1 ᐱᑕᕐ 5:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᑕᐤ ᐸᐃᒄ ᓂᐧᑲᓂᔅ ᐊ ᑕᑈᐅᒐᔨᑕᑯᓯᑦ ᐊ ᐃᑕᔨᒥᒃ᙮ ᓴᓂᔅ ᐃᓯᓂᐧᑲᓱᐤ᙮ ᐊᐅᒄ ᐅ ᑲ ᐎᒋᐃᑦ ᐅᔭ ᐊᐱᓯᔅ ᐊ ᒥᓯᓇᐊᒪᑎᑯᒡ᙮ ᐅ ᒪᒃ ᑲ ᒥᓯᓇᐊᒪᑎᑯᒡ ᒋ ᐎ ᓯᒋᒥᑎᓇᐛᐤ ᒐᒋ ᐊᔨᒋᑲᐳᐅᔭᒄ ᑭᔭ ᒋ ᐎ ᒐᔅᑎᓇᑕᔨᑎᒥᐃᑎᓇᐛᐤ ᐊᔪᐅᒄ ᐅᔭ ᑕᑈ ᒋᓴᒪᓂᑐᐤ ᐅᓱᐛᔨᒋᒐᐅᓐ ᑲ ᐊᔨᒧᑎᒪᑕᒡ᙮ ᐊᑯᑕ ᒪᒃ ᐊᓐᑕ ᐅᓱᐛᔨᒋᒐᐅᓂᒡ ᐃᔅ ᐊᔨᒋᑲᐳᐅᐛᒄ᙮

1 ᐱᑕᕐ 5:12 Iomraidhean Croise

ᒠᓐ 21:21

ᐃᔅᐱ ᐎᔭᐱᒪᑦ ᐱᑕᕐ ᐅᔭ ᓇᐸᐛ ᒋ ᑯᒂᒋᒪᐤ ᒋᓴᓴ, “ᐅᑎᐸᔨᒋᒐᐤ, ᐅ ᒪᒃ ᐎᔾ ᓇᐸᐤ ?”

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 15:22

ᐊᑯ ᐊᓐᒡ ᐊᑈᔅᑕᓇᒡ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐅᒪᒧᐊᔭᒥᐊᐛ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋ ᓇᐊᔨᑎᒥᐃᑯᐅᒡ ᑕᓐ ᑲ ᐃᔅᒋᔄᔨᒋ ᒋᒥᓴ ᐊᑯ ᒂ ᐎᔭᔨᒪᒡ ᓂᓱ ᓇᐸᐛ ᒐᒋ ᐎᒐᐛᔨᒋ ᑈᓚ ᑭᔭ ᐸᕐᓇᐸᓴ ᐊ ᓂᑐᐛᐱᒪᔨᒋ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᐊᓐᑎᔭᑭᒡ ᑲ ᑕᔨᒡ᙮ ᐊᐅᒄ ᒪᒃ ᐅᒡ ᐊᓐᑕ ᑲ ᐃᑎᓴᐛᑭᓄᐎᒡ, ᒍᑎᔅ, ᐊᓐ ᐸᕐᓴᐸᔅ ᑭᔭ ᑲᒋ ᐃᓯᓂᐧᑲᑕᑭᓄᐅᑦ, ᑭᔭ ᓴᓂᔅ᙮ ᒋ ᐎᒋᐃᐛᐅᒡ ᐊ ᓂᑲᓂᔅᑯᐛᑭᓄᔨᒋ ᐎᐧᑲᓂᓯᒪᐛ ᐅᒡ ᓇᐸᐅᒡ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:2

᙭ ᔅᒋ ᐃᑐᑎᒪᑯᓄᐤ ᒧᔅ ᐊᑯ ᒐᒋ ᒋᔅᒐᔨᑎᒪᐧᒄ ᒋᓴᒪᓂᑐᐤ ᐅᓱᐛᔨᒋᒐᐅᓐ ᒋᐱᒪᑎᓯᐅᓇᒡ᙮ ᐊᑯ ᒪᒃ ᒪᔽᔨᑎᒪᐧᒄ ᐊ ᒐᔅᑎᓇᑕᔨᑎᒪᐧᒄ ᐊᔅᒄ ᓇᔅᒡ ᒐ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ᙮

