1 ᑕᓴᓗᓂᔭᓇ 2:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᓂᓇᐧᑲᒋᐃᑯᐅᔭᒡ ᑭᔭ ᑕᓐ ᑲ ᐃᓯ ᒪᔭᔨᒥᑯᐅᔭᒡ ᐊᓐᑕ ᐱᓕᐸᐃ ᐊ ᐃᓯᓂᐧᑲᑕᒡ ᐅᑕᓇᐤ ᐃᔅᐱ ᒐ ᑎᑯᓯᓂᔭᒡ ᐊᓐᑕ ᐊ ᑕᔭᒄ᙮ ᐃᔭᐱᒡ ᒪᒃ ᓂᒋ ᐃᑐᑕᑯᓇᓐ ᒋᓴᒪᓂᑐᐤ ᒐ ᐊᑲ ᒋ ᑯᔅᑕᒍᐎᒋᒡ ᐊ ᐛᐎᑎᒧᐅᒋᒡ ᐊᓂᔭ ᒥᔽᒋᒧᐅᓂᔪᐤ ᐎᔾ ᑲ ᒥᔨᑕᒄ ᐊᑎ ᐊᒋ ᑕᒡ ᐊᐛᓐᒋ ᐊᓐᑕ ᐊ ᑕᔭᒄ ᓱᒃ ᐊᒋ ᑯᒋᑕᒡ ᒐᒋ ᒋᐱᒋᐃᔨᒥᒡ᙮

1 ᑕᓴᓗᓂᔭᓇ 2:2 Iomraidhean Croise

ᐊᑈᔅᑕᓇᒡ 14:3

ᓇᐅᔅ ᒪᒃ ᒋ ᑕᐅᒡ ᐊᓐᑕ ᐊᓐᒡ ᐊᑈᔅᑕᓇᒡ᙮ ᒋ ᐊᔨᒧᒪᐅᒡ ᒪᒃ ᐅᑎᐸᔨᒋᒐᐛ ᐊᑲ ᓇᔅᒡ ᑯᔅᑕᒋᒡ᙮ ᐊᑯ ᒪᒃ ᑲ ᒥᔨᑯᒡ ᓱᐧᑲᑎᓯᐅᓂᔪᐤ ᒪᒥᔅᑲᒡ ᐛᐸᑎᔨᐛᐅᓇ ᒐᒋ ᐛᐸᑎᔨᐛᒡ ᑭᔭ ᒐᒋ ᐃᑐᑕᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ, ᐊᓐᑕ ᐊ ᐅᒋ ᓄᑯᑕᑭᓄᐎᒡ ᐊ ᑕᑈᒡ ᐊᓂᔭ ᑲ ᐃᓯ ᐛᐎᑕᒡ ᐊ ᒋᓴᐛᑐᑕᑕᐧᒄ ᐅᑎᐸᔨᒋᒐᐤ᙮

ᐊᑈᔅᑕᓇᒡ 14:5

ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᑭᔭ ᐊᓐᒡ ᒍᐤ ᐃᔪᒡ ᑭᔭ ᐊᓂᔭ ᑲ ᓂᑲᓂᔅᑲᑯᒡ ᒋ ᑯᒂᑕᔨᒪᐅᒡ ᒐᒋ ᓂᓇᐧᑲᒋᐊᒡ ᐊᓂᔭ ᑈᓚ ᑭᔭ ᐸᕐᓇᐸᓴ ᑭᔭ ᒐᒋ ᓂᐸᐊᒡ ᐊ ᐸᐱᒧᓯᓇᑕᐛᒡ᙮

ᐊᑈᔅᑕᓇᒡ 16:12

ᐊᑯᑕ ᐊᓐᑕ ᑲ ᐅᒋ ᐱᒧᑕᔭᒡ ᐊᓐᑕ ᐊ ᐃᑐᑕᔭᒡ ᐱᓕᐸᐃᒡ ᐊᓐ ᑲ ᒥᓴᒡ ᐅᑕᓇᐤ ᐊᓐᑕ ᒪᓯᑐᓂᔭ ᐊᔅᒋᒡ ᑲ ᑎᒂᒡ, ᕈᒻ ᐃᔪᒡ ᒋ ᑎᐸᔨᑎᒧᒡ ᐊᓂᔭ ᐅᑕᓇᔪᐤ᙮ ᐛᐃᐱᔅᒋᔅ ᐊᓐᑕ ᓂᒋ ᑕᓇᓐ᙮

