1 ᐱᑕᕐ 5:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᓂᔅᑯᔅᑐᐛᐧᒄ ᒪᒃ ᒥᒋᒥᓂᑐᐤ᙮ ᐊᔨᒋᑲᐳᐅᒄ ᒋᑕᑈᑎᒧᐅᓄᐛᒡ ᐃᔅ ᐛᔅ ᒋ ᒋᔅᒐᔨᑕᓇᐛᐤ ᐊᓐᒡ ᒋᒋᓴᓄᐛᐅᒡ ᑲ ᑕᑈᑕᒡ ᐊᐅᑯᓐ ᑭᔭ ᐎᔨᐛᐤ ᐊ ᐃᓯ ᓇᒋᔅᑲᒡ ᓂᓇᐧᑲᒋᐃᐛᐅᓂᔪᐤ ᐅᑕ ᐊᔅᒋᒡ ᒧᔭᒻ ᑭᔭ ᒋᔨᐛᐤ ᑲ ᐃᓯ ᓇᒋᔅᑭᒪᒄ᙮

1 ᐱᑕᕐ 5:9 Iomraidhean Croise

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

ᒠᓐ 16:33

ᔅᒋ ᐎᑎᒪᑎᓇᐛᐤ ᐅ ᒐᒋ ᐅᒋ ᐊᔭᔭᒄ ᒋᔭᒪᔨᑎᒧᐅᓐ ᐊᓐᑕ ᓂᔾ ᐊ ᑕᔭᓐ᙮ ᒋᑭ ᓂᓇᐧᑲᑕᔨᒧᐃᑯᓇᐛᐤ ᐅᑕ ᐊᔅᒋᒡ᙮ ᓱᒃ ᐎ ᓱᒋᑕᐊᒄ, ᐛᔅ ᓴᔅ ᓂᒋ ᓴᐧᑯᒋᐊᐤ ᐊᓐ ᑲ ᑎᐸᔨᒪᑦ ᐊᓂᔭ ᐊᐛᔪᐛ ᐊᑲ ᐊᐱᑕᔨᒪᔨᒋ ᒋᓴᒪᓂᑐᐛ᙮”

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

1 ᑯᕆᓐᑎᔭᓇ 10:13

ᒥᓯᐛ ᐊ ᐃᓯ ᑯᒂᒋᐃᑯᐅᔭᐧᒄ, ᐊᐅᑯᓐ ᐊ ᐃᓯ ᑯᒂᒋᐊᑭᓄᐅᑦ ᒥᓯᐛ ᐊᐛᓐ᙮ ᒥᒄ ᒪᒃ ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᓇᒪ ᒋᑭ ᐅᒋ ᐱᔅᑎᓂᑯᓄᐤ ᒥᒋᒪ ᒐᒋ ᐃᓯ ᑯᒂᒋᐃᑯᐅᐛᐧᒄ ᐊᑲ ᒋ ᐃᓯᑲᐳᔅᑎᒪᐧᒄ ᑯᒂᒋᐃᐛᐅᓐ᙮ ᐊᓐᑕ ᐊᓂᔭ ᒪᒂᒡ ᐊ ᑯᒂᒋᐃᑯᐅᐛᐧᒄ ᒋᑭ ᐛᐸᑎᔨᑯᓄᐤ ᒋᓴᒪᓂᑐᐤ ᑕᓐᑕ ᒐᒋ ᐅᒋ ᓴᐳᔅᑭᒪᐧᒄ ᐊᓐ ᑯᒂᒋᐃᐛᐅᓐ᙮ ᐊᐅᒄ ᐅᔭ ᐊ ᐃᓯ ᐎᒋᐃᑕᐧᒄ ᒐ ᐊᑲ ᒋ ᓴᐧᑯᒋᐱᑎᑯᐛᐧᒄ ᐊᓂᔭ ᑕᓐ ᐊ ᐃᓯ ᑯᒂᒋᐃᑯᐅᐛᐧᒄ᙮

