1 ᑕᓴᓗᓂᔭᓇ 3:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐊᑲ ᐛᒋ ᐸᐃᒄ ᐊ ᑎᓯᔭᒄ ᒐᒋ ᒋᐛᑲᐳᔭᒄ ᐊᓐ ᐊ ᓂᓇᐧᑲᒋᐃᑯᔭᒄ ᙭ ᐅᒡ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐊᐅᑯᓐ ᑭᔭ ᑲ ᐃᓯ ᐎᔭᔨᑕᐧᒃ ᒋᓴᒪᓂᑐᐤ, ᒐᒋ ᓂᓇᐧᑲᒋᐃᑯᐛᐧᒄ ᐊ ᓇᓴᐅᒪᐧᑯ ᒋᓴᓴ᙮

1 ᑕᓴᓗᓂᔭᓇ 3:3 Iomraidhean Croise

ᑎᐱᑦ ᐅᓂᑭᒧᐅᓇ 112:6

ᒐᔅᑎᓇᔅ ᓇᒪᐎᔾ ᒋᑭ ᐊᒋᐸᔨᐊᑭᓄᐤ, ᐅᑯᐃᔅᑯᑕᑎᓯᐤ ᑲᒋᒡ ᒋᑭ ᒋᔅᒋᑐᐛᑭᓄᐤ᙮

ᓗᒃ 21:12

“ᐊᔅᒄ ᒪᒃ ᐊᑲ ᐃᔅᐱᔨᒋ ᐅᔭ ᒐᒂᔪᐛ, ᒋᑭ ᒪᑯᓂᑯᓇᐛᐤ ᐊᑯ ᒐ ᓂᓇᐧᑲᒋᐃᑯᐅᔭᒄ᙮ ᒋᑭ ᐃᑐᑕᐃᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ ᒐ ᑎᐸᔅᑯᓂᑕᑯᒡ, ᐊᑯ ᒐ ᒋᐸᐅᑕᑯᒡ᙮ ᑭᔭ ᒋᑭ ᐃᑐᑕᐃᑯᐛᐅᒡ ᒋᓴᐅᒋᒪᐛ ᑭᔭ ᒋᓴᐅᒋᒪᓴ ᒐᒋ ᑎᐸᔅᑯᓂᑕᑯᒡ ᓂᔾ ᐅᒋ ᐊ ᐸᒋ ᓇᓴᐎᔭᒄ᙮

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᐊᑈᔅᑕᓇᒡ 2:25

ᐊᓂᔭ ᒪᒃ ᒋᓴᐅᒋᒪᐤ ᑎᐱᑦ ᒋ ᓂᑲᓐ ᐊᔨᒧᒪᑯᐱᓇ ᒋᓴᓴ ᑲ ᐃᔅᒋᔄᑦ, ᒧᔅ ᓂ ᐛᐱᒪᐤ ᐅᑎᐸᔨᒋᒐᐤ ᐅᑎᔅᑯᐤ ᐅᑕ ᐊ ᑕᔭᓐ᙮ ᒥᒋᒪ ᐊ ᑕᔭᓐ ᑕᐤ ᓇᒪ ᒪᒃ ᓂᑭ ᐅᒋ ᒥᑯᔅᑲᑕᔨᑕᓐ᙮

ᐊᑈᔅᑕᓇᒡ 21:11

ᐊᑯ ᒂ ᐸᒋ ᓂᑐᐛᐱᒥᔨᒥᑦ ᐅ ᓇᐸᐤ, ᒂ ᐅᑎᓂᒺᑦ ᑈᓚ ᐅᐱᒂᑕᐅᓂᔪᐤ, ᒂ ᒪᑯᐱᑕᐧᒃ ᐅᓯᑕ ᑭᔭ ᐅᑎᒋᔭ ᐊᑯ ᑲ ᐃᔅᒋᔄᑦ, “ᒪᐅ ᐊ ᐃᔅᒋᔄᑦ ᑲ ᐸᔭᒋᓯᑦ ᐊᒐᐧᒄ, ᐊᐅᑯᓐ ᒐ ᐃᑕᐱᒂᑎᑯᑦ ᐊᓂᔭ ᒍᐤ ᐃᔪᐛ ᒋᕈᓯᓕᒥᒡ ᑲ ᑕᔨᒋ ᐊᓐ ᐊᐛᓐ ᑕᐱᔨᐛᐅᓯᑦ ᐅᔭ ᐱᒂᑕᐅᓂᔪᐤ᙮ ᒋᑭ ᐃᓯ ᐱᔅᑎᓱᐛᑎᑯᐤ ᑭᔭ ᐅᔭ ᐃᔪᐛ ᐊᓐᑕ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ᙮”

