1 ᑕᓴᓗᓂᔭᓇ 3:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓂ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐃᑐᑕᑕᒄ ᐊᔭᔅᒃ ᒐᒋ ᓴᒋᐃᑐᐛᒄ ᑭᔭ ᑯᑎᑲ ᐊᐛᔪᐛ ᐊᔭᔅᒃ ᒐᒋ ᓴᒋᐃᒪᑯ, ᒐᒋ ᐊᑎ ᐃᔅᐱᔅ ᓴᒋᐃᑐᔭᒄ ᑭᔭ ᒐᒋ ᐊᑎ ᐃᔅᐱᔅ ᓴᒋᐊᑯᒡ ᑯᑎᑭᒡ ᐊᐛᓐᒋ ᒧᔭᒻ ᓂᔭᓐ ᐊ ᐃᔅᐱᔅ ᓴᒋᐃᑕᒡ᙮

1 ᑕᓴᓗᓂᔭᓇ 3:12 Iomraidhean Croise

ᑎᐱᑦ ᐅᓂᑭᒧᐅᓇ 115:4

ᐅᒥᓂᑐᐧᑲᓂᒧᐛᐛ ᓱᓇᔭᐱᔅᑯᐎᔪᐛ ᑭᔭ ᐎᔄᐅᓱᓇᔭᐱᔅᑯᐎᔪᐛ, ᐅᑎᒋᐛᒡ ᑲᒋ ᐅᒋ ᐅᓯᐊᒡ ᐃᔪᒡ᙮

ᒪᑎᔪᐤ 22:39

ᐊᓐ ᒪᒃ ᐃᑎᓱᐛᐅᓐ ᒥᓐ ᒪᐅᒡ ᒐᔅᑕᔨᑕᒂᒡ ᐊᐅᒄ ᐅ ᑲ ᐃᔅᒋᔄᒥᑲᒡ, ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮’

ᒪᑎᔪᐤ 7:12

ᑕᓐ ᐊ ᐃᓯ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ᐛᐎᑕᒡ ᐅᒋᔅᒋᐛᐃᒐᓱᒡ᙮”

ᓗᒃ 17:5

ᒋᓴᔅ ᐅᑦ ᐊᑈᔅᑕᓂᒪ ᒋ ᐃᑎᑯᐤ, “ᐅᑎᐸᔨᒋᒐᐤ, ᑐᑕ ᒪ ᓂᑕᑈᑎᒧᐅᓇᓇ ᐊᑐᐎᔅ ᒐᒋ ᓱᒐᔨᑕᒂᒋ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:8

ᐊᑲᐎᔾ ᒋᑭ ᒥᓯᓇᐊᒧᐛᐤ ᐊᐛᓐ ᒐᒂᔪᐤ᙮ ᒥᒄ ᑕᓐ ᒧᔅ ᐊ ᐃᓯ ᐎᑕᑭᓄᐅᒡ ᒋᐸ ᐃᓯ ᓴᒋᐃᑐᓇᐛᐤ ᐊᐅᑯᓐ ᐊᓐ ᒋᐸ ᒥᓯᓇᐊᒪᑐᓇᐛᐤ᙮ ᒥᓯᐛ ᐛᐎᑐᒧᐛᐤ ᐊᐛᓐ ᒋᓴᒪᓂᑐᐛ ᐅᐎᓱᐛᐅᓂᔪᐤ ᐎᐧᑲᓂᓴ ᐊ ᓴᒋᐊᑦ᙮

