᓂᐱᒪᑎᓯᔪᐛ᙮

2 ᑯᕆᓐᑎᔭᓇ 1:8

ᓂᐧᑲᓂᓯᑐᒄ ᒋ ᐎ ᒋᔅᒐᔨᑎᒥᐃᑎᓇᓐ ᑕᓐ ᑲ ᐃᔅᐱᔭᒡ ᓇᑕ ᐊᓇ ᐊᔅᒋᔾ ᐊᐃᓴ ᐊ ᐃᓯᓂᐧᑲᑕᒡ ᐊ ᑕᔭᒡ᙮ ᓇᔅᒡ ᑕᑈ ᓂᒋ ᑯᓯᑯᔅᑲᑯᓇᓐ ᑕᓐ ᑲ ᐃᓯ ᓂᒋᔅᑭᒪᒡ᙮ ᓴᔅ ᓂᒋ ᐃᑕᔨᑕᓇᓐ ᒐ ᐊᑲ ᒋ ᑎᔭᒡ᙮

ᐃᐱᓯᔭᓇ 2:12

ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ᐎᒐᐛᐛᐤ ᙭᙮ ᔅᒋ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓇᒪ ᒋ ᐅᒋ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ᒋᔅᒐᔨᒪᐛᐤ ᒋᓴᒪᓂᑐᐤ᙮

ᐃᐱᓯᔭᓇ 2:3

ᐊᐅᒄ ᒪᒃ ᐸᐃᒂᐤ ᒥᓯᐛ ᑲ ᐃᓯᓇᑯᓯᔭᐧᒄ ᑭᔭ ᒋᔭᓄᐤ, ᒥᒄ ᑕᓐ ᐛ ᐃᑎᔭᐧᒄ ᔅᒋ ᐃᑎᓇᓄᐤ᙮ ᔅᒋ ᑐᑕᓇᓄᐤ ᒥᒄ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ ᑭᔭ ᒋᒥᑐᓇᔨᒋᑭᓄᐛ᙮ ᐊᓐ ᒪᒃ ᑲ ᐃᔅᐱᔅ ᒋ ᒥᒐᑎᓯᔭᐧᒄ ᒋ ᐃᑕᔨᑕᑯᓂᑯᐱᓇ ᑕᑈ ᑭᔭ ᒋᔭᓄᐤ ᒐᒋ ᐛᐛᓯᐃᑕᐧᒄ ᒋᓴᒪᓂᑐᐤ᙮

1 ᑕᓴᓗᓂᔭᓇ 4:14

ᒋ ᑕᑈᑕᓇᓄᐤ ᐊᒋ ᓂᐱᑦ ᒋᓴᔅ ᑭᔭ ᐊᒋ ᐅᓂᔅᑲᓇᑭᓄᐅᑦ᙮ ᐊᐅᒄ ᒪᒃ ᐅ ᐛᒋ ᑕᑈᑎᒪᐧᒄ ᒋᓴᒪᓂᑐᐤ ᒥᓐ ᐸᓱᐛᒐ ᒋᓴᓴ ᒐ ᐊᓯᒡ ᐸᓱᐛᑦ ᑭᔭ ᐊᓂᔭᔪᐛ ᐊᐛᔪᐛ ᑲ ᓂᐱᔨᒋ ᐊᒋ ᑕᑈᔭᔨᒪᔨᒋ ᒋᓴᓴ᙮

1 ᑕᓴᓗᓂᔭᓇ 4:15

ᒋᔭᓄᐤ ᐊᔅᒄ ᒐ ᐱᒪᑎᓯᔭᐧᒄ ᑎᑯᓯᒐ ᒋᓴᔅ ᓇᒪ ᓂᑲᓐ ᒋᑭ ᐅᒋ ᓂᒋᔅᑯᐛᓄᐤ ᐊᔅᒄ ᐊᑲ ᓂᒋᐊᒡ ᐊᓐᒡ ᓴᔅ ᑲ ᓂᐱᒡ ᑲ ᑕᑈᑕᒡ᙮ ᐅ ᑲ ᐃᓯ ᐎᑎᒪᑕᒡ ᐎᔾ ᐅᑎᐸᔨᒋᒐᐤ ᒋ ᐃᑕᐤ ᐅᔭ᙮

1 ᑕᓴᓗᓂᔭᓇ 5:10

᙭ ᔅᒋ ᓂᐱᔅᑎᒪᑭᓄᐤ ᒐᒋ ᐎᒋ ᐱᒪᑎᓯᒪᐧᒄ ᒪᒂᒡ ᐊ ᐱᒪᑎᓯᔭᐧᒄ ᑭᔭ ᒪᒃ ᓂᐳᐛᒂ᙮

1 ᑕᓴᓗᓂᔭᓇ 5:6

ᓇᒪ ᒪᒃ ᒋᐸ ᐅᒋ ᐃᑎᓇᓄᐤ ᒐ ᐊᑲ ᒋ ᐃᔭᐱᑕᔨᑎᒪᐧᒄ ᑭᔭ ᓇᔅᒡ ᒐ ᐊᑲ ᒋ ᓂᓇᑭᑐᐛᔨᑎᒪᐧᒄ ᑕᓐᑕ ᒐ ᐅᑎᒋᐱᔨᒡ ᐅᑎᐸᔨᒋᒐᐤ ᐅᒋᓯᑲᒻ ᒧᔭᒻ ᐊ ᐃᑎᒡ ᐊᓐᒡ ᐊᑲ ᑕᑈᑕᒡ ᒥᔽᒋᒧᐅᓂᔪᐤ᙮ ᒧᔅ ᒋᐸ ᐊᔭᔅᑯᐎᓇᓄᐤ, ᒧᔅ ᒋᐸ ᐎ ᐛᔅᑭᒪᔨᒧᓇᓄᐤ᙮

2 ᐱᑕᕐ 3:4

ᒋᑭ ᐃᔅᒋᔄᐅᒡ ᒪᒃ ᐊ ᒪᔭᔨᒥᑕᑯᒡ, “ᑕᓐ ᒪᒃ ᐅ ᒐ ᑎᑯᓯᐧᒃ ᐅᑎᐸᔨᒋᒐᐤ ᒧᔅ ᑲ ᐸᒋ ᐊᔨᒧᒪᒄ᙮ ᑲ ᐃᔅᐱᔅ ᒋ ᐸᒋ ᑎᒂᒡ ᐅ ᐊᔅᒋᔾ ᒥᓯᐛ ᒐᒂᓐ ᒧᔅ ᐸᐃᑯᓄᒡ ᐃᔅᐱᔪᐤ᙮”

2 ᐱᑕᕐ 3:8

ᐸᐃᒄ ᒐᒂᓐ ᐊᑲᐎᔾ ᒋᑭ ᐅᒋ ᐅᓂᒋᔅᒋᓯᓇᐛᐤ ᓂᐧᑲᓂᓯᑐᒄ᙮ ᐸᐃᑯᓐ ᐃᔭᐱᒡ ᐃᑕᔨᑎᒥᐃᑯᐤ ᐅᑎᐸᔨᒋᒐᐤ ᐸᐃᒄ ᒋᓯᑲᐛ ᑕᓐ ᐊ ᐃᑕᔨᑎᒥᐃᑯᑦ ᐸᐃᒂᐤ ᒐᓯᐱᔪᐛ ᐱᐳᓇ᙮