ᐊᑈᔅᑕᓇᒡ 16:19

ᐃᔅᐱ ᒪᒃ ᐊᓐ ᐃᔎᔅ ᐊᓂᔭᔪᐛ ᐅᒋᒪᒪ ᑲ ᐛᐸᑎᒥᔨᒋ ᒐ ᐊᑲ ᒋ ᐅᓱᓇᔭᓂᒥᐧᑲᑯᒡ, ᒋ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ, ᐊᑯ ᑲ ᐃᑐᑕᐊᒡ ᐊᓐᑕ ᑲᒋ ᒪᒧᐎᔨᒋ ᐊᐛᔪᐛ ᐊᓐᑕ ᑲ ᑕᔨᒋ ᐊᓂᔭ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ᙮

ᐊᑈᔅᑕᓇᒡ 16:37

ᒥᒄ ᒪᒃ ᑈᓪ ᐎᔾ ᒋ ᐃᔨᒪᐊᐤ ᐊᓂᔭ ᑲ ᒪᑯᓄᐛᓯᔨᒋ ᒂ ᐃᑕᑦ, “ᐃᑎᔅᑕᐤ ᕈᒻ ᐎᓱᐛᐅᓐ, ᕈᒻ ᐊ ᐃᓯ ᒥᓯᓇᓱᑦ ᐊᐛᓐ ᓂᔅᑎᒻ ᒋᐸ ᑎᐸᔅᑯᓇᑭᓄᐤ ᐊᑯ ᐃᔭᒄ ᒋᐸ ᐛᐛᓯᐊᑭᓄᐤ᙮ ᕈᒻ ᓂᑦ ᐃᑎᓯᓇᓱᓇᓐ ᐃᔭᐱᒡ ᒪᒃ ᐊᒋ ᐱᐱᓯᔅᑕᐅᑯᐅᔭᒡ ᑭᔭ ᐱᑕᐛᐱᓂᑯᐅᔭᒡ ᑲᒪᑯᓄᐛᓯᐅᒋᐛᐱᒡ, ᐊᑲ ᐛᐛᒡ ᐅᒋ ᑎᐸᔅᑯᓂᑯᐅᔭᒡ᙮ ᐊᑯ ᒪᒃ ᒋᒧᑦ ᐛ ᐱᔅᑎᓂᑯᐅᔭᒡ᙮ ᓇᒪ ᒪᒃ ᓂᑭ ᐅᒋ ᐃᒐᑕᓇᓐ ᐅᑕ᙮ ᓂᑐᐛᔨᒪᓇᓐᒡ ᐊᓐᒡ ᕈᒻ ᐅᒋᒪᐅᒡ ᐎᔨᐛᐤ ᒐᒋ ᐸᒋ ᑎᑯᓯᓂᒡ ᒐᒋ ᐱᔅᑎᓂᔨᒥᒡ᙮”

ᐊᑈᔅᑕᓇᒡ 17:1

ᐊᑯ ᑈᓪ ᑭᔭ ᓴᓂᔅ ᐊᓐᑕ ᐊᒻᐱᐳᓕᔅ ᑭᔭ ᐊᐳᓗᓂᔭ ᑲ ᐃᓯᓂᐧᑲᑕᔨᒋ ᐅᑕᓇᐛ ᒂ ᐊᑎ ᐃᑐᑕᒡ᙮ ᐊᑯ ᒥᓐ ᐊᓐᑕ ᑕᓴᓗᓇᐃᑲ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ᐃᑐᑕᒡ᙮ ᐊᓐᑕ ᒪᒃ ᑕᓴᓗᓇᐃᑲᒡ ᒋ ᑎᑯᓐ ᒍᐤ ᐊᔭᒥᐊᐅᒋᐛᑉ᙮

ᐊᑈᔅᑕᓇᒡ 17:17

ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮

ᐊᑈᔅᑕᓇᒡ 19:8

ᓂᔅᑐ ᐱᓯᒺ ᒪᒃ ᒋ ᑕᐤ ᑈᓪ ᐊᓐᑕ ᐃᐱᓴᔅ ᑭᔭ ᒧᔅ ᒋ ᐱᒐᐤ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐃᔨᒪᐊᑦ ᐊᓂᔭᔪᐛ ᐃᔪᐛ ᐊᑲ ᓇᔅᒡ ᑯᔅᑕᒋᑦ, ᓇᔅᒡ ᐊ ᓯᒋᒪᑦ ᒐᒋ ᑕᑈᑕᑯᑦ ᐊᓂᔭ ᑲ ᐃᑕᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

