1 ᑕᓴᓗᓂᔭᓇ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᑎᒧᑎ ᑲ ᐃᑎᓴᐅᒋᒡ ᐊᓐᑕ ᐊ ᑕᐛᒄ᙮ ᐅ ᒋᐧᑲᓂᓯᓄᐤ ᓂ ᐎᒋ ᐊᑐᔅᒐᒥᑯᓇᓐ ᒋᓴᒪᓂᑐᐛ ᐊ ᐊᑐᔅᑯᐅᒥᒋᒋ ᑭᔭ ᐎᔾ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᑎᐸᒋᒪᑭᓄᔨᒋ ᙭ᑕ᙮ ᓂᒋ ᐃᑎᓴᐛᓇᓐ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᓱᒋᑲᐳᐛᒄ ᑕᓐ ᐊ ᐃᓯ ᑕᑈᔭᔨᒪᒄ ᙭,

1 ᑕᓴᓗᓂᔭᓇ 3:2 Iomraidhean Croise

ᐊᑈᔅᑕᓇᒡ 16:1

ᐊᑯ ᑈᓪ ᐊᓐᑕ ᑎᕐᐱᒡ ᑭᔭ ᓕᔅᑐᕋᒡ ᒂ ᐃᑐᑕᑦ᙮ ᒋ ᑕᐤ ᐊᓐᑕ ᓇᐸᐤ ᐊ ᑕᑈᔭᔨᒪᑦ ᒋᓴᓴ, ᑎᒧᑎ ᐊ ᐃᓯᓂᐧᑲᓱᑦ, ᐅᑲᐎᔭ ᑭᔭ ᒋ ᑕᑈᔭᔨᒪᔪᐛ ᒋᓴᓴ᙮ ᒍᐤ ᒋ ᐃᑎᔅᑲᓇᓯᔪᐛ ᐅᔭ ᐅᑲᐎᔭ ᐊᑯ ᐅᑕᐎᔭ ᑯᕆᒃ ᒋ ᐃᑎᔅᑲᓇᓯᔪᐛ᙮

ᐊᑈᔅᑕᓇᒡ 16:5

ᐊᑯ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᔭᔅᒃ ᒋ ᐊᑎ ᐊᔨᒋᑲᐳᐅᒡ ᑕᑈᑎᒧᐅᓂᒡ ᐃᔅ ᑭᔭ ᐊᓯᑯᒻ ᒋᓯᑲᐛ ᒋ ᐊᑎ ᒥᒐᑐᐅᒡ ᐊᐛᓐᒋ ᐊ ᑕᑈᑕᒡ᙮

ᐊᑈᔅᑕᓇᒡ 18:5

ᐃᔅᐱ ᒪᒃ ᑕᑯᓯᓂᔨᒋ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᒪᓯᑐᓂᔭ ᐊ ᐅᑐᑕᔨᒋ, ᐊᑯ ᒂ ᐳᓂᑦ ᐊᓂᔭ ᐊ ᒪᓂᒐᑦ᙮ ᐊᑯ ᑈᓪ ᐱᓯᒄ ᑲ ᐛᐎᑎᒧᐛᑦ ᐊᓂᔭᔪᐛ ᒍᐤ ᐃᔪᐛ ᒥᔽᒋᒧᐅᓂᔪᐤ ᐊ ᐃᑕᑦ, “ᒋᓴᔅ ᐊᐅᒄ ᙭ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:21

