1 ᑕᓴᓗᓂᔭᓇ 2:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

1 ᑕᓴᓗᓂᔭᓇ 2:9 Iomraidhean Croise

ᑎᐱᑦ ᐅᓂᑭᒧᐅᓇ 32:4

ᐛᔅ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᑎᒋᔾ ᓂ ᑯᓯᑯᔅᑲᑯᓐ: ᓂᑎᑈᓱᐅᓐ ᒧᔭᒻ ᐊ ᐸᔅᑕᒡ ᒪᒂᒡ ᐊ ᓂᐱᒡ᙮

ᑎᐱᑦ ᐅᓂᑭᒧᐅᓇ 88:1

ᐅ ᑎᐸᔨᒋᒐᓱᐤ ᒋᓴᒪᓂᑐᐤ ᐛᒋᐱᔨᒡ ᓂᐱᒪᒋᐃᑯᓯᐅᓐ, ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᔅᒋ ᒧᔅᑯᐛᑕᑎᓐ᙮

ᓗᒃ 18:7

ᓇᒪᐎᔾ ᐊ ᒪᒃ ᐊᑐᐎᔅ ᒋᓴᒪᓂᑐᐤ ᐎᐱᒡ ᒋᑭ ᐎᒋᐊᐤ ᐊᓂᔭ ᐅᑦ ᐃᔨᒪ ᒧᓯᓇᐤ ᑲ ᐊᔭᒥᐊᔨᒋ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒪᑯᑦ ᒐᒋ ᒋᔅᐸᐛᑕᑦ ? ᑕᐸ ᒋᑭ ᐅᒋ ᑕᔅᑎᑲᒋᐤ ᒐᒋ ᒋᔅᐸᐛᑕᑦ᙮

ᓗᒃ 2:37

ᓇᓂᑎᒻ ᒪᒃ ᒋ ᑕᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ, ᐊ ᐊᔭᒥᐊᑦ ᐊᑲ ᐊᓯᑯᒻ ᒥᒋᓱᑦ᙮

ᐊᑈᔅᑕᓇᒡ 18:3

ᒂ ᐎᒋᒪᑦ ᑭᔭ ᒂ ᐎᒋ ᐊᐱᑎᓯᒪᑦ ᐊ ᐅᓯᑕᔨᒋ ᒥᒋᐛᐸ ᐛᔅ ᐊᐅᑯᓐ ᑲ ᐃᑕᐱᑎᓯᔨᒋ ᒧᔭᒻ ᐎᔾ ᑲ ᐃᑕᐱᑎᓯᑦ ᐊᓐᑕ ᒐᒋ ᐅᒋ ᐎᒋᐃᓱᑦ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 20:31

ᐃᔭᒂᒥᒄ ᒪᒃ, ᒧᔅ ᒋᔅᒋᓯᒄ ᓂᔅᑐ ᐱᐳᓇ ᐅᑕᒡ ᐃᓯ ᐊᑲ ᐅᒋ ᐳᓂᔭᓐ ᒧᔅ ᐊᒋ ᐃᔭᒂᒥᒥᑎᑯᒡ, ᑭᔭ ᐊᒋ ᒪᔭᓐ ᑲ ᐃᔅᐱᔅ ᓱᒃ ᒋ ᐎ ᐎᒋᐃᑎᑯᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:16

ᓂᔾ ᓂᒋ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ᑕᔭᒄ ᒐᒋ ᐃᓯ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐱᔅᑕᔨᒥᑎᓱᒡ ᐎᔾ ᐊ ᑕᔨᒋ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