ᐃᐱᓯᔭᓇ 4:27

ᑭᔭ ᐊᑲᐎᔾ ᓇᔅᒡ ᐱᔅᑎᓂᒧᐛᐧᒄ ᒥᒋᒥᓂᑐᐤ ᒐᒋ ᐃᑐᑕᑕᒄ ᑕᓐ ᐛ ᐃᑐᑕᑕᒄ᙮

ᐃᐱᓯᔭᓇ 6:16

ᑭᔭ ᒧᔅ ᒋᐸ ᑭᓄᐛᔨᑕᓇᓄᐤ ᑕᑈᑎᒧᐅ ᐊᒂᓇᐅᓱᐛᑭᓐ ᒐᒋ ᐃᓯ ᐊᐱᒋᑕᔭᐧᒄ ᐛᔅ ᐊᑯᑕ ᒐ ᐅᒋ ᐊᔅᑐᐛᐅᒪᐧᑯ ᐊᓂᔭᔪᐛ ᑲ ᐃᔅᑯᑕᐎᔨᒋ ᐊᑭᔎ ᒥᒋᒥᓂᑐᐤ ᑲ ᐱᒧᑕᐧᒄ᙮

ᑯᓚᓯᔭᓇ 2:5

ᒧᔅ ᒋ ᒋᔅᒋᓯᑐᑕᑎᓇᐛᐤ ᐊᑎ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓂ ᓯᒋᔭᓯᓐ ᑭᔭ ᐊ ᐛᐸᑎᒪᓐ ᑕᓐ ᐊᔅᐱᔅ ᓱᒃ ᐃᑕᔨᑎᒪᒄ ᒪᒧᐤ ᐊ ᑕᑈᔭᔨᒪᒄ ᙭᙮

1 ᑕᓴᓗᓂᔭᓇ 3:3

ᐊᑲ ᐛᒋ ᐸᐃᒄ ᐊ ᑎᓯᔭᒄ ᒐᒋ ᒋᐛᑲᐳᔭᒄ ᐊᓐ ᐊ ᓂᓇᐧᑲᒋᐃᑯᔭᒄ ᙭ ᐅᒡ᙮ ᒋᔨᐛᐤ ᓇᓂᑎᒻ ᒋ ᒋᔅᒐᔨᑕᓇᐛᐤ ᐊᐅᑯᓐ ᑭᔭ ᑲ ᐃᓯ ᐎᔭᔨᑕᐧᒃ ᒋᓴᒪᓂᑐᐤ, ᒐᒋ ᓂᓇᐧᑲᒋᐃᑯᐛᐧᒄ ᐊ ᓇᓴᐅᒪᐧᑯ ᒋᓴᓴ᙮

1 ᑎᒧᑎ 6:12

ᓱᐧᒃ ᐊᔨᒋᑲᐳᔅᑕ ᐊᓐ ᐊ ᐃᓯ ᑕᑈᑎᒥᓐ ᐊᓐᑕ ᒐᒋ ᐅᒋ ᐅᑎᓯᔨᓐ ᑲᒋᒡ ᐱᒪᑎᓯᐅᓐ᙮ ᐊᐅᒄ ᐛᔅ ᑭᑈ ᐊᓐ ᑲ ᐃᓯ ᐃᑕᔨᒥᑯᔨᓐ ᒐᒋ ᐃᓯ ᐊᔭᔨᓐ ᐃᔅᐱ ᓇᔅᒡ ᑲ ᒋᔅᒐᔨᑕᑯᓯᔨᓐ ᒐ ᐊᑐᔅᑯᐅᑦ ᒋᓴᒪᓂᑐᐤ, ᑲ ᐎᑎᒥᓐ ᑕᑈ ᐊ ᑕᑈᑎᒥᓐ ᐅᑎᔅᑯᐤ ᒥᒐᑦ ᐊᐛᓐᒋ ᐊ ᑕᒡ᙮

2 ᑎᒧᑎ 3:12

ᓂᐦᐃ, ᑕᑈ, ᒥᓯᐛ ᐊᐛᓐ ᑯᐃᔅᒄ ᑲ ᐎᓯ ᐱᒪᑎᓯᑦ ᑭᔭ ᓇᔅᒡ ᑲ ᐱᔅᑎᓂᓱᑦ ᐊ ᐎᒐᐛᑦ ᙭ ᒋᓴᓴ, ᒋᑭ ᑎᑯᓂᔪᐤ ᑕᓐ ᒐ ᐃᓯ ᓂᓇᐧᑲᒋᐊᑭᓄᐅᑦ,