ᑎᒧᑎ ᐊᓐ ᑲ ᐎᒋ ᐊᑐᔅᒐᒥᒃ ᒋ ᐛᒋᔭᒥᑯᐛᐤ᙮ ᑭᔭ ᐊᓐᒡ ᓂᐧᑲᓂᓯᒡ ᓗᓯᔭᔅ, ᒐᐃᓯᓐ, ᑭᔭ ᓱᓯᐸᑕᕐ ᒋ ᐛᒋᔭᒥᑯᐛᐅᒡ᙮

1 ᑯᕆᓐᑎᔭᓇ 3:10

ᒋᓴᒪᓂᑐᐤ ᑲ ᐃᓯ ᒐᓱᐛᑦ ᒥᔪᑐᑎᒧᐅᑦ ᓂᒋ ᐃᑎᒄ ᒐᒋ ᐊᑐᔅᑯᐅᒃ᙮ ᓂᒋ ᐃᓯ ᐊᑐᔅᒐᓐ ᒪᒃ ᒧᔭᒻ ᐊᓐ ᐊᐛᓐ ᓇᔅᒡ ᑲ ᑭᔅᒋᐅᑦ ᐊ ᐅᓯᑕᑦ ᑕᓐᑕ ᒐ ᑕᒋᑲᐳᐎᔨᒡ ᒥᒋᐛᐱᔪᐤ᙮ ᐊᑯ ᒪᒃ ᑯᑎᑭᒡ ᐊ ᐊᑎ ᒋᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ᙮ ᒥᒄ ᒪᒃ ᒥᓯᐛ ᐊᓐᒡ ᑲ ᐊᑎ ᐊᑐᔅᒐᔅᑕᒡ ᐊᓂᔭ ᑲ ᐃᓯ ᒋᒋ ᐎᔨᑲᐳᐅᑕᐅᒡ ᔭᐃᑕᔾ ᑯᐃᔅᒄ ᒋᑭ ᐎ ᐃᓯ ᐎᔨᑲᐳᐅᑕᐅᒡ ᐊᓂᔭ ᒥᒋᐛᐱᔪᐤ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

2 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ᒥᓯᓇᐊᒪᑎᓇᓐ᙮ ᒋᔨᐛᐤ ᒋᓴᒪᓂᑐᐤ ᐊ ᑕᑦ ᑲ ᐃᓯ ᒪᒧᐤ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᓂ ᒥᓯᓇᐊᒺᓇᓂᒡ᙮

2 ᑯᕆᓐᑎᔭᓇ 1:19

ᐛᔅ ᒋᓴᔅ ᙭ ᒋᓴᒪᓂᑐᐤ ᐅᑯᓴ ᐊᓐ ᑲ ᐊᔨᒧᑎᒪᑕᒡ, ᓂᔭᓐ ᑭᑈ ᓴᓂᔅ, ᑎᒧᑎ ᑭᔭ ᓂᔾ, ᒐᔅᑎᓇᑕᔨᑕᑯᓱᐤ ᑕᓐ ᐊ ᐃᔅᒋᔄᑦ, ᓇᒪ ᓂᑕ ᑭᑭᒋᔭᐤ᙮ “ᓂᐦᐃ” ᐊ ᐃᔅᒋᔄᒋ, ᒐᔅᑎᓇᑕᔨᑕᑯᓂᔪᐤ ᐊᓂᔭ ᓂᐦᐃ ᐊ ᐃᔅᒋᔄᑦ᙮

2 ᑯᕆᓐᑎᔭᓇ 2:12

ᑐᕈᐊᔅ ᐊ ᐃᓯᓂᐧᑲᑕᒡ ᐅᑕᓇᐤ ᐊᑯᑕ ᑲ ᐛᐎᑎᒧᒡ ᙭ ᐅᒥᔽᒋᒧᐅᓐ᙮ ᑲ ᐸᐱᔭᓐ ᒪᒃ ᐊᓐᑕ ᓇᔅᒡ ᒋ ᓂᔅᑐᓇᑯᓐ ᐅᑎᐸᔨᒋᒐᐤ ᓴᔅ ᐊᒋ ᐊᔭᔅᑯᔅᑕᑯᐱᓇ ᐊᓐᑕ ᒐᒋ ᑭᒐᔅᒋᒧᐅᒡ᙮

2 ᑯᕆᓐᑎᔭᓇ 2:13

ᒥᒄ ᒪᒃ ᐃᔭᐱᒡ ᒋ ᑎᑯᓐ ᑕᓐ ᑲ ᐃᓯ ᒥᑯᔅᑲᑕᔨᑎᒪᓐ ᐛᔅ ᑕᐸ ᓂ ᐅᒋ ᐛᐱᒪᐤ ᓂᐧᑲᓂᔅ ᑕᐃᑕᔅ ᐊᓐᑕ ᒐᒋ ᑕᑦ᙮ ᐊᑯ ᒪᒃ ᑲ ᓂᑭᑎᒂᐤ ᐊᓐᒡ ᐃᔪᒡ ᐊᓐᑕ ᐊ ᑕᒡ᙮ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᒥᓐ ᑲ ᐃᑐᑕᔭᓐ᙮