1 ᑯᕆᓐᑎᔭᓇ 4:12

ᓇᔅᒡ ᒥᔅᑎ ᓂᑦ ᐊᐱᑎᓯᓇᓐ ᒐᒋ ᐱᒪᒋᐃᓱᔭᒡ᙮ ᐊ ᐛᐧᑲᓯᔨᒥᒡ ᐊᐛᓐᒋ, ᓂ ᓂᑐᑎᒧᒪᓇᓂ ᒋᓴᒪᓂᑐᐛ ᒐᒋ ᓱᐛᔨᒥᑯᒡ᙮ ᑭᔭ ᓂᔭᐧᑲᒋᐃᔨᒥᒡ ᐊᐛᓐᒋ ᓇᒪ ᓂ ᒋᔅᑐᑕᓇᓐᒡ᙮

1 ᑯᕆᓐᑎᔭᓇ 9:15

ᐊᑎ ᒪᒃ ᐊ ᐃᓯᓇᒂᒡ ᒐᒋ ᑎᐸᐊᒪᑯᐅᔭᓐ ᓇᒪ ᒋ ᐅᒋ ᐃᑎᑎᓇᐛᐤ ᒐᒋ ᑎᐸᐊᒧᐅᔭᒄ᙮ ᑭᔭ ᒪᒃ ᓇᒪ ᒋ ᒥᓯᓇᐊᒪᑎᓇᐛᐤ ᒐᒋ ᐃᑎᑎᑯᒡ ᒐᒋ ᑎᐸᐊᒧᐅᔭᒄ᙮ ᓂᑦ ᐃᑕᔨᑕᓐ ᐃᐛᒃ ᒋᐸ ᒥᔽᐤ ᒐᒋ ᓂᐱᔭᓐ ᐃᔅᐱᔅ ᐎ ᒐᒋ ᐃᑎᑎᑯᒡ ᒐᒋ ᑎᐸᐊᒧᐅᔭᒄ᙮ ᐛᔅ ᓂ ᒥᔽᔨᑕᓐ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᐊᑲ ᑎᐸᐊᒧᐅᔭᒄ᙮

1 ᑯᕆᓐᑎᔭᓇ 9:18

ᒐᒄ ᑎᐸᐊᒪᑯᓯᐅᓐ ᒪᒃ ᒪᔨᑯᐅᔭᓐ᙮ ᐊᓐ ᓴᒐᔾ ᐊ ᑭᒐᔅᒋᒧᔭᓐ ᐊ ᐛᐎᑎᒪᓐ ᒥᔽᒋᒧᐅᓐ ᐊᐅᑯᓐ ᐊᓐ ᓂᑎᐸᐊᒪᑯᓯᐅᓐ᙮ ᐊᑎ ᐊ ᐃᑕᔨᑕᒂᒡ ᒐᒋ ᓂᑐᑎᒪᑎᑯᒡ ᒐᒋ ᐱᒪᒋᐃᔭᒄ ᐊ ᐛᐎᑎᒪᓐ ᒥᔽᒋᒧᐅᓐ ᓇᒪ ᒋ ᑯᒂᒋᒥᑎᓇᐛᐤ ᒐᒋ ᐛᐎᒋᐃᔭᒄ᙮