ᐊᑈᔅᑕᓇᒡ 21:13

ᒥᒄ ᒪᒃ ᓂᒋ ᐃᑎᑯᓇᓐ, “ᒐᒂᓐ ᐛᒋ ᒪᔭᒄ, ᓂ ᑯᓯᑯᑕᐊᓐ ᐊ ᒪᔭᒄ᙮ ᐃᔭᐱᒡ ᐛᔅ ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ᙮ ᓴᔅ ᐛᔅ ᐊᓐ ᓂᑦ ᐊᔭᔅᑯᔨᓐ ᓇᒪ ᒥᒄ ᒐᒋ ᒋᐸᐅᑯᔭᓐ ᐅᑎᐸᔨᒋᒐᐤ ᒋᓴᔅ ᐅᑦ ᐃᓯᓂᐧᑲᓱᐅᓐ ᐅᒋ, ᓂᑦ ᐊᔭᔅᑯᔨᓐ ᑭᔭ ᒐ ᐎ ᓂᐸᐃᑯᐛᓇ ᐎᔾ ᐅᒡ᙮”

ᐊᑈᔅᑕᓇᒡ 9:16

ᐛᔅ ᓂᔾ ᓂᑭ ᐛᐸᑎᔭᐤ ᑕᓐ ᒐ ᐃᓯ ᓂᓇᐧᑲᑕᔨᒧᑦ ᓂᔾ ᐅᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:3

ᐊᐅᒄ ᒪᒃ ᐛᒋ ᐃᓯᓇᑯᓯᔭᐧᒄ ᐃᔭᐱᒡ ᐊ ᒧᒋᒐᔨᑎᒪᐧᒄ ᐊᑎ ᐊᓐᑕ ᒪᒂᒡ ᐊ ᐊᔨᒥᐅᔭᐧᒄ, ᐛᔅ ᒋ ᒋᔅᒐᔨᑕᓇᓄᐤ ᐊᓐᑕ ᐊᓐ ᐊ ᐊᔨᒥᐅᔭᐧᒄ ᐊᑯᑕ ᐛᒋ ᐊᑐᐎᔅ ᓱᒐᔨᑕᑯᓯᔭᐧᒄ᙮

1 ᑯᕆᓐᑎᔭᓇ 15:58

ᐊᐅᒄ ᒪᒃ ᐅ ᐛᒋ ᓯᒋᒥᑎᑯᒡ ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᐊᔨᒋᑲᐳᐅᒄ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᑲᐎᔾ ᓄᑎᐳᓂᒄ᙮ ᓱᒃ ᒧᔅ ᐊᑐᔅᒐᔅᑐᐛᐧᒄ ᐅᑎᐸᔨᒋᒐᐤ᙮ ᐛᔅ ᒋ ᒋᔅᒐᔨᑕᓇᐛᐤ ᒐᔅᑎᓇᔅ ᐊᑲ ᒐᔅᑲ ᔭᐱᑎᓯᔅᑎᐛᒄ ᐅᑎᐸᔨᒋᒐᐤ᙮