1 ᑯᕆᓐᑎᔭᓇ 15:1

ᐊᑯ ᒪᒃ ᐛ ᒋᔅᒋᓱᒥᑎᑯᒡ, ᓂᐧᑲᓂᓯᑐᒄ, ᐊᓐ ᒥᔽᒋᒧᐅᓐ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ, ᔅᒋ ᑕᑈᑕᓇᐛᐤ ᑭᔭ ᔅᒋ ᐅᑎᓇᓇᐛᐤ ᑕᓐ ᑲ ᐃᓯ ᐎᑎᒪᓐ᙮ ᐊᐅᒄ ᒥᔽᒋᒧᐅᓐ ᐊᔨᒋᑲᐳᐃᑯᔭᒄ᙮

2 ᑯᕆᓐᑎᔭᓇ 1:19

ᐛᔅ ᒋᓴᔅ ᙭ ᒋᓴᒪᓂᑐᐤ ᐅᑯᓴ ᐊᓐ ᑲ ᐊᔨᒧᑎᒪᑕᒡ, ᓂᔭᓐ ᑭᑈ ᓴᓂᔅ, ᑎᒧᑎ ᑭᔭ ᓂᔾ, ᒐᔅᑎᓇᑕᔨᑕᑯᓱᐤ ᑕᓐ ᐊ ᐃᔅᒋᔄᑦ, ᓇᒪ ᓂᑕ ᑭᑭᒋᔭᐤ᙮ “ᓂᐦᐃ” ᐊ ᐃᔅᒋᔄᒋ, ᒐᔅᑎᓇᑕᔨᑕᑯᓂᔪᐤ ᐊᓂᔭ ᓂᐦᐃ ᐊ ᐃᔅᒋᔄᑦ᙮

2 ᑯᕆᓐᑎᔭᓇ 1:24

ᓇᒪᐎᔾ ᑭᑈ ᐎ ᒋ ᐎ ᐛᐎᓱᐛᑎᑎᓇᓐ ᒐᒋ ᐎᑎᒪᑕᒡ ᒐᒂᓐ ᒋᐸ ᑕᑈᑕᓇᐛᐤ ᐛᔅ ᒋ ᐊᔨᒋᑲᐳᓇᐛᐤ ᑕᑈᑎᒧᐅᓂᒡ ᐃᔅ᙮ ᐃᔭᐱᒡ ᐛᔅ ᐊᓐ ᒋ ᐎᒋ ᐊᑐᔅᒐᒥᑎᓇᓐ ᒋᔨᐛᐤ ᒐᒋ ᐅᒋ ᒥᔽᔨᑎᒪᒄ᙮

ᐃᐱᓯᔭᓇ 3:3

ᓂᒋ ᒥᔨᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒧᒡ ᐊᓂᔭ ᑲ ᐃᓯ ᐎᔭᔨᑎᒧᑯᐱᓇ ᒐ ᐃᑎᑦ ᐊᑲ ᐊᐛᔪᐛ ᐅᒋ ᒋᔅᒐᔨᑎᒥᔨᒋ᙮ ᐊᐱᓯᔅ ᓂᑦ ᐊᔨᒧᑕᓐ ᐅ ᐅᑕ ᐅ ᑲ ᒥᓯᓇᐊᒪᑎᑯᒡ᙮

ᐃᐱᓯᔭᓇ 6:21

ᑕᐃᑭᑲᔅ ᒋᑭ ᑎᑯᓯᓄᐤ ᓇᑕ ᐊ ᑕᐛᒄ ᒐᒋ ᐎᑎᒪᑕᒄ ᑕᓐ ᐊ ᐃᑐᒡ ᑭᔭ ᑕᓐ ᐊ ᐃᔅᐱᔪᒡ᙮ ᐊᐅᒄ ᐅ ᑲ ᓴᒋᐃᒃ ᒋᐧᑲᓂᓴᓄᐤ ᑭᔭ ᑯᐃᔅᒄ ᑲ ᐃᓯ ᐊᑐᔅᒐᑦ ᐅᑎᐸᔨᒋᒐᐛ ᐊ ᐊᑐᔅᑯᐛᑦ᙮