1 ᑯᕆᓐᑎᔭᓇ 9:4

ᓇᒪᐎᔾ ᐊ ᒪᒃ ᐃᓯᓇᑯᓐ ᑭᔭ ᓂᔭᓐ ᒐᒋ ᐊᓯᒥᑯᐅᔭᒡ ᑭᔭ ᒐᒋ ᒥᓂᐃᑯᐅᔭᒡ ᐊᓐ ᐊ ᐃᑕᐱᑎᓯᔭᒡ᙮

2 ᑯᕆᓐᑎᔭᓇ 11:27

ᓇᔅᒡ ᑕᑈ ᓂᒋ ᒥᔅᑎ ᐊᑐᔅᒐᓐ᙮ ᒥᒐᑥᐤ ᓂᒋ ᒥᔅᑎ ᐊᔭᔅᑯᓯᓐ, ᒥᒐᑥᐤ ᑭᔭ ᓇᒪ ᐛᐛᒡ ᓂ ᐅᒋ ᓂᐸᓐ᙮ ᒥᒐᑥᐤ ᓂᒋ ᓄᑕᐱᔨᓐ ᒥᒋᒻ ᑭᔭ ᑲ ᐊᑎ ᓯᐛᔨᔭᓐ, ᑭᔭ ᓂᒋ ᓄᑕᔭᐸᒂᓐ᙮ ᓇᓂᑯᑎᓂᔾ ᓇᒪ ᐛᐛᒡ ᐅᒋ ᑎᑯᓐ ᑕᓐᑕ ᒐ ᑕᔭᓐ ᑭᔭ ᓇᓂᑯᑎᓂᔾ ᓂᒋ ᓯᐧᑭᒋᓐ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 6:5

ᓂᒋ ᐱᓯᔅᑕᐅᑯᓇᓐ᙮ ᓂᒋ ᒋᐸᐅᑯᓇᓐ ᑲᒪᑯᓄᐛᓯᐅᒋᐛᐱᒡ᙮ ᓂᒋ ᒪᓯᐧᑲᑯᓇᓐᒡ ᐊᐛᓐᒋ ᐊ ᒥᒐᑎᒡ᙮ ᓂᒋ ᐊᔭᔅᑯᓯᓇᓐ ᐊᔅᐱᔅ ᒥᔅᑎ ᐊᑐᔅᒐᔭᒡ᙮ ᓇᓂᑯᑎᓂᔾ ᓇᒪ ᓂ ᐅᒋ ᓂᐸᓇᓐ᙮ ᑭᔭ ᓂᒋ ᓯᐛᔨᓇᓐ ᒪᓐ᙮

ᐱᓕᐱᔭᓇ 4:16

ᓇᒪ ᒥᒄ ᐸᐃᒂᐤ ᒋ ᐅᒋ ᐸᒋ ᐃᑎᓴᐊᒧᓇᐛᐤ ᓱᓇᔭᐤ ᑲᒋ ᓄᑕᐱᔭᓐ ᒪᒂᒡ ᐊᓐᑕ ᑕᓴᓗᓇᐃᑲᒡ ᑲᒋ ᑕᔭᓐ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 2:2

ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ᑎᑯᓯᓂᔭᒡ ᐊᓐᑕ ᐊ ᑕᔭᒄ᙮ ᐃᔭᐱᒡ ᒪᒃ ᓂᒋ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ᒥᔨᑕᒄ ᐊᑎ ᐊᒋ ᑕᒡ ᐊᐛᓐᒋ ᐊᓐᑕ ᐊ ᑕᔭᒄ ᓱᒃ ᐊᒋ ᑯᒋᑕᒡ ᒐᒋ ᒋᐱᒋᐃᔨᒥᒡ᙮

1 ᑕᓴᓗᓂᔭᓇ 2:6

ᑕᐸ ᓂ ᐅᒋ ᓇᓂᑐᐛᔨᑕᓇᓐ ᓇᔅᒡ ᒋᒋᐛ ᒐᒋ ᐃᑕᔨᒥᔭᒡ ᒪᒃ ᑯᑎᑭᒡ ᐊᐛᓐᒋ ᓇᔅᒡ ᒋᒋᐛ ᒐᒋ ᐃᑕᔨᒥᔨᒥᒡ᙮ ᐊᑎ ᐊᒋ ᑎᒂᒡ ᐊᑲ ᒐᒂᓂᒡ ᒋᐸ ᐅᒋ ᐃᓯᓇᑯᓐ ᐱᑯᓴᔨᒥᑕᒡ ᒐᒂᓐ ᐊᑈᔅᑕᓇᒡ ᐊ ᐃᑕᐱᑎᓯᔭᒡ,

