1 ᐱᑕᕐ 5:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᒪᒃ ᒋᔨᐛᐤ ᑲ ᐅᔅᒋᐱᒪᑎᓯᔭᒄ ᒋᐸ ᓂᓇᐃᑐᐛᐛᐅᒡ ᐊᓐᒡ ᑲ ᐎᒋᐃᐛᒡ ᐊ ᐱᒥᐱᔨᑕᑭᓄᐎᒡ ᐊᔭᒥᐊᐅᒋᐛᐱᔪᐤ᙮ ᒥᓯᐛ ᒪᒃ ᐊ ᑎᓯᔭᒄ, ᒋᐸ ᐊᑐᔅᑲᑐᓇᐛᐤ ᐊ ᑎᐱᑕᔨᒥᑎᓱᔭᒄ ᐛᔅ ᐃᑎᔅᑕᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒋᓴᒪᓂᑐᐤ ᓇᒪ ᓇᐃᐱᒪᐤ ᐊᓂᔭ ᒋᒋᐛ ᑲ ᐃᑕᔨᒥᓱᔨᒋ, ᐊᑯ ᐊᓂᔭ ᑲ ᑎᐱᑕᔨᒥᓱᔨᒋ ᒋᓴᐛᑐᑐᐛᐤ᙮

1 ᐱᑕᕐ 5:5 Iomraidhean Croise

ᑎᐱᑦ ᐅᓂᑭᒧᐅᓇ 132:16

ᑭᔭ ᐱᒪᒋᐃᐛᐅᓂᔪᐤ ᓂᑭ ᒋᔅᑭᒧᑎᔨᒪᐛ ᐅᐱᔅᑎᓂᒐᐅ-ᐃᔨᒪ: ᑭᔭ ᐅᐸᔭᒋᓯᒪ ᒋᑭ ᒋᔄᐛᔪᐛ ᐊᑕᑈᔨᒋ ᐊ ᒧᒋᒐᔨᑎᒥᔨᒋ᙮

ᑎᐱᑦ ᐅᓂᑭᒧᐅᓇ 132:9

ᐊᑯᔅ ᒋᐱᔅᑎᓂᒐᐅ-ᐃᔨᒥᒡ ᒋᑭ ᐎᔭᑎᒧᒡ ᑯᐃᔅᑯᑕᑎᓯᐅᓂᔪᐤ; ᑭᔭ ᒋᐸᔭᒋᓯᒥᒡ ᒋᑭ ᒋᔄᐛᐅᒡ ᐊᑕᑈᒡ ᐊ ᒧᒋᒐᔨᑕᒡ᙮”

ᑎᐱᑦ ᐅᓂᑭᒧᐅᓇ 138:6

ᐊᑎ ᐊ ᒋᔅᑎᓯᑦ ᑎᐸᔨᒋᒐᓱᐤ, ᐃᔭᐱᒡ ᐱᔅᒐᔨᒪᐤ ᑲ ᑎᐱᑕᔨᒥᓱᔨᒋ: ᒪᒃ ᐅᒋᔅᑕᔨᒧᐛ ᐛᔪᐤ ᐅᒋ ᒋᔅᒐᔨᒪᐤ᙮

ᓗᒃ 22:26

ᒋᔨᐛᐤ ᒪᒃ ᐊᓐᑕ ᐊ ᑎᓯᔭᒄ ᐃᔭᒡ ᐛᔅ ᒋᐸ ᐃᑕᔨᑕᑯᓯᓇᐛᐤ᙮ ᐊᐛᓐ ᐛ ᐃᔅᐸᔨᑕᑯᓯᒂ ᐊᓐᑕ ᐊ ᑎᓯᔭᒄ, ᐊᑯᔅ ᐊᓐ ᐊᐛᓐ ᓇᔅᒡ ᐊᑲ ᐅᒋᒪᐛᔨᑕᑯᓯᑦ ᒋᐸ ᐃᑕᐃᓱᐤ᙮ ᐊᑯ ᐊᓐ ᑕᓐ ᐛ ᓂᑲᓂᔅᑲᒐᒂ ᐊᑯᔅ ᒋᑭ ᐎ ᑯᐸᓇᐛᔨᑕᑯᐃᓱᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:10