ᑯᓚᓯᔭᓇ 1:7

ᐊᐸᑉᕋᔅ ᒪᒃ ᑲ ᐃᓯᓂᐧᑲᓱᑦ ᓂᐎᒐᐛᑭᓇᓐ ᐊᐅᒄ ᑲ ᒋᔅᒐᔨᑎᒥᐃᑕᒄ ᒋᓴᒪᓂᑐᐛ ᐅᒋᓴᐛᑎᓯᐅᓂᔪᐤ ᑲ ᐛᐎᑎᒪᑕᒄ ᒥᔽᒋᒧᐅᓂᔪᐤ᙮ ᓇᔅᒡ ᑕᑈ ᓂᓴᒋᐎᒐᐛᓇᓐ ᐊ ᐎᒋ ᐊᑐᔅᒐᒥᒋᒡ ᐅ ᐊᐸᑉᕋᔅ᙮ ᒧᔅ ᑯᐃᔅᒄ ᐃᓯ ᐊᑐᔅᑯᐛᐤ ᙭ᑕ ᑭᔭ ᐎᔾ᙮ ᓇᔅᒡ ᑕᑈ ᓂ ᒥᔪ ᐎᒋᐃᑯᓇᓐ ᑕᓐ ᐊ ᐃᓯ ᐊᑐᔅᑯᐛᑦ ᙭ᑕ᙮

ᑯᓚᓯᔭᓇ 4:7

ᒋᐧᑲᓂᓯᓄᐤ ᑕᐃᑭᑲᔅ ᓇᔅᒡ ᑲ ᓴᒋᒋᒡ ᑭᔭ ᒧᔅ ᑯᐃᔅᒄ ᑲ ᐃᑎᑦ ᐊᔭᒥᐊᐤ ᐊᐱᒋᐊᑭᓐ ᓂ ᐎᒋ ᐊᑐᔅᒐᒥᑯᓇᓐ ᐊ ᐊᑐᔅᒐᔅᑐᐅᒥᒋᒋ ᐅᑎᐸᔨᒋᒐᐛ᙮ ᐎᔾ ᒋᑭ ᑎᐸᒋᒧᔅᑕᑯᐛᐤ ᑕᓐ ᐊ ᐃᑐᐅᒋᒡ᙮

ᑯᓚᓯᔭᓇ 4:9

ᐅᓂᓯᒪᔅ ᑲ ᐃᓯᓂᐧᑲᓱᔨᒋ ᒋᑭ ᐎᒐᐅᑯᐤ᙮ ᐊᐅᒄ ᒋᐧᑲᓂᓯᓄᐤ ᑯᐃᔅᒄ ᑲ ᐃᑎᑦ ᑭᔭ ᑲ ᓴᒋᐃᔨᒋᒡ ᐊᓐᑕ ᐊ ᑕᐛᒄ ᑲ ᐅᒋᑦ᙮ ᒥᓯᐛ ᒋᑭ ᐎᑎᒪᑯᐛᐅᒡ ᑕᓐ ᐊ ᐃᑎᓇᓄᐎᒡ ᐅᑕ᙮

1 ᑕᓴᓗᓂᔭᓇ 1:1

ᓂᔭᓐ ᑈᓪ, ᓴᓂᔅ, ᑭᔭ ᑎᒧᑎ, ᒋ ᒥᓯᓇᐊᒪᑎᓇᓐ ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑕᓴᓗᓇᐃᑲ ᐊ ᑕᔭᒄ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑲ ᑎᐱᔨᐛᐅᓯᑐᑕᑕᒄ᙮ ᒋᑦ ᐊᔭᒥᐊᔅᑎᒪᑎᓇᓐ ᒋᓴᒪᓂᑐᐤ ᒐᒋ ᒋᒋᐛ ᒥᔪᑐᑕᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮

2 ᑕᓴᓗᓂᔭᓇ 1:1

ᓂᔭᓐ ᑈᓪ, ᓴᓂᔅ, ᑭᔭ ᑎᒧᑎ, ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑕᓴᓗᓇᐃᑲ ᐊ ᑕᔭᒄ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑲ ᑎᐱᔨᐛᐅᓯᑐᑕᑕᒄ ᒋ ᒥᓯᓇᐊᒪᑎᓇᓐ᙮

ᐃᑉᕈᐛ 13:22

ᓂᐧᑲᓂᓯᑐᒄ, ᒋ ᒥᓯᓇᐊᒪᑎᓇᐛᐤ ᐅ᙮ ᓇᒪ ᒥᒄ ᓇᔅᒡ ᒋᓏᐤ᙮ ᔅᒋ ᒥᓯᓇᐊᒪᑎᓇᐛᐤ ᒐᒋ ᒥᔽᔨᒧᐃᑎᑯᒡ ᑕᑈᑎᒧᐅᓂᒡ ᐃᔅ᙮ ᐊᑯ ᒪᒃ ᒋ ᓯᒋᒥᑎᓇᐛᐤ ᓱᒃ ᒐᒋ ᓂᓇᐃᑎᒪᒄ ᑕᓐ ᑲ ᐃᑎᑎᑯᒡ᙮