1 ᑯᕆᓐᑎᔭᓇ 4:9

ᓂᔾ ᒪᒃ ᐊ ᐃᑕᔨᑎᒪᓐ ᒋᓴᒪᓂᑐᐤ ᓂᒋ ᐃᓯᐃᑯᐅᓇᓐ ᓂᔭᓐ ᐊᑈᔅᑕᓇᒡ ᑲ ᐃᑎᐱᔭᒡ ᓇᔅᒡ ᓂᑕᒡ ᒐᒋ ᐃᑕᔨᑕᑯᓯᔭᒡ ᐃᔅᐱᔅ ᐎ ᒐᒋ ᒋᓴᐅᒋᒪᐎᔭᒡ᙮ ᓇᒪ ᓇᔅᒡ ᓂ ᒋᔅᑕᔨᑕᑯᓯᓇᓐ᙮ ᒧᔭᒻ ᓇᐸᐅᒡ ᒐ ᑎᐸᔅᑯᓇᑭᓄᐎᒡ ᒐ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮ ᓂᒋ ᐊᐃᑯᐅᓇᓐ ᐊᓐᑕ ᒥᓯᐛ ᐊᐛᓐ ᒐᒋ ᓂᓇᑭᑐᐛᔨᒥᔨᒥᑦ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ᙮ ᑕᐱᔅᑯᓐ ᐃᔪᒡ ᑭᔭ ᐊᓐᒋᓐᒡ ᓂᓇᑭᑐᐛᔨᒥᑯᓇᓐᒡ᙮

ᐃᐱᓯᔭᓇ 3:13

ᐊᐅᒄ ᒪᒃ ᐅ ᐛᒋ ᐊᑲ ᓇᔅᒡ ᓂᑐᐛᔨᒥᑎᑯᒡ ᒐᒋ ᒥᓯᒪᔨᑎᒥᐃᑯᔭᒄ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ ᒪᓐ ᒋᔨᐛᐤ ᐅᒋ, ᐛᔅ ᒋᑭ ᐎᒋᐃᑯᓇᐛᐤ ᐅ ᒥᓯᐛ ᑕᓐ ᐊ ᐃᔅᐱᔭᓐ᙮

ᐱᓕᐱᔭᓇ 1:28

ᐊᑲᐎᔾ ᒋᑭ ᐅᒋ ᑯᔅᑕᐛᐅᒡ ᐊᓐᒡ ᐅᔭᔅ ᑲ ᐎ ᐃᑐᑕᑕᑯᒡ ᒥᔽᒋᒧᐅᓂᔪᐤ ᐊ ᐛᐎᑎᒺᒄ᙮ ᐛᔅ ᐊᐅᑯᐤ ᒐ ᐅᒋ ᒋᔅᒐᔨᑕᒡ ᐎᔨᐛᐤ ᒐ ᐅᓇᑎᓯᒡ ᑭᔭ ᐊᐅᑯᐤ ᒐ ᐅᒋ ᐛᐸᑕᒡ ᒋᔨᐛᐤ ᒐ ᐱᒪᒋᐃᑯᐛᒄ᙮ ᒋᓴᒪᓂᑐᐤ ᒪᒃ ᐎᔾ ᒥᓯᐛ ᒋᑭ ᐃᑐᑎᒻ ᐅᔭ ᒐᒋ ᐃᔅᐱᔨᒡ᙮

ᑯᓚᓯᔭᓇ 1:23

ᒋ ᓂᑐᐛᔨᑕᑯᓯᓇᐛᐤ ᔭᐃᑕᔾ ᒐᒋ ᑭᓄᐛᔨᑎᒪᒄ ᑕᓐ ᐊ ᐃᓯ ᑕᑈᑎᒪᒄ ᐅ ᒥᔽᒋᒧᐅᓐ, ᐛᔅ ᐊᑯᑕ ᐅ ᐛᒋ ᒐᔅᑎᓇᒋᑲᐳᐅᔭᒄ᙮ ᐊᑲᐎᔾ ᒪᒃ ᒋᑭ ᐅᒋ ᐃᓯᓇᑯᓯᓇᐛᐤ ᒐᒋ ᐊᑎ ᐅᓂᑕᔭᒄ ᐊᓐ ᐊᔅᐸᔨᒧᐅᓐ ᑲ ᐊᔭᔭᒄ ᐃᔅᐱ ᑲ ᐸᑎᒪᒄ ᒥᔽᒋᒧᐅᓐ᙮ ᐛᔅ ᓴᔅ ᒥᔅᑎ ᒥᓯᑕ ᒋ ᐃᑐᑕᑭᓄᐤ᙮ ᑭᔭ ᓂᔾ ᑈᓪ ᓂ ᐎᒋᐃᐛᓐ ᐊ ᐱᐸᒧᑕᑭᓄᐅᒡ ᐅ ᒥᔽᒋᒧᐅᓐ᙮