2 ᑎᒧᑎ 4:7

ᓴᔅ ᓂ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ᒪᓯᑕᓐ, ᓴᔅ ᓂ ᒋᔅᑕᓐ ᑕᓐ ᑲ ᐃᓯ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ᑭᓄᐛᔨᑕᓐ ᑕᓐ ᑲ ᐃᓯ ᑕᑈᑎᒪᓐ᙮

ᐃᑉᕈᐛ 11:33

ᐛᔅ ᑭᔭ ᐎᔨᐛᐤ, ᒧᔭᒻ ᐊᓂᔭᔪᐛ ᑯᑎᑲ ᑲ ᐃᑎᔨᒋ, ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᒪᓂᑐᐛ ᑭᔭ ᑲ ᓴᐧᑯᒋᑕᒡ ᐅᒋᒪᐅᓇ ᐅᑕ ᐊᔅᒋᒡ, ᑭᔭ ᑯᐃᔅᒄ ᒋ ᐃᑐᐅᒡ ᐊ ᓂᑲᓂᔅᑯᐛᒡ ᐃᔪᐛ, ᑭᔭ ᒥᒐᑦ ᒋ ᐛᐸᑎᒧᒡ ᒐᒂᔪᐛ ᐊ ᐃᔅᐱᔨᒋ ᑕᓐ ᐊᓂᔭᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᐃᔅᐱᔨᒋ᙮ ᒋ ᒋᐸᐊᒺᐅᒡ ᒥᓯᐱᓱᐛ ᐅᑐᓂᔪᐛ ᒐ ᐊᑲ ᒋ ᓂᐸᐃᑯᒡ᙮

ᐃᑉᕈᐛ 12:8

ᒥᓯᐛ ᐅᑦ ᐊᐛᓯᒪ ᒋᓴᒪᓂᑐᐤ ᐎᔾ ᓇᓂᑎᒻ ᑯᐃᔅᑯᓇᐤ᙮ ᐊᐛᓐ ᐊᑲ ᑯᐃᔅᑯᓇᑭᓄᐅᑦ ᓇᒪ ᑕᑈ ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐛᔅ ᐊᐛᓐ ᐊᑲ ᓂᑕ ᑯᐃᔅᑯᓇᑭᓄᐅᑦ ᓇᒪ ᐎᒋᐃᐛᐤ ᐊᓐᑕ ᐊ ᐸᐃᑯᑕᐅᓯᓇᓄᐎᒡ ᒋᓴᒪᓂᑐᐛ ᐊ ᑕᔨᒋ᙮

ᒋᒥᔅ ᐅᒥᓯᓇᐊᒪᒐᐅᓐ 4:7

ᐊᑯ, ᐱᔅᑕᔨᒥᑎᓱᔅᑐᐛᐧᒄ ᒋᓴᒪᓂᑐᐤ᙮ ᓂᔅᑯᔅᑐᐛᐧᒄ ᒥᒋᒥᓂᑐᐤ ᑭᔭ ᒐ ᐅᓯᒥᑕᒄ᙮

1 ᐱᑕᕐ 1:6

ᐊᑎ ᐊ ᐃᑕᔨᑕᒂᒡ ᐛᐃᐱᔅᒋᔅ ᒐᒋ ᓂᒋᔅᑭᒪᒄ ᓂᓇᐧᑯᐤ ᒐᒂᓐ ᓇᔅᒡ ᐊ ᐊᔨᒪᒡ, ᓄᐛᒡ ᒋᑭ ᒥᔽᔨᑕᓇᐛᐤ ᐊᓐ ᒪᔅᑕᔾ ᒋᓯᑲᒐ᙮

1 ᐱᑕᕐ 2:21

ᐛᔅ ᐊᐅᒄ ᐛᒋ ᐎᓴᒥᑯᐅᔭᒄ, ᐊᓂᔭ ᙭ ᐊᒋ ᐛᐎᓯᒐᔨᑎᒥᐊᑭᓄᐅᑦ ᔅᒋ ᓂᑭᑎᒪᑯᐛᐤ ᒐᒂᔪᐤ ᒐ ᒋᔅᒋᓄᐛᐸᑎᒺᒄ, ᒐᒋ ᑕᑕᐸᐊᒺᒄ ᑕᓐᑕ ᑲ ᐊᑎ ᐱᒧᑕᑦ᙮