1 ᐱᑕᕐ 1:13

ᓱᒃ ᒪᒃ ᒧᔅ ᐎ ᐊᔭᔅᑯᐛᔨᑎᒧᒄ ᑕᓐ ᒥᒄ ᒐ ᐊᑎ ᐃᔅᐱᔨᒂ ᒐᒂᓐ ᑭᔭ ᓱᒃ ᓂᓇᑭᑐᐛᔨᒥᓱᒄ ᑕᓐ ᐊ ᐃᑎᔭᒄ᙮ ᓇᔅᒡ ᐊᔅᐸᔨᒧᑐᑎᒧᒄ ᐊᓐ ᒋᓴᐛᑎᓯᐅᓐ ᒐ ᒥᔨᑯᐅᔭᒄ ᐃᔅᐱᔅ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 4:10

ᒥᓯᐛ ᐸᐸᐃᒄ ᐊᐛᓐ ᑎᑯᓂᔪᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᐅᒄ ᒪᒃ ᐅᔭ ᑭᔅᒋᐅᓂᔪᐤ ᒋᐸ ᐊᐱᒋᑕᐤ ᐊ ᐛᐎᒋᐊᑦ ᑯᑎᑲ ᐊᐛᔪᐛ, ᐊ ᐊᓱᐤ ᒥᔭᑦ ᐊᐛᔪᐛ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮

2 ᐱᑕᕐ 1:12

ᐊᐅᒄ ᐛᔅ ᑭᑈ ᑭᔭ ᐅ ᒐ ᐅᒋ ᒧᔅ ᐎ ᒋᔅᒋᓱᒥᑎᑯᒡ ᐅᔭ ᒐᒂᔪᐛ ᐊᑎ ᓴᔅ ᐊ ᒋᔅᒐᔨᑎᒪᒄ ᑭᔭ ᓴᔅ ᐊ ᒐᔅᑎᓇᑕᔨᑎᒥᐃᑯᔭᒄ ᑕᓐ ᐊ ᐃᓯ ᑕᑈᑎᒪᒄ ᐊᓄᒡ᙮

2 ᐱᑕᕐ 2:15

ᓴᔅ ᒋ ᓂᑭᑎᒧᒡ ᑯᐃᔅᒄ ᐊ ᐃᓯ ᐱᒧᑕᓄᐎᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋ ᐱᔅᒐᑕᐅᒡ ᒐᒋ ᓄᔅᐱᓇᑎᒧᐛᒡ ᑕᓐ ᑲ ᐃᓯ ᐱᒧᑕᔨᒋ ᐸᓚᒪ, ᐱᐅᕐ ᐅᑯᓯᓯᔪᐛ᙮ ᐅ ᐸᓚᒻ ᑲ ᐃᓯᓂᐧᑲᓱᑦ ᒋ ᐃᑕᔨᑎᒥᐃᑯᐤ ᒐᒂᔪᐤ ᒐᒋ ᐅᑎᓂᒪᓱᑦ ᐅᓂᑐᐅᓂᒡ ᐅᒡ᙮

3 ᒠᓐ 1:12

ᐊᓐ ᓇᐸᐤ ᑎᒥᑦᕆᔭᔅ ᑲ ᐃᓯᓂᐧᑲᓱᑦ ᒥᓯᐛ ᐊᐛᔪᐛ ᒥᔽᒋᒥᑯᐤ᙮ ᓄᑯᓂᔪᐤ ᑕᑈ ᑕᑈᐅᓂᒡ ᐊ ᐃᓯ ᐱᒪᑎᓯᑦ᙮ ᑭᔭ ᓂᔾ ᓂ ᒥᔽᒋᒪᐤ᙮ ᒋ ᒋᔅᒐᔨᑕᓇᐛᐤ ᒪᒃ ᐊ ᑕᑈᒥᑲᒡ ᑕᓐ ᐊ ᐃᔅᒋᔄᔭᓐ᙮

ᒍᑦ 1:3

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᓇᔅᒡ ᐊᒋ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ᒋᔅᒐᔨᑎᒪᐧᒄ᙮ ᒐᒃ ᓂᒋ ᐃᑕᔨᑕᓐ ᑕᑈ ᐊ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ᒥᔭᑭᓄᐎᒡ ᒐ ᐃᓯ ᑕᑈᑕᒡ ᑲ ᑕᑈᑕᒡ᙮