1 ᑕᓴᓗᓂᔭᓇ 2:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮

1 ᑕᓴᓗᓂᔭᓇ 2:10 Iomraidhean Croise

ᓗᒃ 23:41

ᒋᔭᓄᐤ ᒪᒃ ᐃᓯᓇᑯᓐ ᒐᒋ ᒋᔅᑕᔎᑎᑯᐅᔭᐧᒄ ᑕᓐ ᑲ ᐃᓯ ᒥᒋᑐᑎᒪᐧᒄ᙮ ᐅ ᒪᒃ ᓇᐸᐤ ᓇᒪ ᐅᒋ ᒥᒋᑐᑎᒻ᙮”

ᐊᑈᔅᑕᓇᒡ 20:18

ᐃᔅᐱ ᒪᒃ ᑲ ᑎᑯᓯᓂᔨᒋ ᐊᑯ ᒂ ᐃᔨᒪᐊᑦ᙮ ᒋ ᐃᑕᐤ, “ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐱᒪᑎᓯᔭᓐ ᑲ ᐃᔅᐱᔅ ᐊ ᑕᔭᓐ ᐅᑕ ᐊᐃᓴ ᐊᔅᒋᒡ ᐱᐃᒻ ᑲ ᔅᑐᑕᔭᓐ᙮

ᐊᑈᔅᑕᓇᒡ 20:26

ᐊᐅᒄ ᒪᒃ ᐅ ᐛᒋ ᑯᐃᔅᒄ ᐎᑎᒪᑎᑯᒡ ᐅ ᐊᓄᒡ ᑲ ᒋᓯᑲᒡ ᓇᒪ ᓂᔾ ᓂᑭ ᐅᒋ ᐊᑕᒪᔨᑕᑯᓯᓐ ᓂᓱᐅᓇᑎᓯᒐ ᐊᐛᓐ ᐅᑕ ᐊ ᑎᓯᔭᒄ᙮

ᐊᑈᔅᑕᓇᒡ 24:16

ᓱᒃ ᒪᒃ ᓂᓇᑭᑐᐛᔨᒥᓱᓐ ᒐ ᐊᑲ ᒋ ᒪᔭᔨᒥᒃ ᒋᓴᒪᓂᑐᐤ ᑭᔭ ᐃᔪᒡ ᒐᒋ ᐅᒋ ᒐᔅᑎᓇᐅᔭᓐ ᑯᐃᔅᒄ ᐊ ᐃᑎᔭᓐ᙮”

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 11:11

ᒋᑦ ᐃᑕᔨᑕᓇᐛᐤ ᐊ ᐊᑲ ᓴᒋᐃᑎᑯᒡ ᐛᒋ ᐃᔅᒋᔄᔭᓐ ᐅ ? ᒋᓴᒪᓂᑐᐤ ᒋᔅᒐᔨᑎᒻ ᑕᑈ ᐊ ᓴᒋᐃᑎᑯᒡ᙮

2 ᑯᕆᓐᑎᔭᓇ 11:31

ᒋᓴᒪᓂᑐᐤ ᒋᑎᐸᔨᒋᒐᓯᒥᓄᐤ ᒋᓴᔅ ᐅᑕᐎᔭ ᒋᔅᒐᔨᑎᒻ ᐊᑲ ᑭᑭᒋᔭᐅᒡ᙮ ᐎᔾ ᑲᒋᒡ ᒋᑭ ᒪᒥᒋᒪᑭᓄᐤ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑯᕆᓐᑎᔭᓇ 5:11

ᐊ ᒋᔅᒐᔨᑎᒪᒡ ᒪᒃ ᒋᓴᒪᓂᑐᐤ ᐊ ᑯᔅᑕᑎᑯᓯᑦ ᐊᐅᒄ ᐛᒋ ᒐᔅᑎᓇᒋᒥᒋᒡ ᐊᐛᓐᒋ ᐊ ᑕᑈᒥᑭᓂᔨᒡ ᐊ ᐃᓯ ᐊᔨᒧᑎᒧᐅᒋᒡ ᐅᑎᐸᔨᒋᒐᐛ᙮ ᐛᔅ ᓇᔅᒡ ᓂ ᒋᔅᒐᔨᒥᑯᓇᓐ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓱᐛᒋᒡ᙮ ᓂ ᐱᑯᓴᔨᑕᓇᓐ ᒪᒃ ᑭᔭ ᒋᔨᐛᐤ ᒐᒋ ᒋᔅᒐᔨᒥᔭᒡ ᑕᓐ ᐊᓐ ᐊ ᐃᑕᔨᑕᑯᓯᔭᒡ᙮