ᓴᒋᐃᑐᒄ ᐛᔅ ᒥᓯᐛ ᒋ ᐎᐧᑲᓂᓯᓂᑐᓇᐛᐤ᙮ ᒋᔅᑕᔨᒥᑐᒄ ᒋᑕᐃᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᐃᐱᓯᔭᓇ 5:21

ᐱᔅᑕᔨᒥᑎᓱᔅᑕᑐᒄ ᙭ ᐊ ᒋᔅᑕᔨᒪᒄ ᐅᒡ᙮

ᐱᓕᐱᔭᓇ 2:3

ᓇᒪ ᒋᐸ ᐅᒋ ᐃᑐᑕᓐ ᒐᒂᓐ ᒥᒄ ᑭᔭ ᐊ ᒪᒥᑐᓇᔨᒥᓱᔨᓐ᙮ ᒪᒃ ᒥᒄ ᒐᒋ ᐅᒋ ᒪᒥᔽᒋᒥᑯᔨᓐ᙮ ᑎᐱᑕᔨᒥᓱᒄ, ᐊᔪᐛᒃ ᑯᑎᑭᒡ ᐊᐛᓐᒋ ᐊ ᐃᑕᔨᒪᑯᒡ᙮

ᑯᓚᓯᔭᓇ 3:12

ᒋᔨᐛᐤ ᒋᓴᒪᓂᑐᐤ ᑲ ᐅᑎᓂᑕᒄ ᑲ ᐸᔭᒋᓯᔨᒋ ᐅᑦ ᐃᔨᒪ ᑭᔭ ᑲ ᓴᒋᐊᑦ, ᒋᓴᐛᑎᓯᒄ, ᒋᔅᑎᒪᒐᔨᒪᐧᑯᒡ ᐊᐛᓐᒋ, ᑎᐱᑕᔨᒥᓱᒄ, ᔪᔅᐸᑎᓯᒄ ᑭᔭ ᓯᐱᔨᐛᓯᒄ᙮

1 ᑎᒧᑎ 5:1

ᐊᑲᐎᔾ ᒋᑕᐊᒧᐤ ᐊᐛᓐ ᑲ ᒋᓴᐃᔪᐅᑦ᙮ ᐊ ᐃᑕᔨᑕᑯᓂᒂ ᒪᒃ ᒐᒋ ᒋᑕᐊᒧᐛᑭᓄᐅᑦ ᒐᒂᔪᐤ ᐃᔭᒂ ᐃᓯ ᐃᔨᒥᐃ ᒧᔭᒻ ᑕᓐ ᒋᐸ ᐃᑐᑐᐛᐤ ᑎᐱᔨᐛ ᒍᑕᐎᔾ᙮ ᐊᓐᒡ ᑲ ᐅᔅᒋᓂᒋᓱᐅᒡ ᒧᔭᒻ ᑎᐱᔨᐛ ᐊ ᐎᐧᑲᓂᓯᔨᓐ ᒋᐸ ᐃᑐᑐᐛᐅᒡ,