ᐊᑈᔅᑕᓇᒡ 4:13

ᐊᓐᒡ ᒪᒃ ᑲ ᒪᒧᐎᒡ ᒋ ᒥᔅᑲᑕᔨᑎᒺᐅᒡ ᑕᓐ ᑲ ᐃᓯ ᐃᔨᒥᔨᒋ ᑭᔭ ᐊᓂᔭᔪᐤ ᐊ ᐃᔅᐱᔅ ᓱᒋᑕᐊᔨᒋ ᐱᑕᕋ ᑭᔭ ᒠᓇ ᐊ ᒋᔅᒐᔨᒪᒡ ᐊᑲ ᐅᒋ ᒋᔅᑯᑎᒧᐛᑭᓄᔨᒋ᙮ ᐊᑯᑕ ᒪᒃ ᑲ ᐅᒋ ᒋᔅᒐᔨᑕᒡ ᒋᓴᓴ ᐊᒋ ᐎᒐᐛᑭᓂᔨᒋ᙮

ᐊᑈᔅᑕᓇᒡ 4:20

ᐛᔅ ᑕᐸ ᓂᑭ ᒋ ᐳᓂᓇᓐ ᐊ ᐛᐎᑎᒪᒡ ᑕᓐ ᑲ ᐃᓯ ᐛᐸᑎᒪᒡ ᑭᔭ ᑕᓐ ᑲ ᐃᓯ ᐸᑎᒪᒡ᙮”

ᐊᑈᔅᑕᓇᒡ 4:31

ᐃᔅᐱ ᒪᒃ ᑲᒋ ᐃᓯ ᐊᔭᒥᐊᒡ, ᒋ ᐊᔭᒋᐱᔪᐤ ᐊᓂᔭᔪᐤ ᐊᓐᑕ ᑲ ᒪᒧᐎᒡ᙮ ᒥᓯᐛ ᒪᒃ ᒋ ᓴᑭᔅᒋᓇᔅᑲᑯᐅᒡ ᑲ ᐸᔭᒋᓯᔨᒋ ᐊᒐᒂ, ᐊᑯ ᒪᒃ ᑲ ᓱᒐᔨᒧᒡ ᑭᔭ ᓇᒪ ᐅᒋ ᑯᔅᑕᒍᐅᒡ ᐊ ᐛᐎᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 5:41

ᐊᓐᒡ ᒪᒃ ᐊᑈᔅᑕᓇᒡ ᒋ ᔅᑐᑕᐅᒡ ᐊᓐᑕ ᑲ ᒪᒧᐎᔨᒋ ᐊᓂᔭᔪᐛ ᑲ ᒪᒧᐱᔅᑎᒥᔨᒋ ᑎᐸᔅᑯᓂᒐᐅᓂᔪᐤ ᐊ ᓯᒋᔭᓯᒡ ᐊᒋ ᑕᐱᒐᔨᒥᑯᒡ ᒋᓴᒪᓂᑐᐛ ᒐᒋ ᓂᓇᐧᑲᑕᔨᒧᒡ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

2 ᑯᕆᓐᑎᔭᓇ 3:12

ᓇᔅᒡ ᑕᑈ ᓂ ᒐᔅᑎᓇᑕᔨᑎᒥᐃᑯᓇᓐ ᐅ᙮ ᐊᐅᒄ ᒪᒃ ᐛᒋ ᒥᔪᐱᔨᒡ ᒥᒄ ᒐᒋ ᐃᓯ ᐎᑎᒪᑕᒡ᙮

ᑯᓚᓯᔭᓇ 2:1

ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᓱᒃ ᐊᑐᔅᒐᔭᓐ ᐊᑎ ᐊ ᐊᔨᒥᐅᔭᓐ ᒋᔨᐛᐤ ᐊ ᐎ ᐎᒋᐃᑎᑯᒡ ᑭᔭ ᐊᓐᒡ ᐊᓂᔭ ᐅᑕᓇᔪᐤ ᓚᐅᑎᓯᔭ ᑲ ᐃᓯᓂᐧᑲᑕᔨᒡ ᐊ ᑕᒡ ᑭᔭ ᒥᓯᐛ ᐊᓐᒡ ᑯᑎᑭᒡ ᐊᔅᒄ ᐊᑲ ᒋᔅᒐᔨᒥᒡ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

2 ᑎᒧᑎ 1:12

ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮

ᒍᑦ 1:3

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᓇᔅᒡ ᐊᒋ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ᒋᔅᒐᔨᑎᒪᐧᒄ᙮ ᒐᒃ ᓂᒋ ᐃᑕᔨᑕᓐ ᑕᑈ ᐊ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ᒥᔭᑭᓄᐎᒡ ᒐ ᐃᓯ ᑕᑈᑕᒡ ᑲ ᑕᑈᑕᒡ᙮