2 ᑯᕆᓐᑎᔭᓇ 7:2

ᐊᑲᐎᔾ ᐃᒐᓂᓇᓐ᙮ ᑕᐸ ᓂ ᐅᒋ ᐅᓂᑐᑐᐛᓇᓐ ᐊᐛᓐ᙮ ᓇᒪ ᓂ ᐅᒋ ᓂᓱᐅᓇᒋᐊᓇᓐ ᐊᐛᓐ ᑭᔭ ᓇᒪ ᓂ ᐅᒋ ᐎᔭᓯᐊᓇᓐ ᐊᐛᓐ᙮

1 ᑕᓴᓗᓂᔭᓇ 1:5

ᐃᔅᐱ ᑲ ᐛᐎᑎᒪᑕᒡ ᒥᔽᒋᒧᐅᓐ ᓇᒪ ᒥᒄ ᓂ ᐅᒋ ᐃᔨᒥᓇᓐ ᒪᒃ ᐊᔪᐤ ᔅᒋ ᐛᐸᑕᓇᐛᐤ ᓱᐧᑲᑎᓯᐅᓐ ᑲ ᐸᔭᒋᓯᑦ ᐊᒐᐧᒄ ᐅᒋ᙮ ᑭᔭ ᐊᐅᒄ ᐊᓐ ᑲ ᐃᑐᑕᑕᒄ ᓇᔅᒡ ᒐᒋ ᑕᑈᑎᒪᒄ ᐊ ᑕᑈᒥᑲᒡ ᑕᓐ ᑲ ᐃᓯ ᐎᑎᒪᑕᒡ᙮ ᔅᒋ ᒋᔅᒐᔨᒥᓇᓐ ᑕᓐ ᑲ ᐃᑕᑎᓯᔭᒡ ᐊᓐᑕ ᐊ ᑕᔭᒄ ᑲ ᑕᔭᒡ ᐊᓐᑕ ᐊᒋ ᐅᒋ ᐎ ᐎᒋᐃᑕᒡ᙮

1 ᑕᓴᓗᓂᔭᓇ 2:5

ᓴᒐᔾ ᔅᒋ ᐃᔨᒥᐃᑎᓇᓐ ᐊᑲ ᐅᒋ ᓂᑐᐛᔨᑎᒪᑕᒡ ᒐᒂᓐ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐅ᙮ ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᔭᒡ ᐅ ᑲ ᐃᔅᒋᔄᔭᒡ᙮

2 ᑕᓴᓗᓂᔭᓇ 3:7

ᒋ ᒥᔪ ᒋᔅᒐᔨᑕᓇᐛᐤ ᑭᔭ ᒋᔨᐛᐤ ᒐᒋ ᐃᑎᔭᒄ ᑕᓐ ᑲ ᑎᔭᒡ ᐊᓐᑕ ᐊ ᑕᔭᒄ ᑲᒋ ᑕᔭᒡ᙮ ᓇᒪ ᓂ ᐅᒋ ᒋᑎᒥᓇᓐ᙮

1 ᑎᒧᑎ 4:12

ᐊᑲᐎᔾ ᒋᑭ ᐅᒋ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ᐅᔅᒋᐱᒪᑎᓯᐅᑦ ᐅᔭ ᐊ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ᑕᑈᑕᒡ, ᑕᓐ ᐊ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ᓴᒋᐃᐛᔨᓐ ᒪᒃ ᐊ ᐃᓯ ᑕᑈᑎᒥᓐ ᑭᔭ ᑕᓐ ᐊ ᐃᓯ ᐸᔭᒋᓯᔨᓐ᙮

2 ᑎᒧᑎ 3:10

ᒋᔾ ᒪᒃ ᑎᒧᑎ ᓂ ᒐᔅᑎᓇᐅᓐ ᒐ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ᐛᐸᑕᓐ ᑕᓐ ᑲ ᐃᓯ ᑕᑈᑎᒪᓐ, ᑕᓐ ᑲ ᐃᓯ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ᓂᓇᐧᑯᐤ ᓂᒋᔅᑭᒪᓐ᙮

1 ᐱᑕᕐ 5:3

ᐊᑲᐎᔾ ᐎ ᐃᓯᓇᑯᓯᒄ ᓇᔅᒡ ᒐᒋ ᐎ ᐅᒋᒪᐧᑲᑐᐛᑯᒡ ᐊᓐᒡ ᑲ ᒥᔨᑯᐅᔭᒄ ᒐᒋ ᓂᑲᓂᔅᑯᐛᑯᒡ, ᐃᔭᐱᒡ ᐅᔅᑕ ᐎ ᒥᔪᑐᑐᐛᐧᑯᒡ ᒐ ᑎᑯᓂᔨᒡ ᒪᒃ ᐊᓐᑕ ᒐᒋ ᐅᒋ ᒋᔅᒋᓄᐛᐱᒥᑕᑯᒡ᙮