2 ᑯᕆᓐᑎᔭᓇ 9:10

ᒋᓴᒪᓂᑐᐤ ᐊᐅᒄ ᒪᔭᑦ ᓂᑕᐅᒋᒐᓱᐛ ᒐᒂᔪᐤ ᒐ ᓂᑕᐅᒋᑕᔨᒋ᙮ ᐎᔾ ᑭᔭ ᐊᓯᒪᐤ ᒥᓯᐛ ᐊᐛᔪᐛ᙮ ᑭᔭ ᒋᔨᐛᐤ ᒪᒃ ᒋᑭ ᐛᔪᐅᒡ ᒥᔨᑯᐛᐤ ᒥᒐᑦ ᐊᐛᓐᒋ ᒐᒋ ᐎᒋᐊᑯᒡ᙮ ᐊᑯ ᒪᒃ ᐅ ᐊ ᐃᓯ ᒥᔪᑐᑎᒪᒐᔭᒄ ᒥᒐᑦ ᐊᐛᓐᒋ ᒥᔅᑎ ᒋᑭ ᒥᔪᑐᑎᒪᑯᐅᒡ ᒋᓴᒪᓂᑐᐛ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᐱᓕᐱᔭᓇ 1:9

ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

1 ᑕᓴᓗᓂᔭᓇ 2:8

ᐊᓐ ᒪᒃ ᓇᔅᒡ ᐊ ᓴᒋᐃᑕᒡ ᓴᔅ ᓂᒋ ᐊᔭᔅᑯᐎᔨᒧᓇᓐ ᓇᒪ ᒥᒄ ᒐᒋ ᐛᐎᑎᒪᑕᒡ ᒥᔽᒋᒧᐅᓐ᙮ ᓂᒋ ᐱᔅᑕᔨᑎᒥᐃᑯᐅᓇᓐ ᑭᔭ ᓂᐱᒪᑎᓯᐅᓇᓇ ᒐᒋ ᐎᒋᐃᑕᒡ ᑲ ᐃᔅᐱᔅ ᓴᒋᐃᑕᒡ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

1 ᑕᓴᓗᓂᔭᓇ 5:15

ᓇᒪ ᔭᐃᑕᔾ ᒋᐸ ᐅᒋ ᑎᐸᐊᒪᓱᓇᐛᐤ ᐊᐛᓐ ᐊ ᐅᓂᑐᑕᑕᒄ ᐃᔭᐱᒡ ᒧᔅ ᒋᐸ ᒥᔪᑐᑕᑐᓇᐛᐤ ᑭᔭ ᒥᓯᐛ ᑯᑎᑭᒡ ᐊᐛᓐᒋ᙮

2 ᑕᓴᓗᓂᔭᓇ 1:3

ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ᓴᒋᐃᑐᓇᐛᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:17

ᒥᓯᐛ ᒥᔨᐛᐅᓐ ᑲ ᒥᔽᓯᒡ ᑭᔭ ᑲ ᒋᔭᒪᐅᓯᒥᑲᒡ ᐊᓐᑕ ᐃᔅᐱᒥᒡ ᐅᒋᐱᔪᐤ, ᐊᓐᑕ ᒋᓴᒪᓂᑐᐤ ᐊ ᑕᑦ᙮ ᐊᐅᒄ ᒋᓴᒪᓂᑐᐤ ᑲ ᐅᓯᑕᑦ ᒥᓯᐛ ᐛᔅᑕᐅᓂᔪᐤ ᐊᓐᑕ ᒋᓯᑯᒡ᙮ ᒧᔅ ᐸᐃᑯᓄᒡ ᐃᑕᔨᑕᑯᓱᐤ, ᓇᒪ ᐃᓯᓇᑯᓱᐤ ᒧᔭᒻ ᐊ ᑎᑲᔅᑕᑎᒡ ᒐᒂᓐ ᐛᐃᐱᔅᒋᔅ ᒥᒄ ᒐᒋ ᓄᒂᒡ᙮

2 ᐱᑕᕐ 1:7

ᐊᓐ ᒪᒃ ᐊ ᐊᑎ ᒪᓂᑐᐛᑎᓯᔭᒂ, ᐊᑯ ᒐ ᐊᑎ ᒋᓴᐛᑐᑎᐛᑯᒡ ᒋᐧᑲᓂᓱᐛᐅᒡ᙮ ᐃᔅᐱ ᒪᒃ ᐊ ᐊᑎ ᒋᓴᐛᑐᑎᐛᒂᐛ ᒋᐧᑲᓂᓱᐛᐅᒡ ᐊᑯ ᒐ ᐊᑎ ᐊᔭᔭᒄ ᓴᒋᐃᐛᐅᓐ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