2 ᑯᕆᓐᑎᔭᓇ 8:23

ᐅ ᒪᒃ ᑕᐃᑕᔅ ᐊᐅᒄ ᐅ ᐛᒋ ᐊᑐᔅᒐᒥᑦ ᐊ ᐎᒋᐃᑎᑯᒡ᙮ ᐊᑯ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᐅᒪᒧᐊᔭᒥᐊᐛ ᒋ ᐃᑎᓴᐅᑯᐅᒡ᙮ ᒋᔅᑕᔨᑕᑯᐊᐅᒡ ᒪᒃ ᙭ᑕ ᒐᒂᔪᐤ ᐊ ᐃᑐᑕᒡ᙮

ᐱᓕᐱᔭᓇ 1:25

ᓂ ᒐᔅᑎᓇᐅᓐ ᒪᒃ ᑕᑈ ᐊ ᓂᑐᐛᔨᑕᑯᓯᔭᓐ ᐊᔅᒄ ᐊᑎᑐᐤ ᒐᒋ ᐱᒪᑎᓯᔭᓐ ᐅᑕ ᐊᔅᒋᒡ ᒋᔨᐛᐤ ᐅᒡ᙮ ᓂ ᒋᔅᒐᔨᑕᓐ ᒪᒃ ᒐ ᑕᔭᓐ ᐊᓐᑕ ᐊ ᑕᔭᒄ ᒐᒋ ᐎᒋᐃᑎᑯᒡ ᐊᐛᓯᑕ ᒐᒋ ᓱᒋᑲᐳᔭᒄ ᐊ ᑕᑈᔭᔨᒪᒄ ᙭ ᑭᔭ ᒐᒋ ᒧᒋᒐᔨᑎᒪᒄ ᐊᓐ ᐅᒡ᙮

ᑯᓚᓯᔭᓇ 1:1

ᒋᔨᐛᐤ ᓂᐧᑲᓂᓯᑐᒄ ᑲ ᑕᑈᑎᒪᒄ, ᒋᔨᐛᐤ ᑲ ᑕᑈᐅᒐᔨᑕᑯᓯᔭᒄ ᐊ ᐎᒐᐛᒄ ᙭, ᐊᓐᑕ ᑯᓚᓴᐃ ᑲ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ, ᓂᔾ ᐊᑈᔅᑕᓐ ᑈᓪ ᑲ ᒥᓯᓇᐊᒪᑎᑯᒡ᙮ ᒋᐧᑲᓂᓴᓄᐤ ᑎᒧᑎ ᑕᐤ ᑭᔭ ᐎᔾ ᐅᑕ ᒪᒂᒡ ᐊ ᒥᓯᓇᐊᒪᑎᑯᒡ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒍᑕᐎᓄᐤ ᒐᒋ ᒥᔪᑐᑎᒪᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮

ᑯᓚᓯᔭᓇ 1:7

ᐊᐸᑉᕋᔅ ᒪᒃ ᑲ ᐃᓯᓂᐧᑲᓱᑦ ᓂᐎᒐᐛᑭᓇᓐ ᐊᐅᒄ ᑲ ᒋᔅᒐᔨᑎᒥᐃᑕᒄ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᑲ ᐛᐎᑎᒪᑕᒄ ᒥᔽᒋᒧᐅᓂᔪᐤ᙮ ᓇᔅᒡ ᑕᑈ ᓂᓴᒋᐎᒐᐛᓇᓐ ᐊ ᐎᒋ ᐊᑐᔅᒐᒥᒋᒡ ᐅ ᐊᐸᑉᕋᔅ᙮ ᒧᔅ ᑯᐃᔅᒄ ᐃᓯ ᐊᑐᔅᑯᐛᐤ ᙭ᑕ ᑭᔭ ᐎᔾ᙮ ᓇᔅᒡ ᑕᑈ ᓂ ᒥᔪ ᐎᒋᐃᑯᓇᓐ ᑕᓐ ᐊ ᐃᓯ ᐊᑐᔅᑯᐛᑦ ᙭ᑕ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