1 ᑕᓴᓗᓂᔭᓇ 5:9

ᓇᒪ ᒋ ᐅᒋ ᐃᑕᔨᒥᑯᓄᐤ ᒋᓴᒪᓂᑐᐤ ᒐ ᐛᐛᓯᐃᑕᐧᒄ ᑎᐸᔅᑯᓂᒐᐅ ᒋᓯᑲᔨᒐ, ᒋ ᐃᑕᔨᑎᒻ ᒐᒋ ᐱᒪᒋᐃᑕᐧᒄ ᐅᑎᐸᔨᒋᒐᐛ ᒋᓴᔅ ᙭ᑕ ᐅᒋ᙮

2 ᑕᓴᓗᓂᔭᓇ 1:4

ᐊᐅᒄ ᒪᒃ ᐅ ᐛᒋ ᒪᒥᔽᔨᑎᒥᔨᔭᒡ ᑭᔭ ᐊᔨᒧᒥᑕᒡ ᐊᓐᑕ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊ ᑕᒡ᙮ ᓂ ᒪᒥᒋᔨᓱᓇᓐ ᐊ ᐊᔨᒧᑎᒪᒡ ᐊᑲ ᐳᓂᔭᒄ ᑭᔭ ᐊᔅᒄ ᐃᔭᐱᒡ ᐊ ᑕᑈᐅᒐᔨᒪᒄ ᙭ ᐊᑎ ᐃᔅᐱᔅ ᓂᓇᐧᑲᑕᔨᒧᐃᑯᐅᔭᒄ ᑭᔭ ᐊᔅᐱᔅ ᐊᔨᒥᐅᔭᒄ᙮

2 ᑎᒧᑎ 1:8

ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮

1 ᐱᑕᕐ 2:21

ᐛᔅ ᐊᐅᒄ ᐛᒋ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ᐛᐎᓯᒐᔨᑎᒥᐊᑭᓄᐅᑦ ᔅᒋ ᓂᑭᑎᒪᑯᐛᐤ ᒐᒂᔪᐤ ᒐ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ᐱᒧᑕᑦ᙮

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”

ᒋᔅᒐᔨᑕᑯᑕᒐᐅᓐ 2:13

ᓂ ᒋᔅᒐᔨᑕᓐ ᐊᓐᑕ ᐛᒋᔭᒄ, ᐊᓐᑕ ᐊ ᐅᒋᒪᐅᑦ ᒥᒋᒥᓂᑐᐤ᙮ ᐊᑎ ᒪᒃ ᐊᓐᑕ ᐊ ᐎᒋᔭᒄ ᐃᔭᐱᒡ, ᓇᒪ ᒋ ᐳᓂᓇᐛᐤ ᐊ ᑕᑈᔭᔨᒥᔭᒄ᙮ ᓇᒪ ᒋ ᐅᒋ ᒋᐛᑲᐳᔅᑐᓇᐛᐤ ᐊᑎ ᐊᓐᑕ ᒪᒂᒡ ᑲ ᓂᐸᐊᑭᓄᐅᑦ ᐊᓂᔭ ᑲ ᓇᓴᐅᑦ ᐊᓐᑎᐸᔅ, ᐊᓐ ᑯᐃᔅᒄ ᑲᒋ ᐃᓯ ᑎᐸᒋᒥᑦ᙮ ᐊᓐᑕ ᐛᒋᔭᒄ, ᐊᑯᑕ ᑲ ᓂᐸᐊᑭᓄᐅᑦ, ᐊᓐᑕ ᒥᒋᒥᓂᑐᐤ ᐛᒋᑦ᙮