1 ᑕᓴᓗᓂᔭᓇ 3:10

ᒧᓯᓇᐤ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᐛᐱᒥᑕᒡ ᒥᓐ ᒐᒋ ᑕᔭᒡ ᐊᓐᑕ ᐊ ᑕᔭᒄ ᑭᔭ ᒐᒋ ᐎᒋᐃᑕᒡ ᑕᓐ ᐊᔅᒄ ᐊ ᐃᓯ ᓄᑕᐱᔨᔭᒄ ᑕᑈ ᒐᒋ ᑕᑈᔭᔨᒪᒄ ᙭ ᑕᓐ ᒋᐸ ᐃᓯ ᑕᑈᔭᔨᒪᐛᐤ᙮

1 ᑎᒧᑎ 1:11

ᐅ ᒥᔪ ᒋᔅᑯᑎᒪᒐᐅᓐ ᐊᓐᑕ ᒥᔽᒋᒧᐅᓂᒡ ᐅᒋᐱᔪᐤ᙮ ᐊᐅᒄ ᒥᔽᒋᒧᐅᓐ ᑲ ᒥᔨᑯᔭᓐ ᒐᒋ ᐛᐎᑎᒪᓐ᙮ ᐊᓐᑕ ᒪᒃ ᐊᓐ ᑲ ᒋᔅᑕᔨᑕᑯᓯᑦ ᑭᔭ ᑲ ᓱᐛᔨᑕᑯᓯᑦ ᒋᓴᒪᓂᑐᐤ ᐊ ᑕᑦ ᐊᑯᑕ ᐛᒋᐱᔨᒡ᙮

1 ᑎᒧᑎ 4:10

ᐊᐅᒄ ᒪᒃ ᐛᒋ ᓱᒃ ᐃᔭᐱᒡ ᐃᑕᔨᑎᒥᐃᑯᔭᐧᒄ ᐅ ᑕᓐ ᐊ ᐃᑕᐱᑎᓯᔭᐧᒄ ᐊᑎ ᐊ ᐊᔨᒥᐅᔭᐧᒄ ᐛᔅ ᒋᑦ ᐊᔅᐸᔨᒧᑐᑐᐛᓄᐤ ᒋᓴᒪᓂᑐᐤ ᑲ ᐱᒪᑎᓯᑦ, ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐎᒋ ᑭᔭ ᑲ ᐱᒪᒋᐊᑦ ᒥᓯᐛ ᐊᓂᔭ ᑲ ᑕᑈᔭᔨᒥᑯᑦ᙮

1 ᑎᒧᑎ 5:5

ᐃᔎᐤ ᒪᒃ ᓇᔅᒡ ᐊ ᐸᐃᑯᓯᑦ ᐊᑲ ᓇᔅᒡ ᑕᔨᒋ ᐊᐛᔪᐛ ᒐᒋ ᐎᒋᐃᑯᑦ ᒥᒄ ᒋᓴᒪᓂᑐᐛ ᐊᔅᐸᔨᒧᑐᑐᐛᐤ᙮ ᒧᔅ ᐎ ᒥᔪ ᐊᔭᒥᐊᐤ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐎᒋᐃᑯᑦ᙮

2 ᑎᒧᑎ 1:3

ᓂᓇᔅᑯᒪᐤ ᒋᓴᒪᓂᑐᐤ ᐊ ᒐᔅᑎᓇᑕᔨᒧᔭᓐ ᐊ ᑯᐃᔅᑯᐱᒪᑎᓯᔭᓐ ᐊ ᐊᑐᔅᑯᐅᒃ, ᒧᔭᒻ ᐊᓂᔭᐧᑲ ᐊᓂᔅᒐ ᓂᐛᐧᑯᒪᑭᓂᒡ ᑲ ᐃᓯ ᐊᑐᔅᑯᐛᒡ᙮ ᑭᔭ ᓂᓇᔅᑯᒪᐤ ᒋᓴᒪᓂᑐᐤ ᐊ ᒋᔅᒋᓯᑐᑕᑕᓐ ᑕᑥᐤ ᐊ ᐊᔭᒥᐊᔭᓂ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ᙮