ᑯᓚᓯᔭᓇ 4:9

ᐅᓂᓯᒪᔅ ᑲ ᐃᓯᓂᐧᑲᓱᔨᒋ ᒋᑭ ᐎᒐᐅᑯᐤ᙮ ᐊᐅᒄ ᒋᐧᑲᓂᓯᓄᐤ ᑯᐃᔅᒄ ᑲ ᐃᑎᑦ ᑭᔭ ᑲ ᓴᒋᐃᔨᒋᒡ ᐊᓐᑕ ᐊ ᑕᐛᒄ ᑲ ᐅᒋᑦ᙮ ᒥᓯᐛ ᒋᑭ ᐎᑎᒪᑯᐛᐅᒡ ᑕᓐ ᐊ ᐃᑎᓇᓄᐎᒡ ᐅᑕ᙮

1 ᑕᓴᓗᓂᔭᓇ 3:13

ᐊᑯᑕ ᒐ ᐅᒋ ᒥᔅᑯᓯᔨᑕᒄ ᑭᔭ ᑯᐃᔅᒄ ᒐ ᐃᓯ ᐱᒪᑎᓯᔭᒄ ᑭᔭ ᒐ ᐸᔭᒋ ᐱᒪᑎᓯᔭᒄ ᐃᔅᐱ ᐅᑎᔅᑯᑲᐳᔅᑎᐛᒂ ᒋᓴᒪᓂᑐᐤ ᒍᑕᐎᓄᐤ ᑎᑯᓯᒐ ᐅᑎᐸᔨᒋᒐᐤ ᒋᓴᔅ ᙭ ᐊ ᐸᒋ ᐎᒐᐛᑦ ᒥᓯᐛ ᐊᓂᔭᔪᐛ ᑲ ᑕᑈᑎᒥᔨᒋ᙮

1 ᑕᓴᓗᓂᔭᓇ 3:5

ᐊᐅᒄ ᒪᒃ ᐊᓂᔭ ᐛᒋ ᔭᐃᑕᔾ ᒋ ᐃᑎᓴᐅᒄ ᑎᒧᑎ ᐊᓐᑕ ᐊ ᑕᐛᒄ᙮ ᐃᔅᐱ ᐊᑲ ᑲᒋ ᐃᑎᔭᓐ ᐊᑲ ᒋᔅᒐᔨᒥᑎᑯᒡ ᑕᓐ ᐊ ᐃᔅᐱᔨᔭᒄ ᐊᑯ ᒂ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ ᒐᒋ ᓂᑐ ᒋᔅᒐᔨᒥᑕᒡ ᑕᓐ ᐊ ᐃᔅᐱᔪᐛᒂ ᐊ ᑕᑈᔭᔨᒪᒄ ᙭᙮ ᓂᒋ ᓴᒋᓯᓐ ᒐᒋ ᐃᑐᑕᑕᒄ ᒥᒋᒥᓂᑐᐤ ᒐᒋ ᐳᓂᐛᒄ ᐊ ᑕᑈᑎᒪᒄ ᒐᔅᑲ ᒐᒋ ᐃᓯᓇᒂᒡ ᑕᓐ ᑲ ᐃᓯ ᐊᑐᔅᑯᐅᒋᒡ ᐅᑎᐸᔨᒋᒐᐤ ᐊᓐᑕ ᐊ ᑕᔭᒄ᙮

2 ᑕᓴᓗᓂᔭᓇ 2:17

ᓂᑐᑎᒧᐛᓇᓂᒡ ᒐᒋ ᒥᔽᔨᒧᐃᑯᐅᔭᒄ ᑭᔭ ᒐᒋ ᓱᒋᑲᐳᐅᔭᒄ ᒥᓯᐛ ᑕᓐ ᐊ ᐃᓯ ᒥᔪᑐᑎᒪᒄ ᑭᔭ ᑕᓐ ᐊ ᐃᓯ ᐃᔨᒥᔭᒄ᙮