ᐃᑉᕈᐛ 13:17

ᓂᓇᐃᑐᐛᐧᑯᒡ ᐊᓐᒡ ᑲ ᓂᑲᓂᔅᑲᑕᑯᒡ ᐊᔭᒥᐊᐅᒋᐛᐱᒡ᙮ ᐛᔅ ᒋᐛᐎᒋᐃᑯᐛᐅᒡ ᒋᑕᑈᑎᒧᐅᓄᐛᒡ᙮ ᐊᐅᒄ ᐅᔭ ᐅᑦ ᐊᑐᔅᒐᐅᓄᐛᐤ᙮ ᐛᔅ ᒋᑭ ᓂᑐᐛᔨᑕᑯᓱᐅᒡ ᒐᒋ ᐎᑎᒧᐛᒡ ᒋᓴᒪᓂᑐᐛ ᑕᓐ ᑲ ᐃᑐᐛᒄ᙮ ᒋᑭ ᒥᔽᔨᑎᒧᒡ ᒪᒃ ᒐᒋ ᐃᑐᑕᒡ ᐅᔭ ᐅᑦ ᐊᑐᔅᒐᐅᓄᐛᐤ ᒧᔭᒻ ᒋᔨᐛᐤ ᓂᓇᐃᑐᐛᒂᐛ ᑭᔭ ᒋᔅᑕᔨᑎᒧᐛᒂ ᑕᓐ ᑲ ᐃᓯ ᒥᔭᑭᓄᐎᒡ ᒐᒋ ᓂᑲᓂᔅᑲᑕᑯᒡ᙮ ᐊᑲ ᒪᒃ ᐅ ᑎᔭᒂ ᒋᑭ ᒥᒐᔨᑎᒧᒡ ᑭᔭ ᓇᒪ ᒋᑭ ᒋ ᒥᔪ ᐎᒋᐃᑯᐛᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:6

ᒥᒄ ᒪᒃ ᒋᓴᒪᓂᑐᐤ ᐊᑐᐎᔅ ᒥᔅᑎ ᒥᔭᐤ ᓱᐛᔨᒋᒐᐅᓂᔪᐤ ᐊᓂᔭ ᐊᐛᔪᐛ ᐎᔾ ᐊ ᑕᑦ ᑲ ᐃᓯ ᐱᒪᑎᓯᔨᒋ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᓂᔅᑯᔅᑐᐛᐤ ᐊᓂᔭᔪᐛ ᑲ ᒋᔅᑕᔨᒥᓱᔨᒋ ᒥᒄ ᒪᒃ ᓱᐛᔨᒋᒐᐅᓂᔪᐤ ᒥᔭᐤ ᐊᓂᔭ ᑲ ᑎᐱᑕᔨᒥᓱᔨᒋ᙮

1 ᐱᑕᕐ 3:8

ᐅ ᒪᒃ ᒥᓯᐛ ᑲ ᐃᓯ ᐊᔨᒧᑎᒪᑎᑯᒡ ᒥᓯᐛ ᐊ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮

1 ᐱᑕᕐ 4:1

᙭ ᒪᒃ ᐊᒋ ᐛᐎᓯᒐᔨᑕᐧᒃ ᐎᔭᓱᐅᓂᒡ ᒪᒂᒡ ᐅᑕ ᐊᔅᒋᒡ ᑲ ᐱᒪᑎᓯᑦ ᑭᔭ ᒋᔨᐛᐤ ᐊᑯᓐ ᒋᐸ ᐃᓯ ᒪᒥᑐᓇᔨᑎᒥᐃᑯᓇᐛᐤ ᒐᒋ ᐃᓯ ᐊᔭᔅᑯᐎᔅᑎᒪᒄ, ᐛᔅ ᐊᓐ ᐊᐛᓐ ᑲ ᐛᐎᓯᒐᔨᑎᒥᐊᑭᓄᐅᑦ ᐎᔭᓱᐅᓂᒡ ᐳᓂᑕᐤ ᒥᒐᑎᓯᐅᓂᔪᐤ᙮

1 ᐱᑕᕐ 4:5

ᐸᐃᒂᐤ ᒪᒃ ᐊ ᒋᓯᑲᔨᒡ ᒋᑭ ᐅᑎᔅᑯᑲᐳᔅᑐᐛᐅᒡ ᒋᓴᒪᓂᑐᐛ ᐊ ᐎᑕᒡ ᑕᓐ ᑲ ᐃᓯ ᐸᒋ ᐱᒪᑎᓯᒡ᙮ ᐊᐅᒄ ᐛᔅ ᐅ ᒋᓴᒪᓂᑐᐤ ᒐ ᑎᐸᔅᑯᓇᑦ ᒥᓯᐛ ᐊᓂᔭ ᑲ ᓂᐱᔨᒋ ᑭᔭ ᐊᓂᔭ ᐸᒪᑎᓯᔨᒋ᙮