1 ᐱᑕᕐ 3:14

ᐊᑎ ᐃᓯᓇᒂᒡ ᒐᒋ ᓂᓇᐧᑲᒋᐃᑯᐅᔭᒄ ᐊ ᑯᐃᔅᑯᑕᑎᓯᔭᒄ ᐅᒋ, ᒋᑭ ᓱᐛᔨᒥᑯᐛᐤ ᒋᓴᒪᓂᑐᐤ᙮ ᐊᑲᐎᔾ ᑯᑯᔅᑕᐧᑯᒡ ᑲ ᐎᐎᔭᔅ ᐃᑐᑕᑕᑯᒡ ᐊᐛᓐᒋ, ᐊᑲᐎᔾ ᒋᑭ ᐅᒋ ᒥᑯᔅᑲᑕᔨᑕᓇᐛᐤ,

1 ᐱᑕᕐ 4:13

ᐃᔭᐱᒡ ᒋᐸ ᒥᔽᔨᑕᓇᐛᐤ ᐊ ᐎᒋᐃᐛᔭᒄ ᑕᓐ ᑲ ᐃᓯ ᐛᐎᓯᒐᔨᑎᒥᐊᑭᓄᐅᑦ ᙭, ᐊᑯ ᒪᒃ ᒐ ᓴᑭᔅᒋᓇᔅᑲᑯᔭᒄ ᒥᔽᔨᑎᒧᐅᓐ ᐃᔅᐱ ᐸᒋ ᓄᑯᑕᑭᓄᔨᒐ ᐅᒋᔅᑕᔨᑕᑯᓱᐅᓐ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮

ᒋᔅᒐᔨᑕᑯᑕᒐᐅᓐ 6:11

ᐊᑯ ᐸᐸᐃᒄ ᒂ ᒥᔭᑭᓄᐎᒡ ᐊ ᐛᐸᐃᔨᒋ ᐊᑯᐸ᙮ ᒋ ᐃᑕᑭᓄᐎᒡ ᒪᒃ ᒥᓐ ᐛᐃᐱᔅᒋᔅ ᒐᒋ ᐊᔽᐱᒡ ᐸᑐᔅ ᑎᑉ ᒋ ᐃᔅᐱᔅ ᓂᐸᐊᑭᓄᔨᒐ ᐎᒋ ᐊᐱᒋᐊᑭᓄᐛᐛ ᑭᔭ ᐎᐧᑲᓂᓱᐛᐛ ᑕᓐ ᐊᓂᔭᔪᐛ ᒋᐸ ᓂᐸᐊᑭᓄᐅᔪᐛ ᒧᔭᒻ ᐎᔨᐛᐤ ᐊᒋ ᓂᐸᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 7:14

ᐊᑯ ᒂ ᐃᑎᒃ, “ᓇᒪ ᓂᔾ ᓂ ᒋᔅᒐᔨᒪᐅᒡ᙮ ᒋᔾ ᐊᐅᒄ ᒐᔅᒐᔨᒥᑥᐤ᙮” ᓂᒋ ᐃᑎᒄ ᒪᒃ, “ᐊᐅᑯᓐᒡ ᐅᒡ ᑲ ᓴᐳᔅᑲᒡ ᑕᓐ ᑲ ᐃᓯ ᓂᓇᐧᑲᒋᐊᑭᓄᐎᒡ᙮ ᒋ ᒋᔅᑕᐸᐅᑕᐅᒡ ᐅᑦ ᐊᑯᐳᐛᐛ ᐊᓂᔭ ᒪᔭᑕᓂᓴ ᐅᒥᐧᑯᐃᒡ ᑭᔭ ᒂ ᐛᐸᐃᔨᒋ ᐊᓂᔭᔪᐛ ᐅᑦ ᐊᑯᐳᐛᐛ᙮